ހިއްކައިގެން ތަރައްގީކުރަން ހަމަޖެހިފައިވާ މާލެ އަތޮޅު މާވަރު ފަޅުގެ ކުރެހުމެއް.
02 ޖުލައި 2018 - 11:30
11 comments
މާލެ އަތޮޅު މާވަރު ފަޅުގައި މަތީ ފެންވަރުގެ ހަތަރު ރިސޯޓު ހަދަން، ބިން ހިއްކަން އެމްޓީސީސީއާ މިދިޔަ ހަފުތާގައި ހަވާލުކޮށްފި އެވެ.
މާލެ އަތޮޅު އުތުރުގައި އޮންނަ މާވަރު ފަޅު ތަރައްގީކޮށް ހިންގާނީ ގުޑް ކެޗް ޕްރައިވެޓް ލިމިޓެޑް ކިޔާ ކުންފުންޏަކުންނެވެ. އެ ކުންފުނިން ބިން ހިއްކުމުގެ މަސައްކަތް އެމްޓީސީސީއާ ހަވާލުކުރީ މިދިޔަ ހަފުތާގަ އެވެ. އަދި އެ މަސައްކަތް ކުރިޔަށް އޮތް ދިހަ ވަރަކަށް ދުވަހުގެ ތެރޭގައި ފަށަން ވަނީ ހަމަޖެހިފަ އެވެ.
މާވަރު ފަޅުގައި ހިއްކައިގެން ތަރައްގީކުރަން ހަމަޖެހިފައި ވަނީ 8 ހެކްޓަރުގެ ތިން ރަށާއި 5.1 ހެކްޓަރުގެ އެއް ރަށެވެ. އެ ފަޅު ފަޅު ގުޑް ކެޗް ކުންފުނިން ގަނެފައިވަނީ މިދިއަ މެއި މަހު އެވެ.
އެ ފަޅު ތަރައްގީކުރާ ކުންފުންޏާ ހަވާލާދީ، ޓޫރިޒަމް ހަބަރުތައް ގެނެސްދޭ ބައެއް ވެބްސައިޓްތަކުގައި ބުނެފައި ވަނީ އެ މަޝްރޫއުގެ ފުރަތަމަ ފިޔަވަހީގެ ދަށުން ހިއްކަން ހަމަޖެހިފައި ވަނީ 8 ހެކްޓަރުގެ ދެ ރަށެވެ. އަދި ހިއްކުމުގެ މަސައްކަތް ދެ މަސްދުވަހުގެ ތެރޭގައި ނިމޭނެ ކަމަށް ވެސް އެ ވެބްސައިޓްގައި ބުނެފައިވެ އެވެ.
ގާތްގަނޑަކަށް ތިން ކިލޯ މީޓަރުގެ ދިގު މާވަރު ފަޅު ހިއްކައިގެން ތަރައްގީކުރަން ހަމަޖެހިފައި ވަނީ ފަސް ތަރި އަދި ހަތް ތަރީގެ ރިސޯޓުތަކެއް ކަމަށްވެ އެވެ.
އެ ފަޅު ހިއްކުމުގެ މަސައްކަތް ފަށާއިރު، މިހާތަނަށް މާލެ އަތޮޅުން 27 ފަޅެއް ރިސޯޓު ހަދަން ވަނީ ދޫކޮށްފަ އެވެ. އަދި އިތުރު ފަސް ފަޅެއް މިއަހަރުގެ ތެރޭގައި ކުއްޔަށްދޭނެ ކަމަށް ސަރުކާރުން ބުނެފައިވެ އެވެ.
މާވަރު ފަޅު ހިއްކައިގެން ހަތަރު ރިސޯޓެއް ހަދާއިރު ތައިލެންޑްގެ ސިންގަ އެސްޓޭޓުން ދަނީ ގާތްގަނޑަކަށް 350 މިލިއަން ޑޮލަރު ހަރަދުކޮށްގެން ކ. އެނބޫދޫ ފަޅު ހިއްކައިގެން ރިސޯޓުތަކާއި ޑިއުޓީ ފްރީ ފިހާރަ އަދި ރެސްޓޯރަންޓް ތަރައްގީކުރަމުންނެވެ. އެ ތަނުގައި ހަދާ ހާޑް ރޮކް ހޮޓެލް މިއަހަރުގެ ފަހުކޮޅު ހުޅުވަން ވަނީ ހަމަޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ
02 July 2018
ބަލަ ވާވަރަށް ރިޒޯޓު ނެތީތަ؟ ގިނަ ތަންތަނުން އެއުޅެނީ ހެސްކިޔާފަ ޑިސްކައުންޓު އަޅުވައިންވެސް ރަނގަޅު އޮކިއުޕަންސީއެއް ނުލިބިގެން. ދެން ނުޖެހޭ ދޯ ތިމާވެށި ހަލާކުކޮއްލާފަ އިތުރަށް ރިޒޯޓުތަކެއް އަޅާކަށް. މިމީހުން ފޭބުމުގެ ކުރިން މުޅި ގައުމު ވިއްކާލާފަ މުޅި ތިމާވެށީގެ ދުވަސްދުއްވާލަނީ. މީގެން ކޮންމެ މީހަކު މުޅި އުމުރު ދުވަސް މަސައްކަތެއް ނުކޮށް އުޅެވޭހާ ފައިސާ މިހާރު ހުރީ ބޭރުގެ އެކަންޓުތަކަށް ޖަމާކޮއްފަ ތޯއްޗެއް.
ފޒުޅު
02 July 2018
ހެޔޮނުވާނެ ހުރިހާފަޅެއް ނުވިއްކަބަލަ. ރާއްޖޭގެ މަތިން ބަލާލުމުން އެލިބޭހިތްހަމަޖެހުން ފަޅުތަށް ހިއްކުމުން ނުލިބޭނެ. ހަސަންފަރީދާއި ސަމުސުއްދީން ތަންތަންވިއްކިނަމަ ޔާމީނު ވިއްކާނެތަނެއްނޯންނާނެ. މުދާވިއްކައިގެން ފައިސާހޯދަން މަގޭ 10 އަހަރުގެ ދަރިންނަށްވެސްއެނގޭ.
ޝޮކްތެރަޕީ
02 July 2018
އެމްޑީޕީއަކަ މިރާއްޖެތަރައްގީ ކުރާކަ ނޭގުނު ޔާމިން ތަރައްގީ ކުރާތީ އެމްޑީޕީ މީހުން ދޮގުހަބަރު ފަތުރާ މިރާއްޖެ ފަސާދަކުރަނީ.
އުމަރުބެ
02 July 2018
މިފަޅު ވިއްކައިގެން ސަރުކާރަށް ލިބުނު އަދަދު ނުބުނަނީ ކީއްވެގެން؟ ތިޔަ ފަޅު ވިއްކައިގެން އުޅެނީ 25 މިލިއަން ޑޮލަރަށް، ޖަޕާނުގެ ސަރުކާރުން ދޭ އެހީ، ވޯލްޑްބެންކުންދޭ ލޯނުގެ އަދަދު ހާމަކުރާގޮތަށް ފަޅުވިއްކައިގެން ލިބުނު އާމްދަނީ ހާމަކުރަންޖެހޭ
ކުމަރި
02 July 2018
ކިހާވަރަކަށްތިދިނީ އެއީ ރައްޔިތުމީހާ ބަލަން ބޭނުންވާ އެއްޗަކީ،
އުނބުށެން
02 July 2018
އެމްޓީސީސީ ން ހުރިހާކަމެއް ތިޔަ ކުރަނީ ލޭންދޭނަށް ބާވައެވެ. ފައިދާއިން އާންމު ހިއްސާދާރުންނަށް ބަހަން ނިންމި ލާރިކޮޅު ނުދެވިގެންއުޅޭތީ އަހާލީއެވެ.
އަލީ
02 July 2018
ރިސޯޓްހެދުމުން އަހަރަމެންގެ ޖީވަށްވަންނަނީ ކޯއްޗެއް ... ކިތައްމެ ބުރުޖެއް, އަޅާ އަދި ރިސޯޓްހުޅުވާ ... ފްރަންޗައިޒް ރެސްޓޯރަންޓް ހުޅުވިޔަސް އަހަރެމެން ރައްޔަތުމީހާގެ ޖީބަށް ލުޔެއްނުލިބޭ ... އަދިވެސް ބޮޑުކުލީގައި .. ބާޒާރުގެ އަގުތައް ހައްތާވަނީ ބޮޑު ... ކަރަންޓްބިލް, ފެންބިލް, ފޯންބިލް, އިންޓަރނެޓްބިލް, މީޑިޔާނެޓް ބިލް ފަދަ ބިލްތަކަށް ލުޔެެއްނުލިބޭ .. ދެންކޮން ތަރައްޤީއެއް ކިޔާކަށް ... ނުދޭނަންވޯޓެއް .. ވަރަށްސަފް.
ޢަލިދީދީއައްޑޫސިޓީ
02 July 2018
މުޅި ރާއްޖެ ހއ. ތުރާކުން ފެށިގެން އައްޑު އާއި ހަމަޔަށް ހިއްކާލަ ދީބަލަ. ރޭލު ދުއްވާ ހިތުން މިއުޅެނީ. މަތިންދާ ބޯޓުގެ ޓިކެޓް މާބޮޑަށް ވެސް އަގު ބޮޑުވީމަ.
މަސްވެރިން
02 July 2018
ދެން ހުރިހާ މަސްވެރިން ކޮނޑުހުޅުން ނެއްޓެންދެން ބާރަށް އަތްޖަހާ! ފިސާރި އެންލިބޭނެ ހުރިހާ ފަޅެއް ހިއްކީމަދޯ؟
22222
02 July 2018
ރިސޯޓް ހަދަން ފަޅު ހިއްކައިގެން ނުވާނެ. އިންސަނުން ދިރިއުޅެން އެނޫން އެހެން ގޮތެއް ނެތިގެން ހިއްކިއަސް. މަދުބަޔަކު ޖީބު ފުރަން އަތޮޅު ހަލާކު ކޮށްލައިގެން ނުވާނެ! ރާއްޖޭގައި ފަޅުރަށް ނެތީކީނޫން.
ތައުފީގު
02 July 2018
ތިކަން ވާންއޮތީ ގާނޫނު އަސާސީ އިސްލާހުކޮށް ރައްޔިތުން ބާރުވެރިކޮށް ފަޅުތަކާ ގިރިތަކަކީ ވެރިމީހާ ހިތަށް އަރާއިރަށް ދޫކޮށްނުލެވޭ ގޮތަށް އަތޮޅުގެ މުދާކަމަށް ހެދިގެން.