ގެލަކްސީ ނޯޓް 9 އަށް ފަހު، ނޯޓް މަރުކާ ހުއްޓާލަނީ

އަހުމަދު ނިޔާޒް، މިހާރު

24 ޖުލައި 2018 - 06:28

ސެމްސަންގް ގެލަކްސީ ނޯޓް 9 އަށް ފަހު، ނޯޓް މަރުކާގެ އިތުރު ފޯނެއް ދެން ނުނެރޭނެ ކަމަށް ބުނެވެން ފަށައިފި އެވެ. އިލެކްޓްރޯނިކް ސިނާއަތުގައި ވާހަކަތައް ހުރި ގޮތަށް ބަލާއިރު، މިއީ ނުވުމަށް ވުރެ، ވުން ކައިރި ކަމެއް ކަމަށް ބެލެވެ އެވެ.

ގެލަކްސީ ނޯޓް އާއިލާ ހުއްޓާލަން އުޅޭ ކަމަށް ބެލެވޭ އެއްވެސް އިޝާރާތެއް، ސެމްސަންގުގެ ކިބައިން އަދި ނުފެނެ އެވެ. ނަމަވެސް، މިއީ ވެދާނެ ކަމެއް ކަމަށް ބެލެވޭ ސަބަބުތަކެއް އެބަ ހުއްޓެވެ.

ގެލަކްސީ އެސް މަރުކާގެ ފޯނުތައް އަދި ނޯޓް މަރުކާގެ ފޯނުތަކަކީ، ސެމްސަންގުން ނެރޭ އެންމެ ބާރުގަދަ ފޯނުތަކެވެ. ސްމާޓްފޯން މާކެޓަށް ޖުމުލަ ގޮތެއްގައި ބެލި ނަމަވެސް، މި ދެ ފޯނު ހިމެނެނީ މަތީ ފަށަލައިގަ އެވެ. ނަމަވެސް، ގެލަކްސީ ނޯޓް މަރުކާގެ ފޯނުތަކަށް ބަލާއިރު، ނޯޓްތައް ކޮރަން ގެންގުޅޭ ދަނޑިކޮޅުގެ ކުޅަދާނަކަން ފިޔަވައި، ގެލަކްސީ އެސް މަރުކާގެ ފޯނުތަކާ ބޮޑު ފަރަގެއް ނުހުރެ އެވެ. އެހެންކަމުން، ބާރުވެރިކަމުގައި އެއް ހަމައެއްގެ ދެ ފޯނު އަދި އެއް ދުވަސްވަރެއްގައި ނެރުމަކީ ވިޔަފީރި އުސޫލުން ރަނގަޅު ކަމެއް ގޮތުގައި ސެމްސަންގް އަށް ތަޖުރިބާކުރެވިފައެއް ނުވެ އެވެ.

ގެލަކްސީ ނޯޓް އުފައްދައި މާކެޓްކުރަން ހިނގާ ޚަރަދު އަދި "އެސް" އުފައްދައި މާކެޓްކުރަން ހިނގާ ޚަރަދު އެއީ މި ދެފޯނުން ކުރެ ކޮންމެވެސް އެއް ފޯނެއް އުަފައްދައި މާކެޓްކުރަން ހިނގާ ޚަރަދަށް ހެދިއްޖެ ނަމަ އެއީ ކުންފުންޏަށް ފައިދާ ބޮޑު ގޮތް ކަމަށް ސެމްސަންގަށް ވަނީ ވިސްނިފަ އެވެ.

އިލެކްޓްރޯނިކް ސިނާއަތުގައި ހުރި ވާހަކަތަކަށް ބަލާއިރު، ގެލަކްސީ އެސް މަރުކާގެ ފޯނަކަށް ދަނޑިކޮޅު ދިނުމުން، ނޯޓަކަށް ވީ އެވެ. މި މިސްރާބަށް އަމާޒުހިފައި ކުންފުނި ދީއްލައިލަފާނެ ކަމަށް އަންދާޒާކުރެވެ އެވެ. ސެމްސަންގް ގެލަކްސީ ނޯޓް 9 ބޯމަތިވެފައި ވާއިރު، "އެސް" މަރުކާގެ ފޯނުތައް ސައިޒުތަކަކަށް ބަހާލާނެ ކަމަށް ވެސް ބުނެވެ އެވެ. އަދި އޭގެ ތެރެއިން ކޮންމެވެސް ސައިޒަކަށް "ސްޓައިލަސް" ދިނުމުން ބާރުގަދަ ނޯޓަކަށް ވީ އެވެ.

ސެމްސަންގް ސެމްސަންގް ގެލެކްސީ ނޯޓް މޮބައިލް ފޯން ސްމާޓް ފޯން

3 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަތްފުނާ

24 July 2018

ރަނގަޅީވެސް ހުއްޓާލިއްޔާ.ކަލޭމެންނަށް ފޯން މާކެޓްގެ އެއްވަނަ މިހާރު ލިބުނީ ކަލޭމެންގެ ހުރި ޓެކްނޮލޮޖީ މޮޅުކަމުންނެއްނޫން.2007ވަނަ އަހަރު އައިފޯން ނެރެންދެން ކަލޭމެންނަކީ ފޯނު މާކެޓްގައި ބަޔަކު ދަންނަ ބައެއްނޫން.އޭރު އެރު އެއްވަނަ މަގާމުގައި ތިބީ ނޯކިއާ ، ސޮނީ އެރިކްސަން އަދި މޮޓޮރައްލާ.އެކަމަކު އައިފޯން ނެރުމާއެކު ކަލޭމެން އޭގައި ހުރި ފީޗާރސްތައް ކޮޕީކޮށް އެ ފޯނު ހުންނަ ސިފައަށް ފޯނު ހަދާއި މީހުންގެ ސަމާލުކަން ލިބުނީ.ތިގޮތަށް ނޮކިއާ ، ސޮނީ އެރިކްސަން އަދި ބްލެކްބެރީ މޮޓޮރޮއްލާ ފަދަ ކުންފުނިތަައް މަސައްކަތް ކުރިނަމަ މިކުންފުނިތައް ތިބޭނީ އަދި މާކުރީގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިފުނާ

25 July 2018

ތިއޮތީ އެނގިފަ. ތިގޮތަށް ކިޔަންޏާ މޮޓޮރޮލާ، ސޮނީއެރިކްސަން، ނޮކިޔާ އާއި ސަމްސުންގ ފޯނުތައް ކޮޕީކޮށްގެން އަައިފޯން ހެދީ. އޭގެކުރިން އެޕަލް މީހުންނަކީ ފޯން އުފައްދާބައެއްނޫން. އެހެންކުންފުނިތަކުން ފޯންއުފައްދާތީ އެ ޓަޗް ސްކީރީތަކާ ސްމާރޓް ފޯނުތައް ކޮޕީކޮށްގެން އެޕަލް ފޯންހެދީ. ޓެކްނޮލޮޖީގެ ކުރިއެރުމަކީ އެއީއަކީ ވަކިމީހެއްގެ ތަރިކަމުދަލެއްނޫން. އެއިރު އެޕަލްއަށްވީ އާ ހަމައެކަނި ކަމަކީ ސްޓައިލަސްނުލާ އިނގިލިން ޓަޗްކުރެވޭ ކެޕެސެޓިވް ސްކްރީންތައް ހެދުން. އަދި އެހެދީކީ އެޕަލްއަކުން ނުވެސްނޫން. ސެމްސުންގ އޭ ކިޔާގެން ވާހަކަދައްކާއިރު ނޭންގޭ އައިފޯންގެ 65 އިންސައްތަ އަކީ ސެމްސުން ކުންފުނިން އުފައްދާ ތަކެތިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު

12 August 2018

ފައިފުނާ ތިބުނީ ހަމަ ރަގަޅަށް. އަދި ކޮބާ؟ ތިބުނާ އެޕަލްއަކުން 'ޓަޗް' ފޯނެއް ހަދަންބެލި އިރު އެ ތެކްނޮލޮގީވެސް ނެތޭ އެމީހުން އަތަކު. އެތައްޒަމާނެއް ވަންދެން އެކަން ކުރީ އެލް.ޖީ ކުންފުންޔާއި ހަވާލުކޮށްގެން. އެޕްލް އެއީ މަމޮޅު ބައެއް. މިހާރުވެސް އައި ފޯނުގެ މުހިންމު ބައިތައް އުފައްދަނީ ސެމްސަންގ އިން.