ދިއްދޫ ކައުންސިލްގެ ރައީސް ހާޝިމް: އޭނާ ހައްޔަރުކުރީ ސައްހަ ނޫން ލިޔެކިޔުންތަކެއް ތައްޔާރުކުރި ކަމުގެ ތުހުމަތުގައި.--ޓްވިޓާ ފޮޓޯ
24 މެއި 2018 - 11:16
6 comments
ހއ. ދިއްދޫ ކައުންސިލްގެ ރައީސް އަލީ ހާޝިމްގެ އިތުރު ފަސް ދުވަހު ބަންދުގައި ބަހައްޓަން ކޯޓުން ނިންމައިފި އެވެ.
އެމްޑީޕީގެ މެންބަރެއް ކަމަށްވާ ހާޝިމް މިދިޔަ އަންގާރަ ދުވަހުގެ ރޭ ހައްޔަރުކުރީ ސައްހަ ނޫން ލިޔެކިޔުންތަކެއް ތައްޔާރުކުރި ކަމަށް ތުހުމަތުކުރެވޭ މައްސަލައަކާ ގުޅިގެންނެވެ.
ފުލުހުންގެ މީޑިއާ އޮފިޝަލަކު މިއަދު ވިދާޅުވީ އޭނާގެ ބަންދާ މެދު ގޮތެއް ނިންމުމަށް އެ އަތޮޅު ފިއްލަދޫ ކޯޓަށް ހާޒިރު ކުރުމުން، ފަސް ދުވަސް އިތުރު ކޮށްދީފައިވާ ކަމަށެވެ.
ހާޝިމް ހައްޔަރުކުރުމަށް ފަހު ފުލުހުން ވަނީ އޭނާ ދިރިއުޅޭ ގެ ވެސް ފާސްކޮށްފަ އެވެ. އަދި މިދިޔަ މަހު ދިއްދޫ ކައުންސިލްގެ އިދާރާ ވެސް ފާސްކޮށްފައި ވެ އެވެ.
ސިޔާސީ ބޭފުޅުންތަކެއް ހިމެނޭ ގޮތަށް ނުވަ މީހަކު މިނިވަން ކުރުމަށް މިދިޔަ ފެބްރުއަރީ 1 ވަނަ ދުވަހު ސުޕްރީމް ކޯޓުން ނެރުނު އަމުރު ތަންފީޒު ކުރުމަށް ގޮވާލި މައްސަލައިގައި ލޯކަލް ގަވަރްމެންޓް އޮތޯރިޓީން މީގެ ކުރިން ހާޝިމް އެއް މަސް ދުވަހަށް ސަސްޕެންޑްކުރި އެވެ. އަދި ދިއްދޫގައި އިމާރާތްކޮށްފައިވާ ރޯހައުސްތައް ލިބޭ މީހުންގެ ލިސްޓެއް ހައުސިން މިނިސްޓްރީން އިއުލާނުކޮށްފައި ވަނިކޮށް، އެ ލިސްޓާ ހިލާފަށް، އަލުން ލިސްޓެއް ތައްޔާރުކޮށް ނެރޭނެ ކަން ދޭހަވާ ފަދަ ގޮތަކަށް އާއްމުންނަށް ސިޓީ ފޮނުވި ކަމަށް ބުނެ ވެސް މިދިޔަ އަހަރުގެ ސެޕްޓެމްބަރު މަހު އޭނާ ސަސްޕެންޑްކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެތްތެރިވޭ ކައުންސިލްގެ ރައީސް
24 May 2018
ކައުންސިލްގެ ރައީސަކީ ރައްޔިތުންގެ ޙައްޤުގައި އިޚްލާޞްތެރިކަމާއެކު މަސައްކަތްކުރައްވާ ބޭފުޅެއް. ހއ.ދިއްދޫގެ ފުލެޓް ދިނުމުގައި ހައުސިންގ މިނިސްޓްރީން ޢަމަލުކުރީ ވަރަށް ބޭއިންސާފުން 40 ޕޮއިންޓުން ދަށުން ޕޮއިންޓް ލިބުނު ފަރާތްތަކަށް ފުލެޓްލިބޭއިރު 60 ޕޮއިންޓު ލިބުނު ފަރާތްތަކަށް ފުލެޓްލިބިފައެއްނުވޭ. މިކަން ހާމަވާނެ 1439 ވަނައަހަރު ފިތުރު ޢިދުދުވަހު ރަށުކައުންސިލްގެ އިދާރާއިން ފުލެޓަށް އެދުނު ހުރިހާ ފަރާތްތަކަށް ޕޮއިންޓް ދިނުމަށް ފަަހު ޕޮއިންޓް ލިބުނު ބައިތަކާ ލިބުން ޕޮއިންޓްތައް ޢާއްމުކުރައްވާފައިވާ ލިސްޓުން. ޕޮއިންޓް ދިނީ ކުރީދައުރުގެ ކައުންސިލުން، ހައުސިން މިނިސްޓްރީން ދިއްދޫ ފުލެޓަށް އެދުމަށް އިޢުލާނުކުރިއިރު ޕޮއިންޓް ލިބޭނެކަމަށް ކަނޑައަޅާފައިވާ އުޞޫލުން. މިހާރަނގަޅަށް ކައުންސިލުން މަސައްކަތްކޮށް ނިންމާ ޕޮއިންޓް ލިބުނުގޮތް ޢާއްމުކޮށްފައި ވަނިކޮށް އުޞޫލުތަކާ ޚިލާފަށް ހައުސިން މިނިސްޓްރީން ފުލެޓްތައް އެބެފުލުން ބޭނުންވާ ބަޔަކަށް ދިނުން އެއީ އިންސާފުތޯ؟މިކަން ހާމަކުރުން އެއީ ކުށެއްތޯ
ލިން
24 May 2018
އެހެންވެތާދޯ ހެދިފަ ހުންނަ އުސޫލުން ބޭރުން ޗުއްޓީ ދީ ރައްޔިތުންގެ ފައިސާ ތަޅާ ބުރުވަނީ؟ ޤާނޫނާ ހިލާފަށް ބޮޑެތި ފީތައް ރައްޔިތުން އަތުން ނެގުމަށް އުސޫލުހަދަނީ..
ހސަންބެ
24 May 2018
މިހާރު އަދިކިރިޔާ ރައީސުންގެ ދަރަޖަ ލިބިވަޑައިގަތީ. ރާއްޖޭގައި މިހާރު ފަޚުރުވެރި މަޤާމްތަކުގައި އުޅުއްވާ ބޭފުޅުންނަށް މިއީ އާކަމެއްނޫން.
ހަމަހަމަ ކަމާއި އިންސާފު
24 May 2018
އަނެއްކާ މިއީވެސް ރިޔާސީއިންތިހާބުގައި ވާދަކުރައްވާ ބޭފުޅެއްބާ؟
ފަގީރު ކޮއި
24 May 2018
ރަށްރަށައް ލޯންޗުގަ ތިކުރާ ދަތުރުތަކުގެ ބިލު ދައްކަނީ ކޮންބަޔެއްތޯ. ރައްޔިތުން އެމީހުންގެ ޓެކްސް ފައިސާއިންތޯ. ރަތްޔިތުން ތިހާ މުއްސިދިވީ ކޮން އިރަކު ތޯ ފުލުހުން ތިޖަހަާ ސަކަރާތައް ހަރަދުކުރަން. މިހާރުވެސް މި އުޅެނީ ފަނިގިޔަން ކަރަޔެއް ނުގަނެވިގެން. އެކަމު ޕޮލިހުން އެއައީ ފިއްލަދޫއަށް ގޮސް އެތައްހާސް ރުފިޔާއެއްގެ ޕެޓްރޯލް އަންދާފަ.
ސާދާސީދާ
24 May 2018
ތިޔައީ އަންނި މައްސަލަ ބެލުމަށް ހުޅުމާލޭ ކޯޓަށް ހުށަހެޅިހެން ވީކަމެއް. ދިއްދޫގައި އަތޮޅުގެ މެޖިސްޓްރޭޓް ކޯޓް ހުއްޓާ މަދު މީސްކޮޅެއް އުޅޭ ފިއްލަދޫއަށް ގެންދިޔައީ ކީއްކުރަންތޯ؟