މޯލްޑިވިއަން އައިޑޮލް ގަދަ 5: މި ފަހަރު ފަސް މީހުން ފިނާލޭގައި ވާދަ ކުރާނެ.
29 އެޕްރީލް 2018 - 11:08
12 comments
މޯލްޑިވިއަން އައިޑޮލް ސީޒަން ތިނެއްގެ ރޭގެ ޝޯ އަކީ ގަދަ ފަހެއްގެ ތެރެއިން ދެ ބައިވެރިން ވަކިކޮށް، ގަދަ ތިނެއް ހޮވަން އޮތް ރޭ ނަމަވެސް ފަސް ބައިވެރިން ވެސް މިވަގުތަށް ވަނީ ސަލާމަތްވެފަ އެވެ. ހުރިހާ ބައިވެރިން ވެސް ފިނާލޭގައި ވާދަކުރާ ގޮތަށް ނިންމައި އެކަން އިއުލާނުކުރުމާ އެކު ފޯރި ވަނީ ގަދަވެފަ އެވެ.
އާންމުންގެ 50 ޕަސެންޓާއި ހަތަރު ޖަޖުންގެ 50 ޕަސެންޓް މާކުހާ އެކު، އެންމެ ދަށްކޮށް ލިބިގެން ކަޓާނީ ކޮން ދެ ބައިވެރިންނެއްތޯ ބަލަން ތިއްބާ އެންމެން ފިނާލޭއަށް ދިއުމަކީ މޯލްޑިވިއަން އައިޑޮލްގައި އަލަށް ކުރި ކަމެކެވެ. މިހާރު ނިންމާފައި ވަނީ ރޭގެ ޝޯއަށް ޖަޖުން ދިން މާކުހާއި އާންމުންގެ އެސްއެމްއެސް ވޯޓު ވެސް ފިނާލޭގައި ގުނާ ގޮތަށެވެ.
އަންނަ މަހުގެ 11 ވަނަ ދުވަހުގެ ރޭ ބާއްވާ ގްރޭންޑް ފިނާލޭގައި ފަސް ބައިވެރިން ވާދަކުރާ ގޮތަށް ވުމުން މުބާރާތުގެ އެންމެ ފަހު ވަގުތު މި ވަނީ ފޯރި ގަދަވެފަ އެވެ. މިހާރު ބާކީ ތިބި ބައިވެރިން ކަމަށްވާ އައިޝަތު އަޒަލް، މަރިޔަމް މައިޝާ، އައިމިނަތު ސައިނާ، ތަސްލީމް އަބްދުލްކަރީމް އަދި ނައުޝާދު އަބްދުއްލަތީފަކީ ވެސް ހުނަރުން ފުރިގެންވާ ބައިވެރިން ކަމަށް ޖަޖުން އެއްބަސްވެ އެވެ. އެ ބައިވެރިންނާ އެކު ނަތީޖާ ފާޅު ކުރުން އޮންނާނީ މެއި 12 ގަ އެވެ.
ފިނާލޭގައި ވާދަ ކުރާނީ ގަދަ 5 ބައިވެރިން.
ގަދަ ފަސް ބައިވެރިންނަށް ބަލާ އިރު، ޖަޖުން ބުނެފައި ވަނީ މި ހިސާބުން ކަޓައިގެން ދާން ޖެހޭ ވަރުގެ ބައިވެރިއެއް ނެތް ކަމަށެވެ. އެހެންވެ ކޮންމެ ބައިވެރިއަކަށް ވެސް، ފިނާލޭ އިން ފުރުސަތު ލިބުން ހައްގު ކަމަށް ބުނެފައިވެ އެވެ.
ފިނާލޭގެ މެޖޯރިޓީ އޮތީ އަންހެން ބައިވެރިންނަށެވެ. ގިނަ ބަޔަކު ލަފާ ކުރާ ގޮތުގައި މޯލްޑިވިއަން އައިޑޮލް ސީޒަން ތިނެއް ވެގެން ދާނީ އަންހެން ބައިވެރިއަކު ތާރީހު އިޔާދަ ކުރާނެ ފަހަރަކަށެވެ.
މޯލްޑިވިއަން އައިޑޮލްގެ ފުރަތަމަ ސީޒަން ވެސް ކާމިޔާބު ކުރީ އަންހެނެކެވެ. އެއީ 2015 ގައި ލައިޝާ ޖުނައިދެވެ. ދެހާސް ސޯޅައިގައި ދެވަނަ ސީޒަން ކާމިޔާބު ކުރީ ތަސްނީމް (ބޮބް) އަހުމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮތި
30 April 2018
ޝާން ކަޓައިގެން ނުވާނެ, މިހާރު އަސްލު ޓޮޕް 3 ގަހުންނަން ޖެހޭނީ ރައިހާން , ޝާން , ޝަހުދާން ނޮޓް ފެއަރ
ޖިންބެ
30 April 2018
ހޫން އުނޫޝާ ދޭނީ ސައިނާއަށް
ޖަމީލުބެ
29 April 2018
ދިރާގަށް އެސް އެމް އެސް މެދުވެރިކޮށް ލިބުނު އާމްދަނީ މިފަހަރު ވަރަށް ދައް. އެހެންވެ އެންމެ ފަހު ވަގުތު ދެން އިތުރަށް އެތިކޮޅެއް ލިބެން އޮތީ މިހެން މިކަން ކޮށްގެން،
އަޒިއަމް
29 April 2018
މައިސެލްފް ސަސްޕިޝަސް. އުސޫލެއް އޮއްވާ، ކުރީރޭގެ ޕާރޕޯމަންސްގައި ވަކި 3 ކުއްޖަކު އަނެއް 2 ކުދިންނަށްވުރެ މާ ރަނގަޅަށް ޕަރފޯމް ކޮށްފަ އޮއްވާ މިހެންވީމާ، ގޯހެކޭ މިބުނަނީ. ވަކި ކުއްޖަކު ގެންދަން ޖެހި މަޅިއެއްކަމަށް ބެލެވެނީ!
މާސްޓަރ
29 April 2018
ޖަޖުންގެ މާރކްސް އިން އެއްވަނަ ލިބުނުކުއްޖާ ކަޓާގޮތަށް މެދުވެރިވީ. ދެންކިހިނެތް ކަޓުވާލާނީ. ދެން ބަލާމީހަކަށްވިއްޔާ އެގޭނެ އެއީ ކޮންކުއްޖެއްކަން. ތިކަން މިހާރުތިއޮތީ ނިމިފަ. ކަރުބުޑުން ދިވެހިއަކުރުކަން ނޭގޭގޮތައް އުނޫޝާގެ ލަވަކިޔޭކުއްޖަކަށް މިރާއްޖޭގަ ތިއެވޯޑުލިބޭނީ.
ތެދު
29 April 2018
މިހެން ހެދީމަ ކުރީ 2 ސީޒަނުގަ ޓޮޕް ތްރީ ހޮވަން ކަޓުވާލި ކުދިންނައް އެކުރެވުނީ ބޭއިންސާފު... މިސާލަކައް ފުރަތަމަ އައިޑަލްގަ ފާލިހު އަފި ޒަލީފް ކަޓުވާނުލާ ގްރޭނޑް ފިނާލޭއައް ގެންގޮސް އަލުން ލަވަކިޔާ އަލުން ވޯޓު ލުމުގެ ޗާންސްދިންނަމަ... އެމިހުންނައްވެސް 2 ވަނަ ޗާންސެއް ލިބޭނެ ޓައިޓަލް ގެންދަން....
އަހަންމާ.
01 May 2018
ވަރަށް ތެދު ވާހަކައެއް،ވ.ބޭއިންސާފު މިހާރު ހުރިހާ ކަމެއްވެސް އެބޭފުޅުން ކުރައްވާ ގޮތް.
ިސާބެ
29 April 2018
އަސްލުވީ އެއްޗަކީ ވަރަށް ނުފޫޒް ގަދަ އަންހެން ބައިވެރިއަކު އައިޑޮލް އިން ކަޓައިގެން ދިޔައީ..އެހެންވެ 5 މީހުންވެސް ފިނާލޭއަށް ފޮނުވާ ގޮތަށް ނިންމީ..ވ. ވެދުން.
ހުޔާ
29 April 2018
ސައިނާ އަށް ޓޮޕް 3 އަށް ދާން ބޭނުންވާވަަށް ވޯޓުނުލިބުނީމަ އެންމެން ގެންދާގޮތައް ހަމަޖެއްސީ ދޯ؟
އަހަންމާ.
01 May 2018
ހާދަ ހިތާމަވެރި ދުވަސް ތަކެކޭ މިފެންނަނީ....
ނާޝް
29 April 2018
ކަޓަން ނުޖެހޭ މީހަކު ކަޓާ ގޮތަށް ދިމާވީމަ ކުރިކަމަކާ މަށަށް ވައްތަރީ.
ގެދާނޯމޮސް
29 April 2018
ޖަޖުންގެ މާރކްސް އެއްވަރު ވިޔަސް އެސް އެމް އެސް އެއްވަރު ވާނެކަމަކަށް ޤަބޫލެއް ނުކުރަމެވެ. ދިރާގުން އެހާބޮޑު އިނާމެއް ދޭއިރު އެސް އެމް އެސް ލިބޭނެ ގޮތްވެސް ޖަޖުން ބަލަން ޖެހޭދޯއެވެ.