ޚަބަރު / ރިޔާސީ އިންތިޚާބު 2018

ސާބިތު ދަރަނީގެ މައްސަލައެއްގައި އުމަރު ނަސީރުގެ ޕާސްޕޯޓް ހިފަހައްޓައިފި

އުމަރު ނަސީރު

އަހުމަދު ސާއިލް އަލީ، މިހާރު

23 ޖުލައި 2018 - 18:36

ކުރިއަށް އޮތް ރިޔާސީ އިންތިޚާބުގައި މިނިވަން ކެންޑިޑޭޓެއްގެ ގޮތުގައި ވާދަކުރައްވަން ނިންމަވާފައިވާ، ކުރީގެ ހޯމް މިނިސްޓަރު އުމަރު ނަސީރު ހިއްސާވާ ކުންފުންޏެއްގެ މައްޗަށް ސާބިތުވި 1.8 މިލިއަން ރުފިޔާގެ ދަރަންޏެއްގެ މައްސަލާގައި އުމަރުގެ ޕާސްޕޯޓް ހިފަހައްޓައިފި އެވެ.

އުމަރުގެ ޕާސްޕޯޓް ހިފެހެއްޓީ އުމަރު ހިއްސާވާ ޓޫރިސްޓް ވޭލް ސަބްމެރިން ޕްރައިވެޓް ލިމިޓެޑްގެ މައްޗަށް އޮތް ސާބިތު ދަރަނީގެ މައްސަލައެއްގަ އެވެ.

ޓޫރިސްޓް ވޭލް ސަބްމެރިން ކުންފުނީގެ މައްޗަށް ޕެންޝަން އެޑްމިނިސްޓްރޭޝަން އޮފީހުން ކުރި ދައުވާއެއްގައި ޑިސެމްބަރު 26، 2016 ގައި ވަނީ މުވައްޒަފުންގެ ރިޓަޔާމަންޓް ޕެންޝަން ފައިސާގެ ގޮތުގައި 1،860،405.86ރ. ދެއްކުމަށް ހުކުމްކޮށްފަ އެވެ. އެ ފައިސާ ނުދައްކައިގެން ޕެންޝަން އޮފީހުން އެ މައްސަލަ ތަންފީޒަށް ހުށަހެޅުމާ ގުޅިގެން ސިވިލް ކޯޓުގައި މިހާރު މައްސަލަ ކުރިއަށް ދާއިރު ކުންފުނީގެ ހުރިހާ ޑިރެކްޓަރުންގެ ޕާސްޕޯޓް ހިފަހައްޓާފައި ވަނީ އިއްޔެ އެވެ.

ރަހުނެއް ނުހިމެނޭ ސާބިތު ދަރަންޏާ ބެހޭ ގަވައިދުގައި ބުނާ ގޮތުން، ކުންފުންޏެއްގެ މައްޗަށް ދަރަންޏެއް ސާބިތުވެއްޖެ ނަމަ އެ ފައިސާ ދައްކަންދެން، އެ ކުންފުންޏެއްގެ ޑިރެކްޓަރުންގެ ޕާސްޕޯޓް ހިފެހެއްޓިދާނެ އެވެ. އުމަރުގެ ޕާސްޕޯޓް ހިފަހައްޓާފައި ވަނީ މި ގަވައިދުގެ ދަށުންނެވެ.

ނަމަވެސް އުމަރު ވިދާޅުވީ ޕާސްޕޯޓް ނުހިފަހައްޓާ ކަމަށާއި "އެއީ ދޮގެއް" ކަމަށެވެ.

ރިޔާސީ އިންތިހާބަށް ކުރިމަތިލުމުގެ މުއްދަތު މިއަދު ހުޅުވާލާފައިވާއިރު އުމަރަކީ އެ އިންތިހާބުގައި ވާދަކުރާނެކަން އިއުލާން ކުރައްވާފައިވާ ބޭފުޅެކެވެ.

އަދާކުރަން ޖެހޭ ސާބިތު ދަރަންޏެއް އޮވެ ހުކުމާ އެއްގޮތަށް ފައިސާ ނުދައްކާ މީހެއް ނަމަ ރައީސުލްޖުމްހޫރިއްޔާ ކަމަށް ޝަރުތު ހަމައެއް ނުވާނެ އެވެ.

އުމަރު ނަސީރު ވަނީ 2008ގެ ރިޔާސީ އިންތިހާބާއި 2013ގެ ރިޔާސީ އިންތިހާބުގެ ޓިކެޓް ހޯދެއްވުމަށް ޕީޕީއެމްގެ ޕްރައިމަރީގައި ވާދަކުރައްވައިފަ އެވެ.

އުމަރު ނަސީރު އިދިކޮޅު ފަރާތްތައް ޕާސްޕޯޓް މޯލްޑިވްސް އިމިގްރޭޝަން ސިވިލް ކޯޓް

55 ކޮމެންޓް, 217 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަކުނިބޯ

25 July 2018

މިއީ މީނާއަށް ވޯޓުހޯދާދިނުމުގެ ނިޔަތުގައި ހިންގާ ސްޓަންޓަކާ ވައްތަރީ މީނަ ލައްވަ ރައީސްކަމަށް ކުރިމަތި ލެއްވުމަކީ ސަރުކާރަށް ލިބޭ ކަމިޔާބެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

24 July 2018

އުމަރާ ތީނައާށް އަދިވެސް ހާދަ ތަންދޮރު ނޭގެޔޭ. މިޒަމާނުގައި ޕާސްޕޯޓް ހިފެހެއްޓިއޭ އެބުނަނީ އެ ޕާސްޕޯޓް ތީނަ އަތުން އަތުލި ވާހަކައެއް ނޫނޭ. އިމިގްރޭޝަން ބޯޑަރ ކޮންޓޯލް ސިސްޓަމުން ތީނަ ފުރުން ބޮލޮކް ކުރިވާހަކަ. އަދިވެސް ބަލާތި ބޮޑާ ބަސްބުނެވޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރާ

24 July 2018

މުވައްޒަފުންގެ ޕެންޝަން ލާރިކޮޅު ނުދީ ހިފަހައްޓާފަ، ވެރިކަމަށް އަންނަން ތިއުޅެނީ. ދެން ހިފަހައްޓާނީ ގައުމުގެ ރައްޔިތުންގެ ޕެންޝަން ލާރިކޮޅު ކަންނޭގެ. މިއީ ތެދުވެރިކަން ހުރި ވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދސދފ

24 July 2018

އަދި ކޮބާ މިނިވަން 50ގެ އިންޓެރިމް ކުންފުނިތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްޝާ

24 July 2018

އުމަރަށް ވާދަނުކުރެވޭ ނަމަ އިދިކޮޅޭމެންނަށް މަދުވާނެ ވޯޓެއް ނޯންނާނެ .. އުމަރަށް ވޯޓެއް ލިބެންޏާ ލިބޭނީ ދަރުބާރޭމެންފަޅިން .. އެހެންވީމާ ދަރުބާރޭމެންނަށް ލިބެންއޮތް ޖުމްލަ 5% ވޯޓު ކޮޅުގެ ބައިއެޅުން ކުޑަވެދާނެ ...