ދައުލަތުގެ މަރުކަޒުތަކުގައި ބަލަހައްޓަމުން އަންނަ ކުދިންނާއެކު، ޖެންޑާ މިނިސްޓަރު ޒެނީޝާ ޝަހީދު ޒަކީ އިއްޔެ އީދު ފާހަގަކުރައްވައިފި އެވެ.
އެ މިނިސްޓްރީން ބުނީ ހުޅުމާލޭގައި ހުންނަ ފިޔަވައްޗާއި ވިލިމާލޭގައި ހުންނަ ކުޑަކުދިންގެ ހިޔާގައި ތިބޭ ކުދިންނާ އެކު ވިންޓަ ޕާކަށާއި ރަސްރަނި ބަގީޗާއަށް ޒިޔާރަތްކޮށްފައިވާ ކަމަށެވެ. އޭގެ އިތުރުން ސްކޫޕަށް ވަޑައިގެން އެތަނުގައި ވެސް ކުދިންނާ އެކު ބައިވެރިވެވަޑައިގެން ކަމަށް ބުންޏެވެ.
އޭގެ އިތުރުން އާކާއި ބީޗް ކްލަބް މޯލްޑިވްސް ގުޅިގެން ވޯޓާ ސްޕޯޓްސް ކުޅިވަރުގެ ހަރަކާތްތަކެއް މަރުކަޒުތަކުގައި އުޅޭ ކުދިންނަށް ހިންގާފައި ވެ އެވެ.
ޖެންޑާ މިނިސްޓްރީން ބުނީ އެ ހަރަކާތްތައް އިންތިޒާމްކޮށްފައިވަނީ ހައުސިން މިނިސްޓްރީއާ ހޮޓެލްސް އެންޑް ރިސޯޓް ކޮންސްޓްރަކްޝަން ކުންފުންޏާއި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ އިތުރުން އެމްއެންޑީއެފާއި އެމްޓީސީސީގެ އެހީތެރިކަމާއެކުގަ އެވެ.
ދައުލަތުގެ ބެލުމުގެ ދަށުގައި 140 ކުދިން އަންނަނީ ބަލަހައްޓަމުންނެވެ. ފިޔަވަތީގައި 13 އަހަރުން ދަށުން 89 ކުދިން އަދި ކުޑަކުދިންގެ ހިޔާ އާއި އަމާން ހިޔާގައި 13-18 އަހަރާ ދެމެދުގެ 51 ކުދިންް އަންނަނީ ބަލަހައްޓަމުންނެވެ.