ޣައިރު ހާޒިރުގައި ހުކުމް ކޮށްފައިވާ މީހުންގެ އަދަބު ރައީސަށް ލުއިކޮށް ދެވޭ ގޮތަށް ހަމަޖައްސައިފި

ރައީސް އޮފީސް: ޣައިރު ހާޒިރުގައި ހުކުމް ކޮށްފައިވާ މީހުންގެ އަދަބަށް ރައީސަށް ލުއި ދެވޭ ގޮތަށް ވަނީ ހަމަޖައްސާފައި --ފޮޓޯ/މިހާރު

މުއިއްޒު އިބްރާހިމް، މިހާރު

06 ސެޕްޓެމްބަރ 2018 - 13:35

8 comments

ޣައިރު ހާޒިރުގައި ހުކުމް ކޮށްފައިވާ މީހުންގެ އަދަބު ރައީސުލް ޖުމްހޫރިއްޔާގެ އިސް ނެންގެވުމުގައި ލުއިކޮށްދެވޭ ގޮތަށް ހަމަޖައްސައިފި އެވެ.

މައާފް ދިނުމާއި އަދަބު ލުއިކޮށް ދިނުމުގެ ގާނޫނުގެ ދަށުން ރައީސްގެ އިސް ނެންގެވުމުގައި އަދަބު ލުއިކޮށް ދިނުމާ ބެހޭ ގަވާއިދު އޮންނަ ގޮތުން އާންމު އުސޫލުން މީހެއްގެ އަދަބު ރައީސްގެ އިސް ނެންގެވުމުގައި ލުއިކޮށް ދެވޭނީ ހުކުމުގެ ހަތަރު ބައި ކުޅަ އެއް ބައި ތަންފީޒުކޮށް ނިމުމުންނެވެ.

އެ ގަވާއިދަށް މިއަދު ގެނައި އިސްލާހުގައިވާ ގޮތުން ދައުވާ ލިބޭ މީހާގެ ޣައިރު ހާޒިރުގައި ނުވަތަ އޭނާ އަށް އޭނާއަށް ނޭނގި ހުކުމް ކޮށްފައިވާ ނަމަ އަދި އެ ހުކުމް ކުރި ފަހުން ފަސް އަހަރު ވެފައިވާ ނަމަ، އެ މީހެއްގެ އަދަބު ރައީސަށް ލުއިކޮށް ދެވިދާނެ އެވެ. އެކަމަކު އެ ފަސް އަހަރުގެ މުއްދަތުގައި އިތުރު ކުށެއް ކޮށްފައި ނެތުމަކީ އެގޮތަށް އަދަބު ލުއިކޮށް ދިނުމުގެ ޝަރުތެކެވެ.

މައާފް ދިނުމާއި އަދަބު ލުއިކޮށް ދިނުމުގެ ގާނޫނުގެ ދަށުން ރައީސްގެ އިސް ނެންގެވުމުގައި އަދަބު ލުއިކޮށް ދިނުމުގެ އިތުރުން ކުށްވެރިޔާ އެދިގެން ވެސް ރައީސަށް އަދަބު ލުއިކޮށް ދެވެ އެވެ. ކުށްވެރިޔާ އެދިގެން އަދަބު ލުއިކޮށް ދެވޭނީ އިސްތިއުނާފްގެ މަރުހަލާތައް ނިމި، އަދި ހުކުމުގެ ހަތަރު ބައި ކުޅަ އެއް ބައި ތަންފީޒުކޮށް ނިމުމުންނެވެ. ކުށްވެރިޔާ އެދިގެން އަދަބު ލުއިކޮށް ދެވޭނީ އެ ގާނޫނުގެ ދަށުން އުފައްދާފައިވާ ކްލެމެންސީ ބޯޑަށް ހުށަހަޅައިގެން އެ ބޯޑުގެ ލަފާގެ މަތިންނެވެ.

ކުށްކުރުން ރައީސް އޮފީސް

8 ކޮމެންޓް, 69 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮރެންޖް

06 September 2018

ރައީސް މައުމޫން ދޫކޮށްލުން އެކަށީގެންވޭބާ މީގެ ތެރެއިން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

06 September 2018

ކަނޑައެޅިގެން ކޮންމެވެސް މީހަކު ސަލާމަތް ކުރަން ވެގެން ކޮށްފައިވާ ކަމެއް........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falaku ain

06 September 2018

މާފުކުރުމާއި އަދަބު ލުއިކޮށްދިނުމަށް ރައީސަށް ލިބިފައި އޮންނަ ބާރުވެސް ވެއްޖެ ހަނިކުރަން. މިމީހުން ހިތަށްއެރީމާ ހިތަށް އެރިމީހަކު މިނިވަން ކުރުމަށް ރައީސްމީހާ ނިންމުމުން ޢަދުލު އިންސާފުގެ ނިޒާމު ދޯހަޅިވެގެންދޭ. ތަކުރާރު އެއްބާވަތެއްގެ ކުށްކުރާމީހުން ޖަލުން ރައީސްމީހާއަށް ނުނެރެވޭގޮތަށް ހަމަޖައްސަން އެބަޖެހޭ. އެހެންނޫނީ ކޮންމެ 5 އަހަރަކުން މިމީހުން ބޮޓެތި ކުށްވެރިންދޫކޮށް ރާއްޖޭގެ ވެށި ނާމާން ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ_

06 September 2018

ކުއްލިއަކަށް ގާނޫނު އަސާސީއިން އާ މާއްދާއެއް ފެނުނީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްބެ

06 September 2018

ތީ ޔަމީން ކޮންމެވެސް މީހަކަށް ޙާއްސަކޮށްގެން ޤާނޫނަކަށް ގެނައި އިސްލާޙެއް. މަސްތުވާތަކެތީގެ މައްސަލައެއްގައި އަތު ނުޖެހިގެން ޣައިރު ހާޟިރުގައި ޙުކުމްކޮށްފަ ހުރި މީހެއް ދޫކުރަން ގެނައި އިސްލާޙެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމާ69

06 September 2018

އަހަރެންނަށް އެނގިފަ އޮތީ ކުށްވެރިޔާ އެދިގެންވެސް ލުއިކޮށްދެވޭނީ ޙުކުމްގެ ހަތަރު ބައި ކުޅަ އެއްބައި ތަންފީޛް ކޮށް ނިމުމުން. މަނިކުފާނު ޤާނޫނަކާއިގުޅޭ ޙަބަރެއް ލިޔުއްވާނަމަ އެޤާނޫނަކަށް ގެނަވުނު އިސްލާޙްތައްވެސް ބެއްލެވުން މުޙިއްމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމް

06 September 2018

މީ ސީދާ މިއަހަރުގެ ރިޔާސީ އިންތިހާބުގެ ވޯޓަށް ނުފޫޒު ފޯރުވުމަށް ސަރުކާރުން ކުރާ ކަންތައްތަކުގެ ތެރެއިން ކުރާ ކަންތައް. *. ޓެކްސްތަކާ ގުޅިގެން ހުރި ޖޫރިމަނާތައް މައާފުކުރުން. *. ވެހިކަލް ޖޫރިމަނާތައް މައާފުކުރުން. *. ކަނޑު އުޅަދު ފަހަރުގެ ޖޫރިމަނާތައް މައާފުކުރުން. *. ކަނޑު އުޅަދު ފަހަރުގެ ފީތައް މައާފުކުރުން. *. ޖަލުން ބޮޑެތި ކުށްވެރިން (އެއްވެސް އުސޫލެއް ނެތި) މިނިވަން ކުރުން. *. ޝަރުއީ ކޯޓުތަކުގައި އެއް އަހަރަށްވުރެ ގިނަ ދުވަސްވީ (ދައުލަތުން ދައުވާކުރާ) ދައުވާތަކުގެ އިބްތިދާއީ އަޑުއެހުންތައް ނުފެށިފައިވާ މައްސަލަތަށް ބާތިލު ކުރުން.