ތުރުކީގެ ރައީސް އުރުދުޣާން އަށް ތާއިދު ކުރުމުގެ ގޮތުން ޖަރުމަނުގެ ކޮލޯންގައި ބޭއްވި އެއްވުން: މި އެއްވުމުގައި ވީޑިއޯ މެދުވެރިކޮށް އުރުދުޣާން ތަގްރީރު ކުރެއްވުމުގެ ހުއްދަ ދީފައެއް ނުވޭ. --ފޮޓޯ: ރޮއިޓާސް
02 އޯގަސްޓް 2016 - 14:51
4 comments
އަންކާރާ (އޮގަސްޓް 2) - ތުރުކީ އަށް ގެންނަން އުޅުނު ބަޣާވާތަށް ފަހު ސަރުކާރަށް ތާއިދު އޮތްކަން ދެއްކުމަށް ޖަރުމަނުގެ ކޮލޯންގައި އާދިއްތަ ބޭއްވި އެއްވުމުގައި ރައީސް ރަޖަބު ތައްޔިބު އުރުދުޣާންގެ ލައިވް ތަގްރީރަކަށް ހުރަސް އެޅި މައްސަލަ ބޮޑުވެއްޖެ އެވެ.
މި މައްސަލާގައި ހިތްހަމަ ނުޖެހިގެން ތުރުކީން އިއްޔެ ވަނީ ޖަރުމަނުގެ ސީނިއާ ޑިޕްލޮމެޓަކު ފޮރިން މިނިސްޓްރީ އަށް ހާޒިރުކޮށްފަ އެވެ.
ކޮލޯންގައި ބޭއްވި ބޮޑު އެއްވުމުގެ ކުރިން ޖަރުމަނުގެ ދުސްތޫރީ ކޯޓުން ވަނީ އެ އެއްވުމުގައި ތުރުކީގެ އެއްވެސް ސިޔާސީ މީހަކު ވީޑިއޯ މެދުވެރިކޮށް ނަމަވެސް ތަގްރީރު ކުރުން މަނާކޮށްފަ އެވެ. ޖަރުމަނުގެ މި ނިންމުމާ ގުޅިގެން ތުރުކީގެ ރިޔާސީ ތަރުޖަމާން އިބްރާހިމް ކާލިން ވިދާޅުވީ އެއީ ގަބޫލް ކުރެވޭނެ ކަމެއް ނޫން ކަމަށެވެ. އަދި މިއީ ޚިޔާލު ފާޅުކުރުމުގެ މިނިވަން ކަމާއި އެއްވެ އުޅުމުގެ މިނިވަން ކަމަށް ހުރަސް އެޅުން ކަމަށް އޭނާ ވިދާޅުވި އެވެ.
ތުރުކީ ދަރިކޮޅުގެ ތިން މިލިއަން މީހުން ޖަރުމަނުގައި ދިރިއުޅެ އެވެ. ގައުމުން ބޭރުގައި ތުރުކީގެ އެންމެ ބޮޑު އާބާދީއެއް އޮތީ ވެސް ޖަރުމަނުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިން ތައްކާނު
02 August 2016
ސަޅި. ދިވެހިސަރުކާރުން ޖަރުމަނަށް ނަސޭޙަތްދޭން ހުށަހަޅަން
ޝަފީގު
02 August 2016
ދިވެހިރާއްޖޭގައި ހިނގިކަމެއްނަމަ ޖަރުމަނު އިސްވެ އޮންނަ އީޔޫން ހީވާނީ އެހެންފަދަ ކަމެއްހެން. ދުލާއި ގަލަމުގެ މިނިވަންކަން ވެސް އޮންނަންޖެހޭނީ ވަކިފިކުރަކަށް ކަމަށް މިމީހުން ދެކޭ.
މިނިވަން ޚިޔާލް
02 August 2016
އަމިއްލަ ގައުމުގަ އެއްވެއުޅުމާއި މިނިވަން ނޫސްވެރިކަމަށް ހުރަސްއެޅިއަޅައި އެތަކެއް ނޫސް މަޖައްލާ ބަންދުކޮށް، ބޭނުންކަމެއްކުރަމުންދާ މީހަކު، އެހެން ގައުމަކުން ކަމެއްކުރީމަ ހާދަވަރެއް ތިއަުވާލަނީ.
ޒަންޖަބީލު
02 August 2016
މަތީގައި މިނިވަން ޚިޔާލުގެ ނަމުގައި ކޮމެންޓްކޮށްފައިވާ ފަރާތުގެ ކޮމެންޓަށް ކިތަންމެ ޑިސްލައިކެއް ކުރިޔަސް ހަގީގަތް ވާނީ ހަގީގަތަށް.. ތުރުކީގައި ކިތަށް ނޫސްވެރިން ޖަލަށްލައި ކިތަށް ނޫސް މަޖައްލާ ބަންދު ކުރީ އުރުދުގާންގެ ވިސްނުމާއި ތަފާތުވީމަ؟ ހަމަ އިސްލާމީ ގައުމެކޭ ބުނާއިރަށް ދިވެހިން ކަމުގެ ހަގީގަތް ނުބަލާ ކަނުގޮތަކަށް އިތުބާރު ކުރުން ހުއްޓާލަން ޖެހޭ.. ސައުދީ އަކީ އިސްލާމީ އެއްމެ މުގައްދަސް ތަންތަން ހުރި ގައުމު.. އެތާގަވެސް ކުރަނީ އަނިޔާވެރި ވެރިކަމެއް.. ދުނިޔޭގެ ކަންކޮޅުތަކުން ހައްޖަށާއި އުމްރާއަށްދާ މީހުންގެ އަތުން ލިބޭ ލާރިއާއި ތެޔޮވަޅުތަކުން ލިބޭހާ ލާރި ލިބެނީ ސައުދުގެ އާއިލާއަށް.. ހަގީގަތް ގަބޫލު ކުރޭ..!!