މ. މުލަކު: ޖުލައި 10، 2018: މުލަކުގައި ނަރުދަމާގެ ހިދުމަތް ފެއްޓުމަށް އެ ރަށުގައި ބޭއްވި ރަސްމިއްޔާތެއްގައި، ރައީސް ޔާމީންގެ އިތުރުން ބައެއް ވަޒީރުން ބައިވެރިވެ ވަޑައިގަންނަވަނީ.-- ފޮޓޯ: ރައީސް އޮފީސް
21 ޖުލައި 2018 - 17:54
169 comments
ޔޫރަޕިއަން ޔޫނިއަން (އީޔޫ) އިން ރާއްޖެއާ ދެކޮޅަށް ދަތި ކުރުމުގެ ފިޔަވަޅު އަޅާނެ އޮނިގަނޑެއް ފާސްކޮށްފައިވާތީ އިނގިރޭސިވިލާތުން އެ ނިންމުމަށް އަމަލު ކުރަން ފަށައިފި އެވެ.
އިނގިރޭސިވިލާތުން ނިންމާފައި ވަނީ ރާއްޖޭގައި އިންސާނީ ހައްގުތަކަށް އަރައިގަނެ، ގާނޫނުތަކާ ޚިލާފަށް އަދި ހަމަނުޖެހުން އުފައްދައި ބާރުގެ ބޭނުންކޮށްގެން ސިޔާސީ މިނިވަންކަމަށް ހުރަސް އަޅާ މުއައްސަސާތަކާއި އެ ކަންކަމުގައި ބައިވެރިވެ އެއްބާރުލުން ދޭ ފަރުދުންނަށް ފިޔަވަޅު އެޅުމަށެވެ. އެކަމަކު، ދަތި ކުރުމުގެ ފިޔަވަޅު އަޅާނެ މީހުންގެ ލިސްޓެއް އިނގިރޭސިވިލާތުން އަދި ހާމައެއް ނުކުރެ އެވެ.
އިނގިރޭސިވިލާތަކީ އީޔޫ އިން ރާއްޖެއާ ދެކޮޅަށް ފާސް ކުރި އޮނިގަނޑަށް އަމަލު ކުރަން ފެށި ފުރަތަމަ ގައުމެވެ.
ރާއްޖެއާ ދެކޮޅަށް އިނގިރޭސިވިލާތަށް އެޅިދާނެ ފިޔަވަޅުތަކުގެ ތެރޭގައި ވަކިވަކި ފަރުދުންނަށް އެތެރެވުން މަނާކުރުމާއި އެ މީހުންގެ މުދަލާއި ފައިސާ ހިފެހެއްޓުން ހިމެނެ އެވެ. އެކަމަކު، އެ ފިޔަވަޅު އަޅާނީ ކޮން ބައެއްގެ މައްޗަށް ކަން ކަނޑައެޅުމަށް އީޔޫ ކައުންސިލްގެ ބައްދަލުވުމެއް ބާއްވައި ފާސް ކުރަން ޖެހެ އެވެ.
ދަތިކުރުމުގެ ފިޔަވަޅު އަޅާ ވަކި ބައެއްގެ ނަން ނުހިމަނައި، އީޔޫ އިން ފާސް ކުރި އޮނިގަނޑުގައި ބުނެފައި ވަނީ ރާއްޖޭގެ ހާލަތު ރަނގަޅު ކުރުމަށް ގާނޫނާ ޚިލާފަށް ހުރަސް އަޅައި ބާރުގެ ބޭނުންކުރާ މީހުންނާއި މުއައްސަސާތަކާއި އެ ފަރާތްތަކާ ގުޅުން ހުރި މީހުންނާ ދެކޮޅަށް އެކަށީގެންވާ ފިޔަވަޅު މެންބަރު ގައުމުތަކަށް އެޅިދާނެ ކަމަށެވެ. ހާއްސަކޮށް ރިޔާސީ އިންތިހާބާ ދިމާކޮށް އެފަދަ ހަރަކާތްތައް ހިންގާ ފަރާތްތަކަށް އަމާޒުކުރަން ވެސް ބުނެފައިވެ އެވެ.
ޖުލައި 17، 2019 އާ ހަމަޔަށް އަޅާ މި ފިޔަވަޅުތައް، ރާއްޖޭގެ ހާލަތު ރަނގަޅު ނުވާ ނަމަ ދަމަހައްޓަން ނިންމުމުގައި ބާރު ދީފައިވެ އެވެ. އަދި ރާއްޖެއަށް އިސްލާހީ ބަދަލު ގެނައުމުގެ މަގްސަދު ހާސިލްކުރުމަށް އީޔޫގެ ގައުމުތަކުން އެހެން ގައުމުތަކާ ގުޅިގެން މަސައްކަތްކުރުމުގެ ބާރު ވެސް ވަނީ ދީފަ އެވެ.
ސަރުކާރުގެ އިސް ވެރިންނާ ދޭތެރޭގައި އީޔޫ އިން ފިޔަވަޅު އަޅަން ނިންމުމުން، ރައީސް އަބްދުﷲ ޔާމީން މިދިޔަ ހަފްތާގައި ވިދާޅުވީ ފިޔަވަޅު އެޅުމުން އުނދަގޫވާނީ އެމަނިކުފާނާއި އެމަނިކުފާނާ އެކުގައި މަސައްކަތް ކުރައްވާ ބޭފުޅުންނަށް ނޫން ކަމަށެވެ. މިއީ "ދާއިމަށް ރާއްޖޭގައި ޖަހާ ލައްގަނޑެއް" ކަމަށާއި މިކަމުގެ އުނދަގޫ ވިޔަފާރިވެރިންނަށް ވެސް ކުރާނެ ކަމަށް ރައީސް ޔާމީން ވިދާޅުވި އެވެ.
ރާއްޖޭގެ ވިޔަފާރިވެރިންނަށް ތަންތަނަށް ނުދެވޭ ގޮތްވުމާއި ގައުމުތަކުގެ ރައްޔިތުންނަށް ރާއްޖެ އަށް ޒިޔާރަތް ނުކުރެވޭ ގޮތަށާއި ޓޫރިޒަމް ނުހިންގޭ ގޮތަށް ކަންކަން ކޮށްފިނަމަ، އޭގެ ގެއްލުން ލިބޭނީ ގައުމު ހިންގަން ދެން ތިބޭ ބަޔަކަށް ކަމަށް ވެސް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުސެން
25 July 2018
ފިޔަވަޅުއެޅީމަ ތަދުވާނީފަޔައް! އެންމެބޮޑުގެއްލުމެއްވާނީ ފައިވާނައް ނާރައުޅޭ ނިކަމެތި ފަގީރުންނައް! ނާއެހެންތާވާނީ....މުއްސަދިން އުޅޭނީ ފައިވާނާ ބޫޓުގަވިއްޔަ.
ނަޖްވާ
23 July 2018
ދެން ކިހިނެކޯތަ ވަނީކީ ފިޔަވަޅު އެޅީމަ؟
އަބްދުއްލާ
22 July 2018
އީޔޫގެ ގަރާރަށް ޔޫކޭން އަމަލުކުރަންފެށީކީ ނޫން އޮޅިގެން ނޫޅޭ .އީޔޫގެ ގަރާރު ޔޫކޭ ސަރުކާރުން ގަބޫލުކުރީ އެއަކަށް ފިޔަވަޅެއްނާޅާ .އީޔޫން ގަރާރެއް ފާސްކުރިޔަސް އެ ގަރާރަށް އަމލުކުރެވޭނީ އީޔޫގެ ސަރުކާރުތަކުން އެ ގަރާރު ގަބޫލުކުރުމަށްފަހު ގެޒެޓް ކުރުމަށްފަހު އަދި އީޔޫން ފާސްކުރާ ބައެއްގެ މައްޗަށް .
ހަސަންމަނިކުފާނު
22 July 2018
ތިޔައީ ވޯޓަށް އަރުވާލާ އަޑެއް! މިހާރުވެސް ފޮރިން މިނިސްޓްރީއިން އިނގިރޭސިވިލާތަށް ދާ ދިވެހިންނަށް ވަގުތުން ވިސާ އެއޮތް ޖަހައިދެނީ! އިންގިރޭސިވިލާތުގެ އިންވެސްޓަރުން މިތާގައި އިންވެސްޓްކުރޭ! ދިވެހިން އިނގިރޭސިވިލާތުގައި އެބަ އިންވެސްޓް ކުރޭ! ތިބުނާ ތިޔަ ލިސްޓްގައި ތިބި ކިތަންމެ ދިވެހިންނެއް އަދިވެސް އިންގިރޭސި ވިލާތާއި ވިޔަފާރި މުއާމލާތް ކުރޭ! ތިއައީ ވޯޓައް އަރުވައިގެނ އުޅޭ އަޑެއް! އެއްވެސް ބިރެއްނެތް! އެބޭފުޅުން ޖަހާހާ ބެރަކަށް ނަށަންވެއްޖިއްޔާ އަބަދުވެސް ނަށާ ނުނިމޭނޭ! އަހަރުމެންނަކީ މިނިވަން ގައުމެއް! އަހަރުމެން ގެ އަމިއްލަ ވަންތަކަމާއި މިނިވަންކަމާ އަހަރުމެން ބޭނުންވާ ގޮތުގައި ހިފަހައްޓައިގެ ތިބީމައި ހުންނާނީ ރަނގަޅައް!
ޕްރޮޕަގަންޑާ
22 July 2018
ޔާމީނު ވެރިކަމަށް އައިފަހުން އިނގިރޭސި ވިލާތުގެ ރައްޔިތެއް ނުވަތަ ކުންފުންޏަކުން މިރާއްޖޭގައި ކުރި އެންމެ އިންވެސްޓެއްވެސް ދައްކަބަލަ. ނުދެއްކޭނެ
އީޔޫ
22 July 2018
ވަރަށް ސަޅާން
ޕަންކަޖް
22 July 2018
އިނގިރޭސިންނަކީ އީޔޫގެ ގައުމެއްތޯ
ރަދީފް
22 July 2018
ރަނގަޅު.އަދި އެއީ އިޔޫގެ މެމްބަރެއް.ނަމަވެސް 29 މާރިޗް 2019 ގެ ފަހުން މެމްބަރަކަށް ނުވާނެ.
ހޮޓްކިންގ
22 July 2018
އިނގިރޭސިވިލާތަކީ ފަލަސްތީނު އެމީހުންގެ އިސްތިޢުމާރުގެ ދަށުގައި ބޭއްވުމަށްފަހު ފައިބައިގެން ދިޔައިރު އިޒްރޭލުގެ ނަމުގައި ދައުލަތެއް ފަލަސްތީނުގެ ބިމުގައި އުފެއްދި މީހުން. މިވަރުން ވިސްނެންވާނެ މުސްލިމުންދެކެ އިނގިރޭސީންވާނީ ލޯބިތޯ ނޫނީ މުސްލިމުންގެ ދުޝްމަނުންތޯއެއީ.
މަ މިއު މަ
22 July 2018
ތިއީ ވެސް ތެދެއް. އެކަމަކު މިއީ ތިކަމާ ބެހޭ ކަމެއް ނޫން.
އަންކަލޯ
22 July 2018
އެންމެ ފުރަތަމަ ޔޫކޭ އަކީ މިހާރު އީޔޫގެ މެމްބަރ ގައުމެއްވެސް ނޫން، 40 އަހަރުވީ މެމްބަރުކަން ބްރެކްސިޓް ކިޔާފަނެގި ވޯޓުން އެމީހުން އެވަނީ އީޔޫއަކީ އެގައުމަށް ބޭނުން ޖަމާއަތެއް ނޫނޭ ބުނެފަ. ދެން ޔޫކޭމީހުނަށް ކިހިނެއް އީޔޫން ނިންމާ ނިންމުންތައް މިގައުމުގެ މައްޗައް ތަންފީޒުކުރާނީ.
ރަދީފް
22 July 2018
ހެހެހެހެ.އަންކަލޯ ފުރަތަމަ ވާނުވާ ބަލައިގެން ކޮމެންޓްކޮއްބަލަ.29 މާރިޗް 2019 ވަނަ ދުވަހާއި ހިސާބަށް ޔޫކޭ އެއީ އީޔޫގެ މެމްބަރެއްކަން އަންކަލޯއަށް ނޭނގުން އެއީ ލަދުވެތިކަމެއް.އަދި ވެސް ތަނެއް އޮތިއްޔާ ކޮމެންޓްކުރަންވާނެ އިނގޭ ބްރޯ.ވ.ވެދުން
އަންކަލޯ
22 July 2018
ރަދީފް ކަޑަވީދޯ ބޮރޯ! އިނލައްވާ ދޯ 29 މާރިޗް 2019 އާއި ހަމަޔަށް އެއީ ޓްރާންސިސްން މުއްދަތުކަން، އެކި ކަންކަން އެންމެ ހަމަޖެހޭގޮތަށް ގެންދިއުމަށްކަމަށް، މިސާލަކަށް ޔޫކޭ ބެންކްތަކުގައި ކުރި ޔޫރޯ ފައިސާ އެހެން ފައިސާއަކަށް(ސްޓާލިން ޕައުންޑް) ބަދަލުކުރަން ފުރުސަތުދިން ފަދަކަން ކަމަށް މަގު ފަހި ކޮށްދީ ރައްޔިުންނަށް ގެއްލުން ނުވާނެހެން ކަންކަން ކުރުން.
ހޮޓްކިންގ
22 July 2018
އަމަލު ކުރަން ފަށައިފި ކަމަށް ބުނިއިރު އަމަލު ކުރާނެ ކަމަށް ބުނެފައިވާ އެއްވެސް ފަރާތެއް ކަނޑައެއް އަޅާފައެއްނެތް. ދެން ކިހިނެތްތޯ އަމަލު ކުރަން ފެށީ؟ ކާކާމެދުތޯ ފިޔަވަޅު އެޅީ؟ މިކަމަށް ބޭނުންވެފައިވާ ބަޔަކު ތަންކޮޅެއް އަވަސްކޮށްގެން އުޅޭހެން ހީވަނީ.
އުދުހޭ
22 July 2018
އީޔޫގެ ހުރިހާ ގައުމަކުން ފިޔަވަޅު އަޅާނެ ދުވަހެއްގެ އިންތިޒާރުގައި އެބަހުރިން!