އެމެރިކާގެ ރައީސް ޑޮނަލްޑް ޓްރަމްޕް. --ފޮޓޯ:އޭއެފްޕީ
23 ޖުލައި 2018 - 13:45
4 comments
ވޮޝިންޓަން (ޖުލައި 23) - އެމެރިކާ އަށް އެކި ފާޑުގެ ބިރުތައް ނުދެއްކުމަށް ރައީސް ޑޮނަލްޑް ޓްރަމްޕް އީރާނަށް އިންޒާރު ދެއްވައިފި އެވެ.
ކެޕިޓަލް އަކުރުން ޓްރަމްޕް ލިޔުއްވި ޓްވިޓާ މެސެޖެއްގައި ވިދާޅުވެފައި ވަނީ އެމެރިކާ އަށް މީގެ ފަހުން އެ ގޮތަށް ބިރު ނުދެއްކުމަށާއި އެ ގޮތަށް މީގެ ކުރިން ބިރު ދެއްކި މީހުންނަށްވީ ގޮތް އީރާނަށް ވެސް ވެދާނެ ކަމަށެވެ.
ޓްރަމްޕުގެ މި އިންޒާރު އައިސްފައި ވަނީ އީރާނުގެ ރައީސް ހަސަން ރޫހާނީ ދެއްވި އިންޒާރުގެ މެސެޖަކާ ގުޅިގެންނެވެ. ރޫހާނީ ވިދާޅުވީ އެމެރިކާއާ އެކު ފަށާ ހަނގުރާމަ ވެގެންދާނީ ހަނގުރާމަތަކުގެ މަންމަ އަށް ކަމަށެވެ. އަދި ސިންގާގެ ނަގުލާ ނުކުޅުމަށް ރޫހާނީ ވަނީ އެމެރިކާ އަށް އިންޒާރު ދެއްވައިފަ އެވެ.
ޓްރަމްޕާއި ނޯތު ކޮރެއާގެ ލީޑަރު ކިމް ޖޮން-އުން ވެސް މިދިޔަ އަހަރުގެ ފަހުކޮޅު ވަނީ މި ބާވަތުގެ އިންޒާރުގެ މެސެޖްތަކެއް ބަދަލުކޮށްފަ އެވެ. ނަމަވެސް އެންމެ ފަހުން ދެ ގައުމުގެ މަޝްރަހު ފިނިކޮށް، ދެ ލީޑަރުން ވަނީ މިިދިޔަ ޖޫން މަހު ސިންގަޕޫރުގައި ބައްދަލު ކުރައްވައިފަ އެވެ.
އެމެރިކާ އިން ދަނީ 2015 ވަނަ އަހަރުގެ ނިއުކްލިއާ އެއްބަސްވުމުން ވަކިވުމަށް ފަހު ނޮވެމްބަރު 4 އިން ފެށިގެން އީރާނުގެ ތެލުގެ އެކްސްޕޯޓް ހުއްޓުވުމަށް މަސައްކަތް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައުދީ ޕްރިންސް
28 July 2018
ޓްރަންޕަށްވެސް ތިހެންވީރު އެހެން ގައުމުތަކަކާ ނުބެހެވޭނެ. ބިތެއްވެސް ނުދެއްކޭނެ، މާތްﷲ އަހަރެމެން އެންމެން މި ނުބައި ނުލަފާ ޓްރަންޕުގެ ސުންޕާ ކަމުން ސަލާމަތް ކުރައްވާ ފާންދޭވެ. އާމީން
އަދީބު
23 July 2018
ދެއްކޭނެ. ބިރަކީ މީހަކު ދެއްކިޔަސް ގަތީމަ ގަންނަ އެއްޗެއް. ކިތަންމެ ބަޔަކު ބިރު ދެއްކިޔަސް ތިހާ ބާރު ހުރި ބަޔަކު ނަމަ ބިރު ނުގަތީމަ ވީއެއްނު. އެމެރިކާ ރައްޔިތުން ކައިރީ ނުވަތަ އަމިއްލަ ހިތާ ހިތާ ބުނެލާ، "ބިރު ނުގަނޭ"
އީމަން
23 July 2018
އެމެރިކާގެ ރައީސް އެހެން ގައުމު ތަކަށް އިންޒާރު ދެއްވުން ނިމުމަކަށް ގެންނަވާށެވެ.
ފަޤީރުކަލޯ!
24 July 2018
ކެއްކޮށްލާ! ﷲ އިރާދަކުރެއްވިއްޔާ ތިދުވަސް އަންނާކަށް މާކަ ގިނަދުވަހެއް ދެނެއް ނެތް! ތިންވަނަ ދުނިޔޭގެ ޤައުމުތަކަށް އަރައިގަނެ އެތަނެއްގެ ވެރިކަން ވައްޓާލައި އެޤައުގެ ޚަޒާނާތައް ލޫޓުވި ދުވަސް ﷲ އިރާދަކުރެއްވިއްޔާ ނިމުމަކަށް އަތުވެއްޖެ! އެކަން ނިމުމަކަށް އައީ ސީރިޔާ އާއި ހަމައިންނެވެ. އީރާނަކީ ހުރިހައި ވައްތަރެއްގެ ހަތިޔާރު އުފައްދައި އަމިއްލަ ފައިމައްޗަށް ތެދުވެ ހިން ދެމިލާފައި އޮތް ޤައުމެއް!