އެސްޓީއޯ މާލޭ ލީގުގައި ޓީސީގެ އަލާ (ވ) ކައިރިން ދަގަނޑޭ ބޯޅަ ހިފައިގެންދާން މަސައްކަތްކުރަނީ.-- ފޮޓޯ: ނިޝާން އަލީ/ މިހާރު
20 ޖޫން 2018 - 10:32
3 comments
ނިއު ރޭޑިއަންޓްގެ ކެޕްޓަން އަލީ އަޝްފާގު (ދަގަނޑޭ) ގެންނަން ކޮންމެ ޓީމަކުން ވެސް ބޭނުންވާނެ ކަމަށް ބުނެ އޭނާ ހޯދަން މަސައްކަތްކުރާނެ ކަމުގެ އިޝާރާތެއް ޓީސީ ސްޕޯޓްސް ކްލަބްގެ ކޯޗު މުހައްމަދު ނިޒާމް (ނިޒާމްބެ) ދީފި އެވެ.
ކޮންޓްރެކްޓްގައިވާ ގޮތަށް މުސާރަ ނުދޭތީ ނިއުއާ އެކު ހަދާފައިވާ އެއްބަސްވުން އުވާލަން ދަގަނޑޭ ވަނީ އެފްއޭއެމް އަށް ހުށަހަޅައިފަ އެވެ. އެކަމަކު އެސްޓީއޯ މާލޭ ލީގުގައި މާޒިޔާގެ މައްޗަށް ކުރި ހޯދައި ނިއު އިން ލީގުގެ އައްޑަނަ އުފުލާލި މެޗުގައި ދަގަނޑޭ ވަނީ ބަދަލު ކުޅުންތެރިޔެއްގެ ގޮތުގައި ރޭ ކުޅެފަ އެވެ.
އިއްޔެ ހަވީރު ވިކްޓަރީއާ އިއްޔެ އެއްވަރުވި މެޗަށް ފަހު ނިޒާމްބެ ބުނީ ދަގަނޑޭ ލިބެން އޮތުމަކީ އެހެން ކްލަބްތަކަށް އުފާވެރި ހަބަރެއް ކަމަށެވެ.
"އަލްހަމްދުﷲ. ތިއީ އެހެން ކްލަބްތަކަށް ވަރަށް އުފާވެރި ހަބަރެއް. ނިއު ރޭޑިއަންޓުން އޭނަ ދޫކޮށްލާ ކަމަށް ވެއްޖިއްޔާ ކޮންމެސް ކްލަބަކުން އޭނާ ނަގާނެ. އެއީ ޔަގީން ކަމެއް،" އޭނާ ބުންޏެވެ.
ޓީސީން ދަގަނޑޭ ހޯދަން މަސައްކަތް ކުރޭތޯ ނޫސްވެރިން ސުވާލުކުރުމުން ނިޒާމްބެ ބުނީ އެކަން ނިންމާނީ ޓީސީ މެނޭޖްމަންޓުން ކަމަށެވެ.
"ޓީސީ މެނޭޖްމަންޓުން އެ ސްޓްރެންތު ހުރިއްޔާ ކޯޗެއްގެ ހައިސިއްޔަތުން އުފަލެއް. ސަތޭކަ ޕަސެންޓް 12 ނޫނީ 14 ވަރަކަށް ގޯލް ލީގުގައި (ޖަހާނެ). ކޮންމެ މީހަކު ވެސް ޓީމެއްގައި ހުންނަ ސްޓާ ޕްލޭޔަރަކު ލިބެންޏާ ބޭނުންވާނެ. އެކަމަކު ބޭނުމެއް ނޫން ކްލަބްގެ އެ ސްޓްރެންތު ނެތި ތިމަންނަމެން ދަގަނޑޭ ގެނައިމޭ ބުނާކަން ގެންނާކަށެއް،" ނިޒާމްބެ ބުންޏެވެ.
ދަގަނޑޭ (ވ)އާ އެކު ނިޒާމްބެ ދާދި ފަހުން ނަގާފައިވާ ފޮޓޯއެއް.
ޓީސީ އަށް ދަގަނޑޭ ބަދަލުވާން އުޅޭކަމަށް ބޮޑަށް އަޑު ފެތުރުނީ ނިޒާމްބެ އާއި ދަގަނޑޭ އެކުގައި ނަގާފައިވާ ފޮޓޯއެއް ސޯޝަލް މީޑިއާގައި ޕޯސްޓު ކުރުމާ ގުޅިގެންނެވެ. މީގެ ކުރިން ނިޒާމްބެ ވަނީ އެ ފޮޓޯއާ ގުޅޭގޮތުން ވެސް އުފެދިފައިވާ ސުވާލުތަކަށް ޖަވާބު ދީފަ އެވެ.
"ހަގީގަތަކަށްވާނީ ކަން ނީންމީމަ. އޭގެ ކުރިން އެއީ ހުސް ވާހަކަ. އަޝްފާގަކީ އެއްކޮށް ކުޅެފައި. ހުރިހާ ގޮތަކުން ވެސް ރައްޓެއްސެއް. ހުރިހާ ކުޅުންތެރިން ވެސް އެހެން ވަރަށް ގާތް. ދެން އެގޮތަށް ނަގާލި ފޮޓޯ އެއް އެއީ،" ނިޒާމްބެ ކުރިން ބުނެފައިވެ އެވެ.
ރާއްޖޭގެ ޓްރާންސްފާ މާކެޓް ހުޅުވިފައިވާއިރު، މުއްދަތު ހަމަވާނީ އަންނަ ހުކުރު ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމަލޭ
20 June 2018
ދަނގަޑޭ ޓީސީއަށް ދިޔަސް ޓީސީއަކުނެތް ތައްޓަކާ ހަމައަށް ވާސިލްވުމުގެ ފެންވަރެއް.
ޗެލްސީ
20 June 2018
އެބުނީ ހެޔޮކޮން...
ފުންއަސަރު
20 June 2018
ކޮންމެ ޓީމަކަށްވެސް ދަގަނޑޭ ބޭނުންވާނެ. އެކަމަކު ދަގަނޑޭމެން އެކިޔާލާ މިލިއަންރުފިޔާދީގެން ކޮންމެ ކޮންމެ ޓީމަކަށް ދަގަނޑޭމެން ނުގެންދެވޭނެ. އަހަރެންނަށް ޚަބަރުލިބުނުގޮތުގާ ނިއުރޭޑިއަންޓަށ ދަގަނޑޭ ގެންދިޔައީ 3 މިލިއަން ރުފިޔާއަށް. އެތަނުން އެއްމިލިއަންރުފިޔާ އެޑްވާންސްގެ ގޮތުގާވަނީ ދީ ނިންމާފަ. ދެންބާކީ އޮތް ދެމިލިއަންރުފިޔާ މަސްތަކަށް ބަހައިގެން ދެމުންއެދަނީ. އެކަމަކު މިފަހަކަށްއައިސް ނިއުރޭޑިއަންޓުންވެސް ދަގޭއަށް ދޭންޖެހޭ ފައިސާކޮޅު ދޭންޖެހޭ ދުވަހަށް ނުދެވޭތީ މިހާރުވެސް އެވަނީ މައްސަލަތަކާ ކުރިމަތިވެފާ. ދެން ބުނެބަލަ ކޮންމެ ކޮންމެ ޓީމަކަށް ދަގޭ ގެންދެވިދާނެތަ؟ ހަމައެކަނި ދަގޭ ގެންގޮސްގެން ފުލްއެގާރަ ލިބޭނެތަ؟ ދެން ބުނެލަންބޭނުންވަނީ މިހާރު ރާއްޖޭގެ ފުޓުބޯޅައިގެ ކަންކަން ދާގޮތުން، މިލިއަނުން ކުޅުންތެރީން ހޯދައިގެން އެކަންކުރުމަށްވުރެ ކޮންމެވެސް އެހެންކަމަކައިގެން އުޅުނަސް މާ ރަނގަޅުވާނޭ. ދަނޑަށް މީހަކު ވަންނަނީކީނޫން. އެންމެ ސަޕޯޓަރުންގިނަ ނިއުރޭޑިއަންޓް ކުޅުނަސް ކަންކަންވަނީ މިހެން.