ޚަބަރު / ރިޔާސީ އިންތިޚާބު 2018

ރަނިން މޭޓް ކަމަށް ވާދަ ކުރައްވާނީ 4 ބޭފުޅުން

13 ޖުލައި 2018 - 16:27

މި އަހަރުގެ ރިއާސީ އިންތިޚާބުގައި، ގުޅިފައިވާ ޕާޓީތަކުގެ ރިއާސީ ކެންޑިޑޭޓުގެ ރަނިން މޭޓުގެ މަގާމު ހޯދުމަށް ވާދަ ކުރެއްވުމަށް ކުރިމަތިލެއްވީ އެންމެ ހަތަރު ބޭފުޅުން ކަމަށް ޖުމްހޫރީ ޕާޓީން ދެންމެ ބުނެފި އެވެ.

އެ ބޭފުޅުންނަކީ ރައްޔިތުންގެ މަޖިލީހުގެ ކާށިދޫ ދާއިރާގެ ފައިސަލް ނަސީމާއި، ކެންދޫ ދާއިރާގެ އަލީ ހުސައިނާއި ޖުމްހޫރީ ޕާޓީގެ ނައިބު ލީޑަރު ޑރ. ހުސައިން ރަޝީދު ހަސަންގެ އިތުރުން، ރައީސް އޮފީހުގެ ކުރީގެ މިނސްޓަރު އަބްދުﷲ އަމީނެވެ.

ރައީސް މައުމޫންގެ ވެރިކަމުގަައި ޓޫރިޒަމް މިނިސްޓަރުކަން އަދި ކެލާ ދާއިރާގެ މެމްބަރުކަން ކުރެއްވި ޑރ. އަބްދުﷲ މައުސޫމް ވެސް ރަނިން މޭޓުގެ މަގާމަށް ވާދަ ކުރައްވާނެ ކަމުގެ އަޑުތައް ފެތުރިފައި ވިޔަސް، އޭނާ އެ މަގާމަށް ކުރިމައްޗެއް ނުލައްވަ އެވެ.

ރަނިންމޭޓުގެ މަގާމަށް ކުރިމަތިލެއްވި ހަތަރު ބޭފުޅުންގެ ތެރެއިން ރަނިން މޭޓެެއްގެ ގޮތުގައި ރިއާސީ އިންތިހާބަށް ނުކުންނަވާނެ ބޭފުޅަކު ކަނޑައަޅާނީ މިރޭ އޮންނަ ޖުމްހޫރީ ޕާޓީގެ ކައުންސިލްގެ ބައްދަލުވުމުގައި ނަގާ ސިއްރު ވޯޓެއްގަ އެވެ.

ރަނިން މޭޓުގެ މަގާމަށް ވާދަ ކުރައްވާ ބޭފުޅުންގެ ނަންތައް އިއުލާން ކުރެއްވުމަށް ފަހު ޖޭޕީގެ ސެކްރެޓަރީ ޖެނެރަލް އަހުމަދު ސަމީރު ވިދާޅުވީ ވޯޓް ލުމަށް ހަމަޖެހިފައިވަނީ މި ރޭ އެ ޕާޓީން ބާއްވާ ކައުންސިލް ބައްދަލުވުމުގައި ކަމަށެވެ. މިރޭ 8:30 ގައި އެ ބައްދަލުވުން ފަށަން ހަމަަޖައްސާފައިވާ އިރު ވޯޓު ލާން ފެށުމަށް ހަމަޖައްސާފައިވަނީ މިރޭ 9:00ގަ އެވެ. ވޯޓް ގުނަން ފަށަން ހަމަޖައްސާފައިވަނީ 10:30 ގަ އެވެ.

ރަނިން މޭޓަކު ކަނޑައެޅުމަށް ނަގާ ވޯޓުގައި ވޯޓްލުމުގެ ހައްގު ލިބެނީ ޖޭޕީގެ ކައުންސިލް މެމްބަރުންނަށް އެކަންޏެވެ. އެ ކައުންސިލްގައި 50 އަށް ވުރެ ގިނަ މެމްބަރުން ތިއްބަވާއިރު ބައެއް ބޭފުޅުން ރާއްޖެ އިން ބޭރުގައި އުޅުއްވުމާއެކު އާންމުކޮށް ޖަލްސާތަކުގައި ބައިވެރިވަނީ 43 މެމްބަރުންނެވެ.

ޖުމްހޫރީ ޕާޓީން ކަނޑައަޅާ ރަނިން މޭޓާ އެކު، ރައީސް ޔާމީނާ ވާދަކުރެއްވުމަށް، ގުޅިފައިވާ ޕާޓީތަކުގެ ކެންޑިޑޭޓެއްގެ ގޮތުގައި ކަނޑައަޅާފައިވަނީ އެމްޑީޕީގެ ޕާލަމެންޓްރީ ގުރޫޕްގެ ލީޑަރު، ރައްޔިތުންގެ މަޖިލީހުގެ ހިންނަވަރު ދާއިރާގެ އިބްރާހީމް މުހައްމަދު ސޯލިހު (އިބޫ) އެވެ. އިބޫ މިހާރު އުޅުއްވަނީ އައްޑު އާއި ފުވައްމުލަކަށް ކުރައްވާ ކެމްޕެއިން ދަތުރެއްގަ އެވެ.

ގުޅިފައިވާ އިދިކޮޅު ޕާޓީތަކުގެ ރިއާސީ ކެންޑިޑޭޓުގެ ރަނިން މޭޓް ކަނޑައެޅުން މިރޭ އޮތް އިރު، ކުރީގެ ރައީސް މުހައްމަދު ނަޝީދު މިއަދު ވިދާޅުވީ ރަނިންމޭޓެއްގެ ގޮތުގައި ޖުމްހޫރީ ޕާޓީން ކޮންމެ ބޭފުޅަކު ކަނޑައެޅި ނަމަވެސް، އެމަނިކުފާނާއި އެމަނިކުފާނުގެ ޕާޓީ އެމްޑީޕީން ވެސް އެކަން ބަލައިގަންނާނެ ކަމަށެވެ.

Riyaasee Inthikhaab gai JP ge faraathun kanda alhaa Running Mate aku ninmumah JP ge Council gai nagaa vote in, konme beyfulhaku kaamiyaabu kurehvinamaves enatheejaa MDP ves adhi alhugadu amilla gothunves balai gannaane. Hurihaa Candidatunnah Marhabaa.
— Mohamed Nasheed (@MohamedNasheed) July 13, 2018

ނަޝީދު ކުރެއްވި ޓުވީޓް

މިއަހަރުގެ ރިއާސީ އިންތިޚާބުގައި ވާދަ ކުރާނެ ކެންޑިޑޭޓެއް ކަނޑައެޅުމަށް އެމްޑީޕީން ބޭއްވި ޕްރައިމަރީގައި ގިނިކަންޏާ ވާދަ ކުރައްވައިގެން ކާމިޔާބު ކުރެއްވީ ނަޝީދެވެ. ނަމަވެސް 13 އަހަރުގެ ޖަލު ހުކުމެއްގެ ސަބަބުން، އިންތިހާބުގައި ވާދަކުރެއްވެން ނެތުމުން، ރިއާސީ ކެންޑިޑޭޓެއްގެ ގޮތުގައި އިބޫ ކަނޑައެޅީ އެ ޕާޓީގެ ގައުމީ މަޖިލީހުންނެވެ.

އެމްޑީޕީ ޖުމްހޫރީ ޕާޓީ އަހުމަދު ސަމީރު (މިނިސްޓަރު، ރައީސް އޮފީސް) އަބްދުﷲ އަމީން، ކުރީގެ ހެލްތު މިނިސްޓަރު ނައިބު ރައީސް ފައިސަލް ނަސީމް މެމްބަރު އަލީ ހުސެއިން (ކެންދޫ)

17 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްލުވެސް

13 July 2018

އަލީ ހުސޭނަށް ތާއީދުކުރަނީ އެމްޑީޕީ ފިކުރުގެ މީހުން. އެމީހުންނަކީ އިބޫއަށްވެސް މިހާރުވެސް ތާއީދުކުރާ މީހުން. ފައިސަލް ނަސީމާއި އިބޫ އެކުގައި ނުކުމެއްޖެނަމަ އިތުރު ބައެއްގެ ވޯޓް، ޚާއްސަކޮށް ސިޔާސީ ފިކުރުތަކާ ދުރުގައި ތިއްބެވި ގިނަ ބައެއްގެ ވޯޓް ފައިސަލް ހޯއްދަވާނެ. ޖޭޕީ ކައުންސިލްގެ ބޭފުޅުން މިކަމަށް އިސްކަންދެއްވާނެ ކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޑަފްް

13 July 2018

އަލީ ހުސެއިން ތިކަމަށް އެންމެ އެކަށީގެންވަނީ. އަމީނަކަށް އިތުބާރެއްނުކުރެވޭ. ފައިސަލް އަދި ކަމަކުނުދޭ ނައިބު ރައިސަކަށް. ހުސެއިން ރަޝީދުވެސް ރަނގަޅު. ޢެކަމަކު މިފަހަރު އަލީ ހުސެއިން ހޮވަމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެ ހޭ

13 July 2018

މަގޭ ވޯޓް ފައިސަލް ނަސީިމް އައް. ވަރަށްސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޯޓާ މު ބަޅޭ ބާތު

13 July 2018

އޭގެ ޒާތުގައި ހުރިހާ ބޭފުޅުން ވެސް ރަނގަޅެވެ. އެކަމަކު މާޒީ އަށް ބަލައިފިނަމަ ރަނިންމޭޓަކަށް އެންމެ ޤާބިލް ބޭފުޅަކީ އަމީނެވެ. ޢިލްމީ، ޤާބިލް، ދޫހެލޭ ބޭފުޅެކެވެ.މިސަރުކާރު ގެނައުމުގެ ވަރުގަދަ އަދި ކާމިޔާބު ކެމްޕެއިންގައި އަމީން ބުރަކޮށް މަސައްކަތްކުރެއްވުމުގެ ތަޖުރިބާ ހޯއްދެވިއެވެ. އަދި ރައީސް ޔާމީންގެ މިނިސްޓަރުކަން ވެސް ކުރައްވާފައިވާތީ، ލައްކަގިނަ ބަލިފައި އެނގިލައްވާނެކަން ޔަޤީނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދދދ

13 July 2018

ތެދުވެރި ކަމާއެކު ގައުމުގެ ހައްގުގައި މަސައްކަތް ކުރާ ތަޢުލީމީ ޒުވާނުންނަށް މިއަދު ލިބޭނެ މެސެޖެއް. އެމެސެޖް ރަގަޅަށް ކިއައިގެން ދެން ކުރިއަށް ދޭ! ފަހަރުގައި އެކަނި ދާންޖެހިދާނެ! އެކަމަކު ދާން ފެށީމާ އެމަގުގެ އަލިކަން ފެނި ދެން ތިބި މީހުންވެސް އަންނާނެ! އަލީ ހިއްވަރު ކުރައްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްފުނާ

13 July 2018

ޑރ ހުސެއިން ރަށީދު ހަސަން އަދި ފައިސަލް ނަސީމު އެއީ އެންމެ ހެޔޮ ހަވުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބަންޑާރަ

13 July 2018

އަވާމެންދުރު ދެއްކިދާނެ. އެކި ވައްތަރު ދަޅަ ދެއްކިދާނެ. އެކަމަކު ގާބިލުކަމާއި މޮޅުކަމަކީ އަވާމެންދުރުން ނެއްޓި އަރައިގެންދާ އަލި ފަދައިން ސާފުވެގެންދާނެ ކަންކަން. އަބްދުﷲ އަމީންއަކީ މިފަދަ އަލިގަނޑެެއް. ޖަވާހިރެއް.