އެސްޓީއޯ އިން ހޯލްސޭލްކޮށް އަލުވި ވިއްކުން ކޮންޓްރޯލްކޮށްފި

އެސްޓީއޯއިން ހިންގާ ސުޕަމާޓު: ރޯދައާ ދިމާކޮށް ގެނައި އަލުވީގެ ޑިމާންޑް ވަނީ ވަރަށް ބޮޑުވެފައި.

26 މެއި 2018 - 16:11

އެސްޓީއޯ އިން ރޯދައަށް ގެނައި އަލުވީގެ ޑިމާންޑް ބޮޑުވުމުން، ހޯލްސޭލްކޮށް ވިއްކުން ކޮންޓްރޯލްކޮށްފި އެވެ.

އެ ކުންފުނީގެ ސުޕަމާޓުގެ އިސް އޮފިޝަލަކު މިއަދު ވިދާޅުވީ އިންޑަސްޓްރިއަލް ވިލެޖުގައި ހަދާފައިވާ ހޯލްސޭލް ސެންޓަރުން ކޮންމެ ކަސްޓަމަރަކަށް ވެސް ވިއްކާނީ އެއް ބަސްތާ އަލުވި ކަމަށެވެ.

"އަޅުގަނޑުމެން ބަލްކްކޮށް ފިހާރަތަކަށް ވިއްކުން ހުއްޓާލީ. ނަމަވެސް ކޮންމެ ކަސްޓަމަރަކަށް ބަސްތާއެއް ލިބޭނެ،" އޭނާ ވިދާޅުވި އެވެ.

އެ އޮފިޝަލް ވިދާޅުވީ އިންޑަސްޓްރިއަލް ވިލެޖުގައި އަލުވި ބަސްތާ ވިއްކާއިރު ސުޕަމާޓުން ވަކިން ކިރައިގެން ވިއްކާނެ ކަމަށެވެ. އެ ކުންފުނިން އަލުވި ކިލޯއެއް 11ރ. އަށް ވިއްކާއިރު ބަސްތާއެއް ވިއްކަނީ 220ރ. އަށެވެ.

ބާޒާރުގައި އަލުވީގެ އަގު އުފުލުމުން އެސްޓީއޯ އިން ވަނީ މިދިޔަ ހަފުތާގައި ބޮޑު ޝިޕްމަންޓެއް ގެނެސްފަ އެވެ. އަދި ޝިޕްމަންޓުން ދިހަ ވަރަކަށް ދުވަހު ހިފަހައްޓާލެވޭނެ ކަމަށް ވެސް އެސްޓީއޯ އިން ބުނެފައިވެ އެވެ.

އެ ކުންފުނިން އަލުވި ބަސްތާއެއް 220ރ. އަށް ވިއްކާއިރު ބާޒާރުގައި އަލުވި ބަސްތާއެއް ވިއްކަނީ އެވްރެޖްކޮށް 250ރ. އަށެވެ.

އެސްޓީއޯ އެސްޓީއޯ ސުޕަމާޓް ރޯދަ މަސް 2018

3 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗާޗާ

28 May 2018

ތީ ހައްލެ ނޫނެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިކޮއި

26 May 2018

އެސްޓީއޯއިން ލިބޭ އެއްޗެއްނަމަ އަބަދުވެސް އޭއްޗެއް ލިބޭނެ. ބައެއް ފަހަރަށް ލިބުން މަދުވެދާނެ. މަދުންނަމަވެސް ނުލިބޭ އެއްޗެހިވެސް ހުރޭ، މިސާލަކަށް ކަސްޓަމްސް އޮފިސަރުންގެ ޕްރޮމޯޝަން، މިހާރު 6 އަހަރުވެއްޖެ ނުލިބޭތާ.