މެލޭޝިއާގެ އާއްމު އިންތިޚާބު، ކުރީގެ ބޮޑު ވަޒީރު މަހާތިރު މުހައްމަދުގެ ކޯލިޝަނުން ކާމިޔާބުކޮށްފައިވާ ކަމަށް އިލެކްޝަންސް ކޮމިޝަނުން އިއުލާން ކުރުމާ ގުޅިގެން އެ ޕާޓީއަށް ތާއީދު ކުރާ ބައެއް ފަރާތްތަކުން އުފާ ފާޅުކުރަނީ.-- ފޮޓޯ: އޭއެފްޕީ
10 މެއި 2018 - 17:18
30 comments
މެލޭޝިޔާގެ އާއްމު އިންތިހާބު، އެ ގައުމުގެ ކުރީގެ ބޮޑުވަޒީރު މަހާތީރު މުހައްމަދުގެ ކޯލިޝަނަށް ކާމިޔާބުޗީ ގައުމު ބިނާކުރުމަށް އެމަނިކުފާނު ދެއްވާފައިވާ އަހައްމިއްޔަތުގެ ސަބަބުން ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.
މެލޭޝިއާގައި އިއްޔެ ބޭއްވި އާއްމު އިންތިހާބު ކާމިޔާބުކުރެއްވި މަހާތިރަށް މަރުހަބާ ދަންނަވައި ރައީސް ފޮނުއްވި މެސެޖުގައި ވިދާޅުވީ، މަހާތީރުގެ ކޯލިޝަނަށް ލިބުނު ކާމިޔާބީން އެ ގައުމު ތަރައްގީގެ އާ ހަރުފަތްތަކަށް ގެންދާނެކަމުގެ އިތުބާރާއި ޔަގީންކަން މެލޭޝިޔާގެ ރައްޔިތުންނަށް އޮތްކަން ހާމަވާ ކަމަށެވެ.
މެލޭޝިޔާއަކީ ރާއްޖެއާ އަބަދު ވެސް ގާތް ގުޅުމެއް އޮންނަ ގައުމެއް ކަމަށާއި ދެ ގައުމުގެ ރައްޔިތުންނަށް ފައިދާ ހުރި ގޮތަށް އެއްބާރުލުން ދެމުން އަންނަ ކަމަށް ވެސް ރައީސްގެ މެސެޖުގައި ވެ އެވެ. އަދި ކުރިއަށް އޮތް ތަނުގައި ގުޅުން އިތުރަށް ބަދަހިވެގެންދާނެ ކަމަށް ވެސް އެމަނިކުފާނު ވިދާޅުވި އެވެ.
"ޑޮކްޓަރު މަހާތީރަށް ލިބިވަޑައިގެންނެވި ކާމިޔާބީ އަކީ، އެމަނިކުފާނުގެ ހިންގެވުންތެރިކަމާއި ގައުމު ބިނާކުރެއްވުމަށް ދެއްވާފައިވާ އަހައްމިއްޔަތުގެ ސަބަަބުން، ކުރިއަށް އޮތް ތަނުގައި ވެސް އެމަނިކުފާނު އެގައުމު ތަރައްގީގެ އާ ހަރުފަތްތަކަށް ގެންދަވާނެކަމުގެ އިތުބާރާއި ޔަގީންކަން މެލޭޝިޔާގެ ރައްޔިތުންނަށް އޮތްކަން ހާމަވެގެންދާ ކަމެއް،" ރައީސް ފޮނުއްވި މެސެޖުގައި ވެ އެވެ.
މަހާތީރުގެ ކާމިޔާބީއަށް ސަރުކާރާއި އިދިކޮޅު ފަރާތްތަކުން ވެސް އަންނަނީ މަރުހަބާ ކިޔަމުންނެވެ. އެ ގައުމުގެ ރައްޔިތުން ކޮރަޕްޝަނާ ދެކޮޅަށް ވޯޓު ދިނުމަކީ އުފާވެރި ހަބަރެއް ކަމަށާއި މެލޭޝިޔާއިން ތަރައްގީ ބޭނުންވާކަން އެނގިގެން ހިނގައްޖެ ކަމަށް، ވެރިކަންކުރާ ޕީޕީއެމުން ވަނީ ބުނެފަ އެވެ.
އިދިކޮޅު ފަރާތްތަކުން ބުނީ، ކޮރަޕްޝަނާ ދެކޮޅަށް އެ ގައުމުގެ ރައްޔިތުން ނޫނެކޭ ބުނި ގޮތަށް، މި އަހަރު ރާއްޖޭގައި ބާއްވާ ރިޔާސީ އިންތިހާބުގައި ރައީސް ޔާމީންގެ ސަރުކާރުގެ ކޮރަޕްޝަނާ ދެކޮޅަށް ދިވެހިން ވެެސް ނޫނެކޭ ބުނާނެ ކަމަށެވެ.
ބޮޑުވަޒީރު ނަޖީބު ރައްޒާގުގެ ކޮރަޕްޝަންގެ މައްސަލަތަކާ ހެދި، އިދިކޮޅު ކޯލިޝަނަކާ އެކު ނުކުމެވަޑައިގަތް މަހާތީރުގެ ޕަކަރަން ހަރަޕަން ކޯލިޝަނުން ވަނީ ޕާލަމެންޓުގެ 222 ގޮނޑީގެ ތެރެއިން 113 ގޮނޑި ކާމިޔާބުކޮށް އަޣުލަބިއްޔަތު ހޯދައިފަ އެވެ. ނަޖީބު ރައްޒާގުގެ ބީއެން އަށް ލިބިފައި ވަނީ 76 ގޮނޑި އެވެ. މިއީ މެލޭޝިއާ އަށް މިނިވަންކަން ލިބުނީއްސުރެ ވެރިކަންކުރަމުން އަންނަ ޕާޓީ އަށް ނާކާމިޔާބީއާ ކުރިމަތިވި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލުހާލަތު
11 May 2018
ވައްކަން ނުކޮށް ދަރަނިވެރި ނުކޮށް ޤައުމު ބިނާކުރުން ދެއްތޯ؟ ތެދުފުޅެއް..މަނިކްފާނު އޭގެ އިދިކޮޅު ދެއްތޯ
މުހައްމަދު އަހްމަދު
11 May 2018
ތިޔަހެން އަމިއްލަނަފްސައް ދޮގު ހަދާލަ ހަދާލަ ހުންނާށެވެ. ކައުންސިލް އިންތިހާބުން 70% އިން ބަލިވީމަވެސް ބުނީ ތިމާމެން މޮޅުވެއްޖެކަމައް ނިހާނު ޕޯޑިއަމްއައް އަރާ.
ނިއުމާ މޫސާ
11 May 2018
މަހާތީރުގެ ކާމިޔާވަކީ މިހާރު ވެރިކަމުގައި ހުރި މީހާ ހިންގި ކޮރަޕްޝަން، ޖަރީމާތަށް، އެނޫން އެއްވެސްކަމެއްނޫން، ދެން މަހާތީރުގެ ކާމިޔާބަކީ އިދިކޮޅު ހުރިހައި މީހުން އެއްގަލަކަށް އަރައިގެން ހޯދި ކާމިޔާބު
ވަތަނީ ރައްޔިތު
11 May 2018
މަހާތިރު ކެމްޕެއިންކުރީ ތަރައްޤީގެ ވާހަކަދައްކައިގެނެއްނޫން. އެމަނިކުފާނު ކެމްޕެއިންކުރީ ނަޖީބުގެ ކޮރަޕްޝަން އާއި ފަސާދައާ ދެކޮޅަށް. ތަރައްޤީގެ ވާހަކަ ދައްކަން އުޅުނީ ނަޖީބު. ރއްޔިތުން އަޑުނޭހީ. ރައްޔިތުން ބޭނުންވީ ތާހިރު ދިރިއުޅުމެއް. މަހާތިރު ވައުދުކޮށްދިނީ ކޮރަޕްޝަން އަށް ފުރުސަތު ނުދޭނެކަމަށް.
އާތުވޯމު
11 May 2018
މަހާތީރަށް ކާމިޔާބުލިބޭގޮތްވެސް އެނގެނީ މީނައަށްތަ މިހާރު.
އަލީ!
11 May 2018
މިގައުމުގަ އޮންނަގޮތަކީ އިމާރާތެއް އެޅިޔަސް. އެތަށް މިލިޔަނެއް ބޮޑުންގެ ޖީބަށް! ރިސޯޓެއް ބިޑު ކުރިޔަސް އެތަށް މިލިޔަން ޑޮލަރެއް ބޮޑުންގެ ޖީބަށް..!!
ނަގިއްޔާ
11 May 2018
މަނިކުފާނަށް އަދިވެސް ނޭގެނީތަ. އެމީހުން ނޫނުކޭ ބުނީ ކޮރަޕްޝަނަށް. އެއިވީގޮތަކީ. މީރޮކެޓް ސައިންސެއްނުން.
ޢިބަ
11 May 2018
ތަފާތަކީ މަހާތީރު ވެރިކަމުގަ ތަރައްގީގެ މަސައްކަތްތައް އަމާޒުކުރެއްވީ ކަރަޕްޝަނާނުލާ ގައުމު ފަހުރުވާނެ ފަދަ ތަރައްގީ ގެނެސް ދޭން.ރައްޔިތުން ތަޖުރިބާކުރީ މިގަރުނުގެ ތަރައްގީ.ފައިސާހަރަދު ކުރީ ތަރައްގީ ގެންނަން.ދިވެހިދީބުގަ ތަރައްގީ ހިންގަނީ ނަމުގަ ފައިސާ ދިރުވާލާ ރައްޔިތުންގެ ހަޒާނާއިން ވަކިބަޔަކު މުއްސަނދި ވާން.ރައްޔިތުން ތަޅާ ހަފުސް ކޮށްފަ
ކޮރަޕްޓް
11 May 2018
ޜައީސް ކީއްވެތޯ ވިދާޅުނުވީ މިގޮތަށް. ކާމިޔާބުވީ ގައުމުބިނާ ކުރެއްވި ބޭފުޅާ، ފެއިލްވީ ކޮރަޕޮޝަނާއި ފަސާދައިން ފުރިފައިވާ ބޭފުޅާ. ކީއްވެގންތޯ މަނިކްފާން "ކޮރަޕްޝަން" މިބަސް އެހާ ބީރައްޓެހި ބަހަކަށް ހައްދަވއިގެން ތިއުޅުއްވަނީ (މިސުވާލު ކުރާ އިރު އަޅުގަނޑު މިހިރީ ފާޑަކަށް ހިނި އައިއްސަ :ޕ)
ވައްޑޭ
11 May 2018
ޔާމީނޫ .... މަހާތީރުގެ ޢުމުރުފުން 90 އަށްވުރެވެސް މައްޗަށް ދިޔުމުން ރައްޔަތުން ނިންމީ ކަރަޕްޝަނަކީ ވިހައެއްޗެއް އަދި ޙަރާމް އެއްޗެއް ކަން .. އެހެންވެ މުސްކުޅި ޢުމުރުފުޅުގައިވެސް ބޮޑުތަނުން ރައްޔަތުން މަހާތީރު ރައީސްކަމަށް ގެނައީ ... ޔާމީނަށްވެސް ދިވެހިން ނޫނެކޭ ބުނާނީ ހަމަ މެލޭޝިޔާއިން އިބުރަތް ލިބިގަންނަމުން ... ވީމާ އަދުލުވެރިކަމާ .. އިންސާފްވެރިކަމާއެކު ވޯޓް ފޮށިތައް ރައްޔަތުންނަށް ދެއްވާ .... އެއިރުން ބޮޑުތަނުން ޔާމީން ބަލިކުރާނީ ފިސާރި ކެރިގެން.