މީހަކު ކޮފީ ބޮނީ: ދުވާލަކަށް ކޮފީއެއް ބިއުމަކީ ރޮޒޭޝާ އިން ރައްކާތެރިކޮށް ދޭނެ ކަމެއް ކަމަށް ދިރާސާއެއްގައި ބުނޭ.
23 އޮކްޓޯބަރ 2018 - 07:27
2 comments
ބައެއް ކަހަލަ ކޮސްމެޓިކްގެ ބާވަތްތައް އުފައްދަން ކޮފީ ބޭނުންކުރާކަން ގިނަ ބަޔަކަށް އެނގޭނެ އެވެ.
ފަހުގެ ދިރާސާއެއްގައި ބުނާ ގޮތުން ކޮފީ ބުއިމަކީ ހަމަށް ވެސް ވަރަށް ފައިދާ ހުރި ކަމެކެވެ. އެގޮތުން ހަމަށް ދިމާވާ އެކި ކަހަލަ މައްސަލަތަކަށް ކޮފީ ބުއިމުން ފަރުވާ ލިބޭކަން ވަނީ ފާހަގަކުރެވިފަ އެވެ.
އެމެރިކަން މެޑިކަލް އެސޯސިއޭޝަން ޑާމަޓޮލޮޖީ ޖާނަލްގައި ޝާއިއުކޮށްފައިވާ އެމެރިކާގެ ބްރައުން ޔުނިވަސިޓީން ހެދި ދިރާސާގައި ބުނީ ދުވާލެއްގެ މައްޗަށް މަދުވެގެން އެއް ތަށި ކޮފީ ބުއިމަކީ ހަމުގެ ބައްޔެއް ކަމަށްވާ ރޮޒޭޝާ އަށް ފަރުވާއެކެވެ. މިއީ މޫނުގެ ހަންގަނޑު ރަތްވާ ސިއްހީ މައްސަލައެކެވެ. ދިރާސާގައި ފާހަގަކޮށްފައިވާ ގޮތުގައި މަހަކު އެންމެ ކޮފީއެއް ބޯ މީހުންނާ ހިލާފަށް ކޮންމެ ދުވަހަކު ކޮފީ ބޯ މީހުންނަށް ރޮޒޭޝާ ތަޖުރިބާކުރަން ޖެހުމުގެ ފުރުސަތު 20 ޕަސެންޓަށް ދަށްކޮށްދެ އެވެ.
ދިރާސާގައި ބުނީ ކޮފީއަކީ ލޭހޮޅިތައް ބެދުމާއި ހަންގަނޑު ރަތްވުން ފަދަ ކަންކަމުން ދުރުކޮށްދޭ އެންޓި-އިންފްލެމެޓަރީ މާއްދާތައް އެކުލެވޭ ބުއިމެއް ކަމަށެވެ.
ވަކިން ހާއްސަކޮށް މޫނުމަތީގެ ރީތިކަމާއި އުޖާލާކަން ދަމަހައްޓަން ބޭނުންވާ ނަމަ ކޮފީއަކީ އެހީއެއް ކަމަށް ދިރާސާގައި ފާހަގަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިލީސް
23 October 2018
ދުވާލަކަށް 5 ކޮފީ ތަށި ބޯން ހަންގަޑަކަށް ބަދަލެއް ނާދެ......... އެ ކީއްވެ؟
އައިއޭމް
23 October 2018
ކޮފީން ހަންގަނޑު ވެސް ރީތިކޮށްދޭނެ ކަމަށް ކަމާއި ބެހޭ މެޑިކަލް ދިރާސާ ތަކުން ދައްކާނަމަ ކޮފީން ހަންގަނޑު ރީތިވާ ރީޒަންސް ތަކަކީ ކޮބައިތޭ އެ އިންގްރީޑިއެންޓްސް އަކީ ކޮބައިތޭ އިންސާނާގެ ހަށިގަނޑުގެ ހަން އުފެދިފައިވަނީ ކިތައް ލޭޔަރ އިން ތޭ އިންސާނާގެ ހަށިގަނޑު ގެ ހަންގަނޑު ޑިޒައިން ކުރެވިފައިވާ އިރު އެވަނީ ވަރަށް ރަނގަޅު ކޭސިން އަކަށޭ ހަންގަނޑުގައި އެއްވެސް ބެއްދުމެއް ނެތި އުފައްދަވާފައިވާ ގޮތް އެއީ މަމެން އަބަދުވެސް އަޖާއިބު ވާ ކަމެކޭ އައި އޭމްސޯ.