ގޮނޑި ގެއްލުނު ކަމަށް ކަނޑައެޅި މެމްބަރުންގެ ތެރޭގައި ހިމެނޭ އަމީތު ނޫސްވެރިންނާ ވާހަކަ ދައްކަނީ: އޭނާ އާ އެކު އިތުރު ތިން މެމްބަރެއްގެ ގޮނޑި ގެއްލުނު ކަމަށް ކަނޑައެޅި މައްސަލަ މާދަމާއަށް ވަނީ ތާވަލް ކޮށްފައި --ފޮޓޯ/މިހާރު
07 އޮކްޓޯބަރ 2018 - 14:29
18 comments
ރައްޔިތުންގެ މަޖިލީހުގެ މެމްބަރު ކަމުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައެޅި ހަތަރު މެމްބަރުންގެ މައްސަލަ މާދަމާ ނިންމުމަށް ސުޕްރީމް ކޯޓުގައި ތާވަލްކޮށްފި އެވެ.
މަޖިލީހަށް އިންތިޚާބުވި ޕާޓީން ވަކިވުމުން ނުވަތަ ވަކި ކުރުމުން މެމްބަރުކަމުގެ ގޮނޑި ގެއްލޭ ގޮތަށް މިދިޔަ އަހަރު ސުޕްރީމް ކޯޓުން ކުރި ހުކުމާ ގުޅިގެން އިލެކްޝަންސް ކޮމިޝަނުން ގޮނޑި ގެއްލުނު ކަމަށް ކަނޑައެޅީ ހަތަރު މެމްބަރެކެވެ. އެއީ ވިލިނގިލީ ދާއިރާގެ މެމްބަރު ސައުދު ހުސައިނާއި ދިއްދޫ ދާއިރާގެ މެމްބަރު އަބްދުއްލަތީފް މުހައްމަދާއި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމްގެ އިތުރުން މަޑުއްވަރީ ދާއިރާގެ މެމްބަރު މުހައްމަދު އަމީތެވެ. މާދަމާ ސުޕްރީމް ކޯޓުގައި ބާއްވަނީ އެ ހަތަރު ބޭފުޅުންގެ މައްސަލަ އެވެ.
ސުޕްރީމް ކޯޓުގެ ފުލް ބެންޗުން ބައްލަވާ އެ ހަތަރު ބޭފުޅުންގެ މައްސަލައިގެ އަޑުއެހުންތައް މިދިޔަ ހަފުތާގައި އެ ކޯޓުން ވަނީ ނިންމާލައިފަ އެވެ. އެ މައްސަލަ މާދަމާ އަށް ތާވަލްކޮށް، މެމްބަރުންނަށް ޗިޓް ފޮނުވާފައިވާ ކަމަށް ވަނީ އެނގިފަ އެވެ. މާދަމާ އޮންނާނީ އެ މައްސަލައިގެ ހުކުމް އިއްވުން ކަމަށް ބެލެވެ އެވެ.
އެ ހަތަރު ބޭފުޅުންގެ އިތުރުން އިތުރު އަށް މެމްބަރެއްގެ ގޮނޑި ގެއްލިފައިވާ ކަމަށް ވެސް އިލެކްޝަންސް ކޮމިޝަނުން ކަނޑައެޅުމުން އެ މައްސަލަތައް އޮތީ އެ ބޭފުޅުންގެ ފަރާތުން ސުޕްރީމް ކޯޓަށް ހުށަހަޅައިފަ އެވެ. އެކަމަކު އެ މައްސަލަތަކުގެ އަޑުއެހުންތައް ސުޕްރީމް ކޯޓުން އަދި ނުފަށަ އެވެ.
އިލެކްޝަންސް ކޮމިޝަނުން މިދިޔަ ހަފުތާގައި ވަނީ 12 މެމްބަރުންގެ ގޮނޑި ގެއްލުނު ކަމަށް އެ ކޮމިޝަނުން ކުރިން ނިންމި ނިންމުން ބާތިލްކޮށް، އެ ބޭފުޅުންގެ ގޮނޑި ނުގެއްލޭ ކަމަށް އަންގައިފަ އެވެ. އެކަމަކު ސުޕްރީމް ކޯޓުން ފަހުން ވަނީ އަމުރެއް ނެރެ، ކޮމިޝަންގެ އެ ނިންމުން ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާބޮޑޭ
08 October 2018
ކަލް ދޯ ބަޖޭ އާއޯ
މޫސާސް
08 October 2018
ލިޔެފައިވާ ޚަބަރު އިތުރަށް ފުރިހަމަ ކުރުމަށް މައްސަލަ ތާވަލް ކުރެވިފައިވާ ގަޑި އޮތްނަމަ
އަސްލުގެ
08 October 2018
ދާއިރާތަކުގެ ރައްޔަތުންއެދެނީ ކޮންމެގޮތަކަށް ހުކުމް އައިކަމުގައިވީނަމަވެސް ތިޔަ މެމްބަރުންނަށް ފާގަތި މުސްތަގްބަލަކަށް!
މަހާރަދުން
07 October 2018
މާދަމާ ވެސް ވާނެ އަދި އެތަކެއް މާދަމާ އެ މާދަމާގެ ފަހަތުގަވެސް އަންނާނެ ހަމަ މިވެސް މާދަމައަކަށް ވާނެ
މަހާރެހެންދި
07 October 2018
ހުކުމް: ދެންފަހެ މި ދެންނެވި ހަތަރު މެމްބަރުންގެ މައްސަލައިގަ ކުރިންވެސް މި ކޯޓުންވަނީ ހުކުމެއް ކޮއްފައެވެ. އަދި މި ހުކުމަށް އިތުރު ބަދަލެއްގެންނަން ނުފެންނަ ކަމަށް މި ކޯޓުގެ 5 ފަނޑިޔާރުންގެ އަޣުލަބިއްޔަތުން ނިންމައިފީމެވެ. މެމްބަރުން: އަޅުގަނޑުމެންގެ ގޮނޑި ނުގެއްލޭ ޑޕޕމ: ހުކުމްގަ އޮތީ ގޮނޑި ގެއްލިއްޖެ ކަމަށް.
ޑިލް ޑީލް ޑީލް
07 October 2018
ތި ތަނުން ކުރާ ކަމަކަށް އިންތިޒާރު ކުރާނެ ކަމެއް ނެތެވެ.
އަޖީތު
07 October 2018
1 އަހަރަށްވުރެ ގިނަ ވުދަސް ފަހުން. މިއީ ދެން ބޮޑުވަރު. ކޮބާތޯ އަނެއް 8 މެންބަރުންގެ މައްސަލަ؟ އަނެއްކާ އިތުރު 1 އަހަރު ފަހުންތޯ ނިމޭނީ؟
ޢަމުރު
07 October 2018
ހުކުން އިއްވުން ފަސްކޮއްފި، މައްސަލަ ތަވާލްކުރުމަށްފަހު ކެންސަލްކޮއްފި.. މީ ވަރަށް އާމު ބަހެކެވެ.
ވާލުސޮރު
07 October 2018
ދުސްތޫރުގަ އޮންނަނީ "ފަނޑިޔާރުން އަމަލުކުރާނީ ގާނޫނު އަސާސީ އާ ގާނޫނަށް" ކަމަށެވެ. "ފަނޑިޔާރުންގެ މަސައްކަތާބެހި ނުފޫޒުފޯރުވައިގެން ނުވާނެ" ކަމަށް ގާނޫނު އަސާސީގަ ލިޔެފަ އޮތީވެސް މިނިވަންކަމާ މުސްތަގިއްލުކަމާއެކު އަދުލަށް ހުކުމް ކުރުމަށް ފަނޑިޔާރުންނަށް ފުރުސަތުދިނުމަށެވެ.
ޝައިމްބެ
07 October 2018
މިހާރު ހުކުމް ކުރުމުގެ މުޢާލާތްކެނޑިއްޖެ.! ދެން ހުކުމް ކުރުން ފަސްކޮށްލާ އަންނަ ދައުރައް މަޖިލިސް ހޮވާދުވަސް ކައިރިވެއްޖެ!. ބައެއް ދުސްތޫރީ މައްސަލަ ވަރަށް އަވަހަށް ނިމޭތަންވެސް ފެނޭ.؟ އަސްލު ބުނަންބޭނުން ވާއެއްޗެއް ބުނެވޭކަށްނެތް.! ސްޕްރީމް ކޯޓުވީއްޔާ.