މާލޭގައި ފުޅާދާއިރާއެއްގައި ހޯލްސޭލް ވިޔަފާރި ކުރާ އެމްޔޫ ސްޓޯރުގެ ފިހާރައެއް ހުޅުމާލޭގައި މިއަދު ހުޅުވައިފި އެވެ.
އެ ފިހާރަ ހުޅުވާފައި ވަނީ ހުޅުމާލޭގެ ނިރޮޅުމަގުގެ މެއިން ބަސްޓޮޕް ކުރިމަތީގަ އެވެ.
"މި އައުޓްލެޓުން ވެސް މާލެ އެކޭ އެއް އަގެއްގައި، މާލޭގައި ހުންނަ އެމްޔޫ ސްޓޯރުގެ ދެ ފިހާރަ އިން ވެސް ލިބެން ހުރި ހުރިހާ މުދަލެއް ހޯލްސޭލް ކޮށް ލިބޭނެ. އަދި މި ފިހާރަ އިން ރީޓެއިލްކޮން ވެސް މުދާ ލިބޭނެ،" އެ ކުންފުނިން ބުންޏެވެ.
އެމްޔޫ ސްޓޯރުން ބުނިގޮތުގައި، އެ ފިހާރަ ހުޅުވުމުގެ އެންމެ ބޮޑު ބޭނުމަކީ ހުޅުމާލޭގައި ރީޓޭލްކޮށް ވިޔަފާރިކުރާ ފަރާތްތަކަށް، ހުޅުމާލެ އަށް މުދާ އުފުލުމުގައި ދިމާވެފައިވާ އުދަގޫތައް ކުޑަކޮށް، ހުޅުމާލެ އިން ހުރިހާ މުދަލެއް ފަސޭހަކަމާ އެކު ފޯރުކޮށް ދިނުމެވެ.
"މި ކަމަކީ ހުޅުމާލޭގައި ރީޓޭލްކޮށް ވިޔަފާރި ކުރައްވާ ފަރާތްތަކުން ނުހަނު ބޮޑަށް ބޭނުން ވެގެން އަޅުގަނޑުމެން ގާތު އެދެމުން ދިޔަ ކަމެއް. ވީމާ، މިކަމުގެ ސަބަބުން އަޅުގަނޑުމެންގެ ކަސްޓަމަރުން ލިބިގެންދާނެ ފަސޭހަ އަކީ އަޅުގަނޑުމެންގެ ވަރަށް ބޮޑު ހިތްހަމަޖެހުމެއް،" އެ ކުންފުނިން ބުންޏެވެ.
އެމްޔޫ ސްޓޯރުން ވިއްކާ ލެކްނޯ ޖޫހާއި ލެކްނޯ ކިރު އަދި އިންޑޯމިލްކާއި އޮލިޓަލިޔާ އޮލިވް އޮއިލް ފަދަ މަޝްހޫރު ބްރޭންޑްތަކަކީ އާއްމުންގެ މެދުގައި ވަރަށް މަގުބޫލް އުފެއްދުންތަކެކެވެ.