ޚަބަރު / އަލީ ވަހީދު، ކުރީގެ ޓޫރިޒަމް މިނިސްޓަރު

އަލީ ވަހީދު މިރޭ ޖުމްހޫރީ ޕާޓީއާ ގުޅިވަޑައިގަންނަވަނީ

މުއިއްޒު އިބްރާހިމް، މިހާރު

26 މެއި 2018 - 15:59

އެމްޑީޕީގެ ކުރީގެ ޗެއާޕާސަން އަލީ ވަހީދު މިރޭ ޖުމްހޫރީ ޕާޓީއާ ގުޅިވަޑައިގަތުމަށް ނިންމަވައިފި އެވެ.

އަމިއްލަ އަށް އަރުވާލެވިގެން އިނގިރޭސި ވިލާތުގައި ދިރިއުޅުއްވާ އަލީ ވަހީދު ޖުމްހޫރީ ޕާޓީ އަށް ސޮއި ކުރައްވަނީ މިރޭ ޖަރުމަނުވިލާތުގައި ބާއްވާ ޚާއްސަ ޖަލްސާއެއްގަ އެވެ. ރާއްޖެ ގަޑިން 9:30 ގައި ބާއްވާ ޖަލްސާ ވަގުތުން ދުރަށް ދައްކާނެ އެވެ.

އަލީ ވަހީދު މިއަދު ކުރެއްވި ޓްވީޓެއްގައި އޭނާ ވަނީ ކުރީގެ ރައީސް މުހައްމަދު ނަޝީދަށާއި އެމްޑީޕީގެ ލީޑާޝިޕަށް ޝުކުރު އަދާ ކުރައްވައިި، އެ ބޭފުޅުންނަށް ކާމިޔާބަށް އެދިވަޑައިގަންނަވާ ކަމަށް ވިދާޅުވެފަ އެވެ. އަދި އެ ބޭފުޅުންނާ "މިވަގުތު ވަކިވެލީ" ވިދާޅުވެ، ގާސިމްއާ އެކު ނަގާފައިވާ ފޮޓޯ އޭނާ ވަނީ އެ ޓްވީޓްގައި އާންމު ކުރައްވައިފަ އެވެ.

ޖުމްހޫރީ ޕާޓީ އަކީ އަލީ ވަހީދު ގުޅިވަޑައިގަންނަވާ ތިން ވަނަ ޕާޓީ އެވެ. ކުރީގެ ރައީސް މައުމޫން އަބްދުލްގައްޔޫމްއާ އެކު ޑީއާރުޕީގައި ވެސް އަލީ ވަހީދު އިސްކޮށް ހަރަކާތްތެރިވެވަޑައިގަތެވެ. އޭނާ ސިޔާސީ ދާއިރާ އަށް ނުކުމެވަޑައިގަތީ މައުމޫނާ އެކު ޑީއާރުޕީންނެވެ.

Loabivaa @MDPSecretariat ge hurihaa aamu membarunnah hithuge ikhlaastheri shukuru dhannavan. Partyge Raees @MohamedNasheed adhi PG Leader @ibusolih ah abadhuves kaamiyaabah edhen. Alhugandu mivaguthu vakivelee. Ehenas alhugandumenge hithaa hithuge gulhumeh nufoheveyne! VTV 930pm! pic.twitter.com/cICxkenHiq
— Ali Waheed (@ali20waheed) May 26, 2018

އަލީ ވަހީދުގެ ޓްވީޓް

މިރޭ ޖަރުމަނުގައި ބާއްވަނީ ވަރަށް ޚާއްސަ ޖަލްސާއެއް ކަމަށް ވިދާޅުވެ، ޖުމްހޫރީ ޕާޓީގެ ލީޑަރު ގާސިމް އިބްރާހިމް ކުރެއްވި ޓްވީޓްގައި ވެސް އޭނާ އާއި އަލީ ވަހީދާ އެކު ނަންގަވާފައިވާ ފޮޓޯއެއް ވަނީ އާންމު ކުރައްވައިފަ އެވެ.

ދާދި ފަހުން، ކުރީގެ ނައިބު ރައީސް މުހައްމަދު ޖަމީލް އަހުމަދާއި ކުރީގެ ޔޫތް މިނިސްޓަރު މުހައްމަދު މަލީހްގެ އިތުރުން ރައީސް އޮފީހުގެ ކުރީގެ މިނިސްޓަރު އަބްދުﷲ އަމީން ވެސް ވަނީ ޖަރުމަނުވިލާތުގައި ތިއްބަވައިގެން ޖުމްހޫރީ ޕާޓީއާ ގުޅިވަޑައިގެންފަ އެވެ. އަދި އިތުރު ބޭފުޅުންތަކެއް ވެސް ޖުމްހޫރީ ޕާޓީއާ ގުޅޭނެ ކަން އެ ޕާޓީން އޮތީ ހާމަކޮށްފަ އެވެ.

އެމްޑީޕީގެ ޗެއާޕާސަންގެ މަގާމުގައި ހުންނެވުމަށް ފަހު، އަލީ ވަހީދު އެ މަގާމުން އިސްތިއުފާ ދެއްވީ 2016 ގަ އެވެ. އޭނާ ވިދާޅުވެފައި ވަނީ ޕާޓީގެ ހަރަކާތްތަކުން ދުރުގައި ހުންނަވަން ޖެހިވަޑައިގަތުމުން އިސްތިއުފާ ދެއްވީ ކަމަށެވެ. އިނގިރޭސި ވިލާތަށް ދިރިއުޅުން ބަދަލުކުރެއްވީ، މެއި 1، 2015 ގައި އިދިކޮޅު ފަރާތްތަކުން ސަރުކާރާ ދެކޮޅަށް ކުރި މުޒާހަރާއާ ގުޅިގެން ޓެރަރިޒަމްގެ ދައުވާ އުފުލުމުންނެވެ.

މެމްބަރު ގާސިމް އިބްރާހިމް (މާމިގިލި) ޖުމްހޫރީ ޕާޓީ އަލީ ވަހީދު، ކުރީގެ ޓޫރިޒަމް މިނިސްޓަރު އިދިކޮޅު ފަރާތްތައް ޖަރުމަން

24 ކޮމެންޓް, 101 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ްސިޔާސީ މީހުން ކޮންބައެއްތަ؟

27 May 2018

މެޓާ ދެންޏާ ބޮޑުބޭބެ. ލޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޅުވެރިން

26 May 2018

ތިޔަހެން ގުޅޭ ގުޅުމަކުން ވާނެ އޮންނާނީ އެންމެ ކަމެއް! އެއީ ގުޅޭ މީހާގެ އެކައުންޓަށް މިލިއަނުން ފައިސާތަކެއް ޖަމާވުން! އެނޫން ކަމެއް ނުވާނެ! ޢަލީ ވަޙީދު ޕާޓީއަކަށް ސޮއިކުރުމަކީ އެއީ އައު ކަމެއް ނޫން! އަބަދުވެސް އެންމެ ބޮޑު އަގުދޭ ޕާޓީއަކަށް ގުޅޭ މީހެއް ތިޔައީ! ރާއްޖޭގެ ސިޔާސީ މަސްރަޙުގައި ޢަލީ ވަޙީދު ދައްކަންޖެހޭ އައު ވާހަކައެއް ނޯންނާނެ! އަދި ޢަލީ ވަޙީދު ދައްކާ ވާހަކައެއްގެ އަޑުއަހާނެ މީހަކުވެސް ނުހުންނާނެ! ސަބަބަކީ ފައިސާ ދިން ކޮންމެ މީހަކު ބޭނުން ކޮންމެ ވާހަކައެއް އޭނަގެ ދުލުން ދެއްކުވޭނެތީ! ސިޔާސީ ގޮތުން ތިމާގެ ހައިސިއްޔަތަކީ ކޮބައިކަން އޮންނާނީ 2014 ގެ މަޖްލިސް އިންތިޚާބުން ތޮއްޑޫ ދާއިރާގެ ރައްޔިތުން ދައްކައިދީފައި!