ކުޅުދުއްފުށީގައި އެއާޕޯޓް އެޅުމަށް ހިއްކި ބިން ހަރުކުރުމުގެ މަސައްކަތް ކުރަނީ-- ފޮޓޯ: ކުޅުދުއްފުށީ އޮންލައިން
17 ސެޕްޓެމްބަރ 2018 - 16:00
17 comments
ކުޅުދުއްފުށީ އެއާޕޯޓުގެ ރަންވޭގައި ތާރުއެޅުމުގެ މަސައްކަތް ނިންމައި، އަންނަ ބުދަ ދުވަހު އެ އެއާޕޯޓަށް ޓެސްޓް ފްލައިޓް ޖައްސާ ގޮތަށް ހަމަޖައްސައިފި އެވެ.
އެމްޓީސީސީން މިއަދު ބުނީ 1،200 މީޓަރު ދިގު 30 މީޓަރު ފުޅާ ރަންވޭގައި ތާރު އެޅުމުގެ މަސައްކަތް ރޭގެ ވަގުތެއްގައި ނިންމާލާފައިވާ ކަމަށެވެ. އަދި މިހާރު ކުރިއަށް ދަނީ ޓެކްސީވޭ އާއި އޭޕްރަންގެ އިތުރުން ފަޔާ ސްޓޭޝަން ހެދުމުގެ މަސައްކަތް ކަމަށް އެ ތަނުން ބުންޏެވެ.
އެމްޓީސީސީން އުއްމީދު ކުރަނީ މާދަމާގެ ނިޔަލަށް އެ މަސައްކަތް ވެސް ނިންމާލައި، އަންނަ ބުދަ ދުވަހު ޓެސްޓް ފްލައިޓް ޖެއްސޭނެ ކަމަށެވެ.
އަންނަ އާދިއްތަ ދުވަހު ބާއްވާ ރިޔާސީ އިންތިހާބުގެ ކުރިން، ކުޅުދުއްފުށީ އެއާޕޯޓުގެ މަސައްކަތް ނިންމައިލެވޭނެ ކަމަށް، ރައީސް އަބްދުﷲ ޔާމީން ވަނީ ވިދާޅުވެފަ އެވެ.
ކުޅުދުއްފުށީގެ ބައެއް މަގުތަކުގައި ތާރުއެޅުމާއި ގޮނޑުދޮށް ހިމާޔަތް ކުރުމުގެ މަޝްރޫއުގެ ނިމުން ފާހަގަ ކުރުމަށް، މިދިޔަ މަހު ފަހުކޮޅު އެ ރަށަށް ވަޑައިގެން ވާހަކަފުޅު ދައްކަވަމުން ރައީސް ޔާމީން ވިދާޅުވީ، މާލޭގައި ތިބި އެ ރަށުގެ މީހުން ވޯޓު ލާނީ، މަތިންދާބޯޓުގައި އެ ރަށަށް ގޮސްގެން ކަމަށެވެ.
މިދިޔަ އަހަރު ރައީސް ފައްޓަވައިދެއްވި މި މަޝްރޫއު ދިގުލައިގެން ދިޔައީ އެއާޕޯޓް ހެދުމަށްޓަކައި ހުސްކުރަން ޖެހޭ 18 ގޭގެ ތެރެއިން 12 ގެއެއް ހުސް ނުކުރެވި ލަސްވެގެން ކަމަށް ސަރުކާރުން ބުނެފައިވެ އެވެ. އެކަމަކު، އެ ގެތައް ހުސްކުރުމާ އެކު، ރަންވޭގެ މަސައްކަތް ނިންމާލާފައިވާ ކަމަށް އެމްޓީސީސީން ބުންޏެވެ.
ކުޅުދުއްފުށީގައި އެއާޕޯޓު އަޅަން އެމްޓީސީސީގެ ބިޔަ ކޮންނަ ބޯޓު، މަހާޖައްރާފުން ވަނީ އެ ރަށުގެ މޫދުން ހަ ހެކްޓަރު އަދި ކުޅިން ނުވަ ހެކްޓަރުގެ ބިން ހިއްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިލަމް
18 September 2018
ދާދިފަހުން މުޢިއްޒުވެސް ވިދާޅުވި ފ.ނިލަންދޫގެ އެއަރޕޯރޓް ތަރައްޤީކުރަން މިތަންމިލިޔަށް ރުފިޔާ ހުރި ވާހަކަ.ތަނެއް ތަރައްޤީ ކުރެވޭނީ ތަނެއް އަޅައިގެންކަންވެސް މުޢިއްޒަކަށް ނޭނގުނެވެ. 2އަހަރު ބަޖެޓްގައި ހިމަނައި އެއަށް ވީގޮތެއް ދެނެވޮޑިގެންވަނީ ﷲއެވެ. ކުޅުދުއްފުށީ އެއަރޕޯރޓްގެ ޙާލަތަކީ ކޮބައިކަންވެސް ދެނެވޮޑިގެންވަނީ ﷲއެވެ.
މީވީގޮތޭ
18 September 2018
ހޭނާރާ ޖަހަނީ މަރުފަލިތާ ބޮނޑިބޯން!
ސައިހާ
17 September 2018
ކޮބާތޯ ފުނަދޫއެއަރޕޯޓު ވޯޓުލާންވާ އިރަށް ފުނަދޫ އެއަރޕޯޓައް ޓެސްޓު ފުލައިޓު ޖެއްސޭނެތޯ
އަލިފް ހ
17 September 2018
މިހާރު ނޫސް ކުދިން އަޅެ ސާފުކޮށްލަ ދީބަލަ އެމީހުން ކައިރީގަ އަހާލައިގެންވިޔަސް ބޯޓު ޖައްސާފަ މީހުން ގޮސް އެރެން ޖެހެނީ ކުޅީގެ ނުހިއްކާ ބަޔަށްތޯ!
ހަބީބު
17 September 2018
ކުޅުދުއްފުށި ރައްޔިތުން ބޮލައް އެރެން ނޫޅޭތި ތީ 2013 ވަނައަހަރު ވިއްކާފަވާ ވައުދެއް ތިވައުދައް ވާނީ އަގުދައްކާފަ އޭގެމާނަޔަކީ 2018 ވަނައަހަރު ދެންއަގުދައްކާކައް ނުޖެހޭނެ 2018 ގަ ވޯޓު ދީގެން ހޮވައި ދީފިނަމަ ކުމުންދޫއާ ކުޅުދުއްފުށި ބުރިޖަކުން ގުޅާލަދޭނަމަ ވޯޓުދީފާނަން އޮކްޓަރެއް ހުންނަ ވައުދަކައް ވާންވާނެ
ހައިއްޓެ
17 September 2018
މީ ދިވެހިރައްޔިތުންގެ އުންމީދުތައް ޙަޤީގަތަކަށް ހަދައިދޭނޭ ސަރުކާރު. ރައީސް ޔާމީނަކީ ވައުދުވެ ވައުދު ފުއްދުމުގެ ޤާބިލްކަން ހުރި ހަރުދަނާ ވަރުގަދަ ލީޑަރެއް
ޚުބުޅިބެ
17 September 2018
ތެޅިފޮޅެނީ މިއޮއް ކިތަންމެ ވަރަކަށް ތެޅިފޮޅުނަސް މަންޒަރު ފެންނަނީ ވަރަށް ނާއުއްމީދު ގޮތަކަށް
ރަދީފް
17 September 2018
ސާބަހޭ ރައީސް ޔާމީން.ސ.މީދޫގަ އެއާސްޓްރިޕެއް އަޅައިދިނުން އެދެން.ވ.ވެދުން
ޑިކްޝް
17 September 2018
ރަދީފު އައްޑޫ ދެފަރު ދޭތެރޭ ބްރިޖު އަޅާ ވާހަކަ އަޑުނާހަން ދޯ
falaku ain
17 September 2018
ކުޅުދުއްފުށީ މަގުވެސް އޮތީ ޓެސްޓް ފްލައިޓް ޖެއްސޭވަތަށް ތާރުއަޅާފައި. އަދި ލައިޓްވެސް ހަރުކޮށްފައި.
ސީދާ
17 September 2018
ރިޔާސީ ކެންޕޭނަށް ދައުލަތުގެ މުދަލާއި ވަސީލަތްތައް ބޭނުންކުރުމަކީ ކަރަޕްޝަން. ދިވެހިން ކަރަޕްޝަންގެ ޑެފިނިޝަން ދަސްކުރަންޖެހޭ. ކަރަޕްޝަނަކީ ވަބާއެއް.