ހުޅުމާލޭގައި އަލަށް ބިނާކުރާ ހައުސިން ޔުނިޓްތައް: ދެ ވަނަ ފިޔަވައްސަށް އަމާޒުކޮށްގެން 15،000 ފްލެޓް އަޅަން ފަސް ކުންފުންޏާ މިހާރު ވަނީ ހަވާލުކޮށްފައި.
22 ޖުލައި 2016 - 14:44
53 comments
ހުޅުމާލޭގެ ދެ ވަނަ ފިޔަވައްސަށް އަމާޒުކުރާ 15،000 ފްލެޓް މި އަހަރު ތެރޭގައި އިމާރާތްކުރަން ފަށާނެ ކަމަށް ހައުސިން މިނިސްޓަރު މުހައްމަދު މުއިއްޒު މިދިޔަ ހަފުތާގައި ވިދާޅުވެއްޖެ އެވެ.
މިނިސްޓަރު "މިހާރު" އަށް ވިދާޅުވީ ހުޅުމާލޭގައި 15،000 ފްލެޓް އަޅަން ފަސް ކުންފުންޏަކާ އެކު ސޮއިކޮށްފައިވާ ކަމަށެވެ. އޭގެ ތެރޭގައި ހިމެނެނީ ޗައިނާގެ ދެ ކުންފުންޏާއި ކޮރެއާގެ ދެ ކުންފުނީގެ އިތުރުން ތުރުކީގެ ކުންފުންޏެކެވެ.
މުއިއްޒު ވިދާޅުވި ގޮތުގައި ފްލެޓް އެޅުމަށް ހުޅުވާލުމުން ވަރަށް ގިނަ ކުންފުނިތަކަކުން ޝައުގުވެރިކަން ފާޅުކުރި އެވެ. އެކަމަކު އެ ފަސް ކުންފުންޏާ ފްލެޓް އަޅަން ހަވާލުކުރީ ހުށަހެޅި ކަންކަމަށް ބަލައި ދެ އަހަރު ތެރޭގައި ނިންމަން ޝަރުތުކޮށެވެ.
"އިމާރާތް އަޅާ ގޮތް އަޅުގަނޑުމެން ކަނޑައެއް ނާޅަން، ކޮލިޓީ އަޅުގަނޑުމެން ކަނޑައަޅަނީ. ކިހާ ދުވަހަކަށްތޯ އެ ތަންތަން ބޭނުންކުރެވޭނީ،" މިނިސްޓަރު ވިދާޅުވި އެވެ.
ފްލެޓްތައް ވަރަށް އަވަހަށް އިމާރާތްކުރެވޭ ގޮތްގޮތް ހުންނަކަން ފާހަގަކުރައްވަމުން މިނިސްޓަރު ވިދާޅުވީ 15،000 ފްލެޓް އެޅުމަކީ އުނދަގޫ ކަމެއް ނޫން ކަން އިމާރާތްކުރުމުގެ ދާއިރާ ދަންނަ ކުންފުނިތަކަށް އެނގޭނެ ކަމަށެވެ. އެހެންކަމުން އެއީ ހާސިލްކުރެވޭނެ ކަމެއް ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމަދުގެ މީހާ
24 July 2016
އަހަންމަދު އާ އެއްބަސް! އަދި އެނގޭތަ. ކުޑަ ގޯއްޗެއް އޮވެފައި އެތާގަ ދިރިއުޅެވޭވަރު ކުރަން ގެގަނޑެއް އަޅަން ޕެންސަން ލާރި ރަހުނު ކުރެވޭތޯ ބެލީމާ ބުނީ ކީކޭ؟ ނޫނެކޯ، ޕެންސަން ލާރި ރަހުނު ކުރެވޭނީ ހަމައެކަނި ފުލެޓު ގަންނާށޯ. ރައީސް މީހާ ފުރަތަމަ އެވާހަކަ ދެއްކި ގޮތަކަށް ނޫން.
ދިގުދޫ
24 July 2016
ތިޔަަ މުއީޒުގެ މިނިސްޓަރ ކަމުގައި ޗައިނާ ސަރުކާރުން އަޅާފައި އެހެރަ ފްލެޓް ތަކުގެ ކޮލިޓީ ވަރަށް ރަނގަޅަށް ޗެކްކޮށްފައިވާކަން ދުނިޔެ ހެކިވާނެ. އެތަންތާގެ ޢުމުރ އެއީ ބަރާބަރު 10 އަހަރު. މިހާރު ވެސް އެއީ ރައްކާތެރިތަންތަނެއްނޫން. ޝީޓްތައްވަނީ މުޅިން ރެނދުލާފަ. ބަޔަކު މަރުނުވެއްޖެއްޔާ ކިތަންމެހާވެސް ރަނގަޅު.
--
23 July 2016
ފްލެޓް ހަދާވަރަކަށް ހަދާ.. އެކަމް ތިއިން ތަނަކަށް މީހަކު ނުއެއް ވައްދަ.. ތަނެއް ހެދިޔަސް މަހުޖަނުން ނަށް ހަދިޔާ ކޮށްފަ އޮންނަނީ.. ދެރަމީހާ ޖެހެނީ ހަަމަ ބަލަން އިންނަން.. ކޮބާ ފްލެޓް އެޅުމުގެ ބޭނުމެއް..
ކުމާރު
23 July 2016
އެއް މިލަޔަން ފުލެޓް އަޅާނަމޭ ވެސް ބުނެ ތިކަހަލަ ކިތަންމެ ދަޅައެއްވެސް ދެއްކިދާނެ، ތީ އެއްވެސް ދިރާސާއެއް ކޮށްފަ ބުނާ ވާހަކައެއްތަ.؟ ރަސްފަންނު ބީޗް ހެދިގޮތަށް ތިކަން ކުރާނަނަ ދުވަކުވެސް ނިމޭތަނެއް ނާންނާނެ.
އަބޭ
23 July 2016
ފަނަރަހާސް ފެށުމަކީ 15 ހާސްއެއްފަހަރާ ފެށުން. 10 ފުލެޓް ފަށާފައި މިއީ 15 ހާސް ފުލެޓުގެ މަޝްރޫޢެކޭ ބުންޏަސް އަދި ތެދަކަށް ނުވާނެ. ކުރަން ގަސްތުކުރާ އަދަދުނަމަ 15 ހާސް މާކުޑަ އަދަދެއް. ބޮޑުކޮށްލާ އެންމެނަށް ވާވަރަކަށް. ވީދުވަހަކުން ވާނެތާ
އަޙްމަދު
23 July 2016
ފްލެޓް އެޅޭނެ. ފްލެޓް އަޅާނެވެސް މެ. އެކަމު ފްލެޓް ތައް ދީކުރާނީ އެވެރިން ބޭނުން ބަޔަކަށް. ފްލެޓް ބޭނުމިއްޔާ ޕީ.ޕީ.އެމް ގެ ޖަލްސާ ތަކަށް ގޮސް އިސް ބޭފުޅުންނަށް ސަނާ ކިޔާނޭ ފުރުޞަޠު ހޯދާ. އަދި އިދިކޮޅު ފަރާތްތަކަށް މަލާމާތްކޮށް ޖޯކު ޖަހާ ވާހަކަ ދައްކާ. އޭރުން ތިކަން ޙާޞިލްވެ ދުނިޔެ ލިބޭނެ. ދެ ދުނިޔެ ބޭނުންކަމަށް ވާނަމަ ކެތްތެރިކަމާއިއެކު ހަނު ހުރެވޭތޯ ބަލާ. ﷲ ދެއްވަން ހުރި ނީޢުމަތެއް އެކަކަށްވެސް ނުހިފެހެއްޓޭނެ.
މުހައްމަދު
23 July 2016
އުމުރުދުވަހު ވަޒީފާ އަދާކޮށްގެން ލިބުނު ޕެންޝަނުގެ ފައިސާ ރައްކާކޮށްގެން ހުރީ އެ ފައިސާ ރަހުނުކޮށްގެން ފްލެޓެއް ގަނެވިދާނެ ކަމުގެ އުންމީދުގައެވެ. އެހެން ނަމަވެސް އުމުރުން ދުވަސްވެ ގައިބާރު ދެރަވެ ތަންމަތީގައި އޮށޯންނަންޖެހުނު ދުވަހު މި އެނގުނީ އުމުރުން 50 އަހަރާ 55 އަހަރާ ދެމެދުގެ މީހެއް ނަމަ ރަހުނު ކުރެވެނީ އޭގެ ދެބައިކުޅަ އެއްބައި ކަމަށެވެ. އަދި އެއަށްވުރެ މައްޗަށް އުމުރު ހިނގައްޖެނަމަ އެއްގޮތަކަށްވެސް ރަހުނު ކުރެވޭނެ ގޮތެއް ނެތްކަމެވެ. ހިތާމައިގެ ކޮޅެއް ނެތެވެ. ކިތަންމެ ފްލެޓެއް އެޅިޔަސް އަނެއްކާވެސް ޖެހިފައި މިއޮތީ ގޭގޭގައި ކުލީ ކޮޓަރީގައި އުޅެންޖެހިފައެވެ. އުފާވެރިކަން ހޯދައިދޭނަމޭ ބުނެ އެފައިސާ އެވަނީ ޕެންޝަން އޮފީހުން ހިފަހައްޓާފައެވެ. ކުލީ ކޮޓަރީގައި އުޅެގެން މަހަކު އެދޭ ފަސްހާހެއްހާ ރުފިޔާއިން އުފާވެރިކަން ލިބޭނެ ގޮތެއް މަގޭ ހިތަކަށް ނުފެނެއެވެ. އެ ބުނާ އުފާވެރިކަމަކީ މިކަންކަމާ ހިތް ހަލާކުވެގެން އައިޖީއެމްއެޗްގެ ކެތް ލެބް ނޫންބާވައޭ މިހާރު ހިތަށް އަރައެވެ. ކުރާނެ ކަމެއް ނެތެވެ. ކިތަންމެ ބައިވަރު ފްލެޓެއް އެޅިޔަސް އުމުރުދުވަހު ކުލީކޮޓަރީގައި ނިދައި އުޅުނު މި އުމުރުގެ މީހަކަށް ތިޔައިން ތަނަކުން ފްލެޓެއް ގަނެވޭނެ ގޮތެއް ނެތެވެ. އެޅިޔަސް ނޭޅިޔަސް އަހަރެމެން ކަހަލަ ދެރަ ފަގީރުންނަށް ވާނީ އެއްވަރެވެ. ދައުލަތުގެ ސިޔާސަތު މިއޮތްގޮތުން ނިކަމެތިންނަށް އޮތީ ހައްތާވެސް ނިކަމެތިކަމެވެ.
ރޮކް
23 July 2016
ކޮބާ ހޯދަން ބުނި ތެޔޮވަޅު، ކޮބާ އެއަރޕޯޓު، ކޮބާ ބެޔަސް ނުބެޔަސް ދޭން ބުނި ފައިސާ ކޮބާ އިންޓަނޭޝަނަލް ޓްރާންޝިޕްމަންޓް ބަނދަރު ކޮބާ އައިހެވަން.. ކަމެއް ނުވިއެއްނު....
ރާޅު
23 July 2016
ކިތަންމެ ގިނަ ފުލެޓެއް އެޅިއަސް ނަޝީދު ހޮވިއަސް އަހަރެން ތިމީހަކު ދެން ނުހޮވާނަމެވެ.
ރީތި ވާހަކަ
23 July 2016
ވާހަކަ ރީތި މޮޅު. އެކަމަކު އަޑު އިވިފައި ކުރެވެނީ ހިތާމަ. ވަނީ ދެރަ. ސިޔާސީ މީހުން ދޮގު ހަދާލެއް ގިނަކަމުން. ތެދުވެސް ހަދަނީ. ހެދީމާ އޮންނަނީ ދޮގަކަށްވެފާ. ތެދު ބުނަން ފަށަން ވެއްޖެ. އޭރުން ތެދުކޮށް އޮވެދާނެ.