ރިލްވާން ގެއްލުވާލި މައްސަލައިގައި އާއިލާ އާއި ރަހުމަތްތެރިން އަޑު އުފުލަނީ. --ފޮޓޯ/ސޯޝަލްމީޑިއާ
02 އޯގަސްޓް 2018 - 14:42
22 comments
ހިތްދަތިކަމާއި ނާއުއްމީދެވެ؛ ނޫސްވެރިޔާ، އަހްމަދު ރިލްވާން ގެއްލުވާލި މައްސަލައިގައި ހަތަރު އަހަރު ފަހުން ކޯޓުގެ ހުކުމް މިއަދު އައީ، އާއިލާ އާއި ރައްޓެހިން ހީކޮށްގެން ތިބި ގޮތަށެވެ. ރިލްވާން، ވަގަށް ނަގައިގެން ޓެރަރިޒަމްގެ ދައުވާ އުފުލި ދެ މީހުން މިނިވަންވެ އިންސާފަށް ކުރާ މަސައްކަތުގައި އިތުރު މާޔޫސްކަމެވެ.
އޮގަސްޓު، 2014 ގައި ރިލްވާން ކިޑްނެޕްކުރުމުގެ ދައުވާ އުފުލީ، ގ. ހިލްޓަން އާލިފް ރައޫފާއި ގދ. ވާދޫ، ކަރަންކާގޭ، މުހައްމަދު ނޫރައްދީންގެ މައްޗަށެވެ. ދައުލަތުން ކުރި ދައުވާ އެ ދެ މީހުންގެ މައްޗަށް ސާބިތެއް ނުވި އެވެ. ދައުލަތުން ތުހުމަތު ކުރި ގޮތުގައި ރިލްވާން ގަދަކަމުން ފޮރުވީ އާލިފް ގެންގުޅުނު ރަތް ކުލައިގެ ކާރަކަށް އަރުވައިގެން ގެންގޮސްގެންނެވެ.
އާއިލާ އިން ވާހަކަ ދެއްކި، ރިލްވާންގެ ދައްތަ ފާތުމަތު ޝެހެނާޒް މިއަދު ބުނީ ރިލްވާނަށް އިންސާފު ހޯދަން ކުރާ މަސައްކަތުގައި މިއަދަކީ ވެސް އާއިލާ އަށް "ހިތްދަތި ދުވަހެއް" ކަމަށެވެ. އާއިލާއިން ކަންބޮޑުވުން ފާޅުކުރަމުން ދިޔަ ގޮތަށް، ރިލްވާންގެ ތަހުގީގުގައި ފުލުހުން އިހުމާލުވެފައިވާ ކަން ހުކުމުން ފެންނަން އޮތް ކަމަށް އޭނާ ބުންޏެވެ.
"ރިލްވާން ވަގަށް ނެގި މައްސަލައިގެ ތަހުގީގުގައި ފުލުހުން މުހިއްމު ކަންތައްތަކެއް ފުރިހަމަ ނުކޮށް އޮތް ކަމަށް އެ އޮތީ ހުކުމުގައި. މި މައްސަލައިގައި އާއިލާ އިން ފުލުހުންނާ ދެކޮޅަށް ދައުވާ ކުރާނަން،" ޝެހެނާޒް ބުންޏެވެ.
އާއިލާ އިން ތުހުމަތު ކުރި ގޮތުގައި، މުހިއްމު ހެކިތަކެއް ފުލުހުން ގަސްތުގައި ހުށަނާޅައި ދައުވާ ލިބުނު ދެ މީހުން "ސަލާމަތް ކޮށްދިނީ" އެވެ. މި ތުހުމަތު ކުރާނެ ޖާގަ ލިބެނީ، ޝެހެނާޒް ބުނިގޮތުގައި، ޓެރަރިޒަމްގެ ތުހުމަތު ކުރެވޭ ބަޔަކު މާކުރިން ވެސް މުޖުތަމައަށް ދޫކޮށްފައި ތިބުމުންނެވެ.
އެ ދައުވާ ސާބިތުވި ނަމަ އާލިފާއި ނޫރައްދީންގެ މައްޗަށް 10 އަހަރާއި 15 އަހަރާ ދެމެދުގެ ޖަލު ހުކުމެއް ނުވަތަ އަރުވާލުމުގެ ހުކުމެއް އަންނާނެ އެވެ.
"މިނިވަންކަމާ އެކު އެ ދެ މީހުން މުޖުތަމައަށް ދޫކޮށްލާފައި ތިބިއިރު، ޓެރަރިޒަމްގެ ތުހުމަތު ކުރެވޭ އެހެން މީހުން ތިބީ ޖަލު ބަންދުގައި. އެހެންވީމަ އެ ދެ މީހުން އިސްތިސްނާކޮށް، މާކުރިން މިނިވަންކޮށްފައި ބައިތިއްބަން ޖެހޭ ސަބަބެއް ނެތް،" އޭނާ ބުންޏެވެ.
އާއިލާ އިން ބުނީ ކިތަންމެ ގޮންޖެހުންތަކަކާ ކުރިމަތިލާން ޖެހުނަސް ރިލްވާނަށް އިންސާފު ހޯދަން ކުރާ މަސައްކަތް ހުއްޓާ ނުލާނެ ކަމަށެވެ.
ރިލްވާނަށް އިންސާފު ނުލިބި، ތުހުމަތު ކުރެވޭ މީހުން މިނިވަންވުމަކީ އާއިލާގެ އިތުރުން އޭނާގެ އެކުވެރިން ވެސް ކަންބޮޑުވުމެކެވެ.
Indeed, a sad day for the family of the reporter Ahmed Rilwan, who was abducted since August 2014. Truly heartbreaking to see the suspects behind the abduction set free by the Criminal court. The family awaits for a period of 4years hoping to get justice for their beloved. pic.twitter.com/IYn5ndufRL
— Maryam Nashida (@naash_latheef) August 2, 2018
ރިލްވާނަށް އިންސާފު ނުލިބޭ ކަމަށް ބުނެ ކަންބޮޑުވުންފާޅުކޮށް، މީހަކު ކޮށްފައިވާ ޓުވީޓެއް.
ޝޯޝަލް މީޑިއާގައި ހިތާމަފާޅުކުރަމުންދާ އޭނާގެ އެކުވެރިން ދެކޭ ގޮތުގައި ރިލްވާންގެ މައްސަލަ އަށް މި ސަރުކާރުގައި އިންސާފެއް ނުލިބޭނެ އެވެ. ރިލްވާނަށް އިންސާފު ހޯދަން ގޮވާލައި ބޭއްވި އެއްވުންތަކާއި ހަރުކުރި ބެނާތައް ނަގައި ފުލުހުން އަމަލުކުރި ގޮތަކީ އޭގެ ހެއްކެއް ކަމަށް ވެސް އެ މީހުން ދެކެ އެވެ.
Aslu Fuluhun Rilwan ge massala obbaalee. #FindMoyameehaa
— Male Meehaa (@lam54321) August 2, 2018
ރިލްވާން ވަގަށް ނެގި ކަމަށް ދައުވާ އުފުލި ދެ މީހުން މިނިވަންވުމުން މީހަކު ކޮށްފައިވާ ޓުވީޓެއް.
ސޯޝަލް މީޑިއާގައި ނުރުހުން ފާޅުކުރި އެކަކު ބުނިގޮތުގައި، އެންމެ ކުޑަވެގެން ރިލްވާނަށް ވީ ގޮތެއް ވެސް ތަހުގީގަށް ނުހޯދި، އެކަށީގެންވާ ހެކި ހުށަނޭޅިގެން ތުހުމަތު ކުރެވޭ މީހުން މިނިވަންވުމަކީ މުޖުތަމައަށް އިތުރު ބިރުވެރި ކަމެކެވެ. އަދި އެއީ، އިތުރު މީހަކު ވަގަށް ނެގުމަށް ދެވޭ ހިތްވަރެއް ކަމަށް ވެސް އެ މީހުން ދެކެ އެވެ.
Nobody is safe. We must #FindMoyameehaa and punish the perpetrators. @yaamyn, 23 August 2014 pic.twitter.com/ET1l9g1diJ
— #JazeeraRaajje (@Simwarr) August 2, 2018
It's a very sad day for our family. It's a very sad day for our nation. Suspects of #Findmoyameehaa case are free .
— Maldives Voice (@MaldivesVoice4) August 2, 2018
Who abducted journalist Rilwan ? pic.twitter.com/MdJ7DEZ1DK
ރިލްވާނަށް އިންސާފު ހޯދަން ކުރާ މަސައްކަތުގައި ކިތަންމެ ނާއިންސާފަކާ ކުރިމަތިލާން ޖެހުނަސް އާއިލާ އާއި ރަހުމަތްތެރިން ތިބީ ދޫދޭން ތައްޔާރަކަށް ނޫނެވެ. އިންސާފު ހޯދަން އަދިވެސް އަޑުއުފުލާނެ ކަމަށް އާއިލާ އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޫހި
03 August 2018
މަހައިރާންވަނީ އިންސާފެއް ލިބިދާނެކަމަށްބަލާ ތިޔަކޯޓަށް ދާތީ. ތިޔަކޯޓުތަކަކީ ވަގުތު ބޭކާރުކުރުން.
އަހުމަދު އިބްރާހިމް
03 August 2018
ރާޢްޖޭގައި އަނިޔާވެރިކަމާއި އެކު މަރާލެވިފައިވަނީ ރިޞްވާން އެކަނިތޯ؟؟ ސިޔާސީ ބޭނުމަށް ވަކި މަރުތަކެއް ނަގައިގެން އެމީހުންގެ އާއިލާތައް މަގުމަތީ ހިންގުވައި ޓީވީ އަށް އަރުވައިގެން މީހުންގެ ސިމްޕަތީ ހޯދުމަށް ކުރާ މަސައްކަތް ކުއްވެރިކުރަމެވެ. ހަމަތިގޮތަށް މީގެ ކުރިން އީވާން ނަސީމާއި އަދި ސޮލާހުގެ މަރުގެ މައްސަލައިގައި އެމީހުންގެ އާއިލާތައް ވެސް ތިގޮތަށް ބޭނުންކުރިއެވެ. ވެރިކަމަށް އައުމަށްފަހު އެހަނދާން ނެތިގޮސް އެއްވެސް މީހަކު އިންސާފެއް ހޯދައިދޭކަށް ނޫޅުނެވެ،
ހަޤީޤަތް
03 August 2018
ތި ބޭފުޅާ ވިދާޅުވިޔަސް ތީ ވަރަށް ބޮޑު ތެދެއް. އަހަރެއްގެ ތެރޭ ކިތައް މީހުން ގެއްލެނީ؟ ކިތައް މީހުން މަރާލާ... އެންމެ މީހެއްގެ ހައްގަކަށް ވުރެން އެންމެންގެ ހައްގު މާރަނގަޅު ވާނެ.
ޑޫޔުއަރޕާޓް
03 August 2018
ރިލްވާން ގެއްލުނު މައްސަލައިގެ ތަހްގީގުގަ ކޯލިޝަން ޕާޓްނަރުންނަށް ވަރަށް އެހީވެދެވޭނެ. ޢަދީބު، ރިޔާޒު، ނާޒިމު، ކާރިން އަހަމާ
އަނިޔާވެރިން
03 August 2018
ހިތުގައި އިންސާނިއްޔަތު ކަމުގެ ކަންފުޅެއް ހުރި މީހަކުވެސް މިސަރުކާރަށް ވޯޓެއް ނުދޭނެ، މި ކަމުގައި ޕޮލިހުން މިކުޅެދިން ރޯލާއި އެމީހުންގެ ނުލަފާކަމުން ބޮޑެތި ބަޔަކު ސަލާމަތް ކުރަން މީގައި މަސައްކަތް ކޮށްދީފައި އޮތްކަން މީހަކަށް ނޯޅޭނެ މިކޭސް މިދިޔަ ގޮތުން
އިބޫ ހުޅުމާލެ
03 August 2018
ބަލަ ތިބުނާ ރިލުވާން އެކަނިތަ ގެއްލުނީ..؟ ކޮބާހޭ ނާއިލް؟ އޭނަގެ ވާހަކަ ކީއްވެތަ އެކަކުވެސް ނުދައްކަނީ؟
ޙަބީބު
02 August 2018
ވަރަށްވެސް ހިތާމަހުރި ކަމެއް ދިވެހިރާއްޖޭގެ ޝަރުއީ ދާއިރާއާއި މެދު އެއްވެސް އުއްމީދެއްނެތް
ލައިސާޓް
02 August 2018
4 އަހަރަށް މައްސަލަ ދަންމާލައިގެން ވެސް ވީކަމެއްނެން ހިތާމައަކީ ސިޔާސީ ލީޑަރަކު ހައްޔަރުކުރަން ބޭނުންވާނަމަ 2ދުވަހުން މައްސަލަތަށް ނިންމާތީ
ދެކޭމީހާކިޔާމީހާ
02 August 2018
ހަމަކަށަވަރުންވެސް ރިޟުވާނުވަނީ ގެއްލިފައެވެ. އެކަންއެންމެން ޤަބޫލުކުރެއެވެ. ކަންކުރިބަޔަކުހޯދުމާއި ރިޟުވާނުގެ ވާރިސުންނަށް އިންސާފުހޯދައިދިނުމުގެ ޒިންމާއާއި ޙަވާލުވެވަޑައިގެންފައިވާކަމުގެ ހެއްކަކަށް ފުލުހުން އެކަން ތަޙުޤީޤުކޮށް ޕީޖީ ދަޢުވާކުރެއްވުން ފުދޭކަމުގައި ބެލެވެއެވެ. ފެންނަންއޮތް ޙަޤީޤަތަކީ ތަޙުޤީޤުގެ މަރުޙަލާއާއި ޝަރުޢީމަރުޙަލާއަށް ހަތަރުއަހަރާއި ދުވަސްތަކެއްވެ، ޝަރީޢަތުން ޙުކުމްއިއްވުންމިވީ ޖަމަލުޖެހި ފޮޑިޔަށްކަށްތާއެވެ! ކޮންމެއަކަސް ކުރެވުނުތުހުމަތުތަކާއި ކަންވެެދިޔަގޮތާއި އެކިފަރާތްފަރާތުގެ ޝުޢޫރުތައްހުރިގޮތް މިރާއްޖޭގެއެންމެން ދެކޭނޫއެވެ! އަދި މިކަންނިމިދާނެގޮތާއިމެދު ވަރަށްގިނަބަޔަކު ދުއްގޮތް؛ އާދެ! ތިކަން ސާބިތުނުވާނެކަން، ދޮގަކަށްވެދިޔަކަމުގައި ބުނެވޭކަށްވެސްނެތެވެ. ދެންމިއޮތީ އިސްތިޢުނާފުގެ މަރުޙަލާތާއެވެ! އުފެދޭސުވާލަކީ މިމަރުޙަލައިގެދިގުމިން ކިހާދުވަހަކަށް ދެމިހިނގައިދާނެބާވައެވެ؟ މިސަރުކާރުގެ 5 އަހަރުގެދައުރުގެތެރޭގައި ތިޔައިސްތިޢުނާފުގެ ނަތީޖާއެއް ލިބިދާނެބާވައެވެ؟
ނޮނޮ,
02 August 2018
އިންސާފާްއި ހަމަހަމަކަން އޮންނަތަނެއްގަ ނޫންތޯއެއެއްޗެހިލިބޭނީ ނުވަތަ ލިބިގެންދާނީ, މިތާގަ މިހާރު އޮތީ ޖަންގަލީގެ ޤާނޫން,އަންދާ ޤާނޫން,
އަލީ12
02 August 2018
އިންސާފަކީ އަބަދުވެސް އިދިކޮޅުގަ ތިބޭ ބައެއްގެ ކޮޅަށް މައްސަލަ ނިންމުން...ވަރަށް ސަލާމް
ދަތްނެތްކުއްޖާ
02 August 2018
ކުދިންނޭ ކެތްތެރިވޭ. ދެން އަންނަ ސަރުކާރަކުން ތިކަން ބަލައި ތިކަމުގައި ޒިންމާވާ ފަރާތް ތައް ޙާޟިރު ކޮއް އެވެރިން ނަށް ޙައްޤު އަދަބު ލިބޭނެ ކަމާއި މެދަކު މަމެން އެއްވެސް ޝައްކެތް ނުކުރަން. ތިކަމުގައި އަދީބު ބުރޯ ހުންނެވީ ވަރަށް ސާބިތު ކަމާއި އެކު ޙަޤީގަތް ހާމަ ކޮއްދޭން.
ހަހަ
08 August 2018
ތި ނުވާނެ ކަމެއް.. މިހާރު ވަރަށް ރިޝްވާންވެފަ އުޅެނީ މީހުންގެ ސަޕޯޓް ހޯދަން.. މާދަމާވެސް ވެރިކަން ލިބޭއިރަށް ނޭގޭނެ އެއީ ކާކުކަންވެސް.. ހަމަކުރިން ތިސަރުކާރެއް ދިޔައިރުވެސް ރާއްޖެއިން އިންސާފު ނުލިބޭ މީހުނަށް އިންސާފު ހޯދައިދެވުންތަ