ޕާކިސްތާނުގެ ބޮޑު ވަޒީރު އިމްރާން ޚާން.ޕާކިސްތާނުގެ ބޮޑު ވަޒީރު އިމްރާން ޚާން.
19 ސެޕްޓެމްބަރ 2018 - 15:53
11 comments
އިސްލާމްއާބާދު (ސެޕްޓެމްބަރު 19) - ކޮރަޕްޝަން ހުއްޓުވުމުގެ ވައުދާ އެކު ޕާކިސްތާނުގެ ބޮޑު ވަޒީރުކަމުގެ މަގާމަށް ވަޑައިގެންނެވި އިމްރާން ޚާން ޓްރެފިކްގައި ނުޖެހެން، ހެލިކޮޕްޓަރުގައި އޮފީހަށް ވަޑައިގަންނަވާތީ ފާޑުކިޔުންތައް އަމާޒުވެއްޖެ އެވެ.
ޚާން ވިދާޅުވެފައި ވަނީ ބޮޑު ވަޒީރުގެ މޮޓޯކޭޑުގެ ޚަރަދުތައް ކުޑަކުރައްވާނެ ކަމަށެވެ. އަދި ބޮޑު ވަޒީރު ބޭނުން ކުރެއްވި ގިނަ އަދަދެއްގެ ވެހިކަލް ނީލަން ކިޔާނެ ކަމަށް ވިދާޅުވި އެވެ. މި ގޮތުން މިދިޔަ ހޯމަ ދުވަހު ވަނީ ބޮޑު ވަޒީރުގެ އޮފީހުގެ 100 އަށް ވުރެ ގިނަ ވެހިކަލް ނީލަން ކިޔައިފަ އެވެ. އެ ވެހިކަލްތައް ވިއްކައިގެން ބަޖެޓަށް 200 މިލިއަން ރުޕީސް (1.6 މިލިއަން ޑޮލަރު) ލިބުނު ކަމަށް ސަރުކާރުގެ އޮފިޝަލަކު ވަނީ ވިދާޅުވެފަ އެވެ.
ޚަރަދު ކުޑަކުރުމުގެ ގޮތުން އިމްރާން ވަނީ ބޮޑު ވަޒީރުގެ ރަސްމީ ގޭގައި ނޫޅުއްވާނެ ކަމަށް ވެސް ވިދާޅުވެފަ އެވެ.
އެކަމަކު ޚަރަދު ކުރައްވާނެ ކަމަށް އިމްރާން ވިދާޅުވި ނަމަވެސް އަމަލީ ގޮތުން އެކަން ނުފެންނަ ކަމަށް ފާޑުކިޔާ ފަރާތްތަކުން ބުނެ އެވެ. މީގެ ހެއްކެއްގެ ގޮތުން އެ ފަރާތްތަކުން ފާހަގަ ކުރަނީ ނުވަ މޭލުގެ ދަތުރަކަށް ކޮންމެ ދުވަހަކު ހެލިކޮޕްޓަރުގައި އޮފީހަށް ވަޑައިގަތުމެވެ.
އިންފޮމޭޝަން މިނިސްޓަރު ފަވާދު ޗައުދަރީ ވިދާޅުވީ މޮޓޯކޭޓުގައި ވަޑައިގަތުމުގެ ބަދަލުގައި ހެލިކޮޕްޓަރުގައި އޮފީހަށް ވަޑައިގަތުމުން ތެލުގެ ޚަރަދު ކުޑަ ކަމަށެވެ. އޭނާ ވިދާޅުވީ ހެލިކޮޕްޓަރުގެ ދަތުރަށް ކިލޯ މީޓަރަކަށް ޚަރަދު ވަނީ 50 ރުޕީސް (40 ސެންޓް) ކަމަށެވެ.
އިންފޮމޭޝަން މިނިސްޓަރު އެހެން ވިދާޅުވުމުން ގިނަ ބަޔަކު ވަނީ ޖޯކް ޖަހަން ފަށައިފަ އެވެ. އެއްބަޔަކު ބުނެފައި ވަނީ މެޓްރޯ ބަސް ހުއްޓާލުމަށް ފަހު ހެލިކޮޕްޓަރުގައި ދަތުރު ކުރުން މާ ރަނގަޅުވާނެ ކަމަށެވެ.
ޕާކިސްތާނުގެ ބޮޑު ވަޒީރުގެ ހެލިކޮޕްޓަރުގެ ދަތުރަށް ހަގީގަތުގައި ގަޑިއަކު 200،000 ރުޕީސް (1،633 ޑޮލަރު) ހޭދަވާ ކަމަށް ސޮސައިޓީ އޮފް އެއާ ސޭފްޓީ އިންވެސްޓިގޭޝަން ޕާކިސްތާނުގެ ރައީސް ސައިދު އަހުމަދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
201201
20 September 2018
އަސްލު ރައްޔިތުންނައް މާ ބޮލައް ފަސޭހަވާނެ ވެރިން މަގުތައް ބްލޮކް ނުކޮއް ހެލިކޮޕްޓަރުގަ ދިޔައީއާ...
ހައީޓް
20 September 2018
ތިޔަހެން އުޅުނު 2008ގައި ވެރިކަމަށް ހޮވުނު ސޮރަކު . އާކރުގައި 2މިލިޔަން ރުފިޔާގެ ކައިފައި އޮތީ އެކި މިނިސްޓްރީން......މިނިސްޓަރުން. ކަނޑު އަޑީގައި ކެބިނެޓް ބޭއްވުމަށް 5މިލިއަން ރުފިޔާ ބޭކާރު .ކޮބާ ލިބުނު ތަރައްޤީއެއް އެކަމުން. ދެން މިކިޔާނީ ބްރިޖް މާ އަގުބޮޑޭ 500ޑޮލަރުން ވެސް އެޅިދާނެ. އަޅެ އަގު ހުށައަޅާ ބަލަ އިބޫ މަށަށް . މަދޭނަށް 500ޑޮލަރ ބުރިޖް އަޅަން.. ކޮސް ނުގޮވަބަލަ . މއިަދު ކައިފަވެސް ކަން ކޮށްފިޔޭ ، ހެވޭ ކެޔަސް ކަން ކުރަނިކޮށް ނިމުނީ
ނަން
19 September 2018
ސެކިއުރިޓީ އަށް ބަލާއިރު ތީ ވަރަށް ގަޅި ކަމެއް. ޚާއްސްކޮށް ޕާކިސްތާނު ކަހަލަ ގައުމެއްގަ.
އަބްދުއްލާ
19 September 2018
މިއީ ހާލަތަކީ ކާރު ވިއްކާލާފަ ހިގާފަ ނުދެވޭ މިދެވެނީ ހެލިކޮޕްޓަރުގަ
falaku ain
19 September 2018
ވަޢުދާ ހުވާކުރާނެޔޭ އެހަނދާން ނެތޭނެޔޭ. މިގައުމުގެ މިހާރުގެ މީހާވެސް ވިދާޅުވީ ތިމަންނަ ދިރިއުޅޭނީ އަމިއްލަ ގޭގަޔޭ. ދައުލަތުގެ ފައިސާއިން ގޭގެ ތަންތަން ހަދާ ނިމުނީމާ ބަދަލު އެވީ ދައުލަތުގެ ޢިމާރާތަށް. ގައުމުގެ އެސެޓް ވިއްކާތީ ފަޔަށް ހިނިއަރައިގެން އުޅެފައި ވެރިކަން ލިބުނީމާ ގައުމު ވިއްކާލީ.
ބުލެކް
19 September 2018
2008 އޑޕއައީ ކޮރަޕްސަން ފިލުވަންސޯ އޭރު ލިސްޓް ހަދާގެން ލޯން ސްޓާރ ލިސްޓް ހިފާގެން އެކަމު ވެރިކަން ލިބުނީމަ ހިތުހުރި ގޮތަކަށް ކާލީ ތީ އޑޕ އަމަލާ ބަހާ ދިމާވާ ބައެއްނޫން ތީ އަދިވެސް ހަމަ އެއްބައެއް ތިޕާޓީގައި ކުރިޔައް ތިބީ ދޯ މާރީ
ސައިނީ
19 September 2018
ބަލަން ތިބޭ މިރާއްޖޭގެވެސް ހާލު ދުވަސް ކޮޅަކުން މިކަމަށް ސަމާލުވޭ ތަރައްގީ ކުރިޔައް ވެރިކަން ބަދަލުކޮށްގެން ރައްޔިރުންނަށް ވީއެވެސް ކަމެއް ނެއް އަލުން މިގައުމުތަކުގައި މިޖެހެނީ ކުރިމަސައްކަތައް ކުރަން
ކަލޯގެއާ
19 September 2018
ކޮބާ އެއްޗެއް ވިސްނިއްޖެ! ވެރިކަމުގެ ހުވާކުރި ހަފްތާގަ ފައިމަގުގަ! ދަޅަދައްކާނިމުމުން ދެން ކޮޕްޓަރުގަ! މީދެއުޅިއެއްނެއް މީހަކައް ބަދަލަކައް ވޯޓުދިނުމުން ވާގޮތަކީ!
ޙުސެން
19 September 2018
ޜަގަޅު އެކަކުވެސް ނެއް
ރިޔާދޯނި
19 September 2018
ތީ މިގައުމުގެ ހާލަތުން ފެނިފަވާކަމެ. ދެންއޮތީ މިފަހަރު ވެރިކަން ލިބިއްޖެނަމަ ހަރަދު ކުޑަކުރަން ލޯނުދައްކަން ބޭރުގެ ކުންފުނިތަކަށް އެއާރޕޯޓާ ކުންފުނިތަ ދޫކޮއްލާނެ.. އަދި މިހާތަނަށް ހުރިހާ ގައުމަކުން ފެންނަނީ މިކަހަލަ ދަޅަޔަށް ހެއްލިގެން ވެރިކަންދިން ގައުމުންތަކުން ފެންނަނީ މިފަދައިން ވެރިކަންކުރާމީހުން.. ކެންޕޭނުގަ ދައްކާވާހަކަ ވެރިކަންލިބުނީ އެހަދާންނެތޭނެ. އެހެންވީމަ ލޯނު ނެގިމީހަކު ލޯނުދައްކާނެކަން ބުނެބުނެ ހުއްޓާ ލޯނު ދެއްކޭނެ ގޮތެނެތޭ ބުނާމީ