އިދިކޮޅު ފަރާތްތަކުން މ. ކުނޫޒްގައި ބޭއްވި ޖަލްސާއެއްގައި ޑރ. މަޖީދު ވާހަކަ ދައްކަވަނީ: އޭނާގެ ހާލު ވަރަށް ސީރިއަސް.---ފައިލް ފޮޓޯ: ހުސެއިން ވަހީދު/މިހާރު
21 މެއި 2018 - 04:31
8 comments
އެމްޑީޕީގެ ސަރުކާރުގައި އިސްލާމިކް މިނިސްޓަރުކަން ކުރެއްވި ޑރ. އަބްދުލް މަޖީދު އަބްދުލްބާރީގެ ހާލު ދެރަވެ، ލަންކާ ހޮސްޕިޓަލްގެ އައިސީޔޫގައި އެޑްމިޓް ކުރި ޚަބަރު އެއްސެވީ ފުން ހިތާމައާ އެކު ކަމަށް ރައީސް އަބްދުﷲ ޔާމީން އިއްޔެ ވިދާޅުވެއްޖެ އެވެ.
ރައީސް އޮފީހުގެ ތަރުޖަމާން އިބްރާހިމް މުއާޒް އަލީ ކުރެއްވި ޓުވީޓެއްގައި ވިދާޅުވީ، އިދިކޮޅު ކޯލިޝަންގައި ހިމެނޭ އަދާލަތު ޕާޓީގެ އިލްމުވެރިންގެ މަޖިލީހުގެ ރައީސް ޑރ. މަޖީދަށް އަވަސް ޝިފާއަކަށް ރައީސް ޔާމީން އެދިވަޑައިގަންނަވާ ކަމަށެވެ.
"...މި ހިތާމަވެރި ވަގުތުގައި، ޑރ. މަޖީދުގެ އާއިލާ އަށް ކެތްތެރިކަން ދެއްވުން އެދި ﷲ އަށް ދުއާ ދަންނަވަން،" ރައީސް ޔާމީނާ ހަވާލާ ދެއްވައި ތަރުޖަމާން މުއާޒް ވިދާޅުވި އެވެ.
ދީނީ އިލްމުވެރިޔާ، އަދި ކުރީގެ ރައީސް މައުމޫން އަބްދުލްގައްޔޫމްގެ ސަރުކާރުގައި އުފެއްދި ކީރިތި ގުރުއާނާ ބެހޭ މަރުކަޒުގެ ރައީސްކަން ވެސް ކުރެއްވި ޑރ. މަޖީދަށް ސްޓްރޯކެއް ޖެހި ލަންކާ ހޮސްޕިޓަލްގެ އައިސީޔޫގައި މިދިޔަ ހުކުރު ދުވަހު އެޑްމިޓް ކުރީ، ބައްދަލުވުމަކަށް ލަންކާ އަށް ވަޑައިގެން އުޅުއްވަނިކޮށެވެ.
ލޭ މައްޗަށް ދިއުމުގެ މައްސަލަ ހުންނަ ޑރ. މަޖީދު މިވަގުތު އޮންނެވީ ވެންޓިލޭޓަރުގައި ކަމަށް ވާއިރު އޭނާގެ ހާލު ވަރަށް ސީރިއަސް ކަމަށް ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮކެޓްމޭން
21 May 2018
މުސްކުޅި ބޭބޭފުޅު ބަލިހާލުގައި އޮތް އިރުވެސް ތިފަދަ ސްޓޭޓްމަންޓެއް ނުނެރެ މިހާ ދުވަސްމިވީ. ވީމާ ތިބުނި އެއްޗެއްގެ އެއްވެސް އިހުލާސްތެރިކަމެއް ބަރުދަނެއް ހުރިކަމަކަށް މަމެން ނުދެކެން. ވަރަށް ސަލާން.
އިޙްސާންތެރިޔާ
21 May 2018
ސިޔާސީގޮތުން ދިމާ އިދިކޮޅަށް ދެމީހުން ދުވިޔަސް މިފަދަ ދަނޑިވަޅުތަކުގައި އެކަކު އަނެކަކަށް ހެޔޮދުޢާ ކުރުމަކީ ވަރަށް ވެސް އުފާ ކުރާ ކަމެއް. ރައީސް ޔާމީނަކަށް އަހަރެން ވޯޓެއް ނުދެން. އެކަމަކު ރައީސް ޔާމީނުއަށް ޝުކުރު އަދާ ކުރަން. ޑރ.މަޖީދުއަށް މާތްﷲ އަވަސް ޝިފާއެއް ދެއްވާށި. އާމީން...
އަލި ދީދީ (ހުޅުމީދޫ )
21 May 2018
އަސްލު ޕޮލިޓީޝަނުންގައިގަ ހުންނަންޖެހޭނީ މިގޮތް! ރައީސް ޔާމީންގެ ފަރާތުން މި ފެނުނީ ވަރަށް އަގުހުރި މިސާލެއް.
ވާހިދުބެ
21 May 2018
އަސްލުޕޮލިޓީޝަނެއްނަމަ ޑޮކްޓަރ މަޖީދު ހޮސްޕިޓަލް އެޑްމިޓް ކުރިވަގުތު އެބޭފުޅާގެ އާއިލާއަށް ގުޅުއްވާލެއްވީސް. މިހާފަހުންނެއްނޫން ދެއްތޮ.
އަސްފާގު
21 May 2018
މާތް ﷲ ޑރ.މަޖީދަށް އަވަސް ޝިފާއަކައް އެދި ﷲގެ ޚަޟުރަތުގައި ދުޢާ ދަންނަވަން
ފޮނިކަލޯ
21 May 2018
މާތް ﷲ ޑރ.މަޖީދަށް އަވަސް ޝިފާއަކައް އެދި ﷲގެ ޚަޟުރަތުގައި ދުޢާ ދަންނަވަން
އަހުމަދުބެ
21 May 2018
މިފަދަ ހިތާމަވެރި ކަމެއް މެދުވެރިވުމުން ކޮންމެ މީހަކުވެސް ޒާތީ ތައައްޞުބުން އެއްކިބާވެ ޚިޔާލުތަފާތުވުން އެއްފަރާތްކޮށް ހިތްހެޔޮކަމާއެކު ހެޔޮދުޢާކޮށްދިނުމަކީ އަޅުގަނޑުމެން ކޮންމެ މުސްލިމެއްގެ އަށަގަންނަންޖެހޭ ސިފައެއް. ސިޔާސީގޮތުން ކިތަންމެ ޚިޔާލުތަފާތުވިނަމަވެސް މިފަދަ ދަނޑިވަޅުތަކަކީ އެހުރިހާކަމެއް އެއްފަރާތްކޮށް ﷲއަށްޓަކައި ތިމާގެ އަޚާއަށް ހިތްސާފުކޮށް ހެޔޮދުޢާކޮށްދޭންވީ ވަގުތު....... ރައީސްގެ ފަރާތުން މި ފެނުނީ ވަރަށް އަގުހުރި މިސާލެއް. ކޮންމެ އިންސާނަކީ ވެސް މަރުގެ ރަހަ ދެކޭނެ މީހެއްކަން ހަނދުމަކުރަން ޖެހޭ. ޑރ. މަޖީދަށް އަވަސް ޝިފާއެއް މިންވަރު ކުރައްވާށި. އާމީން
ނަން
21 May 2018
ދިވެހި ރާއްޖޭގެ ފުރަތަ އިސްލާމިކް މިނިސްޓަރ ޑރ މަޖީދް އަށް އަވަސް ޝިފާއް ދެއްވާށިބ