ހިލަރީގެ ކެމްޕޭނަަށް އަމާޒުކޮށް ކުރިން ވެސް ވަނީ މުހިންމު އީމެއިލްތަކެއް ބޭޒާރުކޮށްލާފައި. --ފޮޓޯ:ރޮއިޓާސް
30 ޖުލައި 2016 - 13:38
4 comments
ވޮޝިންޓަން (ޖުލައި 30) - ޑިމޮކްރެޓިކް ޕާޓީގެ އެކި މުވައްސަސާތަކަށް ސައިބާ ހަމަލާތައް ދިނުމަށް ފަހު ހިލަރީ ކްލިންޓަންގެ ރިޔާސީ ކެމްޕޭން ހެކްކޮށްފި އެވެ.
އެންމެ ފަހުން ހެކަރުންގެ ހަމަލާ އަމާޒުވެފައި ވަނީ ޑިމޮކްރެޓިކް ނޭޝަނަލް ކޮމިޓީ އާއި ޑިމޮކްރެޓިކް ކޮންގްރެސް ކެމްޕޭން ކޮމިޓީއަށެވެ. އޭގެ ކުރިން ވަނީ ޕާޓީގެ އިސް ފަރާތްތަކުގެ މެދުގައި ބަދަލުކުރި އީމެއިލްތަކެއް ހެކް ކުރުމަށް ފަހު ވިކިލީކްސް މެދުވެރިކޮށް ބޭޒާރުކޮށްލައިފަ އެވެ.
އެމެރިކާގެ އޮފިޝަލުން ތުހުމަތު ކުރަނީ ހިލަރީގެ ކެމްޕޭނަށް އަމާޒުކޮށް ސައިބާ ހަމަލާތައް ދެމުން ދަނީ ރަޝިޔާ ސަރުކާރާ ގުޅުން އޮންނަ އެޖެންޓުން ކަމަށެވެ. އެމެރިކާގެ ރިޔާސީ އިންތިޚާބަށް ރަޝިޔާ އިން ނުފޫޒު ފޯރުވުމަށް މަސައްކަތް ކުރާ ކަމަށް ބައެއް ފަރާތްތަކުން ތުހުމަތު ކުރެ އެވެ. ނަމަވެސް ރަޝިޔާ އިން ވަނީ މިކަން ދޮގު ކޮށްފަ އެވެ. އަދި މިއީ ރަޝިޔާއާ ދެކޮޅަށް ވޮޝިންޓަނުން ފަތުރާ ދޮގު މައުލޫމާތު ކަމަށް ވެސް ބުނެފައިވެ އެވެ.
ހިލަރީއާ ދެކޮޅަށް އިންތިޚާބުގައި ވާދަކުރައް ރިޕަބްލިކަން ކެންޑިޑޭޓް ޑޮނަލްޑް ޓްރަމްޕް ވަނީ ހިލަރީގެ ކެމްޕޭނަށް އަމާޒުކޮށް ގިނަގިނައިން ސައިބާ ހަމަލާ ދިނުމަށް ރަޝިޔާ އަަށް ގޮވާލައިފަ އެވެ.
އެފްބީއައި އިން ބުނެފައި ވަނީ ހިލަރީގެ ކެމްޕޭނަށް އަމާޒުކޮށް ހެކްކުރަމުންދާ މައްސަލަ ތަހގީގު ކުރާނެ ކަމަށެވެ.
ޑިމޮކްރެޓިކް ނޭޝަނަލް ކޮމިޓީގެ އީމެއިލްތައް ހެކްކުރީ ޕާޓީގެ ކޮންވެންޝަން ބާއްވަން އެއް ދުވަހަށްވެފައި ވަނިކޮށެވެ. މި އީމެއިލްތަކާ ގުޅިގެން ޕާޓީގެ ޗެއާޕާސަން ޑެބީ ވަސަމަން ޝުލްޒް ވަނީ އިސްތިއުފާ ދެއްވައިފަ އެވެ. ބޭޒާރުކުރި މޭލްތަކުގައި ވަނީ ބާނީ ސެންޑާސް އަށް ޕާޓީގެ ރިޔާސީ ޓިކެޓް ދިނުމަށް ޕާޓީގެ އިސް ފަރާތްތަކުން ދެކޮޅު ހަދާކަން ހާމަވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
30 July 2016
ތިޔަކަންކުރާނީވެސް އަމިއްލަޔަށް ދެއް އެހެންބައެއްގެ ބޮލުގައި އަޅުވާނީ ،، ތިޔަށްކިޔާއުޅެނީ މީޑިޔާސްޓަންޓް ،، ސިޔާސީ ގޭމްއަކީ މަކަރާއި ހީލަތުން ކުޅޭއެއްޗެއް ،، ދުނިޔޭގައިއޮތް އެންމެ ޑާރޓީގޭމްއަކީ ޕޮލިޓިކްސް
ދެންދޯ
30 July 2016
ހިލަރީގެ ކެމްޕެއިނަށް ދެން ސައިބަރ ހަމަލާ އަޔަސް ހެޔޮ . ތިވެސް ވާނީ އިންތިގާލީ މަގަށް ރާއްޖެ ގެންދަން އުޅޭ ރަންރީނދޫ ކުދިންނާއި ގުޅުން ހުރި ހެކަރުން ކުރާ ކަމަކަށް . ޝައްކު ކުރެވޭ ވަރަށް ބޮޑަށް އެކަމުގައި. ރަންރީނދޫ މެން ނައްޓާފައި ނުދާނެއެވެ. އެމީހުންނަކީ އެއީ ހިލަރީ އަށް ޔޫއެސްގެ ރައީސް ކަން ދޭން ވަރަށް ނުގަބޫލު ބަޔެކެވެ. އެމީހުން ނުގަބޫލަސް މިފަހަރު ޔޫއެސްގެ ރައީސް ކަން ދޭނީ ސީދާ ހިލަރީ ކްލިންޓަން އަށެވެ. މީގައި މިނޫން އިތުރު އެއްވެސް ޗޮއިސް އެއްވެސް އޮވެގެން ނުވާނެ އަދި އިތުރު އެއްވެސް އެކްސްކިއުޒެއް ވެސް އޮވެގެން ނުވާނެއެވެ. މިކަން މިމަގުން ހިނގަން ޖެހޭނެއެވެ. ޓްރަމްޕް ދެން މަޑުކޮށްލާބަލަ ޔޫއެސްގެ ރައީސް އަކަށް އަންނަން ނޫޅެ. ރަށުތެރޭން އެހެން ކަމަކާއި ގެން އުޅެންވީ އެއް ނޫން ދެން ޓްރަމްޕް. ހިލަރީ އަށް ރައީސް ކަން ލިބިއްޖެނަމަ ޓްރަމްޕް ބޭނުން ނަމަ ޓްރަމްޕް އަށް ލިބޭނެ ބަންގާޅުގައި ހުންނަ ޔޫއެސްގެ އެމްބެސެޑަރު ކަން އިނގޭ.. ޕިންކް ކުދިންނަށް މިހާރު ޔަގީންވެ ކަށަވަރު ވެއްޖެ ހިލަރީ ހޮވޭނެ ކަން. ދެން އިދިކޮޅު ރަންރީނދޫ ކުދިން ވެސް ޓްވީޓް ކުރަންވީ ހިލަރީ އަށް ތާއީދު ކޮށް އެވެ. އެއިރުން ނޫން ހިލަރީ އާއި އެކު ކޮފީ އެއް ބޯލަން އޯވަލް އޮފީހުގައި އިނދެވޭނީ ދޯ.
ރޮޒަސް
30 July 2016
މާބޮޑަށް އެނގެނީ
ކިޔުންތެރިޔާ 767
30 July 2016
ލޮލް މީނަ ދެން މ.ޑ.ޕ ކުދިންނާއި ހާދަ ވަރެއް ހުންނަނީ. ހިލަރީ ބޭޒާރުވިއިރު މީނަ ހިލަރީއަށް ތާއީދު ކުރުމުން އެނގެނީ ފެންވަރު ދަށްކަން. ހިލަރީއެއްވެސް ޓުރަންޕެޓެއްވެސް ކަމަކު ނުދޭ. ހުސް ވެރިކަމުގެ ދަހިވެތިކަމުގައި. އެކަމަކު ޓުރަންޕަށްވުރެ ހިލަރީ އަނެއްހެން ރަގަޅުވާނެ. ޓުރަންޕު ހޮވިއްޖެނަމަ އެމެރިކާގައި މުސްލިމުން މިހާރު އުޅެވޭވަރަށްވެސް އުޅެން އުނދަގޫ ވާނެ. މެކުސިކޯ ވަށާ ފާރެއްވެސް ރާނާނެ. އެކަމަކު ބޭރުގެ ބައެއް ގައުމުތަކާއި ގުޅުންބޮޑުވުން އެކަށީގެންވޭ ދައްކާފަހުރި ވާހަކަތަކުން. އެކަމަކު މަހުޖަނަކަށް ވުރެ ދާއިރާގަ އުޅޭބޭފުޅަކަށް ދިނިއްޔާ މުސްތަގުބަލަށް ބަލާފަ ހިލަރީ ރަގަޅީ. އިތުރު ޗޮއިސްއެއް ދެންނެތް ޓުރަންޕު ފިޔަވާ.