ފިނޭންސް މިނިސްޓަރު އަހުމަދު މުނައްވަރު އޭޑީބީގެ ރައީސް ޓަކެހީކޯ ނަކައޯ އާ މިއަދު ބައްދަލުކުރައްވަނީ. ފޮޓޯ: ފިނޭންސް މިނިސްޓްރީ
03 މެއި 2018 - 11:29
4 comments
ރާއްޖޭގެ ތަރައްގީގެ މަޝްރޫއުތަކަށް ކުޑަ އިންޓަރެސްޓް ރޭޓްގެ ލޯނު ހޯދަން ފިނޭންސް މިނިސްޓްރީން އޭޝިއަން ޑިވެލޮޕްމަންޓް ބޭންކް (އޭޑީބީ)އާއެކު މަޝްވަރާކޮށްފި އެވެ.
އޭޑީބީ ރައީސް ޓެކެހީކޯ ނަކައޯއާއެކު މަޝްވަރާކުރުން އޮތީ އޭޑީބީގެ 51 ވަނަ އަހަރީ ޖަލްސާގައި ބައިވެރިވެވަޑައިގަތުމަށް ފިލިޕިންސްގެ މެނީލާ އަށް ފިނޭންސް މިނިސްޓަރު އަހުމަދު މުނައްވަރު މިހާރު ކުރައްވަމުންގެންދަވާ ދަތުރުގަ އެވެ.
އޭޑީބީގެ ރައީސް ޓަކިހީކޯ ނަކައޯ އާއެކު ފިނޭންސް މިނިސްޓަރު އަހުމަދު މުނައްވަރު މިއަދު ބޭއްވި ބައްދަލުވުމަށްފަހު ހަނދާނީ ހަދިޔާއެއް ހަވާލުކުރައްވަނީ. ފޮޓޯ: ފިނޭންސް މިނިސްޓްރީ
އެ ބައްދަލުވުމަށް ފަހު ފިނޭންސް މިނިސްޓްރީން ބުނެފައި ވަނީ އޭޑީބީއާ އެކު ކުރި މަޝްވަރާތަކުގައި ރާއްޖޭގައި ހިންގާ ތަރައްގީގެ މަޝްރޫއުތަކަށް ފައިނޭންސް ކޮށްދިނުމުގައި ކުޑަ އިންޓަރެސްޓް ރޭޓުގެ ލޯނު ހޯދުމާ ބެހޭ މަޝްވަރާ ހިމެނޭ ކަމަށެވެ. ނަމަވެސް އެ މަޝްވަރާތަކުގެ އިތުރު ތަފުސީލެއް އެ މިނިސްޓްރީން ނުދެ އެވެ.
އެ ބައްދަލުވުމަށް ފަހު އޭޑީބީގެ ނައިބު ރައީސް ވެންކައި ޒަން އާއި ޑިރެކްޓަރު ޖެނެރަލް ހުން ކިމް އާއެކު ވެސް މިނިސްޓަރު ބައްދަލުކުރެއްވި ކަމަށް މިނިސްޓްރީން ބުނެ އެވެ. އެ ބައްދަލުވުމުގައި ރާއްޖެ ފަދަ ކުދި ގައުމުތަކުގެ އިގްތިސާދު ކުރިއަރުވަން އިތުރު ފަންޑު ދެއްވާނެ ކަމަށް ވެސް އެ ބޭފުޅުން ވިދާޅުވި ކަމަށް ފިނޭންސް މިނިސްޓްރީން ބުންޏެވެ.
އޭޑީބީގެ ނައިބު ރައީސް ވެންކައި ޒަންކް އާއެކު ފިނޭންސް މިނިސްޓަރު އަހުމަދު މުނައްވަރު މިއަދު ބޭއްވި ބައްދަލުވުމަށްފަހު ހަނދާނީ ހަދިޔާއެއް ހަވާލުކުރައްވަނީ. ފޮޓޯ: ފިނޭންސް މިނިސްޓްރީ
އޭޑީބީއަކީ ރާއްޖޭގައި ހިންގާ ތަރައްގީގެ އެކި އެކި މަޝްރޫއުތަކަށް ވަރަށް ގިނަ އަދަދެއްގެ ހިލޭ އެހީ އާއި ކުޑަ އިންޓަރެސްޓެއްގައި ލޯނުތަކެއްދީފައިވާ ބޭންކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައުޝާދު މުހައްމަދު
03 May 2018
އަހަރެން މުނައްވަރަށް ދޭނެ ލަފައަކީ އޭޝިއާގެ ހުރިހައި ބެންކުތަކަށް ޒިޔާރަތްކުރުމަށް، އަދި ޔޫރަޕިއަން ބެންކުތަކަށާއި، ތަރައްޤީވެފައިވާ ހުރިހައި ގައުމުތަކުގެ ބެންކުތަކަށް ޒިޔާރަތްކޮށް ރާއްޖެއާއި ދޭތެރޭގައި އެމީހުންދެކޭ ގޮތް ބަދަލުކޮށް ހާލަތު އޮތްގޮތް ހޯދުމުގެ ބޭނުމުގައި މިކަން ކުރުން މުހިންމު، ހަމައެކަނި ސަރުކާރަށް ލޯނު ލިބުނީމަ ނިމުނީއެއްނޫން، ރާއްޖޭގެ ތަރައްޤީއަކީ ހަމައެކަނި ބަނދަރު ހެދުމެއްނޫން، ރާއްޖޭގެ ތަރައްޤީއަކީ އަމިއްލަ މީހުން ކުރާ ވިޔަފާރިތަކަށްވެސް ފަސޭހައިން ލޯނުލިބޭނެގޮތް ހެދުން، މުނައްވަރަށް އެނގޭތޯ ފިނޭންސް މިނިސްޓަރުގެ ރޯލަކީ ހަމައެކަނީ ދައުލަތަށް ފައިސާހޯދުމެއްނޫން، ގައުމުގެ ޕްރައިވަޓް ސެކްޓަރަށްވެސް ކުޑަ އިންޓަރަސްޓެއްގައި ލޯނު ލިބޭނެގޮތް މަގުފަހިކޮށްދޭންޖެހޭ
އުނބުށެން
03 May 2018
ގިނަވެގެން ލޯނު ނެގޭނެ މިންގަނޑެއް ކަނޑަނޭޅިއްޖެނަމަ މުސްތަގްބަލުގައި ވެރިކަން ކުރާ ބަޔަކު ޖެހޭނީ ދައުލަތަށް ލިބޭއެއްޗަކާއި ލޯނަށް ލިބޭ އެއްޗެއްވެސް ލޯނު އަދާކުރަން ދައްކާށެވެ. އޭރުން ރަށްފުށުގައި އުޅޭ އަހަރެމެންކަހަލަ ވާނުވާ ނޭނގޭ މީހުން ބުނާނީ އެންމެގިނައިން ލޯނު ނަގައިގެން އެންމެ ގިނަ ކަންތައް ކޮށްދިން މީހާއަށް ނޫނީ ރާއްޖޭގައި ވެރިކަންކުރަން ނޭނގުނު ކަމުގައެވެ. އެހެން މީހުންނަށްވެސް ރީތި ގޮތުގައި ވެރިކަން ކުރުމުގެ ފުރުޞަތު އޮންނަން ވާނެތާއެވެ.
ވަޓްޑޫޔޫ
03 May 2018
ތަރައްގީގެ މަޝްރޫއުތަކަށް ކުޑަ އިންޓަރެސްޓް ރޭޓްގެ ލޯނު ހޯދަން އޭޑީބީއާއެކު މަޝްވަރާކޮށްފި ނަމަ އެއީ މަމެން އުފާ ކުރާ ކަމެކޭ. އޭޑީބީ އަދި ޖޭބިކް އަދި އޯސީޑީއޭ އަދި ޗައިނާގެ ބޭންކްސް ތަކުން ލޯން ނެގުމުގައި ކުޑަ ވެސް ފަސް ޖެހުމެއް ހުރެގެން ނުވާނެއޭ ސަރުކާރުން އެކަމަކު އެލޯން ނަގައިގެން އެފައިސާ އިން ފުރަތަމަ ކުރަން ޖެހޭނީ މާލެ ސަރަހައްދު ތަރައްގީ ކުރުމުގެ މަސައްކަތޭ މިކަން ކަން ކުރާނެ ކަމަށޭ މަމެން އުއްމީދު ކުރަނީ. އޯއް އޯއް އޯއް ބެޓަރ މޭކް އަޕް ޔުއަރ މައިންޑް ވަޓް ޑޫ ޔޫ މީން.
މަގުފުޅާޓިނު
03 May 2018
އުފަލެއް ނުވޭ، ދަރާވިކި ބޯހިކެންނެތް، އެންމެ ފަހުން ވެރިކަމުން ފެއަށް ޖެހޭއިރުވެސް ރައްޔިތުންގެ ބޮލުގަ ސަލާމަތް ނުވެވޭވަރުގެ ބޮޑު ދަރަންޏެއް އެޅުވޭތޯ އެއުޅެނީ، ރ ޔާމީނަކީ އެއްވެސް މިންވަރަކަށް އިޚްލާތެރިކަމެއް ހުރި މީހެއްނަމަ ރައްޔިތުންނަށް މިވަރުގެ ބޮޑު ދެރައެއް ނުދޭނެ.