މާލެ މަތިން ނަގާފައިވާ ފޮޓޯއެއް: ވެށިފަހި މާލެ ޕްރޮގްރާމްގެ ދަށުން ދައުލަތަށް ލިބޭ ބިންތައް ވިއްކުމުގައި އިސްކަން ދޭ ތަރުތީބަށް ވަނީ ބަދަލު ގެނެސްފައި --ފޮޓޯ/މިހާރު
15 ޖުލައި 2018 - 13:48
7 comments
"ވެށިފަހި މާލެ" ޕްރޮގްރާމްގެ ދަށުން ދައުލަތަށް ލިބޭ ބިންތައް ވިއްކުމުގައި އެ ބިމެއްގެ ބެހެނިވެރިންނާއި ވާރިސުންނަށް އިސްކަން ދޭންޖެހޭ ގޮތަށް އުސޫލު ބަދަލުކޮށްފި އެވެ.
ވެށިފަހި މާލެ ޕްރޮގްރާމްގެ ދަށުން ސަރުކާރުން ފްލެޓް ދެނީ ވަކި މިންވަރަކަށް ވުރެ ކުދި ބިންތައް ހުންނަ ފަރާތްތަކުން، އެ ފަރާތެއްގެ ބިން ދައުލަތަށް ދޫކޮށްލަން އެއްބަސްވުމުންނެވެ.
އެ ގޮތަށް، ދައުލަތަށް ލިބޭ ބިންތައް ވިއްކުމާ ގުޅޭ އުސޫލެއް ކުރިން އެކުލަވާލާފައި އޮންނައިރު، އެ އުސޫލު އޭރު އޮތްގޮތުން އެފަދަ ބިންތައް ވިއްކުމުގައި އެންމެ އިސްކަން ދޭނީ ވިއްކާ ބިމަކާ ޖެހިގެން އޮންނަ ބިމެއްގެ ބެހެނިވެރިންނަށެވެ. އަދި ވިއްކަން އިއުލާން ކޮށްފައިވާ ބިމުގެ ބެހެނިވެރިންނަށް އިސްކަން ދެވެނީ އޭރު އުސޫލު އޮތްގޮތުން ދެވަނައަށެވެ.
އެކަމަކު، އެ އުސޫލަށް މިއަދު ގެނައި އިސްލާހުގައިވާ ގޮތުން، އެ ފަދަ ބިންތައް ވިއްކުމުގައި އެންމެ ފުރަތަމަ އިސްކަން ދޭނީ ވިއްކަން އިއުލާން ކުރާ ބިން ހިމެނޭ ގޯތީގެ ބެހެނިވެރިން ނުވަތަ ވާރިސުންގެ ދިރިއުޅުމުގެ ހާލަތު ވަޒަން ކުރުމަށް ފަހު، އެންމެ ހައްގު ފަރާތަކަށެވެ. އަދި ޖެހިގެން އޮންނަ ބިމެއްގެ ބެހެނިވެރިންނަށް އިސްކަން ދެވޭނީ އޭގެ ފަހުން ކަމަށް އާ އިސްލާހުގައި ވެ އެވެ.
ވެށިފަހި މާލެ ޕްރޮގްރާމްގެ ދަށުން ދައުލަތަށް މިލްކުވި ބިންތައް ވިއްކަން ދެ ފަހަރެއްގެ މަތިން ހައުސިން މިނިސްޓްރީން ކުރިން އިއުލާން ކުރި އެވެ. އޭގެ ތެރޭގައި މާލޭގެ ހަތަރު އަވަށުގެ ބިންތައް ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަ މިއު މަ
16 July 2018
ވެށިފަހި އޭ ކިޔަނީ. އެކަމަކު މި ތޮއްޖެހިފަ އޮތް މާލޭއިން ކުޑަބިންކޮޅެއްވެސް އެގޮތުގައި ބޭއްވުމުގެ ބަދަލުގައި އަދި ވެސް ވިއްކަނީ. ހާ ކޮށް ރަށަށް ވެސް ނޭވާލެވޭނެ ގޮތަށް ބަހައްޓަބަލަ ތަން ތަން
އަތްފުނާ
15 July 2018
ކުރިން އޮތްގޮތްވެސް ރަނގަޅު އަދި ފަހުން ތިގެނައި އިސްލާހުވެސް ރަނގަޅު.
ހަސަންމަނިކުފާނު
15 July 2018
ބންކޮޅަށް ފްލެޓްދީފަ އަލުން އެމީހަކަށް ބިންކޮޅު ވިއްކުން ދެއްތޯ! ވެންމަސް ވެނަށް ކާންދިނުން! އެހެންނު! ކިހިނެއްތ ވާނެތޯ ރަނގަޅު އަދެއްގެ ބިންކޮޅެއް ލދައުލަތައް ލިބިއްޖެއް ނަމަ ޕފްލެޓެއް ނޫނީ ކޮންމެސް ދައުލަތަށް ބޭނުންތެރި ކަމެއް ކުރުން!
އަލިތަކުރު
15 July 2018
މައިގަނޑު ގޮތެއްގައި އާއިލާ ތަކަށް ދިމާވެގެން އުޅޭ އެންމެ ބޮޑު ދައްޗަކީ ގަންނަން އޮތް ބިންކޮޅަށް އަރާ ފައިސާ އެއްފަހަރާ ދައްކަން ޖެހުމެވެ. މީގެ ބަދަލުގައި ދިގު މުއްދަތަށް ބަހާލައިގެން އެފައިސާ ދެއްކޭނެ އިންތިޒާމެއް ހަމަޖެހިއްޖެނަމަ ވަރަށްބޮޑަށް ޝުކުރުވެރިވާނަމެވެ.
ހޮޓްކިންގ
15 July 2018
ތިހެން ކިޔާފައި ބިން ދީފައި ލާރި ނުހޯދާ ތިބޭ. ތިއީ ފްލެޓްތައްވެސް ދިންގޮތް. ލާރި ނުދީ ތިބީ.
ރާއްޖެތެރޭ މީހާ
15 July 2018
ރަނގަޅު. ވޯޓާ ދިމާކޮށް ހެޔޮފުޅުކަން ދައްކާލާތި
މައްސަލަ
16 July 2018
ދެން ކޮބާ އޭގަ މައްސަލައަކީ؟ ރޯދަ މަހާ އީދު އައިމަ ވިޔަފާރިވެރިންނަށްވެސް ފައިދާވޭ. އިންތިޚާބެއް އަންނައިރު އެކަމާ ގުޅިގެން ތާއީދު ހޯދަން ކުރާ ކަންކަމުން ސަރުކާރަށް ވާ ފައިދާއަށްވުރެ ބޮޑަށް ރައްޔިތުންނަށް އެކި ގޮތްގޮތުން ފައިދާވަނީ. އެއީވެސް އެތައް ބަޔަކަށް ލިބޭ ކުއްލި ރޯއްޖެއް. އެހެން ބަޔަކަށް އެކަމެއް ނުހިފެހެއްޓޭނެ. އަނެކާއަށް ފައިދާވެދާނެތީ މާ ބޮޑަށް ބަލާ ބަޔަކަށް އަމިއްލައަށް ލިބޭ އެއްޗެއްގަ ނުހިފިފަ އޮންނާނީ.