މާލެ އައި ޓޫރިސްޓުންތަކެއް ޖުމްހޫރީ މައިދާން ކައިރީގައި މަޑުކޮށްލައިގެން: ޓޫރިސްޓުން އަންނަ މިންވަރު ވަނީ ދަށްވެފައި. ފޮޓޯ/ މިހާރު
20 ޖޫން 2018 - 13:45
5 comments
މިދިޔަ މަހު ޗައިނާ އިން ރާއްޖެ އައި ޓޫރިސްޓުންގެ އަދަދު 27 ޕަސެންޓް ދަށްވެ، މިދިޔަ މަހު ވެސް ރާއްޖޭގެ ޓޫރިޒަމް ދަށަށް ހިނގައްޖެ އެވެ.
ޓޫރިޒަމް މިނިސްޓްރީން އިއްޔެ އާއްމުކުރި ތަފާސްހިސާބުތައް ދައްކާ ގޮތުން މިދިޔަ މަހު ޗައިނާ އިން އައީ 16،927 ޓޫރިސްޓުންނެވެ. މިދިޔަ މަހު ޓޫރިސްޓުން އައި ގައުމުތަކަށް ބަލާއިރު އެންމެ ގިނަ ޓޫރިސްޓުން އައީ ވެސް އެ ގައުމުންނެވެ.
މިދިޔަ މަހު ރާއްޖެ އަށް ޖުމްލަ 92،913 ޓޫރިސްޓުން އައި އިރު އެއީ މިދިޔަ އަހަރުގެ އެ މުއްދަތާ އަޅައި ބަލާއިރު 0.6 ޕަސެންޓްގެ ދަށް ވުމެކެވެ.
ތަފާސްހިސާބުތައް ދައްކާ ގޮތުން އޭޝިއާ އަދި ޕެސިފިކް ސަރަހައްދުން އައި ޓޫރިސްޓުންގެ އަދަދު ވަނީ 8.8 ޕަސެންޓް ދަށްވެފަ އެވެ. އެ ސަރައްދުން އައީ ޖުމްލަ 45،291 ޓޫރިސްޓުންނެވެ. އެކަމަކު ޔޫރަޕުން އައި ޓޫރިސްޓުންގެ އަދަދު 12 ޕަސެންޓް އިތުރުވި އެވެ. އެ ސަރަހައްދުން 40،056 ޓޫރިސްޓުން އަ އެވެ.
ޓޫރިޒަމްގެ ތަފާސްހިސާބުތައް ދައްކާ ގޮތުން މިދިޔަ މަހުގެ ނިޔަލަށް ރާއްޖޭގައި ރަޖިސްޓްރީ ކޮށްފައި ހުރި ޓޫރިސްޓް އެނދުގެ ޖުމްލަ އަދަދަކީ 42،680 އެވެ. އޭގެ ތެރޭގައި ހިމެނެނީ 128 ރިސޯޓާއި 12 ހޮޓެލް، 483 ގެސްޓްހައުސް އަދި 146 ސަފާރީގައި ރަޖިސްޓްރީކޮށްފައި ހުރި އެނދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
21 June 2018
މީހަކު ނުވަތަ ޕާޓީއެއް ވެރިކަމަށްގެންނައިރު ރައްޔިތުންނާއިމެދު ވިސްނާ ހުލްޤުހެޔޮ ހިތްތިރި ވެރިޔަކު މި ޖަޒީރާރަތްތަކުގެ ވެރިކަމަށްގެންނާންވީ މިހެންވެ. . . . . އަދި ލާމަރުކަޒީ ނިޒާމްގެ ތެރެއިން އަދުލުވެރިގޮތަކަށް ދައުލަތުގެ ބާރާއި ވަސީލަތް ހިއްސާކުރުމާއި އެކު “ފުރިހަމަ ނިޒާމެއްގެ ތެރެއިން ވެލްތްޑިސްޓްރިބިއުޓް ކުރެވޭނަމަ މިފަދަ ހާލަތް ތަކުގައިވެސް ނޭވާހޮޅިއަށްނުވެއްޓި ސަލާމަތްވާނެ” މަގު އޮންނާނެ. . . . . . ދެންއޮތީ “މިއަދަތު ތަކަކީވެސް ހަމަ ރަނގަޅު އަދަދު ތަކެއް” ކަމަށް ޤަބޫލު ކުރުން. އެކަމަކު އެގޮތަށް ވާހަކަ ދެއްކުމުގެ ކުރިން ސަރުކާރުން މަހުޖަނުން ރުޅިއަޔަސް ވަރިހަމަކަމަށްނިންމާފަ ރިސޯޓް ތަކުގައި ވަޒީފާއަދާކުރާ ބިދޭސިން މުޅިންބަދަލުކޮށް “ފަތުރުވެރިކަމުގެ ވަސީލަތް ތަކުން އެތެރެވާ ޑޮލަރުކޮޅު ސީދާދިވެހިންގެ އަންބޮޑިއަށް” ލެވޭނެ ސިޔާސަތެއް ތަންފީޒު ކުރާންޖެހޭ.
ޔުނައިޓެޑް އައްޑޫ
20 June 2018
ނޭނގި ތިއްބާ ކަރުގައި އެހިފަނީ. ބޮޑެތި އަދަދުން ލޯނު ދީފައި ޓޫރިސްޓުން ނުފޮނުވަނީ ކީއްވެގެންކަން ދަންނަންޖެހޭ!
އަހްމަދ
20 June 2018
ބަލާބަލަ މިދިޔަމަހު ދިވެހިން ޓޫރިސްޓުންގެ ގޮތުގައި ލަންކާއަށް އަދި ރިސޯޓުތަކަށް ދިޔަ އަދަދު...
ކެމެލް
20 June 2018
މީ އޮފް ސީޒަން.. ޓުއަރިސްޓުން އަންނަލެއް މަދުވާނެ.. އަޅާކިޔަންޏާ، ކިޔަންވާނީ ވޭތުވެދިޔަ އަހަރުތަކުގެ މިދުވަސްވަރާ!
އެޑަމް
20 June 2018
ރާއްޖޭގެ އިގްތިޞާދު ހަމައެކަނި ޓޫރިޒަމަށް ބަރޯސާވެފަ އޮންނަ އޮތުން ކުޑަކޮށް އެހެން ކަންކަމަށް ވިސްނަން އެބަޖެހޭ. ދަނޑުވެރިކަމާއި މަސްވެރިކަމާއި ދެންވެސް ރާއްޖޭގައި ކުރިއެރުވެން ހުރި ފަންނުތައް ދިރާސާކޮށް އެކަންކަން ކުރިއަރުވަން އެބަޖެހޭ. މިހާރު ކޮންމެ ޤައުމެއްގައި ރާއްޖެއާއި ވައްތަރު ކުދި ރައްތައް ހަދާ ރިޯޓްތައް ތަރައްޤީ ކުރަމުން އަންނައިރު މިކަންކަމުން ރާއްޖޭގެ ފަތުރުވެރިކަން އެތައް ގުނަޔަކަށް ދަށަށް ދާނެކަމަށް ފެނޭ.. އެހެން ގޮތްތަކެއް ވިސްނަން އެބަޖެހޭ...