ފުލުހުންތަކެއް އައްޑޫގައި ހަރަކާތްތެރި ވަނީ.
06 ޖޫން 2018 - 13:18
8 comments
އައްޑޫ މަރަދޫގައި ރޭ ދެ ގްރޫޕެއްގެ މެދުގައި ހިންގި މާރާމާރީއަކާ ގުޅިގެން ފުލުހުން ހަތަރު މީހަކު ހައްޔަރު ކޮށްފި އެވެ.
ފުލުހުންގެ އޮފިޝަލަކު ވިދާޅުވީ މައްސަލަ މިހާރު ތަހުގީގު ކުރަމުން އަންނަ ކަމަށެވެ. އެކަމަކު އިތުރު ތަފުސީލެއް ނުދެ އެވެ.
ރޭ މާރާމާރީ ހިންގާފައި ވަނީ މަރަދޫގައި މިހާރު ކުރިއަށްދާ ގޯދިއްޔާ ފުޓްސަލް މުބާރާތް ބަލަން ދިޔަ ހިތަދޫގެ ޒުވާނުންތަކަކާއި ފޭދޫގެ ޒުވާނުންގެ ބަޔަކާ ދެމެދު އެވެ. ނަމަވެސް މާރާމާރީ ހިންގަން ދިމާވި ސަބަބެއް ސާފެއް ނުވެ އެވެ.
މި ފަހަކަށް އައިސް ހިތަދު އާއި ފޭދޫ ގްރޫޕްތަކުގެ މެދުގައި މާރާމާރީ ހިންގުން އިތުރުވެ، އާންމުންގެ މެދުގައި ވަނީ ބިރުވެރިކަން ވެސް އުފެދިފަ އެވެ.
ރޭ މަރަދޫ ވެންބޮޅޮފިށި ސްޓޭޑިއަމްގައި ހިންގި މާރާމާރީ އަށް ފަހު، ސްޓޭޑިއަމް ކުރިމަތީގައި ހުންނަ ކެފޭއަކަށް ވަދެ، އެތަނުގައި ވެސް މާރާމާރީ ހިންގައި، ތަނަށް ވެސް ގެއްލުން ދީފައިވާ ކަމަށް މަންޒަރު ދުށް ބައެއް މީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިދީދީއައްޑޫސިޓީ
07 June 2018
މިރޯދަ މަހު "ތިޔަ ބުނާ ޒުވާނުން" މިސްކިތަކުން ނުފެނޭ. އެމީހުން ރަށުގައި ނޫޅެނީ ތޯއްޗެއް. ތިޔަ މާރާމާރީ ހިންގައިގެން ތިޔަ އުޅެނީ ހަމަ "ޒުވާނުން" ތޯ؟ ރޯދަ މަހު ވައްކަން ކުރުން އިތުރުވެ ރައްޔިތުން މިއުޅެނީ ވަރަށް ބިރުވެރިކަމެއްގައި. ތަރާވީޙް ނަމާދާއި ދަމުނަމާދަށް ގެ އާއި ކުޑަކުދިންނާއި މުސްކުޅިން ދޫކޮށް ގޮސް ދެގަޑިއެއްހާއިރު މިސްކިތުގައި އުޅުމަކީ ބިރުވެރިކަމަކަށް ވެއްޖެ. ރައްޔިތުންގެ " ޓު ޕްރޮޓެކްޓް އެންޑް ސާރވް" ކުދިން އެބަޖެހޭ ރައްޔިތުންނަށް ސަލާމަތާއި ރައްކާތެރިކަން ކަށަވަރުކޮށްދޭން.
ކުކިން
06 June 2018
މިކަމާ ގުޅިގެން ބޮޑުކައްކާ ވިދާޅުވަނީ ކީކޭތޯ؟
ހަހާ
06 June 2018
މީއީ ދޯ، އައްޑޫ މީހުން އެބުނާ °އަފިރިންގެ އައްޑޫ ސިޓީ އަކީ……މާލެއިން ވެސް ތިޔަބުނާ އަފިރިން ބޭރު ވެއްޖެނަމަ ލައްކަ ކުށްކުރުން މަދުވާނެ
ސަންޕަތު
06 June 2018
މިހެން ނޫހެއްގައި ލިޔެލާލިޔުމަކުން ފެންނަވަރަށްވުރެން މިގައުމުގައި މާރާމޭރީގިނަ، ގޭންގުތަކުގެ ބިރުވެރިކަންބޮޑު. މިއަކީ ސަރުކާރަށް ފުލުހުންނަށް ސިފައިންނަށް އޮޅިފައި، މިކަންކުރަނީކޮން ބައެއްކަން ނޭގިތިބިބައެއްނޫނެ. ހުއްޓުވޭނެ ގޮތްވެސް ނޭގިގެން އުޅެނީކީނ/ުން. ހަމައެކަނި އާއްމުންނަށް ސާފުނުވާކަމަކީ މިކަންކަން ހަމަމަގަށް ނޭޅުވިގެން އުޅެނީ ކޮނަފަދަ މުސީބާތެއް ކުރިމަތިވާތީކަން.
ގުނަން
06 June 2018
މިވާހަކަޔަށް ހިތަދޫ 2 ގުރޫޕްގައި ހިނގި މާރާމާރިވެސް ލިޔެލިނަމަ...ރޭ 12:50އިން ފެށިގެން ހިންގި މާރާމާރި ހުއްޓުވަން ފުލުހުންނަށް އާދެވުނީ ދަންވަރު 03:30ގައި..މިމާރާމާރި ހުއްޓުވުނީ އެސްއޯ ފުލުހުން އައިސްގެން.. މިކަމުގެ ސަބަބުން ހިސާބު މީހުންނަށްވަނީ ބިރުވެރިކަމެއްގެ ތެރޭގައި..މިކަމުގެ ސަބަބުން ރޭގަ ދަމު ނަމާދަށް ނުދެވި އެތަށް ބަޔަކު ވަނީ ގޭގަ ތާށިވެފައި..ފުލުހުން މި ރަމަޟާން މަހުގައި ގުޅާލުމުން އަވަހށް ދެވޭނެ އިންތިޒާމް ހަމަޖެއްސުން އެދެން.. އަޅުގަނޑުމެންނަށް ހިއްހަމަޖެހިގެން ރޭއަޅުކަން ކުރެވޭނީ އޭރުން..
ރަދީފް
06 June 2018
ތިޔައީ މެކްސިކޯ ނުވަތަ ކޮލަމްބިޔާގެ އަވަށެއްތޯ؟؟ ހުރިހާ ޒުވާނުން ވެސް އެބަޖެހޭ ނަމޫނާ ބަޔަކަށްވާން އެހެންނޫންތޯ؟؟ ރަދީފްމެންވެސް އުޅެ ބޮޑުވި ރަށުގެ ހާލަތު މިހާ ދަށުދަރަޖައަކަށް ވެއްޓެން ދިމާވީ ކީއްވެބާާ؟؟!! ވ.ވެދުން
ހަސަންދީދީ
06 June 2018
ފުލުހުން ނަކަށް ތިކަމެއް ނުވާނެ . އެއްދޮރުން ވައްދާފައި އަނެއްދޮރުން ނެރުން ތިމީހުންގެ ކަމަކީ. ފޭދޫ ކޮންޓްރޯލް ކުރަނީ " ބޮޑުމަގުގައިތިބޭ ކަންމަތީ ގުރޫޕް" މިއީ ކޮންބައެއްކަން އެންމެނަށް އެނގޭ. މަސްތުވާތަކެތި ޑީލްކުރުމާއި އެހެނިހެންކަންކަން މިމީހުން ކުރަނީ ހާމަކަންމަތީ. އާއްމުރައްޔިތުން ތިބެންޖެހޭނީ ބިރުން މީގެން މީހަކު ކަމެއްކޮށްފާނެތީ. މަތިމައްޗަށް ކުށްކުރިޔަސް މިމީހުން އުޅެނީ މިނިވަންކަންމަތީ.
ރަދީފް
06 June 2018
ރީތި އަޙްލާގީ މިންގަނޑުގަ ތިބުމަށް ހުރިހާ ޒުވާނުންނަށް ނަސޭހަތްތެރިވަން.އަތްފައި އިސްކުރުން އެއީ ވަރަށް ނާތަހްޒީބު ކަމެއް.އިސްލާހްވުމަށް އެދޭނަމަ ފުރުސަތު ނަގާނުލާ މިމާތް މަހުގެ ސަވާބު ހޯދުމަށް ގަދައަޅައި މަސައްކަތްކުރުން އެއީ އަޒުމް ކަމުގަ ދެކިގެން ޒުވާނުން މަސައްކައްކޮއްފިނަމަ ރަނގަޅު މުޖްތަމައެއް ބިނާކުރެވޭނެކަން ކަށަވަރަުވެ ޔަގީންވޭ.ވ.ވެދުން