ކުޅުދުއްފުށީ އެއާޕޯޓް އަޅަން ހިއްކި ސަރަހައްދުގައި ހެދި ތޮށިގަނޑު ހަލާކުވެއްޖެ

ކުޅުދުއްފުށީ އެއާޕޯޓް އަޅަން ހިއްކި ސަރަހައްދުގެ ޝޯ ޕްރޮޓެކްޝަން ތޮށިގަނޑު ހަލާކުވެފައި.

29 މެއި 2018 - 14:10

ހދ. ކުޅުދުއްފުށީގައި އެއާޕޯޓް އަޅަން އެމްޓީސީސީ އަށް ހަވާލުކޮށްގެން ހިއްކި ބިމުގައި ބޮޑުހިލަ ޖަހައިގެން ހެދި ތޮށިގަނޑުން ބައެއް ހަލާކުވެއްޖެ އެވެ.

މީގެ ދުވަސްކޮޅެއް ކުރިން އެމްޓީސީސީން ނިންމާލި ޕްރޮޖެކްޓުގައި ހެދި ތޮށިގަނޑަށް ގެއްލުން ލިބުނީ މިދިޔަ ހުކުރު ދުވަހުގެ ރޭ މޫސުން ގޯސްވެ، ކަނޑު ގަދަވުމުންނެވެ. ބޮޑެތި ރާޅުތައް އެރުމުގެ ސަބަބުން ތޮށިގަނޑުގެ 25 ޕަސެންޓް ހަލާކުވެފައިވާ ކަމަށް ވަނީ އެނގިފަ އެވެ.

އެ ތޮށިގަނޑު ހަލާކުވީ، ޕްރޮޖެކްޓުގެ އީއައިއޭ ރިޕޯޓުގައި ބުނެފައިވާ ވަރަށް ވުރެ ކުދި ހިލަ ބޭނުން ކޮށްގެން ތޮށިގަނޑު ހެދުމުން ކަމަށް ސޯޝަލް މީޑިއާގައި ގިނަ ބަޔަކު ބުނަމުން ދިޔަ ނަމަވެސް އެއީ ތެދު ވާހަކައެއް ނޫން ކަމަށް، ނަން ނުޖަހާ ގޮތަށް ވާހަކަ ދެއްކި އެމްޓީސީސީގެ އޮފިޝަލަކު ވިދާޅުވި އެވެ.

ކުޅުދުއްފުށީ އެއާޕޯޓް އަޅަން ހިއްކި ސަރަހައްދުގެ ޝޯ ޕްރޮޓެކްޝަން ތޮށިގަނޑު ހަލާކުވެފައި.

އޭނާ ވިދާޅުވީ، ތޮށިގަނޑުގެ ބޮޑު ބައެއް ހަލާކުވީ ޑިޒައިންގެ މައްސަލައަކުން ކަމަށެވެ. އަދި ތޮށިގަނޑުން ހަލާކުވިބައި ހެދުމުގެ މަސައްކަތް ފަށަން ތައްޔާރުވަމުން އަންނަ ކަމަށް ވެސް އޮފިޝަލް ވިދާޅުވި އެވެ.

އެނގިފައިވާ ގޮތުގައި، އެމްޓީސީސީން ތޮށިގަނޑު ހެދީ ރީޖަނަލް އެއާޕޯޓްސް އިން ކޮށްފައިވާ ޑިޒައިނާ އެއްގޮތަށެވެ.

"އެ ޕްރޮޖެކްޓު ކޮންޓްރެކްޓަރުގެ ހައިސިއްޔަތުން އެމްޓީސީސީން ނުޖެހޭނެ އެ މަސައްކަތް (ތޮށިގަނޑު މަރާމާތު) ކުރާކަށް. ސަރުކާރުން ރިކުއެސްޓް ކުރީމަ އެކަން ކުންފުނިން ކޮށްދެނީ،" އެކަމާ ގުޅޭ މައުލޫމާތު އެނގޭ މީހަކު ކިޔައިދިނެވެ.

އޭނާ ބުނީ، އެ މަސައްކަތަށް އެމްޓީސީސީން ކުރަނީ ހިލޭ ކަމަށެވެ. އަދި އެކަމަށް ބޮޑު ޚަރަދެއް ހިނގާނެ ކަމަށާއި، ސީދާ ޚަރަދު އެނގޭނީ އެސެސްމަންޓް ނިމުމުން ކަމަށް ވެސް އޭނާ ބުންޏެވެ.

ހދ. ކުޅުދުއްފުށި ބިން ހިއްކުން އެމްޓީސީސީ ކުޅުދުއްފުށި އެއާޕޯޓް

15 ކޮމެންޓް, 72 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ވޭސްޓް ޑރ.

30 May 2018

ޑ‫ަބަލް ޚަރަދު މަތިމައްޗަށް ކުރަން ޖެހޭ ގޮތަށް ކަންކަން ކުރުމަކީ ކިހާ ދެރަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުޖާޢު

30 May 2018

ހުޅަނގު މޫސުމުގެ ގަދައިގައި ހަލާކިވެގެން ދާނެކަން ނުބަލައި އިރުވައި މޫސުމުގެ މަޑު ދުވަސްވަރު ހުޅަނގުފަރާތުގައި ތިރި ފާރުބުރި ރޭނީމާ ވާނީ މިހެން. ތިތަން ތިޔަ އޮތީ "މުއިއްޒުވެފަ"އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައީމްބެ

30 May 2018

އަދިވެސް ކުޅިތައް ހިއްކާ ގަސްތައް ކަނޑާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަކުޑި ހަމީދު

30 May 2018

25 ބުރީގެ އިމާރާތްތައް ވަކިވަކިން ބުރި ބުރި ނުވެއްޓިއްޖިޔާ ރަގަޅު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު މޫސާ

30 May 2018

އަނެއްކާވެސް ބޮޑު އަދަދަކުން އެމްޓީސީސީއަށް އެވޯޑެއްކޮށްލާ، އެއިރުން އަނެއްބައި ޖީބަށްލެވޭނެ އިންތިހަބުގައި ވޯޓްގަތުމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކުރު

30 May 2018

ކުޅުދުއްފުށި އެއާޕޯޓް އެޅުމަށް ނެގުނު ފަސް ނެގީ ކުޅުދުއްފުއްޓާއި ދާދި ކައިރި ސަރަހައްދަކުންކަމަށް ވީ ހިނދު، އެ ސަރަހައްދަކީ ދެ މޫސުމުގައިވެސް ބާރު އޮއިވަރު އަޅާ ސަރަހައްދަކަށްވީ ހިނދު، "އެތެރެވަރީގައި" ހުރި އެފަދަ ކުންޑުތައް ނަގައިގެން ފުރަތަމަ 2 އަހަރުން ނުވިކަމެއް، ބަޔަކުމީހުން އިންތިހާބަށް ކެމްޕޭނު ކުރަން ފުލައިޓުގައި އަންނާނަމޭ ކިޔާ، ފަޔަށް ހިނިއަރައިގެން މަށި ކުޅީގައި ހުރި މަށިތަކުގެ މައްޗަށް ވެލިއަޅާ ހެލުވުމުގައި އިޚްލާސްތެރިކަމެއް ނެތްކަން އެސަރަހައްދުން މިހާރު "ޔާނު ސުޕީޑުގައި" ގިރަމުންދާ ރަށްރަށުގެ މީހުން އަސަރާއެކު ކިޔާ އުޅެތެވެ!