އާބާދީގެ 54 ޕަސެންޓް، 2054 ވަނަ އަހަރު އަންނައިރު އުޅޭނީ މާލޭގައި

މާލޭގެ ތޮއްޖެހިފައިވާ މަގެއް. -- މިހާރު ފައިލް ފޮޓޯ/ނިޝާން އަލީ

އާމިނަތު ޝިފްލީން، މިހާރު

11 ޖުލައި 2018 - 21:55

ރާއްޖޭގެ އާބާދީ އިތުރުވެ، އަންނަމުންދާ ބަދަލުތަކާއެކު، 2054 ވަނަ އަހަރު އަންނައިރު ރާއްޖޭގެ އާބާދީގެ 54 ޕަސެންޓް ދިރިއުޅޭނީ މާލޭގައި ކަމަށް، ރާއްޖޭގެ އާބާދީއާ ގުޅޭގޮތުން ނެރުނު ރިޕޯޓުގައި ބުނެފި އެވެ.

މިއަދު ފާހަގަކުރާ ދުނިޔޭގެ އާބާދީ ދުވަހާ ގުޅުވައިގެން، ނެޝަނަލް ބިއުރޯ އޮފް ސްޓެޓިކްސް އާއި ޔޫއެންއެފްޕީއޭ ގުޅިގެން ނެރުނު ރިޕޯޓުގައިވާ ގޮތުން މިހާރު ރާއްޖޭގެ އާބާދީގެ 38 ޕަސެންޓް ދިިރިއުޅެނީ މާލޭގަ އެވެ.

އެންމެ ފަހުން ނެގި ބޯހިމެނުމުގައި ދައްކާގޮތުގައި މިހާރު ރާއްޖޭގެ އާބާދީ ވަނީ 340،000 އަށް ވުރެ އިތުރުވެފަ އެވެ. އޭގެ ތެރެއިން 153،379 މީހުން ދިރިއުޅެނީ މާލޭގަ އެވެ.

އެކަމަކު ތަފާތު ސަބަބުތަކާ ހުރެ، ކުރިއަށް އޮތް ތަނުގައި އެ އަދަދު ވަރަށް ބޮޑަށް އިތުރުވާނެ ކަމަށް ރިޕޯޓުގައި ލަފާކޮށްފައިވެ އެވެ. އެގޮތުން، 2054 ވަނަ އަހަރު، ރާއްޖޭގެ އާބާދީގެ 54 ޕަސެންޓް ދިރި އުޅޭނީ މާލޭގައި ކަމަށް ބުނެފައިވެ އެވެ.

މި ބަދަލާ އެކު، މިހާރު ރާއްޖޭގައި އެންމެ ބައިގިނަ އަތޮޅުތަކުގެ އާބާދީ، ތިން ބައި ކުޅަ އެއްބަޔަށް މަދުވާނެ ކަމަށް ލަފާކޮށްފައިވެ އެވެ.

މާލޭގައި ދިރިއުޅޭ މީހުންގެ އަދަދު އިތުރުވާނެ ކަމަށް ލަފާކޮށްފައިވަނީ ހިޖުރަކުރާ މީހުންގެ ނިސްބަތާއި ދަރިން ހޯދާ ނިސްބަތުގެ މައްޗަށް ބިނާކޮށެވެ.

"ޖުމްލަ ގޮތެއްގައި އާބާދީގައި ގިނަ ވަމުންދާނީ އުމުރުން ދުވަސްވީ މީހުންނެވެ. ކުރިއަށް އޮތްތަނުގައި އެ މީހުންގެ އަދަދު ދެގުނަ އިތުރު ވާނެ އެވެ." ރިޕޯޓުގައި ބުނެފައި ވެ އެވެ.

ރާއްޖޭގެ އާބާދީއަށް އަންނަ ބަދަލުތަކަށް ބަލައި ތައްޔާރުކޮށްފައިވާ އެ ރިޕޯޓުގައިވާ ގޮތުން އަހަރުން އަހަރަށް ރާއްޖޭގެ އާބާދީ އަންނަނީ އިތުރުވަމުންނެވެ. އާބާދީ އިތުރުވާ ރޭޓަށް ބަލާއިރު މީގެ 40 އަހަރު ފަހުން އެ އަދަދު މިލިއަނަކަށް އަރާނެ ކަމަށް ރިޕޯޓްގައިވެ އެވެ.

ކުރިއަށް އޮތް 40 އަހަރު ތެރޭ، މީހުންގެ އުމުރު ދިގުވެ، އުމުރުން ދުވަސްވީ މީހުންގެ އާބާދީ އިތުރުވާއިރު ކުދިން ހޯދާލެއް މަދުވެ، ކުޑަކުދިންގެ އާބާދީ 21 ޕަސެންޓުން 11 ޕަސެންޓުން ދަށް ވާނެ ކަމަށް ލަފާ ކުރެވެ އެވެ.

ރިޕޯޓުގައި ބުނިގޮތުގައި 2030 އަހަރާ ޖެހެންދެން، ކުޑަކުދިންގެ އާބާދީ ދާނީ މައްޗަށެވެ. އެގޮތުން 2030 ވަނަ އަހަރު އެ ނިސްބަތް، 17 ޕަސެންޓަށް އެރުމަށް ފަހު ދެން ދާނީ ދަށަށް ކަމަށް ބުނެފައި ވެ އެވެ.

ރާއްޖޭގައި އެންމެ ފަހުން ބޯހިމަނާފައިވަނީ 2014 ވަނަ އަހަރު އެވެ.

އާބާދީ ބޯހިމެނުން އާބާދީ އިތުރުވާ ރޭޓް ހިޖުރަކުރުން ދުނިޔޭގެ އާބާދީ ދުވަސް މޯލްޑިވްސް ބިއުރޯ އޮފް ސްޓެޓިސްޓިކްސް މާލެ

45 ކޮމެންޓް, 85 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިޖުލާލް

12 July 2018

ކަޑަ ފޫހި ހަޑި ރަށެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް

12 July 2018

ސިޔާސީ މީހުނާއި ވިޔަފާރިވެރީންގެ އަމިއްލަ އަދި ވިޔަފާރީގެ މަސްލަހަތު ހިމާޔަތް ކުރުމަށް އާއްމު ރައްޔިތުން ގުރުބާން ކުރަނީއެވެ. މައްސަލަ އަށް ހައްލެ ހޯދުން ފަސޭހައެއް ނޫނެވެ. ސިޔާސީ މާހައުލު ކޮންޓްރޯލް ކުރަނީ ޕާޓީ ތަކުންނެވެ. މަޖްލީހާއި ވެރިކަމަށް އާދައިގެ މީހުންނަށް ހެޔޮއެދި އަދި އެމީހުން ކުރިއަރުވަން މަސައްކަތް ކުރާ ބަޔަކު ގެންނަން މަސައްކަތް ކުރަން ވީއެވެ. މާލެ އާ އެއް އަގެއްގައި ހިދުމަތާއި ތަކެތު ރަށްރަށުން ލިބޭނެ އިންތިޒާމް އެއް ގާއިމް ކުރަން ވީއެވެ. އެސްޓީއޯ ފަދަ ކުންފުނި ތަކަށް ރާއްޖޭގެ ހަތަރު ސަރަހައްދެއްގައި ވަސީލަތް ތައް ގާއިމްކޮށްގެން އެކަން ކުރެވިދާނެއެވެ. މިކަމަށް މިހާރައްވުރެ ބޮޑަށް ރައްޔިތުންގެ ހޭލުންތެރިކަން ބޭނުންވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

12 July 2018

މާލޭ މީހުންނޭ ކިޔައިގެން އެއްޗެހި ކިޔުމުގެ ބޭނުމެއްނެތް. މާލޭގައި ދިރިއުޅޭތޯ މާލެއަށް އުފަން ކިތައްމީހުން ވަންްނާނެ ގެދޮރެއް ނެތިވެސް. އެއާއެކު ފައިސާވެރި ރާއްޖެރޭ މީހުންވެސް އެބައުޅޭ ވަރަށް އުފަލުގައި މާލޭގައި ގޭގެ ގަނެގެން. އެހެންވީމާ މާލެއަކީ ހަމައެކަނި މާލޭމީހުންގެ ތަނެކޭ ކިޔުމުގެ ބޭނުމެއްނެއް. ދެންއޮތީ މާލެ ގޮތަށް ތަރައްގީ ކުރެވޭނެ އަތޮޅުތަކުގެ ވާހަަކަ. ލ. އަތޮޅާއި ސ. އަތޮޅު ތަރައްގީކޮށް މާލެގޮތަށް ނުހެދިގެން އުޅެނީ ފައިސާ ނެތީމާކަން އެނގޭ. ފައިސާ ހުރެގެން އިންޑަސްޓްރީތައް އުފެދި ލާމަރުކަޒީ ގޮތުން ހިންގުމުގެ ބާރު ދީގެން އެގޮތަށް އަތޮޅުތައް ތަރަައްގީ ކުރެވޭނީ. މިހާރު އޮތްގޮތަށް ކުރީގެ އެޓޯލްސް މިނިސްޓްރީ ހިންގި ބީދައިން ލޯކަލް ގަވަމަންޓް އޮތޯރިޓީ ހިންގައިގެން ހޯދޭނެ ތަރައްގީއެއް ނެތް. ރަށްރަށުގެ ކައުންސިލްތައް ހިންގަނީ ހަމަކުރީގެ އެޓޯލްސް މިނިސްޓްރީގެ ދަށުން އޮފީސްތައް ހިންގް ގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާބާދީ

12 July 2018

ރާއްޖޭގެ އާބާދީ މިލިއަނަކަށް އެރުމުން މީހުން ދިރިއުޅޭނެ ހާލާމެދު ވިސްނުމުން ދެރަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިޔާމް

12 July 2018

ތިޔައީ ދުރާލާ ރާވައިގެން އެވެރިން ޖަހަމުން އަންނަ ދަންތުރައެއް. ތިޔަ ދަންތުރައިގައި ޖެހުން އޮތީ މަޖުބޫރު ކޮށްފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޑޭ

12 July 2018

މާލޭ މީހުން ވެރިކަމަށް އަންނަނީ، އެސޮރުމެން ބަލަނީ ބުރިބުރިއަށް ގެނަގައިގެން ގޭގަ އޮންނައިރު ފެންނަ ހިސާބުގަ ހުރިހާ ކަމެއް ޖަމާކޮއްފަ ބެހެއްޓޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

12 July 2018

މާލޭ މީހުންގެ އާބާދީ 30 ޕަސެންޓް އަށް ވެސް ނާރައެވެ. ގިނައިން މިއުޅެނީ ރަށްރަށުން މާލެ އައިސް ގެގަނެ މީހުނާއި އިނދެ ކުއްޔަށް ހިފައިގެން އުޅޭ މީހުހނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރުމަ އެދުރު

12 July 2018

މާލެއަށް މިގައުމުގެ ބޮޑުބައި އެއްކޮށް ޖަމާކޮށް ފުލެޓްތަކަކަށް އެޅީމަ . އެއީ އުފާވެރި ދިރިއުޅުމެއް ނޫން. އެއީ އަޅުވެތިކަމެއް . އަބަދުވެސް އުޅެންޖެހޭނީ ދެކޮޅުނުޖެހި ހާސްކަންމަތީގަ. ހަމަނޭވާ ނުލެވޭނެ . ކުރާނެ ފައިދާހުރި މަަސައްކަތްތަކާއި ވަޒީފާގެ ފުރުސަތު އޮންނަ ރައްތަކުގެ މީހުންނަށް އެކަން މިހާރުވެސް އެގޭނެ . އެއީ ހަމަޖެހޭ ދިރިއުޅުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަ މިއު މަ

12 July 2018

ތިއީ މި ވަގުތަށް އާބާދީ މާލެއަށް އިތުރުވަމުންދާ ރޭޓުން ބެލީމަ ލިބޭ ނަތީޖާ ދެއްތޯ؟ މިވަގުތު މާލެ އަށް އެންމެން އައިސް ދާނެ، އެކަމަކު އެހެން ވެރިއަކު ރާއްޖެތެރެއިން އެންމެ ރަށެއް ވެސް މި ފެންވަރަށް ތަރައްގީ ކޮށްފިއްޔާ ތި ދިރާސާ ބޮޑު ތަނުން ނުބައި ވާނެ. މި ގައުމަށް ހަމަ ބޭނުމީ އިހްލާސްތެރި އެންމެ ވެރިއަށް. މި ހިނގާ ޖުމްހޫރިއްޔާ އުފެދުނު ފަހުން ވެސް އެކަހަލަ ވެރިއެއް ނާރާ، އެހެންވީމަ ވަކި އެކަންވުމުގެ ފުރުސަތުވެސް ބޮޑެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންފުޅު

12 July 2018

ދިވެހިއާބާދީއަށްވުރެ ބޮޑަށް ބަންގާޅު އާބާދީ މާލެސަރަހައްދުގައި ބޮޑުވާނެކަމަށް ތިދިރާސާއިން ނުދެއްކީ ކީއްވެ... ބަންގާޅު އާބާދީގެ 64 އިންސައްތަ މިސަރަހައްދުގައި އުޅޭނެކަމަށް ބެލެވެނީ.. އެމީހުންގެ އާބާދީ އިތުރުވާނެ މައިގަނޑު ސަބަބަކީ ކޮންމެކަހަލަ ވަޒީފާއެއްވެސް އެމީހުންނަށް ކަމުދާތީވެ އެވަޒީފާތަކަށް އަންނަށް މީހުން އިތުރުވުން ، އެހެންވާނެކަމަށް ބެލެވެނީ ދިވެހިންނަކީ މަސައްކަތްކޮށް އަދި ހުރިހާވައްތަރެއްގެ ވަޒީފާ ނުވަތަ މަސައްކަތް ކުރަން ފަސްޖެހޭ ބަޔަކަށްވުން... ގެއަށް ބޭނުންވާ ފެންފުޅިގަންނަންވެސް ބޭރުމީހަކު ހުންނަންޖެހޭތީވެ... މިހުރިހާ ވައްތަރެއްގެ ކަންކަމަށްވެސް ދިރާސާހެދީމާ އެއްޗެއް އެގޭނީ....