މާލެ އަތޮޅުގައި ހިއްކައިގެން ތަރައްގީކުރާ އިތާފުށީގައި ހަދާ ހިލްޓަންގެ ވާލްޑޮފް އެސްޓޯރިއާ ރިސޯޓު: މި ރިސޯޓު އަންނަ އަހަރު ކުރީކޮޅު ހުޅުވާނެ.
12 އޯގަސްޓް 2018 - 20:37
7 comments
ދުނިޔޭގެ މަޝްހޫރު ހޮޓެލް ޗެއިން، ހިލްޓަންއިން ރާއްޖޭގައި ހުޅުވާ ވާލްޑޮފް އެސްޓޯރިއާ ހޮޓެލްސް އެންޑް ރިސޯޓަށް މުވައްޒަފުން ހޯދަން އޯޕަން ޑޭއެއް ބާއްވަން ނިންމައިފި އެވެ.
ވާލްޑޮފް އެސްޓޯރިއާ އަކީ ހިލްޓަންގެ އެންމެ އަގު ބޮޑު އެއް ބްރޭންޑެެވެ. އެ ބްރޭންޑް ރިސޯޓެއް މީގެ ކުރިން ސަން ޓްރެވަލްއާ ގުޅިގެން ހއ. މަނަފަރުގައި ހިންގާފައިވެ އެވެ. އަދި ހިލްޓަންގެ ކޮންރެޑް ބްރޭންޑްގެ ރިސޯޓެއް އދ. ރަންގަލީގައި ހިންގަ އެވެ.
މާލެ އަތޮޅުގައި ހިއްކައިގެން ތަރައްގީކުރާ އިތާފުށީގައި ހަދާ ހިލްޓަންގެ ވާލްޑޮފް އެސްޓޯރިއާ ރިސޯޓުގެ ވިލާއެއް.
މާލެ އަތޮޅުގައި ހިއްކައިގެން ތަރައްގީކުރާ އިތާފުށީގައި ހަދާ ރިސޯޓަށް ބޭނުންވާ މުވައްޒަފުން ހޯދަން އޯޕަން ޑޭ އެއް ބާއްވަން ނިންމާފައި ވަނީ އަންނަ މަހުގެ ހައެއް އަދި ހަތެއްގައި މާގިރި ހޮޓެލްގަ އެވެ. އެ އޯޕަން ޑޭ އެ ދުވަހު ހެނދުނު 10:00ން މެންދުރު ފަހު 14:00 އަށް ކުރިޔަށް ގެންދާ ގޮތަށް ހަމަޖައްސާފައިވާ ކަމަށް އެ ރިސޯޓުން ބުންޏެވެ.
އޯޕަން ޑޭގައި އެ ރިސޯޓަށް ހޯދަނީ ކިތައް މުވައްޒަފުން ކަމެއް ވާލްޑޮފް އެސްޓޯރިއާ އިން ހާމައެއް ނުކުރެ އެވެ.
މާލެ އަތޮޅުގައި ހިއްކައިގެން ތަރައްގީކުރާ އިތާފުށީގައި ހަދާ ހިލްޓަންގެ ވާލްޑޮފް އެސްޓޯރިއާ ރިސޯޓުގެ ރެސްޓޯރަންޓެއް: މި ރިސޯޓުގައި ތަފާތު އެކި ކެއުންތައް ލިބޭ ހަ ރެސްޓޯރަންޓް ހުރޭ.
އެއް ފަޅެއްގައި ހިއްކައިގެން ހަދާ ތިން ރަށް ހިމެނޭ ގޮތަށް ތަރައްގީކުރާ ރިސޯޓު ހުޅުވަން ހަމަޖެހިފައި ވަނީ 2019 ވަނަ އަހަރުގެ ފުރަތަމަ ކުއާޓަރުގައި ކަމަށް އެ ރިސޯޓުން ކުރިން ބުނެފައިވެ އެވެ. ވާލްޑޮފް އެސްޓޯރިއާ ހަދާ އެ ތިން ރަށުގައި 138 ގެސްޓް ވިލާ އާއި ހަ ރެސްޓޯރަންޓާއި ކެފޭ އަދި ބާ ހުޅުވަން ހަމަޖެހިފައިވާ ކަމަށް ވެސް އެ ރިސޯޓުން ބުނެފައިވެ ވެ އެވެ.
އެ ރިސޯޓު ތަރައްގީ ކުރާ އިތާފުށި އޮންނަނީ ވެލާނާ އިންޓަނޭޝަނަލް އެއާޕޯޓުން ފުރައިގެން ވިއްސަކަށް މިނެޓުން ފުރައިގެން ދެވޭ ހިސާބުގަ އެވެ. އެއީ ގާތްގަނޑަކަށް 23 ކިލޯ މީޓަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުކިބޭ
25 August 2018
ފަސް ދިވެންނާ ފަސްސަތޭކަ ބިދޭސީން ލާގެން ހުޅުވާނެ ތަން ތަން ތިވެސް
މުގި
14 August 2018
ރާއްޖޭގެ ވަޒީފާ ބާޒާރު އޅުގަނޑަށް ކުރެވިފައިވާ ތަޖުރިބާ: ޓެކްނިކަލް ސްޓާފުން ސަރުކާރުގައި ހަރެއް ނުލާ މުސާރަ ކުޑަކަމުން. ބޮޑު މުސާރަ ދެނީ ބޭކާރު ކޯޑިނޭޓަރުންނާ ސްޓޭޓް މިނިސްޓަރުންނަށް. ޕްރައިވެޓް ސެކްޓަރ ގަ ދިވެހިންނަށް ވަޒީފާ ދޭން ޖެހޭ ވަކި ޕަސެންޓެއް ނޯވޭ. ބައެއް ގައުމު ތަކުގަ އޮންނަ ގޮތަށް. އަމިއްލަ މަސައްކަތް މާލޭގަ ސްޓާޓް އަޕް އަކަށް ތަނެއް ކުއްޔަށް ހިފަން އެހާ އަގު ބޮޑު. ރަށްރަށުގަ އާބާދީ މަދު ކަމުން މާކެޓް ނުލިބޭ.
ާހައިސަމް
13 August 2018
2013 ވަނަ އަހަރު ރައީސް ޔާމިންއަށް ވޯޓްދެވުނީތީ ފަހުރުވެރިވަން. ހެސްކިޔާފަ ވަޒީފާ އިތުރުކޮށްދީފި.ތަރައްގީވީ ރައްޔިތުމީހާގެ ޖީބު. ދެންވެސް ރައީސް ޔާމިން.
އައިންތް
13 August 2018
އަހަރު ވަނީ ވަޒީފާ އަށް އެޕްލައި ކުރާތާ ނުލިބޭ ކަލޭ ވޯޓް ދީދީ ހުރޭ...
ނަސްފާ
14 August 2018
ޜިސޯޓް ތަކުން ހެސްކިޔާފަ މީހުން ހޯދަން އެއުޅެނީ. ޢެކަމަ އައިންތް އައް ވަޒީފަ ނުލިބެންޏާ ދެން އައިންތް އެއްވެސް ކަމެއް އުމުރުން ދަސްވެފަ ނެތަކަމެއް ނޫންތޯ ތި އެނގުނީ.
އަސްލުވެސްދޯ
13 August 2018
ހުރިހާ ބޮޑެތި ޖޮބް ބިދޭސީންނަށް. ހުރިހާ ތާޑްޕާޓީ މަސައްކަތެއް ބިދޭސީންނަށް. ):
ވެލިގާ
14 August 2018
ނަސްފާ ހާދަ ކަންކަން ނެއެގޭ 26 އަހަރުގެ ޒުވާނަކު ކެއްކުމުގެ ދާއިރާއިން މާސްޓަރސް ހަދާފައި އައިސްގެން 15 ރިޒޯޓަށް އެދިގެން ޖަވާބެއް ނުލިބުނު ވާހަކަ އެޒުވާނާގެ ދުލުން އެހެރީ ނޫސް ތަކުގައި ޖަހާފައި މިހާރު ފްރާންސްގެ ޖޮބްކަށް 2 އަހަރު ދުވަހަށް މިމަހުގެ ފަހުކޮޅު އެފުރަނީ މިގައުމުން ވަޒީފާ ނުލިބިގެން ކޮންވާހަކަޔެއްމިދައްކަނީ ނޫސްތައް ބަލާ މައުލޫމާދު ހޯދިފައި ނެތްކަން ނަސްފާޔައް މިއެގުނީ ނޫންތޯ މިއެގުނީ