އީރާންގެ ރައީސް ހަސަން ރޫހާނީ (ކ) އާއި އެމެރިކާގެ ރައީސް ޑޮނަލްޑް ޓްރަމްޕް.
31 ޖުލައި 2018 - 10:53
5 comments
ވޮޝިންޓަން (ޖުލައި 31) - އެއްވެސް ޝަރުތެއް ނެތި އީރާނުގެ ވެރިންނާ ބައްދަލު ކުރަން ތައްޔާރަށް ހުންނެވި ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
"އީރާނުގެ ވެރިން ބޭނުންވާ ކޮންމެ ގަޑިއަކު ބައްދަލުކޮށްފާނަން. ކޮންމެ މީހަކާ ވެސް ބައްދަލު ކޮށްފާނަން،" ވައިޓް ހައުސްގައި ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވި އެވެ.
ޓްރަމްޕުގެ ފަރާތުން ސުލްހައިގެ މި ހުށަހެޅުން އައިސްފައި މި ވަނީ އީރާނުގެ ރައީސް ހަސަން ރޫހާނީއާ އެކު ވަރުގަދަ ބަހުގެ ހަމަލާތަކެއް ބަދަލު ކުރުމަށް ފަހު އެވެ.
އެމެރިކާ އިން މެއި މަހު ވަނީ އީރާނުގެ ނިއުކްލިއާ އެއްބަސްވުމުން ވަކިވެފަ އެވެ. އަދި އެމެރިކާ އިން ދަނީ އީރާނަށް ދަތިކުރުމުގެ ފިޔަވަޅުތައް އަލުން އަޅަން މަސައްކަތް ކުރަމުންނެވެ.
"އެ މީހުން ބޭނުމިއްޔާ އަޅުގަނޑު މިހުރީ ބައްދަލު ކުރަން ތައްޔާރަށް،" ޓްރަމްޕް ވިދާޅުވި އެވެ.
އީރާންގެ ރައީސް ހަސަން ރޫހާނީގެ މުޝީރު ހާމިދު އަބޫ ތާލިބް ވިދާޅުވީ އެމެރިކާއާ އެކު މަޝްވަރާތަކަށް މަގު ފަހިވާނީ ނިއުކްލިއާ އެއްބަސްވުމުގައި އެމެރިކާ އަލުން ބައިވެރިވެ އަދި އީރާނުގެ ރައްޔިތުންގެ ހައްގުތަކަށް އިހްތިރާމް ކުރުމުން ކަމަށެވެ.
ނަވާރަ ސަތޭކަ ހަތްދިހަ ނުވަ ވަނަ އަހަރުގެ އީރާނުގެ އިސްލާމީ އިންގިލާބަށް ފަހު އީރާނާއި އެމެރިކާގެ ވެރިން ބައްދަލުކޮށްފައެއް ނުވެ އެވެ.
ޓްރަމްޕް މީގެ ކުރިން ވެސް ވަނީ ނޯތު ކޮރެއާގެ ލީޑަރު ކިމް ޖޮން-އުން އަށް ވަރަށް ވަރުގަދަ އަށް ބަހުގެ ހަމަލާތައް ދެއްވައިފަ އެވެ. އެކަމަކު އެންމެ ފަހުން މިދިޔަ މަހު 12 ވަނަ ދުވަހު ޓްރަމްޕް ވަނީ ކިމްއާ ސިންގަޕޫރުގައި ބައްދަލު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލެޖް ބޯއީ
09 August 2018
އިރާން އަކީ އުތުރު ކޮރެއާ އެއް ނޫން. ޓުރަމްޕަށް މިކަން އަންގާލަދިނުން އެދެން
ހަސަން
01 August 2018
ޓުރަންޕުގެ އުކުޅު ކުޑަކުދިންނަށްވެސް އެނގޭ.. އެމެރިކާ އަށް މަންފާވާގޮތަށް ޑިލްއެށް ނުހެދިގެން އެއުޅެނީ..
ނަން
31 July 2018
މިއީ އަހަންނަށް ޓްރަމްޕް ކަމުދާ ކަމަކީ.
ބަބުރުކަލޯ
31 July 2018
ތިއުޅެނީ މަކަރެއް ޖައްސަން.
ސަޅިބައިސާ
31 July 2018
ޓުރަމްޕު މަހައްދޭ! ނޯތު ކޮރެއާގެ ލީޑަރު ޓުރަމްޕަށް ކުޑަކަކޫ ޖެހިއަކަސް އިރާނުގެ ވެރިން ކުޑަކަކުލެއް ނުޖަހާނެ. އެމީހުންގެ ގައިގާ އެހިނގަނީ ޙަޤީޤީ މުސްލިމު ލޭ. ޓުރަމްޕެޓު ދޭބަލަ އާލު ސުދުންނާ ގަލްފުގެ ޢަރަބި ވެރިންގެ ގާތަށް. އަދިވެސް ތިއަބައިމީހުންނާ އެންމެ ގުޅޭނީ އެ ގުރޫޕު.