ބްރިޖް ހުޅުލެ އަށް ގުޅޭ ކޮޅު، ޕާކިން އޭރިއާ އަށް ހިއްކާނީ މިހާރު ފެރީތައް ވަންނަ ސަރަހައްދު.
19 ޖޫން 2018 - 14:52
7 comments
ބްރިޖްގެ މަސައްކަތް ނިމެން ވާއިރު، ހުޅުލޭ ފަޅުތެރޭން ބައެއް ހިއްކައިގެން ބޮޑު ޕާކިން އޭރިއާއެއް ހެދުމުގެ މަސައްކަތް ފަށަން ތައްޔާރުވެއްޖެ އެވެ.
ޕާކިން އޭރިއާ އަށް ހިއްކަން ހަމަޖެހިފައި ވަނީ، ހުޅުލޭ ފަޅަށް ފެރީތައް ވަންނަ ދިމާލެވެ. އެ ދިމާ ހިއްކުމުގެ މަސައްކަތް ފެށުމަށް، ހުޅުލޭ ފަޅަށް ވަދެވޭ ގޮތަށް އާ ނެރެއް ކެނޑުމުގެ މަސައްކަތް މިހާރު އަންނަނީ ކުރަމުންނެވެ.
"އަޅުގަނޑުމެން މިހާރު ބޭނުންކުރާ ހުޅަނގުފަރާތު ނެރު މި ބަންދު ކުރަނީ. މިހާރު އެހެން ނެރެއް ކެނޑުމުގެ މަސައްކަތް މި ކުރަނީ. އެ ނެރުގެ މަސައްކަތް ނިމުމާ އެކު ޕާކިން އޭރިއާ ސަރަހައްދު ހިއްކަން ފަށާނެ،" ވެލާނާ އިންޓަނޭޝަނަލް އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ މެނޭޖިން ޑިރެކްޓަރު އާދިލް މޫސާ ވިދާޅުވި އެވެ.
އާދިލް ވިދާޅުވީ ބްރިޖް ހުޅުވަން ވާއިރު، ޕާކިން އޭރިއާގެ މަސައްކަތް ނިންމާލެވޭނެ ކަމަށެވެ. އަދި ޕާކިން އޭރިއާގެ މަސައްކަތް ކުރިއަށް ގެންދާނީ، އައިއެންއައިއޭގެ ދެވަނަ ރަންވޭގެ ބިން ހިއްކުމުގެ މަސައްކަތުގެ ސަބްކޮންޓްރެކްޓަރު ކަމަށްވާ ޔޫއޭއީގެ ގަލްފް ކޮބްލާ އިން ކަމަށް ވެސް އާދިލް ވިދާޅުވި އެވެ.
"މި ހަދަނީ އޯޕަން ޕާކިން އޭރިއާއެއް. ޕާކިން ބިލްޑިންގެއް ނޫން. ޕާކިން ބިލްޑިން ހަދަން ހަމަޖެހިފައިވަނީ މިހާރު މަސައްކަތް ކުރާ ސައިޓްގައި. އެ ސައިޓް ނެގީމަ ފަހުން އެތާ ޕާކިން ބިލްޑިންގެއް ހަދާނެ،" އާދިލް ވިދާޅުވި އެވެ.
އޭނާ ވިދާޅުވީ ބްރިޖް މަތިން އެއާޕޯޓަށް ދަތުރުކުރާ މީހުން އުފުލާ ވެހިކަލްތަކުގައި ޓާމިނަލް ސަރަހައްދަށް ދެވޭނެ ކަމަށެވެ. ނަމަވެސް އެ ސަރަހައްދުގައި އެއްވެސް ވެހިކަލަކަށް މަޑުކޮށްގެން ނޯވެވޭނެ ކަމަށް ވެސް އާދިލް ވިދާޅުވި އެވެ.
"(ޓާމިނަލް ސަރަހައްދުގައި) ޕާކެއް ނުކުރެވޭނެ. ޕާކް ކުރަންޏާ ޖެހޭނީ ޕާކިން އޭރިއާ އަށް ދާން،" އާދިލް ވިދާޅުވި އެވެ. އަންނަ މަހުގެ 26 ގައި ބްރިޖް ހުޅުވާނެ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
2018
19 June 2018
ކިހިނަަކުން ޖުލައި 26އައް ނިއްމަނީ? އިމްޕޮސިބަލް
ޝޮކްތެރަޕީ
19 June 2018
އަސްލުވެސް މިރާއްޖެ ތަރައްގީކުރީ ރައިސް ޔާމީން.
އީނާޝް
19 June 2018
ޒަމާނެއްގެ ކޮޅުންވެސް ދިވެއްސަކު ހިތަށްވެސް އަރާފައިފައިނުވާހާ ތަރައްގީ މި ސަރުކާރުން ގައުމަށް ގެނެސްދީފި. RY2018 ޔަގީން !!
ވޯލް
19 June 2018
މިއީ ނުވާވަރުގެ ކަމެއް ނޫން، އެހެން ނަމަވެސް އަސްލު އަގުގެ 10 ގުނައަށް އަމިއްލަ ޖީބަށް ވަންނަގޮތަށް ރައްޔިތުންގެ ބޮލުގަ ދަރަނި އަޅުވާފަ ތަރައްްޤީ ނުގެނެޔަސް ހެޔޮ. މިއުޅެނީ އަދުލްވެރި ޝަރީޔަތެއް ރައްޔިތުންނަށް ނުލިބިގެން.
އަލިކޮއި
19 June 2018
ވަރައްފަހުން ޝީޓްޕައިލްކޮއްފަ ތޮށިގަނޑުލީ ތަނެއްތީ. އަނެއްކާ އެހެން ގޮތަކަށް ބަދަލަކޮއްލަނީ. ޕްލޭންކުރުން ތަންކޮޅެއް ރަގަޅު ކުރަން އެބަޖެހޭ. ހަރަދު ކުޑަވާނި އޭރުން.
މަގޭގައުމު.
19 June 2018
ކީއްކުރަން ޚަރަދުކުޑަކުރަނީ. ދިވެހި މޮޅު ކޮންސަލްޓަންޓްއަކަށާއި، މަތިފަޑީގަ ތިބިމީހުންގެ ޖީބުތަކަށް ކޮންމެ ޕްރޮޖެކްޓަކުން ބައި އެޅެންޏަ ޕްރޮޖެކްތަށް ހިންގަހިންގާފަ ހަލާކުކުރަންވީނު.
އިނަފް
19 June 2018
މިހާރު ތިޔަ މާލެ ދޫކޮށްލާފައި ގުދުރަތީގޮތުން ބިންބޮޑު އަދި ފަޅު ބޮޑު އެހެން ރަށެއް ތަރައްގީކުރަން ހަމަ ނުވަނީ ތަ؟ ހަމަ މާލެ މާލެ މާލެ މާލެ ހީވަނީ ރާއްޖޭގައި އެހެން ރަށެއް ނެތް ހެން.