ހަތަރު މެމްބަރެއްގެ ގޮނޑީގެ މައްސަލަ އަންނަ ހަފުތާގައި ފަށަނީ

ގޮނޑި ގެއްލިފައިވާ ކަމަށް ކަނޑައަޅާފައިވާ ހަތަރު މެމްބަރުން: އެ ބޭފުޅުންގެ ގޮނޑީގެ މައްސަލަ އަންނަ ހަފްތާގައި ސުޕްރީމް ކޯޓުގައި ބާއްވަން ވަނީ ހަމަޖައްސާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

27 ސެޕްޓެމްބަރ 2018 - 22:43

13 comments

ރައްޔިތުންގެ މަޖިލީހުގެ މެމްބަރުކަމުގެ ގޮނޑި ގެއްލިފައިވާ ކަމަށް ކަނޑައަޅާފައިވާ ހަތަރު މެމްބަރެއްގެ މައްސަލަ އަންނަ ހަފުތާގައި ސުޕްރީމް ކޯޓުގައި ބާއްވަން ހަމަޖައްސައިފި އެވެ.

އަންނަ ހަފުތާގައި ސުޕްރީމް ކޯޓުގައި ބާއްވަން ހަމަޖައްސާފައިވަނީ ދިއްދޫ ދާއިރާގެ މެމްބަރު އަބްދުއްލަތީފް މުހައްމަދާއި މަޑުއްވަރީ ދާއިރާގެ މެމްބަރު މުހައްމަދު އަމީތުގެ އިތުރުން ވިލިނގިލީ ދާއިރާގެ މެމްބަރު ސައުދު ހުސައިން އަދި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމްގެ މެމްބަރުކަމުގެ ގޮނޑީގެ މައްސަލަ އެވެ. އެ ހަތަރު ބޭފުޅުންނަކީ ޕީޕީއެމް ދޫކޮށް، އިދިކޮޅާ ގުޅިވަޑައިގަތުމުން ގޮނޑި ގެއްލުނު ކަމަށް އެންމެ ފުރަތަމަ ކަނޑައެޅި ހަތަރު ބޭފުޅުންނެވެ.

އެ މައްސަލާގައި ވަހީދު އާއި ސައުދުގެ މައްސަލަ ބާއްވަން ހަމަޖައްސާފައިވަނީ އަންނަ ހޯމަ ދުވަހު އެވެ. ލަތީފް އާއި އަމީތުގެ މައްސަލަ ބާއްވަން ހަމަޖައްސާފައިވަނީ އަންގާރަ ދުވަހު އެވެ.

އެ މައްސަލަތައް ބައްލަވާނީ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ ހިމެނިވަޑައިގަންނަވާ ގޮތަށް، ސުޕްރީމް ކޯޓުގެ ފުލް ބެންޗުންނެވެ.

މަޖިލީހަށް އިންތިޚާބުވި ޕާޓީން ވަކިވާ ނުވަތަ ވަކިކުރާ މެމްބަރުންގެ ގޮނޑި ގެއްލޭ ގޮތަށް މިދިޔަ އަހަރުގެ ޖުލައި މަހު ސުޕްރީމް ކޯޓުން ކުރި ހުކުމާ ގުޅިގެން ލަތީފާއި އަމީތާއި ސައުދާއި ވައްޑެގެ އިތުރުން އިތުރު އަށް މެމްބަރެއްގެ ގޮނޑި ގެއްލިފައިވާ ކަމަށް ވެސް ކަނޑައެޅި އެވެ. އެކަމަކު މިދިޔަ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރުގައި ކަނޑައެޅީ އެ ހުކުމުގެ ދަށުން އެއްވެސް މެމްބަރެއްގެ ގޮނޑި ނުގެއްލޭ ކަމަށެވެ.

އެ އަމުރާ ގުޅިގެން ކުއްލި ނުރައްކަލުގެ ހާލަތު އިއުލާންކޮށް، އޭރުގެ އުއްތަމަ ފަނޑިޔާރު އަބްދުﷲ ސައީދާއި އޭރު ފަނޑިޔާރަކަށް ހުންނެވި އަލީ ހަމީދު ހައްޔަރު ކުރި ފަހުން ސުޕްރީމް ކޯޓުން ވަނީ އެ އަމުރުގެ އެ ބަޔަށް އަމަލު ކުރުން ފަސްކޮށްފަ އެވެ. އަދި ދައުލަތުން ހުށަހެޅި މައްސަލައަކާ ގުޅިގެން ސުޕްރީމް ކޯޓުން މިދިޔަ ޖުލައި މަހު ވަނީ އެ އަމުރުގެ އެ ބައި ބާތިލްކޮށްފަ އެވެ.

އެކަމަކު އެ އަމުރު ބާާތިލްކުރަމުން ސުޕްރީމް ކޯޓުން ބުނެފައި ވަނީ އެ މެމްބަރުންގެ މައްސަލާގައި އެ ކޯޓުގެ ނިހާއީ ހުކުމެއް އަންނަން ޖެހޭ ކަމަށެވެ.

މިދިޔަ މާޗް މަހު މަޖިލީހުން ވަނީ ޕާޓީން ވަކިކުރާ ނުވަތަ ވަކިވާ މެމްބަރުންގެ ގޮނޑި ގެއްލޭ ގޮތަށް އެންޓި ޑިފެކްޝަންގެ ގާނޫނެއް ފާސްކޮށްފަ އެވެ. އެ ގާނޫނު ފާސްކުރީ މިދިޔަ އަހަރުގެ ޖުލައި މަހާ ހަމައަށް ވެސް އެ ގާނޫނު ހިނގާ ގޮތަށެވެ. އެ ގާނޫނު ބާތިލްކުރަން އިދިކޮޅު ފަރާތްތަކުން ސުޕްރީމް ކޯޓަށް ހުށަހެޅި މައްސަލާގައި އެ ކޯޓުން ނިންމީ އެ ގާނޫނު ސައްހަ ކަމަށެވެ.

ސުޕްރީމް ކޯޓް އިދިކޮޅު ފަރާތްތައް މުހައްމަދު ވަހީދު އިބްރާހިމް (ވައްޑެ) އަބްދުއްލަތީފު މުހައްމަދު (ދިއްދޫ ދާއިރާ) މެމްބަރު މުހައްމަދު އަމީތު މެމްބަރު ސައުދު ހުސެއިން (ވިލިނގިލި)

13 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރީތި މޫސަ

28 September 2018

ތިމީހުން ބޭނުގޮތެއްނުވެއްޖިއްޔާ ޕާޓީދޫކޮށްދާނެ އަދިވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތާރޭ

28 September 2018

އިންތިހާބު ނިމެންދެން ކުރިންވެސް ރައްޔިތުން ތެރޭވާހަކަ ދެކެވުނު ގޮތަށް މަޑުކޮށްގެން ގޮތެއްނުނިންމާ ތިބީ މިމީހުން ޖެހޭ ވީއެންމެ އަަވަހަކަށް ބަދަލު ކުރަން އިންޓެގްރިޓީ ކިޔާއެއްޗެއް ނުވެސް ދަންނަނީ ތޯއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުނބޯ

28 September 2018

މި ހުރިހާ މުއައްސަސާ ތަކެއް ރައްޔިތުން ނުކުމެ ހުރިހާ ވައްތަރެއްގެ ކެމިކަލް ޖަހައިގެން އެތަންތަން ދޮވެ ތޯޙިރު ކުރަންޖެހޭ. އޭގެ ފަހުގައި އިތުރު ކަމަކާއިގެން ވިސްނަންވީ. މި ނޫން ގޮތަކަށް ރައްޔިތުން ކަން ކޮއްފި ނަމަ ދެންވެސް ރައްޔިތުން ނަށް ލިބޭނީ ދޯކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންދީމަންދީ

28 September 2018

ރައްޔިތުންގެ މަޖްލީހަށް ސިޔާސީ ޕާރޓީ ނަމުގައި މެމްބަރުން ހޮވާފައިވަނީ އެއީ ސިޔާސީ ޕާރޓީ ތަކުގެ ސިޔާސަތު ކުރިއަރުވަން އެގޮތުން ޕީޕީއެމް ގެ މެމްބަރުން ވޯޓް ދީގެން ހޮވާފައިވާ 4 މެމްބަރުން ތިޔާ 4 މެމްބަރުންނަކީ އެ 4 މެމްބަރުން ވަނީ އެމެން ބޭނުންވާ ބަޔަކަށް ސަރުކާރުގެ ކޮންޓްރެކްޓްސް ތައް ނުދީގެން ސަރުކާރާއި ދެކޮޅަށް ނިކުމެ އިދިކޮޅު ކްރިޓިކްސް އަތުން ރިޝްވަތު ނަގައިގެން މިކަން ކުރި މީހުންނޭ މިމެންގެ ގޮނޑި ޖެހޭނީ ގެއްލެން އިޓްސް ފްލޯރ ކްރޮސިންގް ދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިސްވޭއޭ

28 September 2018

ހަތަރު މެމްބަރެއްގެ ގޮނޑީގެ މައްސަލަ އަންނަ ހަފުތާގައި ފަށަނީ ނަމަ އެކަމަކީ އެއީ މަމެން އުފާކުރާ ކަމެކޭ ސްޕްރީމް ކޯޓުން ވެސް ދަންނަން ޖެހޭނެ ސިޔާސީ ޕާރޓީ ތަކުގެ ނަމުގައި މެމްބަރުން މަޖްލީހަށް ހޮވަނީ އެއީ ޕާރޓީ ނަމުގައި ޕާރޓީ ބޭނުންވާ ގާނޫނު ތައް ފާސް ކޮށް ދޭން އެކަމަކު އެއާއި ޚިލާފަށް ރިޝްވަތުގެ ފައިސާ ބޭނުން ކޮށް ގެން ޕާރޓީ ނަމުގައި ހޮވާ މެމްބަރުން މަސައްކަތް ކުރާނަމަ އެމެންގެ މެމްބަރުކަމުން ވަކިވާން ޖެހޭނެއޭ އެއީ ކޮރަޕްޓް ފްރީ ގޮތަކީ.