މަޖިލީހުގެ ކޮމިޓީ ބައްދަލުވުމެއްގައި ނިހާން ބައިވެރިވެވަޑައިގަންނަވަނީ. -- ފޮޓޯ: މިހާރު
27 އޮކްޓޯބަރ 2018 - 21:46
9 comments
ރައްޔިތުންގެ މަޖިލީހުގެ މެމްބަރުންގެ މުސާރަ ބޮޑު ކުރަން ދެކޮޅު ހައްދަވާ ކަމަށް ޕީޕީއެމްގެ ޕާލަމެންޓްރީ ގްރޫޕްގެ ލީޑަރު، ވިލިމާލެ ދާއިރާގެ މެމްބަރު އަހުމަދު ނިހާން މިއަދު ވިދާޅުވެއްޖެ އެވެ.
މަޖިލީހުގެ އިދާރާގެ ބޭރުގައި ނޫސްވެރިންނާ ވާހަކަ ދައްކަވަމުން ނިހާން ވިދާޅުވީ، މެމްބަރުންގެ މުސާރަ ބޮޑު ކުރަން "ދުވަަހަކު ވެސް" ތާއީދު ނުކުރައްވާނެ ކަމަށެވެ.
"މުސާރައިގެ ކަންތަކުގައި އެންމެ ފުރަތަމަ މިނިޓުގައި ވެސް ތާއީދެއް ނުކުރަން. ފަހުން ވެސް ތާއީދެއް ނުކުރާނަން. އަޅުގަނޑު ގަބޫލު ކުރާ ގޮތުގައި މެމްބަރުންގެ މުސާރަ ކަނޑައަޅަން ޖެހޭނީ ދެން އޮންނަ މަޖިލީހެއްގައި. މި މަޖިލީހުން، އެހެން މަޖިލީހެއްގެ މުސާރަ ކަނޑަ ނޭޅޭނެ،" ނިހާން ވިދާޅުވި އެވެ.
ނިހާން އެހެން ވިދާޅުވިއިރު، ރައްޔިތުންގެ މަޖިލީހުގެ ރައީސް ކަމަށް ހޮވިވަޑައިގެންފި ނަމަ، މެމްބަރުންނަށް ކޮންމެ މަހަކު 150،000ރ. ގެ މުސާރައެއް ދިނުމަށް ހުށަހަޅުއްވާނެ ކަމަށް ވިދާޅުވެ، ޕީޕީއެމްގެ ނައިބު ރައީސް، ފޮނަދޫ ދާއިރާގެ މެމްބަރުން އަބްދުއްރަހީމް އަބްދުﷲ ވަނީ މަޖިލީހުގެ ރައީސް ކަމަށް ވަޑައިގަތުމުގެ ކެމްޕެއިން ފައްޓަވައިފަ އެވެ. އަބްދުއްރަހީމް އެ ކެމްޕެއިނެއް ފެއްޓެވީ، ޕީޕީއެމް/އެމްޑީއޭ މެމްބަރުން ހިމެނިވަޑައިގަންނަވާ ގޮތަށް 51 މެމްބަރުންގެ ސޮޔާ އެކު، މަޖިލީހުގެ ރައީސް އަބްދުﷲ މަސީހްގެ މައްޗަށް އިތުބާރު ނެތް ކަމުގެ މައްސަލައެއް ހުށަހެޅުމުންނެވެ.
Alhugan’dah Majilis Raees kan libijje nana membarunge musaara 150,000/- ah hama jahsan hushahalhaanan.IA #ManifestoAR
— Abdul Raheem Abdulla (@Banafsaa) October 24, 2018
މެމްބަރުންގެ މުސާރަ 150،000ރ. އަށް ބޮޑުކުރުމަށް ހުށަހަޅުއްވާނެ ކަމަށް ވިދާޅުވެ އަބްދުއްރަހީމް ކުރެއްވި ޓުވީޓު
މަޖިލީހުގެ މެމްބަރެއްގެ މުސާރަ އަކީ މިހާރު 62،500ރ. އެވެ. އަދި ކޮމެޓީތަކުގެ ބައްދަލުވުންތަކަށް ވަޑައިގަންނަވާ މެމްބަރުންނަށް 20،000ރ. ގެ އިނާޔަތެއް ލިބިވަޑައިގަންނަވަ އެވެ.
ނިހާން ވިދާޅުވި ގޮތުގައި އަބްދުއްރަހީމް ފާޅު ކުރެއްވީ އަމިއްލަ ހިޔާލެކެވެ. އެއީ، އަބްދުއްރަހީމްގެ އަމިއްލަ ނިންމެވުމެއް ކަމަށާއި ޕީޕީއެމް ޕާލަމެންޓްރީ ގްރޫޕްގެ މެމްބަރުންނާ މަޝްވަރާ ކުރައްވައިގެން ނިންމެވި ނިންމެވުމެއް ނޫން ކަމަށް ވެސް ނިހާން ވިދާޅުވި އެވެ.
މަޖިލީހުގެ މެމްބަރުންނަށް ހާއްސަ ކޮށްގެން ހެދި އިމްތިޔާޒުގެ ގާނޫނުގައި މެމްބަރުންނާ ހުތުރު ބަހުން މުހާތަބު ކުރާ މީހުންނަށް ޖިނާއީ ދައުވާ ކުރެވޭ ގޮތަށް އޮތް އޮތުމަށް ދެކޮޅު ވެސް ހައްދަވާފައިވާނެ ކަމަށް އޭނާ ވިދާޅުވި އެވެ. އިމްތިޔާޒްގެ ގާނޫނު މަޖިލީހުން އެންމެ ފުރަތަމަ ފާސް ކުރީ އެ ބައި ހިމަނައިގެންނެވެ. އެކަމަކު، މެމްބަރުންގެ ދެކޮޅު ހެދުންތަކާ ގުޅިގެން، އެ ބައި ވަނީ އެ ގާނޫނުން އުވާލައިފަ އެވެ.
މަޖިލީހުގެ ރައީސް ކަމަށް ގެންނަން އިދިކޮޅު ފަރާތްތަކުން ފާސްކޮށްފައި ވަނީ މާމިގިލީ ދާއިރާގެ މެމްބަރު އަދި ޖުމްހޫރީ ޕާޓީގެ ފައުންޑަރު ގާސިމް އިބްރާހިމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޭޓުގެ އަނބިމީހާގެ ފިރިމީހާ
28 October 2018
ނިހާނު ދަމަންތިއުޅޭ ރޯނުގައި، އެއްވެސްދިވެއްސަކު ނުޖެހޭނެ. މަޖިލީސްމަތިން ހަނދާންނައްތާލުން މާރިވެތިވާނެ. ހޮވޭނެކަމުގައި ދެކޭނަމަ ކުރިމަތިލާންވީ. ނުހޮވިއްޖިއްޔާ ގަންނަންޖެހޭލަދު މާބޮޑުވާނެ.
ކޮބާ..ކޮބާ
28 October 2018
ނިހާނޫ.. އިންޑިޔާ އަށް ނާރުވާ ބޭރު ކޮށްލީމާ، މާލޭ އިންޑިޔާ އެމްބަސީ ދޮށުގަ ހުރެގެން ބެވި ގަދަފަދަ ބޭފުޅާ މިހާރު ކުޑަ ކަކޫ މަތީ އިންނަވައިގެން ތިޔަ ދައްކަވަނީ ކޮންފަދަ ވާހަކަ އެއްތޯ؟
ޔަސް
28 October 2018
ޤައުމާ ދޭތެރޭ ވިސްނާ ހެޔޮއެދޭ މީހަކު ކަމުގައި ވަންޏާ އެއްވެސް ސިޔާސީކަމެއްގައި ނުއުޅުން ބުއްދިވެރި، މިހާތަނަށްވެސް ކުރެވިފައި ހުރި ކަންކަމުން ރައްޔިތުންނަށް ވި ފައިދާއަށްވުރެ ވި ގެއްލުން ބޮޑީ. ސިޔާސީ ގޮތުންނާ އެހެނިހެން ގޮތްގޮތުން ތަސައްރަފު ފުދި ޤައުމާއި ރައްޔިތުންނާ ދޭތެރޭ ރަނގަޅަށް ވިސްނޭ ދުވަހަކުން އަލުން އެބުރި އައުމަށްވެސް ބުނެލަން
އަޖީތު
28 October 2018
ނިހާނަށް އޮތީ މި 5 އަހަރު ހިތް ފުރޭވަރަށް ލިބި، ބޭނުންވަރަށް ފްލެޓުތައްވެސް ހޯދިފައި.
އަމީލް
28 October 2018
މެންބަރުންނަށް މިހާރުވެސް ރަނގަޅު މުސާރައެއް ލިބޭ އަދި އާއިލާއަށާއެކު އާސިޔާނު ގައުމުތަކުން ބޭސްފަރުވާ ކުރެވޭ.
ތުއްތުނާ
27 October 2018
ދައްކާނެ ވާހަކައެއް ނެތިގެން ކޮންމެވެސް އެއްޗެކޭ ބުނެލީ....... ބަލަ ކޮންބައެއް އުޅެނީ އަދުރޭ މަޖިލީހުގެ ރައީސް އަކަށް ގެނެސްގެން މުސާރަ ބޮޑު ކުރަން.........
ހިތާދޫ ފޮށާ
27 October 2018
މިހާރު މިފެންނަނީ އަސުރުމަލުގެ ފިޔައަކަށްފަހު ފިޔައެއް ނެއްޓޭތަން. ރިޔާޒު ފިޔަޔާ ރެޑްވޭވުފިޔަވެސް އެހުރީ ދެން ހަމަ ނެއްޓިފާ. ދެން ނިހާނުފިޔަވެސް އިސާހިތަކު....
އާރީ
27 October 2018
އަހަރެންމީ ދިވެހިރާއްޖޭއަށް ރުފިޔާވަންނަ މައިދޮރާށި ކަމުގައިވާ ވެލާނާއިންޓަރނޭސަނަލުގަ މަސައްކަތްކުރާ މުއަށްޒަފެއް. އަހަރެންގެ ބޭސިކު މުސާރަ އަކީ 4400ރ އެލެވެންސުތަކާއި އެއްކޮށް 10000ރ ޖެހެނި. ގެ ކުލި 10000ރ ކަރަށްޓް ބިލު ފެންބިލު ކެއުންކޮބާ. ސަލާން ޖައިގެންނާއި އެގޮތް މިގޮތުން މަސްނިމޭއިރު ކުލި ދައްކާފަ ބިލުދައްކާފަ ދެކޮޅު ޖަންސަނި. އެކަމް މަތީފަންތީމީހުން 35000ރ މުސާރައާއި އިލަވަންސާ ނިކުންދުވަހަށް އިލަވަންސާ ދުންވާނި ކާރު. މި ތަފާތު ކުރުންތައް ނަންތާލައިގެން ނޫނީ ކިހިނެން ރަަށްއިތުމީހާ ޖީބު މުންސަދިވާނި.
ވާލުސޮރު
27 October 2018
ނިހާން ގެ ވާހަކަ ބަރާބަރު! މުސާރަ ބޮޑުކޮށްފިއްޔާ ޕެންޝަން ފަންޑް އަށް ކަނޑާއެއްޗެއްވެސް ބޮޑުވާނެ. އެހެންވެ ދެން ހަދާނެގޮތަކީ ލިވިން އެލަވަންސް 50 ހާސް، ހާޒިރީ އެލަވަންސް 40 ހާސް، ކޮމިޓީ އެލަވަންސް 30 ހާސް، ޗުއްޓީ އެލަވަންސް 30 ހާސް އަށް ބަދަލުކޮށްލާނީ. ދެން އަސާސީ މުސާރަ ހަމަ އޮތްވަރަށް ބާއްވާނީ! ރާއްޖޭގެ ބޮޑެތި ބައެއް ކުންފުނިތަކުންވެސް ގެންގުޅެނީ މި ސިޔާސަތު. ޕެންޝަން ފަންޑް ފެށުމާއެކު މުސާރަ %50 ކުޑަކޮށްފަ އަނެއްބައި ހެދީ އެލަވަންސް އަށް.