އީރާނުގެ ރައީސް ހަސަން ރޫހާނީ (ކ) ވާހަކަ ދައްކަވާ އިރު ޚާރިޖީ ވަޒީރު ޖާވަދް ޒަރީފް. --ފޮޓޯ:އޭއެފްޕީ
23 ޖުލައި 2018 - 10:44
7 comments
ތެހެރާން (ޖުލައި 23) - "ސިންގާގެ ނަގުލަށް ނުކުޅުމަށާއި" އެ ގޮތަށް ކަންތައް ކުރާ ނަމަ އެމެރިކާއާ އެކު ކުރާ ހަނގުރާމަ ވެގެން ދާނީ ހުރިހާ "ހަނގުރާމަތަކުގެ މަންމަ" އަށް ކަމަށް ވިދާޅުވެ އީރާނުގެ ރައީސް ހަސަން ރޫހާނީ އިންޒާރު ދެއްވައިފި އެވެ.
"މަނިކުފާން ހަނގުރާމަ އިއުލާންކޮށް، ދެން ތިޔަ ވާހަކަ ދައްކަވަނީ އީރާނުގެ ރައްޔިތުންގެ ތާއީދު ބޭނުންވާ ކަމަށް،" އެމެރިކާގެ ރައީސް ޑޮނަލްޑް ޓްރަމްޕަށް އިޝާރާތް ކުރައްވާ ރޫހާނީ ވިދާޅުވި އެވެ. "އީރާނުގެ ރައްޔިތުން ރުޅި އަރުވަން މަނިކުފާނަށް މަސައްކަތެއް ނުކުރެއްވޭނެ."
ހޮރްމޫޒް ކަނޑުއޮޅި އީރާނަށް ބަންދު ކުރެވިދާނެ ކަމަށް ރޫހާނީ ވިދާޅުވާ ވިދާޅުވުން އިއްޔެ ވެސް ވަނީ ތަކުރާރު ކުރައްވައިފަ އެވެ.
"ހޮރްމޫޒް ކަނޑުއޮޅީގެ ސަލާމަތާއި ރައްކާތެރިކަން އީރާނުން އަބަދުވެސް ޔަގީންކޮށްދޭނެ. ސިންގާގެ ނަގުލާ ނުކުޅޭ. އެކަމާ މުޅި އުމުރަށް ހިތާމަ ކުރަން ޖެހޭނެ،" އީރާން ޓީވީން ދުރަށް ދެއްކި ތަގްރީރުގައި ރޫހާނީ ވިދާޅުވި އެވެ. "އީރާނާ އެކު ގާއިމްކުރާ ސުލްހަ ވާނީ ހުރިހާ ސުލްހަތަކުގެ މަންމަ އަށް. އަދި އީރާނާ އެކު ކުރާ ހަނގުރާމަ ވާނީ ހުރިހާ ހަނގުރާމަތަކުގެ މަންމަ އަށް."
އެމެރިކާ އިން ދަނީ 2015 ވަނަ އަހަރުގެ ނިއުކްލިއާ އެއްބަސްވުމުން ވަކިވުމަށް ފަހު ނޮވެމްބަރު 4 އިން ފެށިގެން އީރާނުގެ ތެލުގެ އެކްސްޕޯޓް ހުއްޓުވުމަށް މަސައްކަތް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ މާލެ
23 July 2018
އަބަދުވެސް ގަދަ ބަސް ބުނެ ހިފަހައްޓާ ބައެއް!
ސަޅިބައިސާ
24 July 2018
ތިބޭފުޅާ ތިއަހެން ތިއަވިދާޅުވަނީ އިރާނުގެ ތާރީޚު ނޭގޭތީ. އެއީ ޕާސިއަނުން.( ފާރިސީން) ޢުމަރުގެފާނުގެ ޚިލާފަތުގާ މުސްލިމުންނާ ދެކޮޅަށް އެމީހުންކުރި ހަނގުރާމައިގާ މެނުވީ ދުވަހަކުވެސް އެމީހުން ހަނގުރާމައެއްގާ ބަލިވެފައެއް ނެތް. އެމެރިކާވެސް އެކަން ދަނޭ. ސޫރިއާ ހަނގުރާމައާއި ޔަމަނުގާ މިހާރު އެހިނގާ ހަނގުރާމައިގާވެސް އަދިވެސް ގަދަވަނީ އިރާނުގެކޮޅު. ސައްދާމު ހުސައިނު 8 އަހަރު އިރާނާ ދެކޮޅަށްކުރި ހަނގުރާމައިންވެސްވީ ބަލި. އިރާނުގެ މަދަދުލިބޭ ހިޒްބުﷲއާ ދެކޮޅަށް އިޒްރޭލްކުރި ކޮންމެ ހަނގުރާމައެއްގާވެސް އިޒްރޭލް ފަޟީޙަތްވެ ނިކަމެތިވި. މި ޙަޤީޤަތްތައް މިހެންހުއްޓާ އެމެރިކާއަކަށް އިރާނާ ދެކޮޅަށް އަޝްކަރީގޮތުން ކުރިމަތިލާކަށް ނުކެރޭނެ. އެންމެބޮޑު ސަބަބަކީ އިރާނުގެ ފަހަތުގާ ސިއްރު ބައިވެރިއެއްގެ ގޮތުގާ ތުރުކީ އަދި ރަސިއާއާ ޗައިނާ އޮންނާނެ. އެހެންވެ ރޫހާނީ އެބުނަނީ އިރާނާ ދެކޮޅަށް އެމެރިކާ ފަށާ ހަނގުރާމަވާނީ ހަނގުރާމަތަކުގެ މަންމައަށޭ. ވިސްނޭނެކަމަށް ހީކުރަން.
މޮނިން
24 July 2018
ކުރުކޮށް ފޮނިކޮށް ބުނޭ ، ސަޅިބައިސާގެ ކޮމެންޓް ކިޔައިފިން ވވވ ރަނގަޅު ވާހަކައެއް.
ގިޓާ
23 July 2018
ތެޅުނުވަރަކަށް ދާނީ ހުޅނބު
މަންމަ
23 July 2018
ކުރިންނުޖަހާތި ބަލިވާލެއްއަވަސްވާނެ
އަބުހަރީ
23 July 2018
ސާބަސް.
ގިޓާ
23 July 2018
ކޮމެވެސް ގޮތަކުން ބަޔަކަށް ދަތިކޮށްލުން އެމެރިކާގެ ހޮބީ ސާބަހޭ!