މިއަހަރުގެ މިނިވަން ދުވަހުގެ މުނާސަބަތުގައި ޖުމްހޫރީ މައިދާނުގައި ބޭއްވުނު ދިދަ ނެގުމުގެ ރަސްމިއްޔާތުގައި ރައީސްގެ ދެކަނބަލުންނާއި ކުރީގެ ރައީސް ޑރ.މުހައްމަދު ވަހީދުގެ ދެކަނބަލުން. ރައީސް ޔާމީން ވަނީ ނުސީދާ ގޮތެއްގައި އިދިކޮޅު އިއްތިހާދަށް ފާޑު ވިދާޅުވެފަ. ---ފޮޓޯ: މުހައްމަދު ޝަރުހާން/މިހާރު
26 ޖުލައި 2016 - 10:40
29 comments
ރައީސް ޔާމީންގެ ސަރުކާރާ ދެކޮޅަށް އުފައްދާފައިވާ އިދިކޮޅު އިއްތިހާދަށް ނުސީދާ ގޮތެއްގައި އެމަނިކުފާނު ރޭ ވަރަށް ބޮޑަށް ފާޑު ވިދާޅުވެއްޖެ އެވެ.
ރާއްޖޭގެ 51 ވަނަ މިނިވަން ދުވަހުގެ މުނާސަބަތުގައި ޖުމްހޫރީ މައިދާނުގައި ބޭއްވި ދިދަ ނެގުމުގެ ރަސްމިއްޔާތުގައި ދިވެހި ގައުމާ މުހާތަބު ކުރައްވައި ވާހަކަފުޅު ދައްކަވަމުން ރައީސް ވިދާޅުވީ މިނިވަން އިސްލާމީ ގައުމެއްގެ ގޮތުގައި ރާއްޖެ އޮތުމުން އެކަމާ ހަސަދަވެރިވާ ބަޔަކު އެބަތިބި ކަމަށެވެ.
އެގޮތުން ކޮންމެ ދުވަހަކީ އިސްލާމް ދީން ނޫން އެހެން ދީންތަކަށް ޖާގަ ދޭން ސަރުކާރަށް ޕްރެޝަރު ކުރަމުން އަންނަ ދުވަހެއް ކަމަށް ރައީސް ޔާމީން ވިދާޅުވި އެވެ.
"ކޮންމެ ދުވަހަކީ އިސްލާމީ ޝަރީއަތް މި ގައުމުގައި ހިންގާތީ އާއި މަދަރުސާތަކުގައި ދީން ކިޔަވައިދޭތީ، ދިވެހީންނަށް ދަތި ކުރާނެކަމުގެ އިންޒާރުތައް އޮހެމުން އަންނަ ދުވަހެއް. ސުލްހަވެރިކަމާއި ރާއްޖޭގެ ރީތިކަމާއި، ކުރިއެރުން ނަގައިލުމަށް ގައުމުގެ މައްޗަށް ފާވެ، ހަސަދަވެރި ވެފައި ތިބި ހިޔާނާތްތެރީން އެބަތިބި." ރައީސް ވިދާޅުވި އެވެ.
ނޮވެމްބަރު 3، 1988 ގައި ރާއްޖެ އަށް ދިން އުދުވާނީ ހަމަލަ އިން މިސާލު ނަންގަވަމުން ރައީސް ވިދާޅުވީ "އަމިއްލަ އަށް އަރުވައިލެވިގެން ފަރަންޖީ ދައުލަތްތަކުގެ ހިމާޔަތް ހޯދައިގެން ދިވެހިންގެ ބަޔަކު" ރެޔާއި ދުވާލު ކުރަމުން ދަނީ ހަމަ އެ މަސައްކަތް ކަމަށެވެ.
ރައީސްގެ ވާހަކަފުޅުގައި އެ އިޝާރާތް ކުރެއްވީ އެމަނިކުފާނުގެ ވެރިކަން ނިމުމަކަށް ގެނެސް އިންތިގާލީ ސަރުކާރެއް ގާއިމު ކުރަން މަސައްކަތް ކުރަމުން އަންނަ އިދިކޮޅު އިއްތިހާދަށް ކަމަށް ބެލެވެ އެވެ. އިދިކޮޅު އިއްތިހާދުގެ އިސް ބައެއް ބޭފުޅުން ދިރިއުޅުއްވަމުން ގެންދަވަނީ އިނގިރޭސި ވިލާތުގަ އެވެ.
ރައީސް ވިދާޅުވި ގޮތުގައި ދިވެހިންގެ ބަޔަކު މަސައްކަތް ކުރަނީ ރާއްޖޭގެ ޓޫރިޒަމް ހުއްޓުވައި، ރާއްޖެ އަށް ލިބޭ އިންވެސްޓްމަންޓްތަކާއި މާލީ އެހީތެރިކަމަށް ހުރަސް އެޅުމަށެވެ.
ހަމައެއާއެކު ރައްޔިތުންގެ މައްޗަށް ދަތި ކުރުމުގެ ފިޔަވަޅު އަޅައި މިނިވަންކަމާ އަމިއްލަވަންތަކަމުގެ ތެރެ އަށް ބޭރުގެ ނުފޫޒުތައް ވެއްދުމަކީ އެ މީހުންގެ އަމާޒު ކަމަށް ވެސް އޭނާ ވިދާޅުވި އެވެ. އަދި އެ މީހުން ބޭނުންވަނީ އިސްލާމީ އުސޫލުތަކަށް އަމަލު ކުރުން ހުއްޓުވަން ކަމަށް ވެސް އެ މަނިކުފާނު ތުހުމަތު ކުރެއްވި އެވެ.
އިދިކޮޅު އިއްތިހާދުގެ އިސްވެރިންތަކެއް އިނގިރޭސި ވިލާތުގައި. އެ ގައުމުގައި ތިއްބެވި ބޭފުޅުންގެ ތެރޭގައި ރައީސް ނަޝީދާއި އެމްޑީޕީގެ ޗެއާޕާސަން އަލީ ވަހީދާއި ކުރީގެ ނައިބު ރައީސް މުހައްމަދު ޖަމީލް ހިމެނިވަޑައިގަންނަވާ.
އިދިކޮޅު އިއްތިހާދުގެ ލީޑަރެއްގެ ގޮތުގައި ހުންނެވީ ރައީސް ޔާމީންގެ ސަރުކާރުގެ ފުރަތަމަ ނައިބު ރައީސް ޑރ. މުހައްމަދު ޖަމީލެވެ. އޭގެ އިތުރުން އެ އިއްތިހާދުގައި އިސްކޮށް ތިއްބަވަނީ 13 އަހަރުގެ ޖަލު ހުކުމެއްގައި ހުންނެވި ކުރީގެ ރައީސް މުހައްމަދު ނަޝީދާއި، އެމްޑީޕީގެ ޗެއާޕާސަން އަލީ ވަހީދާއި، 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ އަދާލަތު ޕާޓީގެ ރައީސް ޝައިޚް އިމްރާން އަބްދުﷲ އާއި 12 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ޑިފެންސް މިނިސްޓަރު މުހައްމަދު ނާޒިމެވެ. އަދި އެ އިއްތިހާދުގެ ސްޕޯކްސްޕާސަންގެ ގޮތުގައި ހުންނެވީ ދާދި ފަހުން، 10 މަހާއި 24 ދުވަހުގެ ޖަލު ހުކުމެއް ތަންފީޒު ކުރައްވަމުން ގެންދަވާ، ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ އަހްމަދު މަހްލޫފެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޅެވާ
26 July 2016
ރައީސްގެ ކަމަކީ އަބަދުވެސް ރައްޔަތުނަށް ބަހުގެ ހަމަލާ ދިނުން. ރައީސް ތިޔައީ ވަކި ބައެއްގެ ރައީސް ތޯ؟
ހާހޫރަ
26 July 2016
ތިއީ ހަމަ އިދިކޮޅު ފަރާތްތަކާމެދު ނަފްރަތު އުފެއްދުމަށް ދައްކާ ބަހަނާ އެމީހުންނާ މެދު ދިގު ހުކުންތައްކުރުމަށް ދައްކާ ހުއްޖަތް
ސީދާ މީހާ
26 July 2016
އިދިކޮޅު އިއްތިހާދަކީ ކޮންމެ އެއްޗެކޭ ކިޔަސް މިސަރުކާރުގެ ނިމުން. ނުސީދާ ވުމަކީ ފިނޑިވުން. ނިމުން ކައިރިވެއްޖެ.
ނޭންގޭ
26 July 2016
މާތް މަނިކުފާނު އަނެއްކާވެސް ދީނުގެ ކާޑު ކުޅުއްވަނީތޯ؟ މަނިކުފާނުގެ ދޫފުޅުން އަހަރުމެންނަކީ ހެއްދެވި ފަރާތުގެ ދަރިންނޭ ވިދާލުވިބަސްފުޅު ހަނދުމަނެތުނީތޯ؟ އެދީންތޯ މަނިކުފާނު ތި ހިމާޔަތްކުރަން އުޅުއްވަނީ؟ ވަރަށް ސަލާން ނަމެއްގާ މިއޮތް މިނިވަން ދުވަހުގެ
މެންޓަލިސްޓް
26 July 2016
ރައީސްއަށް ވަރަށް ސަލާމްއާއި މިނިވަންދުވަހުގެ ވެދުން ދަންނަވަން ، ޔާނޫ ތިބޭފުޅާގެ ރަސްމީ ލޯންޗްގައި ފަޓާސްތަކެށް ގޮއްވާލީ އިދިކޮޅުމީހުންތޯ ؟ އެމް،އެމް.ޕީއާރސީން ދިވެހި ދައުލަތުގެ ހަޒާނާ ލޫޓްވާލީ އިދިކޮޅުމީހުންތޯ ؟ ހިބަޅިދޫގައި ހަތިޔާރު ތަށްރައްކާކުރީ އިދިކޮޅުމީހުންތޯ ؟ ބަޑިގުދަނުން ވަގަށް ހަތިޔާރުބޭރުކުރީ އިދިކޮޅުމީހުންތޯ ؟ ފުލުހުންނާއި ސިފައިންނަށް ރިޝްވަތުދިނީ އިދިކޮޅުމީހުންތޯ މަޖިލިސްމެންބަރުންނަށް މިލިއަނުން ފައިސާބެހީ އިދިކޮޅުމީހުންތޯ ؟ މިހުރިހާކަމެށްވެސް ކުރީ ޕީޕީއެމް ނާޢިބް ، ގައުމުގެ ނާޢިބް މަނިކުފާން އޮޅުކޮއްގެން ކާންދިގެން ގެނގުޅުނު އަދީބްނޫންތޯ ؟ ޒިޔަތުއަކީ މަނިކުފާނު އައްޔަންކުރައްވައިގެން ގެންގުޅުއްވި އެމް.ޑީ ނޫންތޯ ؟ ހާމިދުސޭޓަކީވެސް ޕީޕީއެމްއަށް ޙާރަދުކުރައްވާ ބޭފުޅެއްނޫންތޯ ؟ ދެންއޮތީ މިހާޜު ޕީޕީއެމް 2 ފަޅިއަށް ފަޅައިގެން އުޅުއްވަނީ އިދިކޮޅުމީހުންތޯ ؟ ވީމާ ހުރިހާކަމެށް ހުއްޓާފަ އަމިއްލަގޭގެ ބަދިގެތެރޭގެ ވާހަކަތަށް ދައްކާ އެކަންކަން އިސްލާހްކޮށް ދައުލަތުން ޕީޕީއެމް ސަރުކާރުން ނެގި 1.2ބިލިއަންރުފިޔާ އަނބުރާގައުމުގެ މާލިއްޔާއަށް ޖަމާކުރަން އުޅުއްވިއްޔާ މާރަގަޅުވާނެ ، ވަރަސް ސަލާމް ،
ޢަބްދުﷲ
26 July 2016
ޚަބަރުގައި މަޢުލޫމާތުގެ ކުށް އެބަހުރި. ޢިމްރާނަށް ކޮށްފައިވަނީ 12 އަހަރުގެ ޖަލު ހުކުމެއް. ނާޒިމަށް ކޮށްފައިވަނީ 11 އަހަރުގެ ޙުކުމެއް. ޚަބަރުގައިވަނީ ނުބައިކޮށް.
ނިއުމާ
26 July 2016
ހެޔޮނުވާނެ ޔާމީނު ތަރައްޤީގެ ވާހަކަ ނުދައްކާ، އިޤްތިސާދީވާހަކަވެސް ނުދައްކާ، ތަރައްޤީގެ މިންވަރު އެނގޭނެ އޮޑިޓް ރިޕޯޓް ބަލާލުމުން
އުމަރު
26 July 2016
އެންމެ ފާހަނގަކޮށްލެވެނީ ޑިމޮކްރަސީއަށްދިން ހަމަލާ، އެއީ ޔާމީނު ވިދާޅުވީ ޑިމޮކްރަސީ ގެންނާނީ ޤައުމު ތަރައްޤީކޮށްފައޭ، އެހެންކަމުން މިހާރު ޑިމޮކްރަސީގެ މަތިން ދިވެހިން ހަނދާން ނައްތާލާށޭ، އެކަމަކު މިފެންނަނީ ތަރައްޤީގެ ނަމުގައި ދައުލަތާއި ރައްޔިތުންގެ މުދާ ލޫޓްވާތަން
ޔޫއާރ
26 July 2016
އިދިކޮޅު އިއްތިހާދު ހަދައިގެން ކޯޓް ފަޓްލޫނުގައި ލަންޑަނުގައި ތިބެގެން ކެޓް ވޯކް ޖެއްސިދާނެ ތަށިމުށި ޖަހާފައިވާ ތަޅުން މަތީގައި. އެކަމަކު ގާނޫނީ ގޮތުން އުފެދިފައިވާ ސަރުކާރެއް ޕީޕީއެމް އެމްޑީއޭ އަދި ޖޭޕީ ކޯލިޝަންގެ ބިއުޓިފުލް އެން މާރވެލަސް ސަރުކާރަކީ. މިސަރުކާރު އޮންނާނެ ފަސް އަހަރު ވަން ދެން. މިސަރުކާރެއް ނުދޭނެ އިސްތިއުފާއެއް މައްސަލަ އެއް ނެތޭ ފައިދަށުން ބިންގަނޑު ދަމައިގެން އިދިކޮޅު އިއްތިހާދު ގެންދިޔައަސް. އިސްތިއުފާ އެއް ނުދޭނެ މިސަރުކާރުން. މިސަރުކާރާއި ތޯޅެން އިއްތިހާދުން އުޅޭ ނަމަ މިސަރުކާރުން ރިއެކްޓް ކުރާނެ ޑެއިޒީ ކަޓަރު ހިފައިގެން. އެއިރުން އަންނާނެ ހަތަރު މަހަށް އަދި އަށް މަހަށް ދޫނިދޫ ޕެކޭޖް ލިބިގެން އެންމެންނަށް. އޭގެ ބޭނުމަކީ ދެވަނަ ޑެއިޒީ ކަޓަރުން އިދިކޮޅު އިއްތިހާދުގެ މީހުން ސަލާމަތް ކުރުމަށް ޓަކައި. އިދިކޮޅު އިއްތިހާދަށް މިސަރުކާރު ވައްޓާލެވޭނަމަ ވައްޓާލެވޭނެ މޭޑޭގައި. ސޯމެނީ ތިންގްސް ޔޫ ޑިޑް އެޓް ޔުއަރ ބެސްޓް ލެވެލް އޮން ދެޓް ޑޭ، ޔުއަރ އިންސްޕިރޭޝަން ޑައިޑް އޮން މޭޑޭ..
މިނިވަން މީހާ
26 July 2016
މިއީ ވަކި މިއަދު ހިގާ ކަމެއްނޫން. އާ ކަމެއް ނޫން. ރަސޫލާ ދީނަށް ގޮވާލެއްވުމުން ފުރަތަމަ އިސްލާމްދީން ގަބޫލު ކުރި މީހުނަށްވެސް ޖެހުނު ހަބަޝާއަށް ހިޖުރަކުރަންވެސް. ދެމުންދިޔަ އަނިޔާއިން ސަލާމަތްވާން. އަދި މަދީނާ އަށްވެސް ހިޖުރަކުރި. މިނިވަންކަމާއެކު އުޅުމަށް މިފަދަ ސްޓްރެޓެޖިކް ފިޔަވަޅުތައް އަޅަންޖެހެ
ސައްޕު
26 July 2016
ވަރަށް ރަގަޅު މިސާލެއް!
ފަލަކު
26 July 2016
ވަރަށް ރީތި ރަނގަޅު މިސާލެއް. އަދި ކޮބާ ޚުދު ރަސޫލުﷲ ޞައްލަﷲ ޢަލައި ވަސައްލަމަގެ ލޯބިފުޅުވާ މައްކާ ދޫކުރައްވައި މަދީނާއަށް ހިޖުރަ ކުރައްވަން ޖެހިވަޑައިގަތީވެސް އެކަލޭގެފާނުގެ ފުރާނަފުޅަށް މައްކާގެ ބޮޑުން ކަމުގައިވާ އަބޫޖަހުލުއާއި އެނޫންވެސް ބޮޑެތި ބާރުގަދަ މީހުންގެ ކިބައިން ނުރައްވާތައް ކުރިމަތިވުމުން. ރަނގަޅީ ކޮބައިކަން ދަންނަ މީހުންވެސް އެއިރު މައްކާގައި ތިބި. އެކަމަކު ހަމަ ބޮޑުންގެ އަނިޔާވެރިކަން ބޮޑުކަމުން ފުރާނަ ސަލާމަތް ކުރުމަށްޓަކައި އަނގައިން ބުނަން ނުކެރިފައިތިބީ.