އެންސިސްގެ 2.7 މިލިޔަން ރުފިޔާ ފޭރުނު މައްސަލައިގައި ހަ މީހަކު ހައްޔަރުކޮށްފި

ހުޅުމާލޭ މިނީ މޯލް ކައިރި މަގުމަތި: އެންސިސްގެ ފައިސާ ފޭރިގަނެފައިވަނީ މިތަނުން-- ފޮޓޯ: އެޗްޑީސީ

އާމިނަތު ޝިފްލީން، މިހާރު

05 އޯގަސްޓް 2018 - 12:59

ރާއްޖޭގައި ފުޅާ ދާއިރާއެއްގައި މަސް އެކްސްޕޯޓް ކުރާ އެންސިސް ފިޝަރީޒްގެ 2.7 މިލިޔަން ރުފިޔާ، ހުޅުމާލެއިން ފޭރިގަތް މައްސަލައިގައި މިހާތަނަށް ހަ މީހަކު ހައްޔަރުކޮށްފި އެވެ.

މިދިޔަ މަހުގެ 31 ވަނަ ދުވަހު އެ ފައިސާތައް ފޭރިގަތީ ހުޅުމާލޭ ސެންޓްރޯ މޯލްގައި ހުންނަ މޮރިޝަސް ބޭންކްގެ ބްރާންޗުން ފައިސާ ނަގައިގެން، އެންސިސްގެ މުވައްޒަފު ވެހިކަލަށް އަަރަން އުޅެނިކޮށް ސައިކަލެއްގައި ދިޔަ ދެ މީހަކު ކަމަށްވެ އެވެ.

އެ މީހުން ތިބީ، މޫނު ނިވާނުކޮށް ކަމުން، އެ ސަރަހައްދުގައި ހުރި ސީސީޓީވީ ކެމެރާތަކަށް އަރާނެ ކަމަށް އެންސިސް އިން ބުނެފައިވެ އެވެ.

ފުލުސް އޮފީހުން ބުނީ އެ މައްސަލައިގައި ހަ މީހަކު ހައްޔަރުކުރީ ހަމަ އެދުވަހު ކަމަށެވެ. ކްރިމިނަލް ކޯޓުން އެ މީހުންގެ ބަންދަށް 15 ދުވަސް ދީފައިވާ ކަމަށް ވެސް ފުލުހުން ބުންޏެވެ.

މިއީ ހުޅުމާލޭގައި މިހާ ބޮޑު އަދަދެއްގެ ފައިސާ ފޭރިގެން ފުރަތަމަ ފަހަރެވެ. އަދި ފިހާރަތަކާއި ސައިހޮޓާތައް ވެސް ހުންނަ، އާއްމުން ގިނަ ސަރަހައްދަކުން، ދުވާލު ގަޑީގައި އެފަދަ އަމަލެއް ހިންގުމުން ގިނަ ބަޔަކަށް ވަނީ ހައިރާންކަން ލިބިފަ އެވެ.

ކުށްކުރުން ފުލުހުން ހުޅުމާލެ ވައްކަމާއި ފޭރުން އެންސިސް

5 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮތަރުގެ އަސަރު

05 August 2018

ތިޔައިގެ ތެރޭގައި ގިނައިން ހިމެނޭނީ އިހައްދުވަހު ސަރުކާރުން ދޫކުރި ކުއްވެރިންނެވެ. ސަރުކާރުން ބޭނުންވަނީ އާއްމު މަސްލަހަތު އެއްގޮތުން ނުވީއްޔާ އަނެއް ގޮތަކުން ވެސް ނަގާލައި އިންތިޚާބުގެ ކުރިން ޤައުމު ހަމަނުޖެހުމެއްގެ ތެރެއަށް ފޮރޮޅުވާށެވެ. މިކަން ޑިފެންސް މިނިސްޓަރުގެ ވާހަކައިން ސާފުކޮށް އެނގިގެން ހިނގައްޖެއެވެ.