ސ. ފޭދޫގައި ފެން ހިންދުމުގެ ނިޒާމް ގާއިމްކުރަން އެއްބަސްވުމުގައި ސޮއި ކުރެއްވުމަށް ފަހު އެންވާރަމެންޓް މިނިސްޓަރު ތާރިޤް (ކ) އަދި ސެނޮކް ޓްރޭޑް ކޮންބައިން ގެ އެކައުންޓަންޓް ޕްރަބާތު އެއްބަސްވުން ބަދަލުކުރަނީ
04 ޖުލައި 2018 - 13:25
6 comments
ސ. ފޭދޫގައި ފެން ހިންދުމުގެ ނިޒާމެއް ގާއިމްކުރުމަށް، 18 މިލިއަން ރުފިޔާ އަށް ލަންކާގެ އަމިއްލަ ކުންފުންޏަކާ މިއަދު ހަވާލުކޮށްފި އެވެ.
އެއް އަހަރު ދުވަހުގެ ތެރޭގައި ނިންމާ ގޮތަށް މި މަސައްކަތް ހަވާލު ކުރީ ލަންކާގެ ކުންފުންޏެއް ކަމަށްވާ ސެނޮކް ޓްރޭޑް ކޮމްބައިންއާ އެވެ. މަސައްކަތް ހަވާލު ކުރުމުގެ އެއްބަސްވުމުގައި ދިވެހި ސަރުކާރުގެ ފަރާތުން ސޮއި ކުރެއްވީ އެންވަޔަރްމެންޓް މިނިސްޓަރު ތޯރިގް އިބްރާހީމެވެ. ސެނޮކް ޓްރޭޑް ކޮމްބައިންގެ ފަރާތުން ސޮއި ކުރެއްވީ އެތަނުގެ އެކައުންޓެންޓް ޕްރަބާތު ރުވަންޕުރަ އެވެ.
ފެން ހިންދުމުގެ ނިޒާމެއް ފޭދޫގައި ގާއިމްކުރަނީ އެ ރަށަށް ދޭތެރެދޭތެރެ އިން ދިމާވާ ފެންބޮޑުވުމުގެ މައްސަލަ ހައްލު ކުރުމަށެވެ. އެހެންކަމުން މި މަޝްރޫއަށް ފޭދޫ ރައްޔިތުންގެ ފަރާތުން އެއްބާރުލުން ލިބޭނެ ކަމަށް އުންމީދު ކުރައްވާ ކަމަށް މިނިސްޓަރު ތޯރިގު ވިދާޅުވި އެވެ.
"ފޭޭދޫ ރައްޔިތުން މި މައްސަލަ އަށް ހައްލެއް އާދޭތޯ ވަރަށް ގިނަ ދުވަހު އިންތިޒާރު ކުރަމުން އަންނަ ކަމެއް މިއީ. އަޅުގަނޑުމެން އުންމީދު ކުރަނީ ފޭދޫ ރައްޔިިތުން މި މަޝްރޫއަށް އެއްބާރުލުން ދޭނެ ކަމަށް،" އެއްބަސްވުމުގައި ސޮއި ކުރުމުގެ ރަސްމިއްޔާތުގައި މިނިސްޓަރު ވިދާޅުވި އެވެ.
ފޭދުއަކީ ކުރިން ވެސް ފެންބޮޑުވުމުގެ މައްސަލަ ކުރިމަތިވާ ރަށެކެވެ. ނަމަވެސް މިހާރު މޫސުމަށް އަންނަ ބަދަލުތަކާ އެކު ވާރޭ ވެހޭލެއް ގިނަވެފައި، ކުއްލިއަކަށް ބޯކޮށް ވާރޭ ވެހިގަތުމުން ފެންބޮޑުވުމުގެ މައްސަލަ އިތުރުވެ، އައްޑޫގެ އެެހެން ރަށްތަކަަށް ވެސް މި މައްސަލަ ކުރިމަތިވަމުން އަންނަ ކަމަށް މިނިސްޓަރު ތޯރިގު ވިދާޅުވި އެވެ. އަދި މި މަޝްރޫއު ނިމުމުން، ފޭދޫގެ އެ މައްސަލަ ހައްލުވާނެ ކަމަށާއި، "ސްޓޯމް ވޯޓާ މެނޭޖްމެންޓް ނެޓްވޯކެއް" ވެސް ގާއިމްކުރާނެ ކަމަށް ވިދާޅުވި އެވެ.
ފޭދޫގައި ގާއިމްކުރާ ފެން ހިންދުމުގެ ނިޒާމަކީ ވެސް ދައުލަތުގެ ބަޖެޓުން ހަރަދު ކޮށްގެން ހިންގާ މަޝްރޫއުތަކުގެ ތެރޭގައި ހިމެނޭ މަޝްރޫއެކެވެ.
ތަރައްގީގެ މިފަދަ މަޝްރޫއުތަކަކީ ރައީސް އަބްދުﷲ ޔާމީން ވަރަށް ބޮޑު އިސްކަމެއް ދެއްވައިގެން ކުރިއަށް ގެންދަވާ މަޝްރޫއުތަކެއް ކަމަށް ވެސް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
05 July 2018
ކޮބާހޭ ތިނަދޫގެ ފެންހިންދާ ނިޒާމް ގާއިމް ކުރުމަށް ނިނއމި 37 މިލިޔަން ރުފިޔާ. އެކަން ކޮށްފިތަ. 1 އަހަރަށް ވުރެ ގިނަދުވަސް ވެއްޖެ މިހާރު . ކޮބާހޭ ކޮބާހޭ އެމްއާރ ޑީސީއަަތަ ހަވާލުކުރީ .
ޑޮކްޓަރުންގެ ސިޓީ / އައްޑޫ ސިޓީ
04 July 2018
ޔާމީން އަބުދުލް ޤައްޔޫމްގެ ސަރުކާރު ވައްޓާލުމަށާއި “ލާމަރުކަޒީ އުސޫލުން ދައުލަތުގެ ބާރުތައް ހިއްސާކުރާނެ ޖަޒީރާ ރައީސެއް ގެނައުމަށް، އައްޑޫރައްޔިތުން ވޯޓް ދޭންބޭނުންވަނީ” މާދުރުގައި އޮތް ރަށްގަނޑެއްގައި ތިބިބަޔަކު “ހެޔޮފުޅުކަމުން” ތިހެން ކޮށްދޭ ކަމެއްގެ އަޅުވެތިކަމުގައި ދެމިނުތިބުމަށާއި، އަދުލު ވެރިކަމާއި އެކު ދައުލަތުގެ މުއްސަނދިކަން ހިއްސާކޮށް “ވަޒަނުން ބޭރުކޮށްފައިވާ އަހަރުމެންގެ އާއިލާތަށް އަބުރާ ވަޒަނަށް” ގެންނާންބޭނުންވާތީ.
ސޯފީ ދަ ލަވްލީ ގަރލް
04 July 2018
ސާބަހޭ... ގައިމު ވެރިން ތިކަންކޮށްނިންމާފަވާނަމަ މިއަދު ތިޔަކަންކުރަން ޔާމީން ރައީސަކަށް ނުޖެހުނީސްތާ
ޓީއެމްއީ ދިގުރަށް
04 July 2018
ވެރިޔާކޮބާތޯ ދިގުރަށު ނަރުދަމާ ކޮބާތޯ ގިރާސަރަހަށްދު ތޮށި ކޮބާތޯ އޮޑި އެހެލާތަން ކޮބައިތޯ ފްޓްސެލްދަނޑް ކޮބައިތޯބަނދަރު ކޮބައިތޯ ދޫކުރަން ހަމަޖެހުނު ގޯތިތަށް .....އެއްވެސް ކަމެއް ކޮއްދެއްވުނު ތޯ މި 4 އަހަރު ތެރޭ...ވަރަށް ސަލާމް..ރަށުމީހާ..
ކަޑަ ޖަހަނީ
04 July 2018
ކުރިއަށް އޮތް ތިން މަހު ދިވެހި ރައްޔިތުން ހަނދަށް ދިޔުމުގެ ހުރިހާ ކަންތައް ސަރުކާރުން ބަޔަކާ ހަވާލުކޮށްފި! ......... ދެން އަތްޖަހާ........
ޢަލިދީދީއައްޑޫސިޓީ
04 July 2018
މިސަރުކާރަށް 5 އަހަރު ވެގެންދާއިރު، އައްޑޫގައި ކިތައް މަޝްރޫޢު ނިމިއްޖެތޯ؟ ހޮސްޕިޓަލް އަދިވެސް ނުނިމޭ. އެވެސް ބަޔަކު ކުރިން އަޅާފައި ހުރި އިމާރާތެއް ހޮސްޕިޓަލަކަށް ބަދަލުކުރާއިރުވެސް. ފުލެޓުތައް އަދި ވެސް ރައްޔަތަކަށް ނުދެވޭ. އެއްވެސް މަގެއް ނެހެދޭ. ބޯފެނާ ފާޚާނާގެ ނިޒާމެއް ގާއިމުކޮށް ނިންމައިނުލެވުނު. މަރަދޫފޭދޫ ބަނދަރު ކުދިކުދި ވެގެންދާއިރު (2004 ގެ ސުނާމީއަށްފަހު) އަދިވެސް ހަދައި ނުދެވޭ. އަޅެ ކޮންމެ ބަޔަކު ވެރިކަމުގަ ތިއްބަސް މިއީ ވެސް ރާއްޖޭގެ ބޮޑު އާބާދީއެއް ދިރިއުޅޭ ރަށްތަކެކޭ. ވޯޓުހޯދަންވީމަ ހަނދާންވިޔަކަސް ކުރާނެ ފައިދާއެއްނެތްކަން ހަނދުމަކޮށްދެން.