ރައީސް ޔާމީން ވަޒީރުންގެ ބައްދަލުވުމެއްގައި: މިނިވަން ދުވަހުގެ ރަސްމިއްޔާތުގައި އެމަނިކުފާނު މިރޭ ގައުމާ މުހާތަބްކުރައްވާނެ.
25 ޖުލައި 2016 - 13:16
28 comments
މާދަމާ ފާހަގަކުރާ މި އަހަރުގެ މިނިވަން ދުވަހުގެ މުނާސަބަތުގައި ރައީސް އަބްދުﷲ ޔާމީން މިރޭ ގައުމާ މުހާތަބްކުރައްވާނެ ކަމަށް ރައީސް އޮފީހުން މިއަދު ބުނެފި އެވެ.
ރައީސް އޮފީހުގެ ތަރުޖަމާން އިބްރާހިމް މުއާޒް އަލީ ވިދާޅުވީ ރައީސް ގައުމާ މުހާތަބްކުރައްވާނީ ޖުމްހޫރީ މައިދާނުގައި މިރޭ 11:50 ގައި އޮންނަ ގައުމީ ދިދަ ނެގުމުގެ ރަސްމިއްޔާތަށް ފަހު ކަމަށެވެ. އެ ރަސްމިއްޔާތުގައި ދައުލަތުގެ އިސްވެރިން ބައިވެރިވެވަޑައިގަންނަވާނެ އެވެ.
މިނިވަން ދުވަހު ރައީސް ޔާމީންގެ ރަސްމީ ބައްދަލުކުރެއްވުން ބާއްވަން އޮތީ މާދަމާ ރޭ އިސްލާމީ މަރުކަޒު ސަރަހައްދުގަ އެވެ. މިފަހަރުގެ ބައްދަލުކުރެއްވުމަށް 4،000 މީހުންނަށް ދައުވަތު ދީފައިވެ އެވެ. މިއީ، މުއާޒް ވިދާޅުވި ގޮތުގައި، 2007 ވަނަ އަހަރަށް ފަހު އެންމެ ގިނަ މީހުންނަށް އެއް ފަހަރާ ރައީސް ދައުވަތު ދެއްވި ފަހަރެވެ.
މިނިވަން ދުވަހުގެ ރަސްމީ ހަރަކާތްތަކާ ގުޅޭގޮތުން މުއާޒް މިއަދު ނޫސްވެރިންނާ ވާހަކަ ދައްކަވަނީ. --ފޮޓޯ: މުހައްމަދު ޝަރުހާން
މިނިވަން ދުވަހުގެ ރަސްމިއްޔާތަށް ކުރީގެ ރައީސް މައުމޫން އަބްދުލް ގައްޔޫމާއި ކުރީގެ ރައީސް ޑރ. މުހައްމަދު ވަހީދަށް ވަނީ ދައުވަތު އަރުވައިފަ އެވެ.
މިފަހަރުގެ ރަސްމީ ޖަލްސާގައި އެއްވެސް ގައުމެއްގެ އިސްވެރިއަކު ބައިވެރިވެވަޑައެއް ނުގަންނަވަ އެވެ.
ޖަލްސާ ޝަރަފްވެރިކޮށްދޭން ޕާކިސްތާނުގެ ބޮޑުވަޒީރު ނަވާޒް ޝަރީފަށް ދައުވަތު އެރުވި ނަމަވެސް އެމަނިކުފާނު އާލާސްކަންފުޅާ އުޅުއްވާތީ ދަތުރުފުޅު ކެންސަލްކުރައްވާފައިވާ ކަމަށް މުއާޒް ވިދާޅުވި އެވެ.
އޭނާ ވިދާޅުވި ގޮތުގައި މިނިވަން ދުވަހުގެ ރަސްމީ ޖަލްސާގެ އިންތިޒާމްތައް މި އަހަރު ފުރިހަމަވާނެ އެވެ. އެކަމަށް ހާއްސަ ޓީމުތަކެއް އެކުލަވާލާފައިވާ ކަން ވެސް މުއާޒް ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނތ އަބުޅޮ
25 July 2016
މަމެން ބޮލަށް އުނދަގޫވަނީ ގައުމާ މުޚާތަބުކުރަނީއޭ ބުނީމަ... ސަލާމް
ނެޝަނަލިސްޓް
25 July 2016
ވަރިހަމަ!
މޮކޯ
25 July 2016
ދުވަހަކު މުހާތަބު ނުކުރިޔަސް ވަރިހަ
ހަމީހުން
25 July 2016
ކިޔާއެއްޗެއް ކިޔާފާނެނުން. އަޑުއަހާކަށް ބޭނުމެއްނޫން. ބިޑި އަޅުވާފަ ކަންފަތުގަ ލޯޑް ސްޕީކަރު ޖައްސާފަ އަޑު އިއްވިޔަސް އެއްކަންފަތުން ވައްދާފަ އަނެއްކަންފަތުން ބޭރުކޮއްލާނީ
ފާތުމާ
25 July 2016
ބެނުމެއް ނަޫން އަޑުއަހާކަށްވެސް ...ވަރައް ސަލާމް ސަރުކާރަށް
ނިހާން ހުސައިން މަނިކު
25 July 2016
މިރޭ އޮންނާނީ ބޭބެ ކުޑަކޮށްލުން.
ފިޔާތޮށި ރީދޫ އަސުރުމާ
25 July 2016
އަޑުއަހާކަށް ބޭނުމެއްނޫން
އ މ
25 July 2016
"ސަލާމަތު" ގެ ކޮމެންޓަށް ތާއީދު. މަވެސް ދުށީމު 3 ހާސް މީހުންގެ ކެއުމާއި، ޖީއެސްޓީއެއްގެ ވާހަކަ. ބާކީ 1 ހާސް ދަނީ ކައިގެން ތޯއްޗެ. ކޮންމެއަކަސް މިރޭގެވެސް ސްޕީޗުގެ މައިގަނޑު ބަސްކޮށާރުގައި ހިމެނޭނެކަމަށް ލަފާކުރެވެނީ: "މިރައީސް"، "ކުރެވޭނެ ކަމެއް ނެތް"، "ޤާނޫނުގެ ތެރޭން"، "ޒިންމާދާރު" ކޮންމެއަކަސް މައުމޫނު މިހާރު ޤައުމާ މުޚާޠަބު ކުރައްވައި މެސެޖު ދެއްވައިފި.
ޟމމ
25 July 2016
ކޯޗެކޭބާ ކިޔާނީ
އަލްޖިބްރާ
25 July 2016
މިރައީސް މީހާ ދިވެހިންނާ މުޚާތަބު ކޮށް ދައްކާނެ އިތުރު ވާހަކައެއް އެބަ ވޭބާވައެވެ؟ އަނެއްކާވެސް ދައްކަން އޮތީ ކޮންމެވެސް ކަމަކުން ރައްޔިތުންނަށް އިންޒާރު ދިނުމާއި ބިރުދެއްކުމެވެ.މިރޭ ހަމަގައިމުވެސް އަބުރާ ނުބެހެވޭނެ ގޮތް ހަދާފާ އޮންނާނެކަމަށް ބުނާނެއެވެ.އޭރުން މީނާއަށް ސަނާ ނުކިޔާ މީހުނަށް.......ދެވުނީއެވެ. ހަމަގައިމު އެވާހަކަ މިރޭ ގޮވާލާނެއެވެ.