އޭޑީކޭގައި ވިހެއި އެއްމާބަނޑު ހަތަރު ކުދިން: ޕެއިންލެސް ލޭބާގެ ހިދުމަތް އެތަނުން ވަނީ ދޭން ފަށާފައި
31 އޯގަސްޓް 2018 - 11:57
36 comments
ތަދު ނުވާ ގޮތަށް ވިއްސުން ނުވަތަ ޕެއިންލެސް ލޭބާގެ ހިދުމަތް އޭޑީކޭގައި ރަސްމީކޮށް ދޭން ފަށައިފި އެވެ.
އެ ފަދަ ގޮތަކަށް ފުރަތަމަ ފަހަރަށް އޭޑީކޭގައި އިއްޔެ ވަނީ މީހަކު ވިއްސާފަ އެވެ.
އެ ހިދުމަތާ ގުޅޭގޮތުން ވާހަކަ ދައްކަވަމުން، އޭޑީކޭގެ ހޭނައްތާ ޑޮކްޓަރު، ދުސޫމާ އަބްދުއްރައްޒާގު މިއަދު "މިހާރު"އަށް ވިދާޅުވީ މަންމަ ވިހަން ތައްޔާރުވުމުން، ބުރަކައްޓަށް އިންޖެކްޝަނެއް ޖަހައި، ކެތީޓާއެއް ލެއްވުމަށް ފަހު ބޭސް ދީގެން ތަދުނުވާ ގޮތް ހަދާނެ ކަމަށެވެ. އެހެންވެ، ވިހެއުމުގެ ވޭންވަރު އަޔަސް، އެއްވެސް ތަދެއް ނެތި މަންމައަށް ވިހެވޭނެ ކަމަށް އޭނާ ވިދާޅުވި އެވެ.
"މިއީ ހަމަ ނޯމަލް ޑެލިވަރީއެއް. އެއްވެސް ތަދެއް ނެތް ނަމަވެސް ދަރިފުޅު ޕުޝްކުރާހާ ބާރު މަންމަގެ ހުންނާނެ. ކޮންޓްރެކްޝަން އަންނާނެ. އަދި ބޭބީއަށް ގެއްލުން ނުވާ، ވަރަށް ސޭފް ގޮތެއް މިއީ،" އޭޑީކޭގައި މި ހިދުމަތް ދެއްވާ ޑޮކްޓަރު ވިދާޅުވި އެވެ.
ޑރ. ދުސޫމާ ވިދާޅުވީ ވިހެއުމާ ހަމައަށް، ދަރިފުޅުގެ ހިތުގެ ތެޅުމާއި ހުރިހާ ކަމެއް ޑޮކްޓަރުން މޮނީޓާ ކުރާނެ ކަމަށާއި އޮޕަރޭޝަން ނުކޮށް، ވިއްސޭތޯ ޑޮކްޓަރުން މަސައްކަތް ކުރާނެ ކަމަށެވެ.
އޭނާ ވިދާޅުވި ގޮތުގައި އޭޑީކޭގައި ވަސީލަތްތައް ހަމަވުމާއެކު މި ހިދުމަތް ފެށުމަށް ޕްލޭން ކުރާތާ މިހާރު ދެ މަސްވެއްޖެ އެވެ. އެކަމަކު އިއްޔެ ހިދުމަތް ފެށީ، އެކަމަށް ޕޭޝަންޓަކު އެދުމުން ކަމަށާއި މިހާރު، މާބަނޑު ކޮންމެ މީހަކަށް ވެސް މި ހިދުމަތް ހިޔާރުކުރެވެން ހުންނާނެ ކަމަށް ޑރ. ދުސޫމާ ވިދާޅުވި އެވެ.
"މިކަމުގައި ޕޭޝަންޓުގެ އިހުސާސްތައް ވެސް ވަރަށް މުހިއްމު. އެކަމަކު މިކަމަށް އެދޭ ޕޭޝަންޓުންގެ ތެރެއިން ކޮމްޕްލިކޭޝަނެއް ނެތް ކޮންމެ މީހަކަށް ވެސް އަޅުގަނޑުމެން މިހާރު މި ހިދުމަތް ދޭނަން،" އޭނާ ވިދާޅުވި އެވެ.
"އޭރުން އެއްވެސް ތަދެއް ނެތި، ފެމިލީ ކައިރީގައި ހުރެގެން ވިހެވޭނެ،"
އޭޑީކޭގައި މި ފަހުން ވަނީ ވަރަށް ގިނަ އާ ހިދުމަތްތަކެއް ތައާރަފްކޮށްފަ އެވެ. އެގޮތުން ހިތުގައި ބައިޕާސް ދެ ސާޖަރީ އާއި އޯޕަން ހާޓް ސާޖަރީއެއް ވެސް، ކާމިޔާބުކަމާއެކު ވަނީކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާސިމު
01 September 2018
ބޭސްވެރިކަމުގައި ކުރިއަރާދިއުން އެއީ އިސްލާމްދީން ވެސް ބާރު އަޅާކަމެއް އެކަމަކު ތިގޮތަށް ވިހެއުމުން އެކަމުގެ ސައިޑުއިފެކްޓް ބޮޑު ފަހުން ރިހުމާއި މަސްސަރުކަންތައް ހަމައިން ނެއްޓު މާއި ބަޑުގައި އެންޒައިޓީ އާއި ޑިޕްރެޝަން . މިހެންގޮސް ވަރަށް ގިނަކަންތައް ދިމާވާކަމަށް ވޭ އަޅެގަބޫލު ނުކުރެވެޏާ ސާޗުކޮށްލައިގެން ބަލާލާ
ވަޑި އާދަނު
01 September 2018
ހުރިހާ ކަމެއްގަ ވެސް ސައިޑް އިފެކްޓު ހުރޭ. އެ ހުރިހާ ކަމެއް ވަޒަން ކޮށްފަ ގަރާރު ނަގާނީ. އިންސާނުން ޖެހޭނީ އެއްދުވަހުން އަނެއް ދުވަހަށް ދިރިއުޅުން ލުއިފަސޭހަ ކުރާނެ އާ ގޮތްގޮތް އީޖާދުކޮށް ދިރާސާ ކުރުމައިގެން ކުރިޔަށް ދާން. އަހަރެމެން ކުޑައިރު އަންހެން ކުދިންނަށް ސިޓީ ފޮނުވީ އަމިއްލަ އަތުން ކަރުދާހުގަ ލިޔެގެން. މިހާރު ވެސް ސްޕެޝަލް ކޮށްލަންޏާ އެއީ އިފެކްޓިވް ގޮތެއް އިލެކްޓްރޯނިކް މެސެޖްތަކުގެ ސައިޑް އިފެކްޓު ކިތެމެހާ ވެސް ބޮޑު. އެކަމަކު އިންސާނުން ދުވަހެއް ދުވަހަކަށް ދާނީ ކުރިއަރަމުން. ސައިޑް އިފެކްޓް ނެތް ހަޔާތެއް ލިބުން އޮތީ ސުވަރުގޭގަ.
Ahmed
02 September 2018
މައިންނާ ދަރިންގެ ދެމެދުގައި އުފެދިގެން އަންނަ މައިކުލުނު ރަމްޒުކޮށްދޭ އެއްކަމެއް ކަމަށް މައިމީހާގެ ވިހެމުގެ ވޭން ވާކަމުގައި ބައެއްޢިލްމުވެރިން ވިދާޅުވެފއިވޭ. ދީނީ އިލްމުވެރިން މިކަމާމެދު ރައުޔެއް ނެރުމަކީ ވަރަށް މުހިންމު ކަމެއް. ވިހެއުމުގެ ވޭން ތަޙައްމަލް ކުރަންނުޖެހި ވިއެމުކަޒީ ޒަމާނީ ފިޤުހީ މައްސަލަ ތަކުގެ ތެރެއިން މައްސަލައެއްކަމުގައި ވެސް ވެދާނޭ، އަޅެ ދިވެހިރާއްޖޭގެ ފިޤުހު އެކަޑަމީ އިން ކޮންމެސް އެއްޗެއް މިކަމާމެދު ބުނެބަލަ.
ނާއިން
01 September 2018
ވަރަ ސަޅި ލަދު ގަނޭ މިކަހަކަ ހަބަރުތަށް އަމިއްލް ހޮސްޕިޓަލް ތަކުން ދެމުންދާތީވެ މި ސަރުކާރުން ބުނާނެ ސިއްހީ ނިޒާމު ރަނގަޅުކަމަށް މި ވަރުުގެ ކަމެއްވެސް ކޮށްނުލެވިގެން މިއުޅެނީ ރަތްއަތުންގެ ހޮސްޕިޓަލް ތަކުން ކިޔާވާކުދިން ޓެބްލެޓުން ކިޔަވާ ކިޔާ އަވަދިވަމުން މިދަނީ މިހާރު ސްކޫލް ތަކުގަ އަތަކަށް ނުލިބޭ ލޮލަކަށް ނުފެނޭ ޓެބް ދަރިވަރުންނަށް ސަޅިއެއްނު ދޯ
Ahmed
02 September 2018
އަސްލު މިކަން ސިޔާސީ ކަަމަކަށް ނުހަދާ. މިގޮތަށް އިޙުސާސް ކަނޑުވާލައިގެން ވިއްސާވިއްސުމުގައި ހަމަ ފަހަރުގައި އެމަންމަގެ ދަރިމައިވުމުގެ މުޅިސިސްޓަމް އާ އަދި އޭނަގެ ޖިންސީ އާލާތްތަކުގެ ޙިއްޞު ކެނޑުމަކީ ވެސް ދިމާވެދާނެ ކަމެއް. ﷲ ކުޅަދުންވަންތަ މިގޮތަށް މެދުވެރިނުކުރެއްވުމަށްވެސް އަދި ކުރެއްވުމަށްވެސް . ދުޢާއަކީ ހުރިހާވެސްރަގަޅެއް މައިންނަށް މިންވަރުކުރެއްވުން.
ދެރަ
01 September 2018
ވިހެވުމަށް ވުރެ ކަފާލާ ތަނަށް މާ ބޮޑަށް ތަދުވޭ... ކުޑަ ތަންކޮޮޅެއްވެސް ކަފާ ނުލާ ވިހޭ ގޮށް ހަދަން ވީއެއް ނުން....
ރަޒިއްޔާ
31 August 2018
މަންމައަށް ކޮންމެހެން ތަދު ނުވިއްޔަކާ މައިވަންތަ ކަމެއް ފުރިހަމައެއް ނުވާނޭ ބުނުމަކީ ތާކުންތާކު ރޯނު އެދުރެއް ދިން ފަތުވާއެއްބާ؟ އެކި އަންހެނުން ވިހެއުމުގެ ވޭން އުފުލަނީ ވެސް އެކި މިންވަރަށް. ތިބުނާ ގޮތަށް މިން ކުރަންޏާ މައިވަންތަކަން އެންމެ ބޮޑީ ވިހެއުމުގައި އެންމެ ބޮޑު ވޭން އުފުލި މީހާތާ! ފޫޅުމައިންނާ ޑޮކްޓަރުން ވެސް ތިބޭނެ ކަމެއް ނެތެއްނު؟ ގުދުރަތީ ގޮތަށް އަޅަން ހުރި ވޭނެއް އަޅާފައި ވިހޭމައޭ ބުނަންޏާ މައިވަންތަކަން ފުރިހަމަ މި ވަނީ!! އިންސާނުން ބޭސްވެރިކަމުގައި ކުރިއެރުމުގެ ބޭނުމެއް ވެސް ނެތް. އަޖައިބު ވާވަރުވޭ!
އަލީ ނަސީމް
01 September 2018
ބަލަ ސިކުނޑި ބޭނުން ކޮއްގެން، ވިސްނައިގެން، ދިރާސާ ކުރުމެއްނޯވެޔޭ! ބުނާއެއްޗެއް ގަބޫލު ކުރަން އޮންނާނީ!
ާއިބުރާހީމް
31 August 2018
ރ.ޔ ދަރުމަވަންތަ ހޮސްޕިޓަލް ހެދުމުން، ދެންހުރި ހޮސްޕިޓަލްތައްވެސް ފެންވަރު މަތިކުރުމަކީ އިތުބާރާ ޔަޤީންކަން އިތުރުކުރަން މަޖުބޫރުވާ ސަބަބެއްކަމަށް ބެލެވޭ!
ާައާދަމް ޢަރީފް
31 August 2018
ވަރައް ރަގަޅު
ރަސްމާ
31 August 2018
ތި ހިދުމަތުގެ އަގު ކިހާވަރެއްބާ؟؟؟؟؟
ހުއްޓޭބެ
31 August 2018
އޭޑީކޭއިން އެކަނި ތިކަން ވަންޏާ ތިއީ އަހަރެމެންފަދަ އާދައިގެ މީހަކަށް ވައިއެޅެންކެރޭވަރަށްވުރެ އަގުފަލަ ކަމަކަށްވާނެއެވެ. އާސަންދަ ކަވަރު ނުކުރާގޮތަށް ނަމަވެސް ސަރުކާރު ހޮސްޕިޓަލްތަކުގައި ތިޔަ ޚިދްމަތް ދިނުމަކީ އަހަރެމެންފަދަ އާދައިގެ އާއިލާތަކަށްވެސް ލިބޭނެ ވަރަށްބޮޑު ހިތްހަމަޖެހުމަކަށް ވާނެއެވެ.
ހެލްތް ޑޮޓްކޮމް
31 August 2018
ތިޔަފަދަ ކަންތައްތައް ޕްރޮމޯޓް ކުރުމަކީ ދިގުމުއްދަތަކަށް ބަލާއިރު ރަނގަޅު ނަތީޖާ ލިބޭނެކަމެއްނޫން! ތިބާވަތުގެ ކަންތައްތައް ޕްރޮމޯޓްކުރުމުން ވިހަންދާ ކޮންމެމީހަކުވެސް ތިގޮތަށް ވިހަން ބޭނުންވާނެ! ވީމާ ޒަރޫރީ ހާލަތްތަކުގައި ނޫނީ ތިގޮތަށް ނުވިއްސުން އެންމެ ބުއްދިވެރީ!
ާއާޒާދް
31 August 2018
ފިއަރސް ކޮންޕެޓިޝަން