މާފަރު އެއާޕޯޓަށް ޓެސްޓް ފްލައިޓް ޖެއްސުން އަންނަ މަހުގެ 17ގައި

މާފަރު އެއާޕޯޓުގެ ރަންވޭގެ ތާރުއެޅުމުގެ މަސައްކަތަށް ތައްޔާރުވެފައި: މަސައްކަތް ހަފްތާއެއްހާ ދުވަސް ތެރޭގައި ނިމޭނެ.

އަބްދުﷲ ޖަމީލު، މިހާރު

27 ޖޫން 2018 - 11:45

ނ. މާފަރުގައި އަލަށް ހަދާ އެއާޕޯޓަށް ފުރަތަމަ ޓެސްޓް ފްލައިޓް އަންނަ މަހު 17ގައި ޖެއްސޭ ވަރަށް ތައްޔާރުވަމުން އަންނަ ކަމަށް ރީޖަނަލް އެއާޕޯޓްސް އިން މިއަދު ބުނެފި އެވެ.

ރީޖަނަލް އެއާޕޯޓުގެ އިސް އޮފިޝަލަކު ވިދާޅުވީ ބައިނަލްއަގުވާމީ އެއާޕޯޓެއްގެ ގޮތުގައި ތަރައްގީކުރާ އެއާޕޯޓުގެ ހުރިހާ މަސައްކަތެއް ނިމި، އަންނަ އޮގަސްޓް މަހު ރަސްމީކޮށް ހުޅުވާނެ ކަމަށެވެ.

"ރަންވޭ އާއި ޓެކްސީ ވޭގައި ތާރު އަޅަން ފަށާތާ ހަފުތާއެއްހާ ދުވަހުގެ ތެރޭގައި އެ މަސައްކަތް ނިމޭނެ. މިހާރު ވަނީ އެ ތަނުގެ އޭބީސީ ލޭޔަރު ވެސް ނިމި ތާރު އަޅަން ތައްޔާރުކޮށްފައި. ދެތިން ދުވަސް ތެރޭގައި އެ މަސައްކަތް ފެށޭނެ،" އޭނާ ވިދާޅުވި އެވެ.

އެ އޮފިޝަލް ވިދާޅުވީ، އަބޫދާބީ ފަންޑުގެ 60 މިލިއަން ޑޮލަރުގެ ހިލޭ އެހީއެއްގެ ދަށުން 2،200 މީޓަރުގެ ރަންވޭއަކާ އެކު ހަދާ އެއާޕޯޓުގެ ރަންވޭގެ 90 ޕަސެންޓް މަސައްކަތް ނިމިފައިވާ އިރު، ޓާމިނަލްގެ 80 ޕަސެންޓް މަސައްކަތް ނިމިފައިވާ ކަމަށެވެ.

ސިންގަޕޫރުގެ ޓަފް އޮފްޝޯ ކިޔާ ކުންފުންޏަކާ ހަވާލުކޮށްގެން ހަދާ އެއާޕޯޓަށް އެއާބަސް އޭ 320 މަރުކާގެ ބޯޓާއި ބޮއިން 737 މަރުކާގެ މަތިންދާބޯޓު ޖެއްސޭނެ އެވެ. އަދި އެ އެއާޕޯޓުގައި ޒަމާނީ ފެންވަރުގެ ޓާމިިނަލެއްގެ އިތުރުން ވީއައިޕީ ޓާމިނަލެއް ވެސް ހެދުމުގެ މަސައްކަތް އަންނަނީ ކުރަމުންނެވެ.

މާފަރު އެއާޕޯޓް ހަދަން ފުރަތަމަ ހަވާލުކުރީ، ހާމިދު އިސްމާއީލްގެ މިލޭނިއަމް ކެޕިޓަލް ކިޔާ ކުންފުންޏަކާ އެވެ. އެ އެއްބަސްވުން އުވާލައި އެ މަސައްކަތް މިދިޔަ އަހަރުގެ މާޗް މަހުގެ ތެރޭގައި ހަވާލުކުރީ، ރައްޔިތުންގެ މަޖިލީހުގެ ދ. މީދޫ ދާއިރާގެ މެމްބަރު އަދި އެމްޑީއޭގެ ލީޑަރު އަހުމަދު ސިޔާމް މުހައްމަދު ހިއްސާވާ ސަން ސިޔާމްސް ރިސޯޓްސްއާ އެވެ.

ވައިގެ ދަތުރުފަތުރު ނ. މާފަރު ސާމީ އަގީލް ސަރަހައްދީ އެއާޕޯޓްތައް

1 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުންއަސަރު

27 June 2018

ތީ ސައެއް ބޯލާވަރުގެ ކަމެއް. ތީ ކުރާން ބޭނުންވެ ނުވެފާ އޮތް ކަމެއް. ތީ މިހާތަނަށް ވެރިކަންކުރި ހުރިހާ ވެރިންވެސް ކޮށްދޭން އެއްބަސްވެ ނުވެހުރިކަމެއް. ހަމަގައިމުވެސް މިހާރު ކޮޅުމަތި ފެންނަން ފަށައިފި. އިރާދަކުރެއްވިއްޔާ ދެން ތިޔަދަނީ ރަނގަޅަށްކަމުގާ ގަބޫލުކުރެވޭ. ސާބަހޭ ސާބަހޭ.