03 އޮކްޓޯބަރ 2018 - 22:52
5 comments
އިންތިހާބީ ރައީސް އިބްރާހީމް މުހައްމަދު ސޯލިހް (އިބޫ) އާއި ފޮރިން ސެކްރެޓަރީ އަހުމަދު ސަރީރު މިއަދު ބައްދަލު ކުރައްވައިފި އެވެ.
އިބޫގެ ކެމްޕެއިން އޮފީހުގައި ދެ ބޭފުޅުން ބޭއްވި ބައްދަލު ކުރެއްވުމަށް ފަހު ސަރީރު ކުރެއްވި ޓްވީޓެއްގައި ވަނީ އިބޫ އަށް ހޫނު މަރުހަބާއެއް ވިދާޅުވެ ކާމިޔާބު ދުވަސްތަކަކަށް އެދިވަޑައިގެންފަ އެވެ.
މިއަދު މެންދުރު ބޭއްވި އެ ބައްދަލު ކުރެއްވުމާ ގުޅޭ އިތުރު ތަފްސީލެއް އެއްވެސް ފަރާތަކުން ހާމައެއްނުކުރެ އެވެ.
An honour to pay a courtesy call on President-elect Hon. @ibusolih, offered my warm congratulations and well wishes for the days ahead. pic.twitter.com/kRxcbJ7jOR
— Ahmed Sareer (@AhmedSareer) October 3, 2018
ސަރީރު މިއަދު ކުރެއްވި ޓްވީޓް--
ރިޔާސީ އިންތިހާބު ބޮޑު ތަފާތަކުން ކާމިޔާބު ކުރެއްވުމަށް ފަހު އިބޫ ގެންދަވަނީ ދައުލަތުގެ އިސް މަގާމުތަކުގައި ތިއްބެވި ބޭފުޅުންނާ ބައްދަލު ކުރައްވަމުންނެވެ. އަދި އިންތިގާލީ މަރުހަލާގެ ކަންކަން ބެލުމަށް އިބޫގެ ފަރާތުން ކަނޑައަޅާފައިވާ ޓީމުތަކުން އަންނަނީ މިނިސްޓްރީތަކާއި އެކިއެކި ވުޒާރާތަކާ އެކުގައި މަސައްކަތް ކުރަމުންނެވެ.
އިބޫގެ ތަރުޖަމާން މާރިޔާ އަހުމަދު ދީދީ ވިދާޅުވިގޮތުގައި އިންތިގާލީ މަރުހަލާގެ ކަންތައްތަކަށް ސަރުކާރުގެ ހުރިހާ އިދާރާއަކުން ފުރިހަމަ އެއްބާރުލުން ލިބެ އެވެ. އެ ކަންކަން ވަރަށް އަމާންކަމާ އެކުގައި އެއްވެސް ދައްޗަކާ ކުރިމަތިނުވެ ކުރަމުން އަންނަ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްޓާއިންދައްކަނީ ބަރަށްބަރު
04 October 2018
އެމީހަކު އަނެއް މީހާއަށް މިނާނީ އެމީހަކަށްވެސް މިނި ނާޅިންނެވެ. ކައްޕިއަކީ ދިވެހި ރައްޔިތުންނާމެދު ކަތި ނަޒަރުން ބެލިމީހެކެވެ. ދިވެހި ރައްޔިތުން މިއަދު އޭއަށްވެސް ބަލާނީ ހަމަ ކަތި ނަޒަރުންނެވެ.
ކަރަންޖޫ
04 October 2018
ދެފުއްކެހެރިން!
ޝައުކަތު
04 October 2018
ފޮރިން ސެކްރެޓަރީއަކީ ސިޔާސީ މަގާމެއް ނޫން އަދި އެފަދަ ބޭފުޅެއްވެސް ނޫން ސަރީރަކީ
ފޮނިޓައްޕު ހަސަނު
04 October 2018
ކޮބައިތަ ޔާމީނު. އަވަހަށް މި ސަރީރުވެސް ވަޒީފާއިން ވަކިކުރޭ.
ޢަހުމަދު ހަމީދު
04 October 2018
ސަރީރު އަކީ ވަރަށް ޕްރޮފެޝަނަލްކޮށް މަސައްކަތް ކުރައްވާ ދިވެހި ޚާރިޖީ ދާއިރާގައި 30 އަހަރަށްވުރެ ގިނަ ދުވަހު ޚިދުމަތްކޮށްދެއްވާފައިވާ ކިޔަވައިގެން ހުރި މޮޅު ދިވެހި ދަރިއެއް. އޭނާ ކަހަލަ ޕްރިފެޝަނަލް ބޭފުޅުން ކޮންމެ ސަރުކާރަކަށްވެސް މުޙިއްމު!