ހައި ކޯޓު: ކައިވެނީގެ ކުރިން ފިރިހެން މީހާގެ އެކައުންޓަށް އަންހެން މީހާ ޖަމާކުރި ފައިސާ އަނބުރާ ދައްކަން ޖެހޭނެ ކަމަށް ހައި ކޯޓުން ވަނީ ހުކުމް ކޮށްފައި ---މިހާރު ފޮޓޯ
17 މެއި 2018 - 12:19
19 comments
ކައިވެނީގެ ކުރިން، ފިރިހެން މީހާ އަށް އަންހެން މީހާ ދިން 50،000ރ. އަނބުރާ އަންހެން މީހާއަށް ދައްކަން ސިވިލް ކޯޓުން ކޮށްފައިވާ ހުކުމެއް ހައި ކޯޓުން ދަމަހައްޓައިފި އެވެ.
ދެ ދިވެއްސެއްގެ ދެމެދުގައި ޖެހުނު މި މައްސަލާގައި ދައުވާކޮށްފައި ވަނީ ކައިވެނި ރޫޅުނު ފަހުންނެވެ. އަންހެން މީހާގެ ފަރާތުން ފިރިހެން މީހާއާ ދެކޮޅަށް ދައުވާކުރީ ކައިވެނި ކުރުމުގެ ކުރިން ފިރިހެން މީހާގެ އެކައުންޓަށް އޭނާ ޖަމާކުރި 50،000ރ. އަނބުރާ ހޯދުމަށެވެ. އެ މައްސަލާގައި ސިވިލް ކޯޓުން 2016 ގައި ފިރިހެން މީހާއަށް އެންގީ އެ ފައިސާ އަނބުރާ ދެއްކުމަށެވެ.
އެ ހުކުމް ފިރިހެން މީހާގެ ފަރާތުން އިސްތިއުނާފް ކުރަމުން ބުނެފައިވަނީ އެ ފައިސާ ޖަމާކުރީ އަންހެން މީހާގެ އަމިއްލަ ބޭނުންތަކަށް ބައެއް ތަކެތި ގަންނަން ކަމަށާއި އެ ފައިސާ އޭނާ ޚަރަދުކުރީ އެކަމަށް ކަމަށެވެ. އަދި އެ ފައިސާ ޖަމާކުރީ އެ ދެ މީހުން ކައިވެނި ކުރުމުގެ ކުރިން ކަން ވެސް ފިރިހެން މީހާގެ ފަރާތުން ފާހަގަ ކޮށްފައިވެ އެވެ.
އެކަމަކު އެ މައްސަލަ ބެލުމަށް ފަހު މިދިޔަ ހޯމަ ދުވަހު ހައި ކޯޓުން ވެސް ވަނީ ދަށު ކޯޓުގެ ހުކުމަށް ތާއީދުކޮށްފަ އެވެ. ހައި ކޯޓުގެ ހުކުމުގައިވަނީ އެ ފައިސާ އެކައުންޓަށް ޖަމާވި ކަމަށް ފިރިހެން މީހާގެ ފަރާތުން އެއްބަސްވެފައިވާއިރު، އެ ފައިސާ ޚަރަދުކުރީ އަންހެން މީހާ ބޭނުންވި ތަކެތި ގަތުމަށްޓަކައި ކަމަށް ފިރިހެން މީހާ ބުނާ ބުނުން ސާބިތުކޮށް ދިނުމަކީ އޭނާގެ ފަރާތުން ކުރަންޖެހޭ ކަމެއް ކަމަށެވެ.
އެ ފައިސާ ޚަރަދުކުރީ އަންހެން މީހާ ބޭނުންވި ތަކެތި ގަތުމަށްޓަކައި ކަން ސާބިތު ކުރުމަށް ފިރިހެން މީހާގެ ފަރާތުން ދެ ހެއްކަކު ހުށަހެޅުމުން އެ މީހުންގެ ހެކިބަސް ދަށު ކޯޓުން ނަގާފައިވާ ކަމަށާއި އެކަމަކު އެ މީހުންގެ ބަހަށް ބަލާއިރު ވެސް، އެ ފައިސާއަކީ އަންހެން މީހާގެ ބޭނުންތަކަށް ތަކެތި ގަތުމަށް ޖަމާކުރި ފައިސާއެއް ކަން އެނގެން ނެތް ކަމަށް ހުކުމުގައިވެ އެވެ.
އެ މައްސަލަ ބެއްލެވި ފަނޑިޔާރު އަބްދުލްޣަނީ މުހައްމަދާއި ފަނޑިޔާރު ޝުއައިބު ހުސައިން ޒަކަރިއްޔާގެ އިތުރުން ފަނޑިޔާރު ހަސަން އަލީގެ އިއްތިފާގުން ނިންމާފައިވަނީ ދަށު ކޯޓުގެ ހުކުމަށް ބަދަލު ގެންނަންޖެހޭ ސަބަބެއް ނެތް ކަމަށެވެ.
މީގެކުރިން ދެ ދިވެއްސަކު ކައިވެނި ކޮށްގެން އުޅުނުއިރު އަންހެން މީހާ ލައްވައި، ފިރިހެން މީހާ ކުރުވި ޚަރަދު އަނބުރާ ދައްކަން ޖެހޭނެ ކަމަށް ކޯޓުން ހުކުމްކުރި އެވެ. އެ ހުކުމް ވެސް ހައި ކޯޓުން މިދިޔަ އަހަރު ވަނީ ދަމަހައްޓައިފަ އެވެ. އަދި ޖަރުމަނު އަންހެނަކާ ކައިވެނި ކުރާނެ ކަމަށް ބުނެ ދިވެއްސަކު އޭނާގެ އަތުން އަތުލި 170،000ރ. އަނބުރާ ދައްކަން ކުރި ހުކުމެއް ވެސް ހައި ކޯޓުން ދެމެހެއްޓި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަރީފު
18 May 2018
އަޅުގަނޑަށް ކުރެވުނު ކަމެއް. އެގޮތަށް އެކަންކުރެވުނީމަ ހިތާމަކޮށް މަޢާފަށް އެދެން. އަޅުގަނޑުގެ ދޮށީ އަތްބައްވެސް ނާންގާ ދެ އަތްބަށް އިނުމުގެ ކަންތައް ކުރިއަށް ގެންދިޔައީ. ހަގުއަންބަށް އިން ކަބުލޮކައިރީ ދޮށީއަނބި ޤަބޫލުކަންވެސް ބުނެ ދޮގުހެދުނު. ދެންއެއީ އަޅުގަނޑުގެ މާޒީ. އިތުރަށް މިފަދަކަމެއް ތަކުރާރުނުކުރާނަން.
ޝާރީފު
18 May 2018
އަޅުގަނޑު އެ ކަބުލޮއާ އިނީ ދެއަންބައް އިންނަން އެކަބުލޮވެސް ބޭނުންވީމައެވެ. ދެ އަންބައް މީހަކާ އިދެވެންއަންނަނީ ދެއަބިން ގެންގުޅެވޭނެ ފެންވަރު ހުރިކަން ކޯޓަށް ސާބިތުކޮށްދީފައެވެ. އެހެންވެ ބޭންކް ސްޓޭޓްމަންޓެއް ނަގަންވެގެން އެކައުންޓަށް ޖަމާކުރަން އެފައިސާ ނެގީމެވެ. ނަމަވެސް އެފައިސާ އަޅުގަޑަށް ބޭނުންކުރެވުނީ ދިރިއުޅުމަށް މަސައްކަތެއް ނުކުރާތީއެވެ.
މަރޭމިތުރާ
18 May 2018
ވަރިއަށް އެދުމީ ބޮޑުވެއްޖެ ކަމެއް!. ބަރި ބަރިއަށް ގިނަވެއްޖެ ކަމެއް! ފުރި ކަރުނުން ފޯވެއްޖެ ކަމެއް! ދަރިވަރުނަށް ދަސްވެއްޖެ ކަމެއް! ވަރި ރާއްޖޭގައި ގިނަވެއްޖެ ކަމެއް!
ހުސެން
18 May 2018
ހުރިހާ ކިޔުންތެރިންނަށް ސުވާލެއް ކޮށްލާނަން، ފިރިމީހާގެ ނުގަބޫލުގައި އާއިލީ އެއްވެސް ޒިންމާއެއް އަދާނުކޮށް ދަރި ނުބަލާ އަދި ފިރިމީހާގެ އެއްވެސް ހައްގެއް އަދާނުކޮށް ވަޒީފާއަށް ގޮސްގެން އަންހެންމީހާ ހޯދާލާރި ފިރިމީހާއަށް އޭނަގެ ހުއްދައަކާ ނުލައި ބޭނުން ކުރެވިދާނެތޯ ނުވަތަ ހުރިތަނަކުން ހުއްދަނުހޯދާ ނަގައިގެން ބޭނުން ކުރެވިދާނެތޯ؟
ހުސެން
18 May 2018
ކިތަންމެ ހުކުމެއް ކޯޓުތަކުން ކުރިޔަސް ސުވާލަކީ ތި ހުކުމްތައް އެބަ ތަންފީޒުވޭހޭ،
ބުކާކޭ ބަކުރު
18 May 2018
ރަންގަޅު ހުކުމެއް.
ޕޮގުބާ
17 May 2018
ވަރަށްރަގަޅު ނިންމުމެއް ސަބަބަކީ ފިރިހެންމީހާ ރަނޑުވީމަ އަންހެންމީހާއަތުން އެފައިސާ ނަގާނީ އަހެންމީހާޔަށްވެސް އޭނަ ބޭނުންވާއެއްޗެއް ގަނެވޭނެ އެއްޗެހި ގަންނާނެ މީހަކުނެތިގެންނެއްމިހާރަކު މީހަކު ނޫޅޭނެ ލާރިނެތިގެން އުޅޭނީ !!!!!!!!
ހައްޤުބަސް.
17 May 2018
ކޮން ރަނޑެއް ނުރަނޑެއް؟؟ ކަލޭ މެން ދޯ ގޮވަނީ އަންހެނުނއނާ ފިރިހެނުންނާ ހަމަހަމައޭ އަނެއް އެއްޗެކޭ.. އެކަމު މިހާރު މި އޮންނަނީ ހަމަހަމަ ނުވެ އަންހެން ކޮޅަށް ބުރަވެފަ ހުރިހާކަމެއްވެސް..އެ ގޮތަށް ބުރަވީމަ ހަމަހަމަވީކަމަށް މި ވަނީވެސް
އަބްދުއްލާ
17 May 2018
ކޯޓް ގެ ހުކުމް ވަރަށް ރަނގަޅު. އިނދެގެން އުޅުނަސް އިނުމުގެ ކުރިންވިޔަސް އަނބިމީހާއަތުން ފިރިމީހާ ފައިސާއެއް ނަގައިފިނަމަ އެފައިސާއެއް އަނބިމީހާއަށް އަބުރާދޭންޖެހޭނެ. އެފައިސާ އެއް ހަރަދު ކުރީ އަނބިމީހާގެ އަމިއްލަ ހަރަދުތަކަށް ކަމަށްވާއިރު އެއީ ފިރިމީހާ ފިރިއެއްގެ ހައިސިއްޔަތުން ފިރިމީހާ ކޮށްދޭންޖެހޭ ހަރަދު ތަކަކަށްވާނަމަވެސް އަނބިމީހާ އަތުން ފިރިމީހާ ނަގާ ފައިސާ އަބުރާދޭންޖެހޭނެ.
މަގޭ ނެއިބަރ
17 May 2018
މިފައިސާގެ މުޢާމަލާތަކީ ވަރަށް ބޮޑު އޮޅުވާލުމެއްގެތެރެއިން ފިރިހެންމީހާކުރިކަމެއް. ދެ އަންބަތް ކައިވެނިކުރެވެން އަންނަނީ އެކައުންޓްގައި މަދުވެގެން ފަންސާސް ހާސް ހުރެގެންނޭބުނެ، ކައިވެންޏަށްފަހު އަނބުރާ އެފައިސާ އަންހެންމީހާގެ އެކައުންޓަށް ޖަމާކުރާނީއޭކިޔައިގެން، ކައިވެންޏަށް ބޭނުންވެފައިވާ އަންހެންމީހާލައްވާ ފިރިހެންމީހާ ކުރުވިކަމެއް. ކައިވެނީގެ ކަންތައް ނިމުމުން އެފައިސާގެ ވާހަކަ އަންހެންމީހާ އެހުމުން ފަހުން ޖަމާކުރާނީއޭ ކިޔާފަ ދަންމަމުންގޮސް ފަހުން އެނގުނުގޮތުގައި އެފިރިހެންމީހާގެ ބައެއް ދަރަނިތައް އެފައިސާއިން ނިންމާފަވަނީ. އެފިރިހެން މީހާގެ މަކަރުވެރިކަމާ އޮޅުވާލުން ބޮޑުކަމުން އެކައިވެނި ވަރަށް އަވަހަށް ރޫޅިއްޖެ.
ކަލާ 123
17 May 2018
ގިނަ ފަހަރަށް މިޒާތުގެ ކަންކަމުގައި އަންހެނުންގެ ހައްގުތައް އޮންނަނީ ނުލިބިފައި. ސިވިލް ކޯޓާއި ހައިކޯޓުން ދައްކުވައިދީފައި ވަނީ ރަނގޅު މިސާލެއް ކަމަށް ދެކެން!