ހާރިސްގެ މަރުގެ ދައުވާލިބޭ މީހާ ގޭ ބަންދަށް ބަދަލުކޮށްފި

ހާރިސް އަބްދުލް ޣަފޫރު: އޭނާގެ މަރުގެ ދައުވާލިބޭ މީހާ ގޭ ބަންދަށް އިއްޔެ ވަނީ ބަދަލު ކޮށްފައި

މުއިއްޒު އިބްރާހިމް، މިހާރު

08 އޯގަސްޓް 2018 - 11:04

ހުޅުމާލޭގައި މިދިޔަ ސެޕްޓެމްބަރު މަހު މަރާލި ހާރިސް އަބްދުލްޣަފޫރުގެ މަރުގެ ދައުވާލިބޭ މީހާ ކްރިމިނަލް ކޯޓުން އިއްޔެ ގޭ ބަންދަށް ބަދަލުކޮށްފި އެވެ.

ހުޅުމާލޭ ހާފްވޭ ހައުސް ކައިރިން ތޫނު އެއްޗަކުން ހަމަލާދީ ހާރިސް މަރާލި މައްސަލާގައި ދައުލަތުން ދައުވާކުރަނީ ޏ. ފުވައްމުލަކު ހިލްޓަން، ޔާމިން ރަޝީދުގެ މައްޗަށެވެ. އޭނާގެ މައްޗަށް ކުރަނީ ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ދައުވާ އެވެ.

ޖަލު ބަންދުގައި ހުރި ޔާމީން ގޭ ބަންދަށް ބަދަލުކުރީ އިއްޔެ ބޭއްވި އެ މައްސަލާގެ އަޑުއެހުމުގައި އޭނާގެ ފަރާތުން އެގޮތަށް އެދުމުންނެވެ. މީގެކުރިން 2015 ގައި ހިންގި މާރާމާރީއެއްގައި ޔާމީންގެ ގޮހޮރަށް ގެއްލުންވެފައިވާ ކަމަށާއި އެކަމުގެ ވޭން އަދިވެސް އޭނާ ތަހައްމަލުކުރާ ކަމަށް އޭނާގެ ފަރާތުން ބުންޏެވެ.

ޔާމީންގެ ބަންދަށް ލުޔެއް ދޭން ދައުލަތުން ދެކޮޅު ހެދި އެވެ. ދައުލަތުން ބުނީ ވަކި ކަހަލަ މާހައުލެއްގައި ދިރިއުޅެން ޔާމީނަށް ޑޮކްޓަރު ލަފާދީފައި ނެތް ކަމަށާއި އަދި އެ މައްސަލައަކީ ގިނަ އަދަދެއްގެ ހެކިން ހިމެނޭ ބޮޑު މައްސަލައަކަށް ވާތީ، އޭނާ ދޫކޮށްލައިފި ނަމަ ހެއްކަށް ނުފޫޒު ފޯރަފާނެ ކަމަށް ދައުލަތުން ބުންޏެވެ.

އެ މައްސަލަ ބައްލަވާ ގާޒީ ހަސަން ނަޖީބް ނިންމެވީ ޝަރީއަތް ނިމެންދެން ޔާމީން ގޭ ބަންދަށް ބަދަލުކުރުމަށެވެ.

ޔާމީނާ ދެކޮޅަށް ދައުލަތުން އޮތީ 17 ސިއްރު ހެކިވެރިންނާއި 13 ކިތާބީ ހެއްކެއް ހުށަހަޅައިފަ އެވެ. އިބްތިދާއީ މަރުހަލާގައި އޮތް އެ މައްސަލާގައި މިހާރު ކުރިއަށް ދަނީ ޝަރީއަތުގެ ކުރީގެ ހުށަހެޅުންތައް ހުށަހެޅުމެވެ.

ކުށްކުރުން ގޭންގް ހަމަނުޖެހުން ކްރިމިނަލް ކޯޓް ވަޅިހެރުން މީހުން މެރުން

11 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަން ޒަކީ

08 August 2018

މަޢުމޫން ޖަލުގައި އެ އޮންނެވީ ބަލަމުންގެންދާ މައްސަލަ އަކާއި ގުޅިގެނެވެ. މަޢުމޫނު ބަންދުގައި ހުންނެވީ އިއްޒަތުގައެވެ. އާންމު ރައްޔިތުމީހާ ވަންނަން ޖެހޭ ގޮޅިއަށް މަޢުމޫން ވައްދައިފިނަމަ އެނގުންވާނެއެވެ! ކެއްތެރިކަންވެސް ފެންނާނެއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިއްލިބާޝާ

08 August 2018

ކިތޭވަރަށް ގޮންޖެހިޔަސް މަރެއް މަރުހިފާނަމޭ ބުނާ ރައީސްގެ ޢަމަލުފުޅުތައް މިހުންނަނީ ދިމާ އިދިކޮޅަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައްކަވާހަކަ

08 August 2018

ރައީސް މައުމޫންގެ ބަލި ހާލަތު ހުރި ގޮތުން ގޭ ބަންދަށް ދޫ ކޮއްދިނުމަށް ޑޮކްޓަރުން ލަފާ ދިނުމުންވެސް އެ ފަކީރު އެހެރީ ޖަލުގަ ބަހައްޓާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީނާ މުޙައްމަދު

08 August 2018

ހައްޔަރުކުރި ކުއްޖާއަކީ ކުރިން ތިކަހަލަ މާރާމާރީއެއްގެ ޝިކާރައަކަށްވެފައިވާ ބަޑަށް ވަޅި ހަރާފައިވާ ކުއްޖަކަށް ވާތީ އޭނާއަށް ސިއްހީ ހިދުމަތް ރަނގަޅަށް ލިބޭތަނަކަށް ބަދަލުކުރުމަކީ ދައްތަ ސަޕޯޓްކުރާ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްސެ

08 August 2018

މީހަކު މެރިޔަސް ޖަލަށްލާވަރު ނުވޭ. ދެން ކީއްކުރީމަބާ ޖަލަށްލާވަރުގެ ވާނީ. މިދެންވާ ގައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައްބު

08 August 2018

ޔާމީނާ ދެކޮޅަށް ޓްވީޓް ކުރީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޅި

08 August 2018

މިކަހަލަ ބޮޑެތި މުޖުރިމުން ގޭ ބަންދަން ދޫކުރެވޭ! އެއްވެސް ނުރައްކަލެއް ނެއްދޯ މުޖުތަމަޢަކަށް މީނަ ދޫކޮއްލައިން؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތަ

08 August 2018

ހިލްޓަން ކިޔަންޏާ ހާދަ ނުރައްކަލޭ. އެކަމަކު މީހަކު މެރިއަސް ކޯޓުން ވެސް ބިރުން އެމީހަކު ދޫކޮށްލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

08 August 2018

ކޮބާ ނުރައްކާތެރިވަނީ ހަމައެކަނި ސިޔާސީ މީހުން ޖަލުން ދޫކޮއްލީމަ ދޯ.މިފެންނަނީ ބޮޑު މާޑަރާއެއް އެއް މިނިވަންކަންމަތީ އުޅޭތަން.ލަދު ކޮބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޯޓަބަލް

08 August 2018

“މީގެކުރިން 2015 ގައި ހިންގި މާރާމާރީއެއްގައި ޔާމީންގެ ގޮހޮރަށް ގެއްލުންވެފައިވާ ކަމަށާއި އެކަމުގެ ވޭން އަދިވެސް އޭނާ ތަހައްމަލުކުރާ ކަމަށް އޭނާގެ ފަރާތުން ބުންޏެވެ” މިވަރުންވެސް ދޯ!