ކުޅުދުއްފުށީ ކުޅި ހިއްކުމަށް ބަންޑު ވޯލް ޖަހާފައި-- ފޮޓޯ: ސޯޝަލް މީޑިއާ
03 ޖޫން 2018 - 13:29
19 comments
ހދ. ކުޅުދުއްފުށީގައި އެއާޕޯޓު އެޅުމަށް، އެ ރަށުގެ ކުޅިން ހިއްކި ބިން އެކަށީގެންވާ ވަރަށް ހަރުނުވާތީ ކުޅިގައި ހުރި ޗަކަތައް ނަގައި އިތުރަށް ފަސް އަޅަން ޖެހިއްޖެ އެވެ.
ކުޅުދުއްފުށީގައި އެއާޕޯޓު އެޅުމަށް އެމްޓީސީސީގެ ކޮންނަބޯޓު، މަހާޖައްރާފުން މިދިޔަ ޖެނުއަރީ މަހުގެ ތެރޭގައި ވަނީ 15 ހެކްޓަރުގެ ބިން ހިއްކައިފަ އެވެ. އެއީ މޫދުން ހަ ހެކްޓަރާއި އެ ރަށުގެ ކުޅިން ނުވަ ހެކްޓަރު ބިމެވެ.
އެމްޓީސީސީގެ ޕްރޮޖެކްޓްސް ޖެނެރަލް މެނޭޖަރު މުހައްމަދު ހުޝާމް މިއަދު ވިދާޅުވީ ކުޅިން ހިއްކި ބައި އެކަށީގެންވާ ވަރަށް ހަރުނުވާތީ އަލުން އެބައި ކޮނެ، ޗަކަތައް ނަގައި އެ ތަނަށް އިތުރަށް ވެލި އެޅުމުގެ މަސައްކަތް މިހާރު ކުރަމުން އަންނަ ކަމަށެވެ.
"އަޅުގަނޑުމެން ކުރިން ހީކޮށްގެން ތިބީ ދެތިން ފޫޓަށް ޗަކަ ނަގައި، އެތަނަށް ފަސް އެޅީމައި ބޭނުންވާ ވަރަށް ހަރުވާނެއޭ. އެކަމަކު އެ ވަރަށް ހަރެއް ނުވޭ. އެހެންވެ، މިހާރު އެބަޖެހޭ ހަތް ފޫޓު އަށް ފޫޓަށް ކޮނެ ޗަކަތައް ނަގަން،" ހުޝާމް ވިދާޅުވި އެވެ.
އޭނާ ވިދާޅުވީ ކުޅިން ޗަކަތައް ނަގައި، އަލުން ފަސް އެޅުމުގެ މަސައްކަތް ކުރި ނަމަވެސް އެ މަޝްރޫއުގެ މަސައްކަތް އިތުރަށް ދިގުލައިގެން ނުދާނެ ކަމަށެވެ. އަދި ކަނޑައެޅިފައިވާ ދުވަހަށް އެ މަޝްރޫއު ނިންމާލެވޭނެ ކަމަށް ވިދާޅުވި އެވެ.
އެމްޓީސީސީން ކުރިން ބުނެފައި އޮތީ ބިން ހިއްކައި ނިމުމާއެކު، ރަންވޭގެ މަސައްކަތް ފަށައިގަނެވޭނެ ކަމަށެވެ.
އެކަމަކު ކަނޑައެޅިފައިވާ މުއްދަތުގެ ތެރޭގައި އެ މަސައްކަތް ނިންމާލެވޭނެ ކަމަކަށް ކުޅުދުއްފުށީ ކައުންސިލަކުން ގަބޫލެއް ނުކުރެ އެވެ.
އެ ކައުންސިލްގެ ރައީސް އަބްދުއްލަތީފް ވިދާޅުވީ އެއާޕޯޓު އެޅުމަށް ބިން ހިއްކުމުގެ މަސައްކަތް ހަ މަސް ދުވަހުގެ ތެރޭގައި ނިންމާނެ ކަމަށް އެމްޓީސީސީން ބުނި ނަމަވެސް އެ މަސައްކަތް އަދިވެސް ކުރިއަށް ދާތީ، ކަނޑައެޅިފައިވާ މުއްދަތުގައި މަސައްކަތް ނިމޭނެ ކަމަށް ނުބެލެވޭ ކަމަށެވެ.
"ކުރިން މިނިސްޓަރު (ޓޫރިޒަމް މިނިސްޓަރު މޫސާ ޒަމީރު) އަދި އެމްޓީސީސީން ވެސް ބުނެފައިވަނީ މިދިޔަ މަހު 15ގައި މަސައްކަތް ނިންމާލައި، އަމަލީ މަސައްކަތްް ފެށޭވަރުވާނެ ކަމަށް. އެކަމަކު އަދިވެސް ކޮނުމުގެ މަސައްކަތް އެ ކުރިއަށް ދަނީ. އަޅުގަނޑުމެންނަށް ލަފާ ކުރެވޭ ގޮތުން އަދި މަހެއްހާ ދުވަސް އެކަމަށް ނަގާނެ،" ލަތީފް ވިދާޅުވި އެވެ.
ރައީސް އަބްދުﷲ ޔާމީންގެ ކެމްޕޭން ދަތުރެއްގައި އިއްޔެ މިނިސްޓަރު ޒަމީރު ވަނީ ކުޅުދުއްފުއްޓަށް ވަޑައިގެން، ހިއްކާ ސަރަހައްދު ބައްލަވާލައްވައިފަ އެވެ. އަދި ސަރުކާރުން އުއްމީދު ކުރިވަރުގެ ހަލުއި ދުވެލީގައި އެ މަސައްކަތް ކުރިއަށް ދާ ކަމަށް ވިދާޅުވި އެވެ.
ކުޅުދުއްފުށީ އެއާޕޯޓުގެ ރަންވޭ އާއި ޓާމިނަލްގެ މަސައްކަތް ހަވާލުކުރުމަށް ސަރުކާރުން ނިންމާފައިވަނީ އެމްއާރުޑީސީއާ އެވެ.
ކުޅުދުއްފުށީ އެއާޕޯޓްގެ މަސައްކަތް ކުރަނީ ދައުލަތުގެ ބަޖެޓުންނެވެ. އެކަމަކު އެއާޕޯޓަށް ޚަރަދުވާނެ ވަރެއް ސަރުކާރުން އަދި ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަކުރު
04 June 2018
ކިތަންމެ ވަރަކަށް ވެލި އެޅިޔަސް އެންމެ ރަނގަޅެވެ! އެކަމަކު ހަބަރުދާރެވެ! ކުރިން ވެލި ނެގި ސަރަހައްދުން (ކުޅުދުއްފުށި، ނޮޅިވަރަމު، ކުނބުރުދޫ، ކޭލަކުނު އަދި ކުމުންދޫ އާއި ދޭތެރެ) ދެން ވެލި ނަގަން އުޅޭ ނަމަ އެ ކުޅެވެނީ މި ސަރަހައްދުން ގިރަމުންދާ ރަށްރަށުގެ މީހުންގެ ލެޔާއެވެ!
އުތުރުގެ އަޑު
04 June 2018
އަރެން ނުދެކެން ކިސަޑު 3 ފޫޓަށް ކީއްކުރަން 1 އިންޗިންވެސް ނެގި ތަނެއް! އަޅޭ ފަހެ ކިސަޑު ނެގިންތަ! ހައްތަހާވެސް ރައްޔިތުން "ގުނބޯ" ހެއްދުން، ބުނާނެ އެއްޗެއް ނެއް.
އައްޑޫ ބެއްޔާ
04 June 2018
އަނެއްކާ މުޢިއްޒުވީދޯ؟ މިސޮރު ކުރުވާ މިކަހަލަ ޑަބަލް ޚަރަދުތަށް މީނާގެ އަތުން ނަގަންޖެހޭ. މަޖީދީ މަގު ގާއެޅުން ޗޮކުން. މަރުކަޒުގައި މާބުލް ޖެހުން ޗޮކުން، ދުވާ ޓްރެކް ޗޮކުން، އައްޑޫ ކޮންވެންޝަން ސެންޓާރ ޗޮކުން، އަމީނީ މަގުން ފެން ހިއްކުން ޗޮކުން. މުޢިއްޒުވުމަށް ކިޔާ އަނެއް ނަމަކަށް ޗޮކުންދިއުން ފުދޭ!
ރޮށި
03 June 2018
21 ވަނަ ގަރުނުގަ އެއާޕޯޓެއް އަޅަން އެއުޅެނީ ހިސާބު ޖެހުމުގެ ބަދަލުގަ ހީވާ ހީވުމެއްގެ މައްޗަށް.
އަލީގ
03 June 2018
އަހަރެން ހިސާބުޖެހާލީމަ މަށައް ހީވާގޮތުން ތަނެއް ހިއްކަން ވެލިއެޅުމައްފަހު އެއެޅި ވެލިތައް ނަގާ އަދި އޭގެ އަޑިން ކިސަޑުނަގާ އަނބުރާ ރަގަޅުވެލިއެޅުމައް ފުރަތަމަވެލި އަޅަން ކުރަން ޖެހުނުހަރަދައްވުރެ ބޮޑުހަރަދެއްކުރަން ޖެހޭނެ. އިލްމާ ހިލްމު ހުރިއްޔާ ދެންވެސް ހެދޭނެ ގޮތްގޮތް އެބަހުރި އެކަމަކު ހަމައެކަނި ހައްލަކީ ތަންކޮޅުކޮޅުން ކޮނެ އަލުން ވެލިއެޅުން ކަމައްބަލައިފިނަމަ ދުވަހަކުވެސް ތިކަން ނިމޭނެކަމަކައް މަށަކައް ނުފެނޭ. އެއްދުވަހު މިތަން އަނެއްދުވަހު އެހެންދިމާއެއް ކޮނެކޮނެ ހަމަ ތިބެން ޖެހޭނީ.
ޕަޕެޓް މޭން
03 June 2018
ދެން ހުރިހާކުދިން ބާރަށް އަތް ޖަހަމާ ދޯ.. މިނޫން ގޮތެއް ނެތްތާ..
އަލްޖިބްރާ
03 June 2018
"ކައްޗަށް އެޅި ބިންގާ ކެއްޗާ ހަމައަށް ނެގިއަސް ހުންނާނީ ކަށްޗަށް " މިހެން ބުނަނީ ދެއުޅިއެއްނުވާ މިޒާތުގެ ކަންތަށް ކުރާތީއެވެ. އެއަރޕޯރޓް އަޅާ ނިންމިދާނެއެވެ. އެކަމާ ހެވިފާ އަތްޖަހަން ތިއްބާ ލިބޭގެއްލުން މާބޮޑުވާނެއެވެ. އެންމެ މުހިއްމު ވަގުތު އެއަރޕޯރޓްގެ ރަންވޭ އެކިދިމަދިމާލުން ގަބަން ފެށީމާ ދެން ގޮވާނީ ކޮން ފަތިވަރެއް ބާވައެވެ. މިހާރުވެސް ބިންގަޑު ހަރުނުވަނީއޭ ތިގޮވަނީ ރަށުގެ ރައްޔިތުން ނެއް ނޫނެވެ. ބޮޑު ޗަސްކުޅިއެއް ހިއްކާ ހަރުކުރަން ވެލިކޮޅެއް އަޅާލާފަ އެއްމަސްދުވަހު ބޭއްވީމާ ބިންގަޑު ހަރުވީކަމަށް ނިންމާނީ ހަމަ އެކަނި މިއުޅޭ މުއިއްޒު އެވެ.
ނުބައިހާނު
03 June 2018
ޖުލައި 26 އަށް ބުރުޖެއް ވެސް ނުހުޅެވޭނެ. ބުނި ދުވަހަށް ކުޅުފުށި އެއާޕޯޓެއް ވެސް ނުއެޅޭނެ. ބުނި ގޮތަށް އައިޖީއެމްއެޗެއްވެސް ނުހުޅެވޭނެ. ބުނާގޮތަށް އެއްކަމެއްވެސް ނުކުރެވޭނެ.
ރާއްޖެ
03 June 2018
ދެން ޖަރީމާ ރައީސް ނޮވެމްބަރު 11 ގައި ތިބުނި ތަންތަން ހުޅުވީމަ އެވާނެތަ އޭނަ ހެދި ތަންތަން ކަމަށް؟
ރޮކެޓް ސައިންސް
03 June 2018
ހީކޮއްގެން ތިބީޔޯ. ދެން ރަންވޭ ހާލު ފޮޅިއެއްވަރަށް ތުނިކޮން އަޅާފަ ބުނޭ ތިމަންނަމެން ހީކޮއްގެންތިބީ އެއާބަސް ވަރުގެ ބޯޓުވެސް ޖެއްސޭނެކަމަށޭ. މިސަރުކާރުން ކުރާ ކޮންމެކަމެއް ދެފަހަރު ކުރަންނުޖެހި ނުދެއެވެ.
ގަދަރޭ
03 June 2018
ކޮބާ ؟ ހިއްކި ތަނެއް ، ނުހިއްކާ ތަނަކާ އެއްވަރުވީ ދޯ . އަހަރެމެން މިތިބީ އަތްޖަހަން.