ރާއްޖޭގެ މިނިވަންކަމަށް 50 އަހަރު ފުރުން ފާހަގަކުރަން މިދިޔަ އަހަރު ބޭއްވި ރަސްމީ ކުޅިވަރުގައި ދަރިވަރުންތަކެއް ބައިވެރިވަނީ.--ފޮޓޯ:ރައީސް އޮފީސް
28 ޖުލައި 2016 - 18:55
1 comments
ރާއްޖޭގެ މިނިވަންކަމަށް 51 އަހަރު ފުރުން ފާހަގަކުރަން ބާއްވާ ރަސްމީ ކުޅިވަރުތައް އަންނަ ހޮނިހިރު ދުވަހުގެ ރޭ ގަލޮޅު ދަނޑުގައި އޮންނާނެ ކަމަށް ހޯމް މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ޑެޕިއުޓީ މިނިސްޓަރު އަހުމަދު ސަލީމް (މާޒް ސަލީމް) ވިދާޅުވީ މިފަހަރު ވެސް ރަސްމީ ކުޅިވަރުގެ ތެރޭގައި ވަކި ތީމަކަށް ހާއްސަކޮށް ތައްޔާރުކޮށްފައިވާ ޝޯއެއް ދައްކާލާނެ ކަމަށެވެ. އެ ޝޯގައި މާލޭގެ އަށް ސްކޫލަކުން ބައިވެރިވެފައިވާ ކަމަށް ވެސް އޭނާ ވިދާޅުވި އެވެ.
އޭނާ ވިދާޅުވީ ރަށްރަށުގެ ހަރަކާތްތަކެއް ވެސް ފެނިގެންދާނެ ކަމަށާއި މިދިޔަ އަހަރާ އަޅާބަލާއިރު ހަރަކާތްތައް ތަފާތު ވާނެ ކަމަށެވެ.
"މިފަހަރު ހުށަހަޅައިދޭ ސްޓޯރީއަކީ މުޅިން ތަފާތު ސްޓޯރީއެއް. މިދިޔަ އަހަރު ހުށަހެޅީ ރާއްޖޭގެ ތާރީހާ ގުޅޭ ޝޯއެއް. ނަމަވެސް މިފަހަރުގެ ތީމް ތަފާތުވާނެ،" ސަލީމް ވިދާޅުވި އެވެ.
މި ރަސްމިއްޔާތުގައި ރައީސް އަބްދުﷲ ޔާމީންގެ ދެކަނބަލުންނާއި ބޭރުގެ އިއްޒަތްތެރިންނާއި ސަރުކާރުގެ އިސްވެރިން ބައިވެރިވަޑައިގަންނަވާނެ ކަމަށް އޭނާ ވިދާޅުވި އެވެ.
މިނިވަން ދުވަހުގެ މުނާސަބަތުގައި ބާއްވާ ފުޅަނދުބުރުގެ ހަރަކާތްތައް ވެސް ރޭ ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިދަރި
28 July 2016
މިކުޅިވަރުތައް ކިހާ ވަރަކުން ދާނެބާ. ކިހާ ދިވެހިވަންތަ މުނާސިބުކަމެއް ފެނިގެންދާނެބާ. ސްޓާރ ވަރސްއާއި ސިންޑެރެލާ ފޫކޮޅު ހަލުވާ ތަންބާ ފެންނާނީ. ހަމަނުޖެހޭ ސަރުކާރު.