ކެރޭނުގެ އެހީގައި އަލީ ނަސީމް ގުރާ ސަލާމަތް ކޮށްގެން-- ފޮޓޯ: ފޭސްބުކް
15 އޮކްޓޯބަރ 2018 - 14:28
27 comments
އަގު ބޮޑުކޮށް ގަނެފައިވާ މަކާއޯ ގުރައެއް ގެއްލިގެން މިދިޔަ ހޮނިހިރު ދުވަހުން ފެށިގެން ހޯދަމުން ދަނިކޮށް އެ ދުވަހު އިރުއޮއްސުނު ވަގުތު އެ ގުރާ ފެނުނީ ގަލޮޅު ދަނޑު ކައިރީގައި ހުންނަ މިސްކިތުގެ ގޯތި ތެރޭގައި ބިޔަކޮށް ހެދިފައިވާ ގަހެއްގެ ކުރީގައި އިންދަ އެވެ.
ދޫނީގެ ވެރިޔާ އަލީ ނަސީމް (ތަކަނޭ) ކޮންމެހެން ވެސް އެ ދޫނި ސަލާމަތް ކުރަން ބޭނުންވެ އެވެ. އެއީ އޭނާ 35،000 ރުފިޔާ އަށް ގަނެފައިވާ ދޫންޏެކެވެ. ހޮނިހިރު ދުވަހުގެ އިރުއޮއްސުނު ވަގުތުން ފެށިގެން އޭނާ އެ ގަސްކައިރީ އުޅުނެވެ. ދޫނި ފައިބާނެ ވަގުތަކަށް ބަލަބަލަ އެވެ.
"ގޮވާލީމަ ގުރާ ނައީމަ އެނގިއްޖެ ފައިގަ އިންނަ ޗޭނުގަނޑު ތާށިވެފަކަން އެ އިނީ. އޮފި އެލޭ ގަހެއް. އެ އަށް އެރޭކަށް ނެތް. ވިއްސާރަ ވެސް ދުސްކޮޅެއް ވީމަ،" ދޫނި ހޯދަން ކުރި މަސައްކަތް އޭނާ ކިޔައިދިނެވެ.
ކެރޭނުގެ އެހީގައި އަލީ ނަސީމް ގުރާ ސަލާމަތް ކޮށްގެން-- ފޮޓޯ: ފޭސްބުކް
އެރޭ ނުނިދާ އޭނާ އެ ގަސް ކައިރީގައި އުޅުނީ ގުރާ ހިފޭނެ ގޮތަކާ މެދު ވިސްނުމަށެވެ. އެންމެ ފަހުން އޭނާ އަށް އައި ހިޔާލަކީ ކެރޭނެއްގެ އެހީގައި އޭނާ އެ ހިސާބަށް އަރައި ދޫނި ސަލާމަތް ކުރުމެވެ.
އިއްޔެ 11:00 ހާ އިރު އޭނާ ވަނީ އާރުކޭއެލް އިން 3،000 ރުފިޔާ ދީ ކެރޭނެއް ކުއްޔަށް ހިފައިފަ އެވެ. ކާރޫބާރޫ ބޮޑު މަޖީދީ މަގުގައި ކެރޭން ބާއްވައި އޭގެ ދަނޑީގެ ކޮޅުގައި ބެލްޓް އެޅުވުމަށް ފަހު އޭގެ އެހީގައި އޭނާ ދޫންޏާ ހަމަ އަށް އެރި އެވެ. ވިއްސަކަށް މިނެޓްގެ މަސައްކަތުން އޭނާ ވަނީ ދޫންޏަށް ގެއްލުމެއް ނުލިބި އޭތި ސަލާމަތްކޮށްފަ އެވެ.
ގުރާ ހިފަން ކެރޭނުގައި އަރަނީ-- ފޮޓޯ: ފޭސްބުކް
"އޭރު ދެ ދުވަސް އެވަނީ އެއްޗެއް ނުކައި އޭތި އިންނަތާ. އެހެންވެ އޭތި ކޮއްޖަހާ ހަދާނެވަރު އެނގޭނީ އަހަންނަށް. އެހެންވެ އެރީ،" އަލީ ނަސީމް ބުންޏެވެ.
އޭނާ ބުނި ގޮތުގައި އެ ގުރަ އަށް އެއްވެސް މައްސަލައެއް ކުރިމައްޗެއްނުވެ އެވެ. އެ ގުރާގެ އިތުރުން 45،000 ރުފިޔާ ދީފައި ގަނެފައިވާ އެފްރިކަން ގްރޭ އަކާއި އެމޭޒަން އެއްވެސް އޭނާ ގެންގުޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޒުނާ
17 October 2018
ހަމަމިރަށުގައިވެސް ތިކަހަލަ ދޫނި ގެއްގުޅޭ. ވަރަށް މަޖާ ދޫންޏެއްއެއީ. އެސޮރަށް ގުރުއާން ކިޔަވަދީބަލަ.
ރަދީފްް
16 October 2018
ތަކަންދޫ މީހަކު ދިރިއުޅުމުގެ ޚަރަދުތައްބޮޑު މާލޭގައި ދިރިއުޅެމުން -/35000އަށް މަކާއޯ ގަނެ، މަކޯއޯ ރުޅިހަދާލާފަދިއުމުން އެސޮރު ހޯދުމަށް -/3000 އަށް ކްރޭން ކުއްޔަށްހިފާ، އެފްރިކަން ގްރޭ އާ ކޮކަޓޫ ގެންގުޅެން މަހެއްގަމައްޗަށް -/3000އަށް ވުރެ ގިނައިން ޚަރަދުކޮށް ދެއިރު ދެދަޅައަށް ޖިމްއަށްގޮސް ރީތި ޒުވާން އަންހެންކުދިން ފަހަތައް ލައިގެން ބާރުބާރަށް އަގުބޮޑު ސައިކަލު ދުއްވަނީ ކޮންތާކުން ކިހިނެތް ހޯދާ ލާރިއަކުންބާއޭ ހިތައްއަރާ
އަލިކޮ
17 October 2018
އެއީ ކަލެއާ ބެހޭކަމަކަށް ވާގޮތެއް ބުނެދީބަލަ.
ރަޒާން
16 October 2018
ވަރަށް ސަލި
އަރީ ޝަން
16 October 2018
އެސޮރު ކޮންތާކުން ކޮން ވަޒީފާއެއް އަދާކޮއްގެން ހޯދާ ރުފިޔާއެއްބާ؟؟؟؟؟؟
ޙަސަން އަޙްމަދު
16 October 2018
ދެން ފެންނާނީ އެކަކަށް ވުރެ މޮޅަށް އަނެކަކު ދޭ ލެކްޗަރު. އެއިރުން ކޮންމެ މީހަކަށް ވެސް އިހްސާސްވޭ ތިމާގެ މާތްކަން.
ކެނެޑީ
16 October 2018
ޒައްރެއްގެ މިންވަރުވެސަ ހެޔޮކަމެއްކޮށްފި މީހާ އެކަން ދެކޭނެ
ސާދާސީދާ
16 October 2018
ލާރިގެންގުޅޭ މީހުން ހާދަބައިވަރެއް ގެންގުޅޭ. މިއުޅެނީ ކިޔަވާނެ ލޯނެއް ނުލިބިގެން. ބޭނުންވަނީ ވެސް އެންމެ 200،000 ރުފިޔާ
އަލިކޮ
17 October 2018
ތިއީ 50 ރުފިޔާގެ ހަތަރު ނޫޓެއްނު.
ގުރާ މޯޑު
16 October 2018
ދޫނި ސަލާމަތް ކުރީއޭ؟ އަނެއްކާވެސް އަޅުވެތި ކުރީ ނޫންތަ!
ޓަކަނޭ
16 October 2018
އެއީ މަ އުފަންކުރި ދޫންޔެއްނޫން. ކޮއްޓެއްގަ ނުބައިދަން މަމި ގެންގުޅެނީ ނުލާހިކު ލޯބިން. މަށަކީ ކަންނެލި ބާނާމީހެއް ރުފިޔާ ހުރެ. އެކިމީހުން ހިތްއުފާވަނީ އެކި ގޮތްގޮތުން. މީހަކު ގޮތްނުކިޔާ ގޮތަކައް އެއްކަމެއްވެސް ނުވާނެ
ޢަލީބަލީ
16 October 2018
ދޫންޏަކީ އުދުހޭ އެއްޗެއް. ދެން ބޮޑު ޗޭނު ގަނޑެއް ޖަހައިގެން ގޭ ސިޓިން ރޫމްގަ ބޭންދީމަ ވަރައްހަޑި.