ދިރާގާއި ސްޕާކްހަބް ގުޅިގެން މިއަދު ފެށި ހެކަތޯން ހުޅުވުމުގެ ރަސްމިއްޔާތުގައި ދިރާގުގެ ސީއީއޯ އިސްމާއިލް ރަޝީދު ވާހަކަދައްކަވަނީ. ފޮޓޯ: ދިރާގު
21 ޖުލައި 2018 - 13:33
5 comments
ދުނިޔޭގައި ބާއްވާ އެންމެ ބޮޑު ހެކަތޯން ސީރީސް "އެންޖަލްހެކް" 60 އަށްވުރެ ގިނަ ބައިވެރިންނާއެކު، ރާއްޖޭގައި މިއަދު ފަށައިފި އެވެ.
"އެންޖަލްހެކް މޯލްޑިވްސް"ގެ ނަމުގައި ހޮޓެލް ޖެންގައި ކުރިއަށްގެންދާ މި ހެކަތޯންއަކީ ދުނިޔޭގެ 150 އަށްވުރެ ގިނަ ގައުމުގެ 60 ސިޓީގައި ސިލްސިލާ ގޮތުގައި ކުރިއަށް ގެންދާ ހެކަތޯން އެވެ. މި ހެކަތޯން ރާއްޖޭގައި ފެށިއިރު ރާއްޖެއެކޭ އެއް ވަގުތެއްގައި އެހެން ހަތަރު ގައުމެއްގައި މިހާރުވެސް ކުރިއަށް އެބަ ގެންދެ އެވެ.
ދިރާގުން ބުނިގޮތުގައި ތިން މަސް ދުވަހުގެ މުއްދަތަށް ކުރިޔަށްގެންދާ ހެކަތޯންގައި ދުނިޔޭގެ އެކިކަންކޮޅުތަކުން 10،000 އަށްވުރެ ގިނަ ޑިވެލޮޕަރުން ބައިވެރިވާނެ އެވެ.
ދިރާގާއި ސްޕާކްހަބް ގުޅިގެން މިއަދު ފެށި ހެކަތޯން ހުޅުވުމުގެ ރަސްމިއްޔާތުގައި ބައިވެރިވި ޑިވެލޮޕަރުންތަކެއް. ފޮޓޯ: ދިރާގު
އެ ހެކަތޯން ފެށުމުގެ ރަސްމިއްޔާތުގައި ވާހަކަދައްކަވަމުން ދިރާގުގެ ޗީފް އެގްޒެކެޓިވް އޮފިސަރު (ސީއީއޯ) އިސްމާއިލް ރަޝީދު ވިދާޅުވީ، ޒުވާނުން ބާރުވެރިކުރުމަކީ ދިރާގުގެ ސީއެސްއާރުގެ އެންމެ މުހިންމު އެއް ކަންތައް ކަމަށެވެ. އަދި މި ހެކަތޯންގައި ދިރާގުން ބައިވެރިވުމުގެ މަގުސަދަކީ ދިވެހި ޒުވާނުންނަށް ފުރުސަތުތައް ހޯދައިދީ އެ މީހުންގެ ހުނަރުތައް ދައްކާލުމަށް އެހީތެރިވެ ދިނުން ކަމަށް ވެސް އޭނާ ވިދާޅުވި އެވެ.
"މި ހެކަތޯން އަކީ ދިވެހި ޑިވެލޮޕަރުންނާއި ކޯޑުކުރާ މީހުންނަށް ދުނިޔޭގެ ހެކަލެރޭޓާ ޕްރޮގާމްތަކުގައި ހުނަރު ދައްކާލުމަށް ލިބޭ ޕްލެޓްފޯމަކަށް ވެގެންދާނެ،" އިސްމާއިލް ވިދާޅުވި އެވެ.
އެ ހެކަތޯން ރާއްޖެ ގެނައި ސްޕާކްހަމް ކުންފުނީގެ މެނޭޖިން ޕާޓްނަރު އަލީ ހާރިސް ވިދާޅުވީ މިހާރު ރާއްޖޭގެ އައިޓީ އިންޑަސްޓްރީ ވަރަށް ބޮޑަށް ފުޅާވެފައިވާ ކަމަށެވެ. އަދި މިއީ ރާއްޖޭގެ ޑިވެލޮޕަރުންނަށް އެ މީހުންގެ ހުނަރު ރާއްޖެއިން ބޭރަށް ގެންދަން ލިބޭ ވަރަށް ރަނގަޅު ފުރުސަތެއް ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން ދިވެހިންނަށް އެ ފުރުސަތު މިހުޅުވައިދެނީ ރާއްޖެއިން ބޭރަށް އެ މީހުންގެ ހުނަރު ގެންދިއުމަށް. އަދި މިއީ އެތައް ބަޔަކާ ގުޅިގެން މަސައްކަތްކުރަން ލިބޭ ވަރަށް ރަނގަޅު ފުރުސަތެއް،" އޭނާ ވިދާޅުވި އެވެ.
އެންޖަލްހެކް ރާއްޖެ ގެނައި ސްޕާކްހަމް ކުންފުނީގެ މެނޭޖިން ޕާޓްނަރު އަލީ ހާރިސް ވާހަކަދައްކަނީ. ފޮޓޯ: ދިރާގު
މިއަދާއި މާދަމާ ކުރިއަށްދަން ހަމަޖެހިފައިވާ އެންޖަލްހެކް މޯލްޑިވްސް އިންތިޒާމުކޮށް ރާއްޖޭގައި ބާއްވާފައި ވަނީ ދިރާގާއި ދިވެހި ކުންފުންޏެއް ކަމަށްވާ ސްޕާކްހަބް އިންނެވެ. މި ހެކްތޯންގައި ކޯޑު ކުރުމާއި ޕިޗް ވޯކްޝޮޕްތަކާއި އެ ނޫންވެސް ތަފާތު ވޯކްޝޮޕްތައް އޮންނާނެ އެވެ. އަދި މީގެ އިތުރުން ތަފާތު ޕްރޮގްރާމްތައް ޑިޒައިންކުރުން މި ހެކަތޯންގައި ފެނިގެންދާނެ ކަމަށް ދިރާގުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު އަލީ
22 July 2018
ދިވެހި ޒުވާނުން ވަރަށް ޤާބިލްވާނެ އަދި ސިކުނޑި ތަނަވަސްވާނެ. އެކަމަކު ތިފަދަ ބޮޑު މުބާރާތަކަށް ތައްޔާރުވުމަށް އެކަޝީގެންވާ ރިސޯސް ރާއްޖޭގައި ހުރިނަމަވެސް އެކަމަށް ފައިންއަރައި ފިތާލާ އެއްބަޔަކީ ދިރާގު (ކަނެކްޓިވިޓީގެ ވާހަކަ). މިފިތާލުން ތަކާ އެކުވެސް ދިވެހިން އުޅޭނީ ދުނިޔާގެ މަތީ ފަންތީގައި. ތިމުބާރާތުންވެސް ގަދަ ކަންތައްފެންނާނެ ކަމަށް އުއްމީދު ކުރަން. އެނޮވޭޝަން ލެވެލް އެގިދާނެތާ.
ސްޕޮއިލްޓް ބްރެޓްސް
22 July 2018
ކަލޯ ރާއްޖޭގެ ގިއޮގްރަފީއާ ބަލާ ދިރާގު ކަނެކްޓިވިޓީ ވަރަށްވެސް ރަނގަޅެވެ. ރާއްޖެއިން ބޭރަށް ގޮސްލީމަ މި އިނގެނީ، ވެގެން މިއުޅޭ ގޮތަކީ ދިވެހިން މާ ފޮނި ބޮޑު ވެފަ ލިބޭ މިންވަރަށް ޝުކުރު ނުކުރަނީ.
އަތްފުނާ
21 July 2018
ދިރާގަށް ކުރެވޭހާވެސް ކަމަކި މިކަހަލަ ކާޓޫނު ކަންކަން ކުރުން.އަހަރަކު ކިތައްލައްކަ ރުފިޔާ އެބަ ހަރަދުކުރޭ ތާކުން ނުޖޭހެ ކަންކަމަށް.އެހެން ހުރެލާފައި އަނެއްކާވެސް ދިރާގުގެ ކުލަ ބަދަލު ކޮށްފާނެ
ހަމަ ތެދެއް
22 July 2018
ކަލޯ ތިބުނީ ރަނގަޅު ވާހަކައެއް. އަދި އަހަރުމެން ރަށް ރަށުގައި އުޅޭ މީހުންނަށް ކޮށްދޭ އެއްވެސް ކަމެއް ނެތް. ކީއްތަވާނީ ސިއްހީ މަރުކަޒަށް ސާމާނުކޮޅެއް ހަދިޔާ ކޮށްލަން.
ވޭވަށް
22 July 2018
ދިވެހި ކުންފުނިތަކުގެ ތެރެއިން ރަށްރަށުގަ ބާއްވާ ކަންކަމުގައި އެންމެ އެހީތެރިކަން ދޭ ކުންފުންުޔަކީ ދިރާގު. އެހެން ކުންފުނިތަކުން ނުވާވަރަށް ދިރާގުން އެބަހުރި އެހީތެރިކަން ފޯރުކޮށްދީފައި ރަށް ރަށުގެ ކުދި ކުދި ޖަމިއްޔާތަކަށް ވެސް.