ނަޝީދު ސައުދީ އަށް ފުރާވަޑައިގަތުމުގެ ކުރިން ނަސީމާ އެކު.
15 އޮކްޓޯބަރ 2018 - 17:00
14 comments
ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒްގެ ދައުވަތަކަށް، ކުރީގެ ރައީސް މުހައްމަދު ނަޝީދު އެ ގައުމަށް މިއަދު ފުރާވަޑައިގެންފި އެވެ.
އެމަނިކުފާނުގެ އަރިހުގައި ކުރީގެ ފޮރިން މިނިސްޓަރު އަހްމަދު ނަސީމް ވެސް ބައިވެރިވެވަޑައިގަތެވެ.
އިދިކޮޅު ކޯލިޝަންގެ ކެންޑިޑޭޓު އިބްރާހިމް މުހައްމަދު ސޯލިހް (އިބޫ) އިންތިޚާބު ކާމިޔާބު ކުރައްވާފައި ވަނިކޮށް، ރަސްގެފާނުގެ ދައުވަތު ދައުވަތަކަށް ނަޝީދު މި ކުރައްވާ ދަތުރުފުޅާ ގުޅޭ ތަފްސީލެއް އެމަނިކުފާނު އަދި އެމްޑީޕީއަކުން ވެސް ހާމައެއް ނުކުރެ އެވެ. ރައީސް އަބްދުﷲ ޔާމީނަށް އިންތިހާބު ނާކާމިޔާބުވެވަޑައިގަތްއިރު، އެމަނިކުފާނުގެ މި ދައުރުގެ ތެރޭގައި އެންމެ ބޮޑަށް ގުޅުން ބަދަހި ކުރެއްވި އެއް ގައުމަކީ ސައުދީ އަރަބިއްޔާ އެވެ.
އެއާއެކު ޗައިނާގެ ގުޅުމަށް ބެހެއްޓެވި ޝައުގުވެރިކަމާ އެކު ރާއްޖެއާ ޒަމާންވީ އެކުވެރި ގައުމުތައް ކަމަށްވާ އިންޑި އާއި ސްރީ ލަންކާގެ ބަދަހި ގުޅުން ވަނީ ހީނަރުވެފަ އެވެ.
މިދިޔަ މަހުގެ 23ގައި ރިޔާސީ އިންތިޚާބު އިބޫ ކާމިޔާބު ކުރެއްވުމުން، ރަސްގެފާނު ވަނީ ފޯނުން ގުޅުއްވައި އިބޫ އަށް މަރުހަބާ ވިދާޅުވެފަ އެވެ. އެ ދެ ބޭފުޅުން ވަނީ، ދެ ގައުމުގެ ދެމެދުގައި އޮތް ގުޅުން ވަރުގަދަ ކުރުމާ ގުޅޭގޮތުން ވާހަކަފުޅު ދައްކަވައިފަ އެވެ.
ރަސްގެފާނު ސަލްމާންގެ އިތުރުން ސައުދީގެ ވަލީ އަހްދު މުހައްމަދު ބިން ސަލްމާން ވެސް ވަނީ އިބޫއަށް ގުޅުއްވައި، މަރުހަބާ ދަންނަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
16 October 2018
މިހާރު ސައުދީން ކުރަން އުޅުނުކަންތަ އޯކޭވާނެ. އަވަހަ ފާފްއަތޮޅު ތަރައްގީކުރޭ. މިރާއްޖެ ތަރައްގީ ވާނީ އިންޑިޔާއާ ދުރައްޖެހެވަރަކަ. ޗައިނަ ސައުދީ މިޤައުމުތަކަކީ މިރާއްޖެ ތަރައްގީ ކުރަން ބޭނުންވާ ޤައުމުތަ.އިންޑިޔާ އަކީ މިރާއްގެ އެމީހުންގެ މުށުތެރޭބައްވަން އުޅޭ ބައެއް.
ވަތުބަތާނަ
16 October 2018
ކޮބާތޯ މިއޮއްހާ ދުވަހުލީ ހަޅޭއް؟ މަނަމަ މީހަކު ދައުވަތެއް ދިނަކަސް އެވަރުކޮށްފަ ބޯ އެކޮޅަށް ލާންވެސް ނުކެރޭނެ.
އިބްރާ
16 October 2018
ކިތަންމެ ރުޅިއަޔަސް ލާރި ފޮއްޗެއް ލިބޭނީ ސައޫދީން. އީޔޫއިން އަދި އެމެރިކާއިން ނުދޭނެ ލާރިއެއް. ކާފަރުން ދޭނީ ހަމައެކަނި އަދަދު. ލާރިއެއް ނުދޭނެ. ސައޫދީން ދޭ ލާރީގެ ބަދަލު ރާއްޖެ ހިފަންވެސް ނާންނާނެ. ފ މަޝްރޫއު މިސަރުކާރުން ހިންގާނެކަމަށް އުންމީދުކުރަން
ސައީދާ
16 October 2018
ޖަމާލް ހާޝޮގީ މަތިންހަނދާންވަނީ.
ޥެސްޕާ
16 October 2018
ޢައްސަވާލައްޗޭ ރާއްޖޭގަ ވެސް ނޫސްވެރިން ގެއްލިފަ ވެއްޖޭ، ބައިވެރި ވުމެއް ނެއްތޯ. ޙަޝޯގީ ސަލާން ބުންޔޭ.
ދޮގު
15 October 2018
މިއީ ވަރުގަދަ ޑީލެއް. ނަޝީދަކީވެސް އޭނަ އަށް އެކަނި ވިސްނާމީހެއް. އަނެއްކާވެސް ލަޑުލިބޭނީ އެމްޑީޕީއަށް.
ޅިޔަނާ
15 October 2018
ޢެމްޑީޕީ ކުދިން ރުޅިއަަޔަސް ރައީސުން ސައުދީއާ ގުޅުން ނުކަނޑާނެ. ލައްކަ ލާރި
ކޮބާ..ކޮބާ
15 October 2018
ރ. ނަޝީދު އެހުންނެވީ 44 ދިގްރީ ހޫނު މިން ހުރި ގައުމަކަށް ވަޑައިގަންނަވާއިރުވެސް، ފިނި ހެދުން ތުރުކުރައްވައިގެން.. މެސެޖް ވަރަށް ސާފު.. ވަޑައިގަންނަވާ މައްސަލަ ހޫނު ވިޔަ ނުދެއްވުން... ސާބަހޭ ބޭފުޅާ..
ަޮަސަންގު
15 October 2018
ޔާމީން ބުނެގެން ޑީލްއެއް ހަދާ ޗިޕެއްޖަހަންހެން ހީވަނީ، “އިންތިޚާބު ބާތިލް ކުރުމަށް ދާއިީދުކުރާށޭ، ކެންޕޭން ފަންޑު ސައޫދީން ދޭނަމޭ، ދެން އިންތިޚާބު ބޭއްވޭއިރު ވާދަކުރާށޭ، އޭރުން ހޮވޭނެޔޭ... އީޓީސީ..”
ސަކީނާ
15 October 2018
ޔާމީނަށް ހިމާޔަތްދޭން ޑީލް ނަހަދާތި
ހަސީނާ
16 October 2018
ޖަލު ހުކުމެއްގަ ހުރި ޓެރަރިސްޓަކު ކިހިނެއް އެހެން މީހަކަށް ހިމާުޔަތް ދޭނީ. ކަލޭ ހަމަތަ.